عنايتي وانا حامل ... حياكم محتاجه تعليقاتكم ونصايحكم

[حواء غرابيل]

بسم الله الرحمن الرحيم
شخباركم حبايبي.

بما اني ما احب الخلطات والدبق والتنقع سويت لي برنامج عنايه وماشيه فيه تمام صارلي اسبوعين.

المهههههههم.

جدولي كالتالي ....

عنايتي اليوميه.....
http://i.imgur.com/6nN3u.jpg

*للجسم والمنطقه الحساسه.
سكنول ليمووون غراااامي.
غسول وبودره من فيم فريش للمنطقه الحساسه.
غسول جونسون للاطفال.
غسول طبي صارفته لي الدكتوره.
سنفره كاااب غنيه التعريف لكامل الجسم.
وصابونه فير اند وايت ما استغنى عنها شي شي.


http://i.imgur.com/p01fa.jpg

للترطيب.
فازلين بزده الككاو
زيت جونسون
كريم صارفته لي الدكتوره لتشققات البطن مافيني تشققات بس استخدمه عشان ماتطلع لي بعد الولاده.


http://i.imgur.com/bTj0I.jpg

للوجه والرقبه والايد.
بخاخ ماي ورد.
زبادي اكتيفيا.
غسول اولاي.

http://i.imgur.com/97yB2.jpg

للشفايف والاسنان.
غسول مضمضه للاسنان.
معجون سقنال و كرست.
خيط للاسنان.
سنفره سكر وزيت زيتون للشفايف.
زبده الرمان للشفايف.

http://i.imgur.com/mlQ5i.jpg

للقدم والايد والاكواع والركب.
كريم لونا ما استغى عنه سحر سحر هالكريم

http://i.imgur.com/WzKiJ.jpg
مزيل للعرق

http://i.imgur.com/l9IA8.jpg

واقي للشمس من رويال
جربت كل شي مانفع معاي الا هذا


طريقتي اليوميه ....

ادش الحمام وانتم بكرامه استخدم خيط الاسنان وافرش اسناني
بعدها ابدي بالمنطقه الحساسه امسحها كلها باسكنول الليمون امسح عددددل مدددل واحط كريم كاب واخليه وارجع للاسكنول وامسح وجهي ورقبتي وايدي والابط والاكواع والركب بعد ما اخلص ارجع للمنطقه الحساسه القى الكريم ناشف وبايدي بحركات دائريه افرك المنطقه وبعدها اشطفها بالماي

اروح تحت الماي ويكون دافي ارغي جسمي كله بصابونه فير اند وايت وافرك بايدي عدل لمده 5 الى10 دقايق
و3 مرات بالاسبوع احط كريم كاب وبعدها فير اند وايت
وانشف جسمي وارطبه بفازلين بزبده الككاو يوم واليوم الثاني زيت جونسون

اتمضمض بغسول الفم واغسل وجهي ورقبتي بغسول اولاي

وبعدها للمطبخ هههههه اخذ زبادي اكتيفيا و احط بوجهي ورقبتي وايدي
وحط بشفايفي السنفره سكر وزيت زيتون
واقعد لمده 10 دقايق الى ربع ساعه وبهالوقت اكون ماسكه الايفون وع التلفزيون اضيع وقتي ههههههه ولما ينشف الزبادي اروح للحمام وافرك بحركه دائريه وبعدها اشطف بالماي وارجع للمطبخ لبخاخ ماي الورد يكون باااارد امسح وجهي ورقبتي وايدي

وباقي الزبادي اضيف عليه ليمون واكله لانه يعتبر مطهر ومغذي ومهضم وفوايده كثيييره
واكثر مااي

وقبل النوم احط بشفايفي زبده الرمان وادهن القدم والايد والاكواع والركب بكريم لونا

هذي عنايتي اليوميه باختصار.
عنايتي الاسبوعيه

http://i.imgur.com/nUpgl.jpg

استخدم شامبووو جونسوون للاطفال ارتاح عليه

طبعا مو مره وحده بالاسبوع اغسل شعري ههههههه غسول الشعر مع السبوح اليومي هههههه بس مو كل يوم يعني 3 او 4 مرات اغسل هههههههه

المهههههههم
خلطتي لشعري هي كالتالي.
سدر+ ماي حار+ زيت زيتون + روب
احط الخلطه ع شعري لمده 3 ساعات واغسل بماي بسسسسسسس ولما ينشف شعري شبه ناشف ما استخدم استشوار ولا شي ينشف من نفسه ادهن شعري بزيت عافيه وانام ولما اصحى اغسل بالشامبو
وجسمي نفس الطريقه اليوميه.
وانشف شعري باستشوار الهوا لما بكون شعري شبه ناشف

عنايتي الشهريه.
حف شيره وبديكير منيكير وتشقير جسمي كله وحمام مغربي
اول شي تشقير الجسم وبعده الحمام المغربي وبعده حف وبيدكير منيكير وادش الحمام

بما اني حامل ممنوع الحمام المغربي والتشقير

هذي هي عنااايتي كامله بوقت الحمل
طبعا انا ابي توحيد لون ونعومه وكثافه الشعر مابي بياض ولا تطويل شعر ولا شي بس ابي هالثلاث

بنات ابي اسألكم عن شغلتين

http://i.imgur.com/7JdSy.jpg

كريم الليل من اولاي مغذي كنت ادور بالتوت البري بس تعبت وانا ادوره فاخذت هذا
شرايكم فيه ينفعني او لا. ؟؟

http://i.imgur.com/dtjWu.jpg

رول غارنيه للهالات السوداء ينفع او لا
يضر الحامل او لا


وبعد ابي شرايكم بخلطه بيبي فيس من التاجره ميس بي كي منو جربته ونفع معاها لانه ناويه اشتري منها.....

وكريم بيزلين للمنطقه الحساسه افكر استخدمه بالنفاس شرايكم فيه ومنو العضوه اللي تبيعه نسيت اسمها...
ومخدر املا شرايكم فيه

سوري طولت عليكم وكثرت الاسئله
بليز حبايبي انتظر ردودكم الحلوه وتعليقاتكم ونصايحكم

اذا في شي غلط قولو لي عشان اوقفه او استخدم شي افيد منه

تعبت وانا اكتب واحمل صور لاني بالايفون

انتظركم ☺