المساعد الشخصي الرقمي

مشاهدة النسخة كاملة : الله الله بالسنـــاعه.. لابارك الله بالكســـــل


راسبه طول عمرها
03-10-2005, 03:36 PM
.

.


مدخل // :biggrin:



يا وخيتي اذا انتس طول اليوم كرف × كرف .. و ترجعين من دوامتس و تصفقينه نومه إلى الساعه 10 .. همن تصحين من النوم ياربي لك الحمد مخدتس مخربطتن جغرافية وجهتس ... عقبه تدربين دميجتس لـ المطبخ كود تبلعين لتس شي تملين هالمعده اللي انقطع صوته ماغير تزاعق تبي لقمه ... همن تروحين تربعين قدام التلفزيون أو النت ... أو تنكسين ثانيه لم سريرتس عساتس للنومه ... و إلى جاء آخر الاسبوع .. تب تقولين عندي امتحانات .. و ما ذاكرت .. و تب تنرزعين فـ بيتكم .. لا تدخلين و لا تطلعين تشمين لتس هواء و لا تشوفين أوادم .... و لاّ تب تروحين لم بيت وحده من صديقاتس ... هاللي معتس فـ الدوام كل أبو بتله ... و تب تقابلن بعض إلى ما يقضي الله أمرا كان مفعولا ...!

سؤال(ن) يجدع نفسه // :2:

متى يب يسمع / يعرف الناس إنتس سنعه و تعرفين المواجيب و السلوم اللي تجمد على الشارب <--- على شعرتس عفوا :biggrin:



و / سؤال(ن) ما يجدع نفسه <---- يا خف دمتس بعد :11mmer3:

مع وين و إلى متى و ربما أو لعل و كيف .. مترجيتن تعرسين يا حظي :11azy:


.

.


الموضوع //

التوجيبات الاجتماعية .. شيء مهم كثير في عملية التواصل بين الناس .. قريبين كانوا أو بعاد ... و يا كثر ما قلنا رأينا في شخص على حسب تقييمنا لـ " ضبطه / تقديمه " للمواجيب ... و فزعاته اللي تبرد الصدر !! :11unce:

.
.

مثلا ........


الرد على التليفون ..

وحدتن من خواتي لا ردت .. لازم تقول : آلووووووووووووووو ... و الثانيه ترد و تمسك خط : وعليكم السلام ورحمة الله وبركاته :biggrin: .. حتى ولو ما سلمتي ... و أخوي الصغير يرد و هو ينفخ : أقول ميييييييين :biggrin:

من الذوق ... إنتس تردين بكلمة (نعم) بطريقة طبيعيه ... لا تجلسين تمايعين لي بصوتس ... و بنفس الوقت لا ياصل حد الهواش :biggrin:



استقبال الضيوف / السلام عليهن

احرصي على الابتسامه ... لكن مب معناته ترزّين كل ضروستس يا بعدي ... كل ما صار الانسان على طبيعته كل ما صار مرتاح أكثر ... وضحي فرحتس بـ دخلتهم عليتس ... و كثري من تحاييهم ... و ( حياكم الله ) و ( تو ما نور البيت ) حسسي هاللي دخلوا عليتس إن زيارتهم ما ثقلت عليتس أبد ! :biggrin:



صب القهوة ..

لا تملين الفنجال إلى ما يطفح .. ولا تقللين الكمية بحيث إن القهوة ياااااااالله تبين بـ القاع! ... من الذوق لا مديتي الفنجال ... لا تقولين دوتس ولا خوذي .. تقل داخلينن عليكم يشحذون ... مدي يدتس بكل انسيابيه و قولي : (سمّي) .... و لو كنتي اللي ممدودن له حلو يكون ردتس (لا هنتي / أو سمّ الله عدوتس). :biggrin:


في العزايــــــم

لا قاطعتس أحد بالكلام لا تطبين بوجهوه و تشّرين على اثمتس يعنني جالستن أتكلم ... ترا يب يسفهتس و اقعدي به عاد ... بكل ذوق و اريحية قولي : ( اسلمي ) حتى و ان كنتي من داخلتس تب تنفقعين! :11istling


.


.


موقف شين // :11istling

قبل لا تجدعين الحتسي ... قوليه في قلبتس خمسين مره <------ طراه إن وحدتن قضت من العشا في بيت ناس ... قامت من الطاوله .. وهي تبي بزعمه تشكرهم .. قالت ( عامر ودامر إن شاء الله ) :rolleyes:




قبل أنسى //

مب حلى أكمل كل الموضوع بلحالي عاد .... العون يا جماعة الربع


أي شيء يخطر على بالكم ....

مواجيب تقديم العزاء ... العروس ... الولادة .. العيد .. الحج .. رجعة الغايب .. البيت الجديد ... // .. مواقف تطيح الوجه .. ردودن بالعزايم ماله أم الداعي :biggrin:


مواقف طريفة .. مواقف مخيفه .... تراني أستقبل كلش ! :biggrin:




أحتريكمـــــــ .. !
روعــة
03-10-2005, 03:54 PM
كلاامك صحيح ميه بالميه

اهم شي قبل الوحده ماتتكلم تفحص كلاامها زين

اذا حلو ينقال اذا راح ينفهم غلط يترك ولا ينقال

وفيه قاعده اهي اذا كان الكلام من فضه فالسكوت من ذهب قاعده امشوا عليها ولا راح تندموون

ومشكوره حبيبتي على توجيهاتك الحلوه ودمك الخفيف

الي خلها علينا احلى توجيهااات

تسلمين حبيبتي

وننتظر مواضيعك الي تخدم المجتمع كااافه

اختك بنت ابوهاا
راسبه طول عمرها
03-10-2005, 03:59 PM
وينتسن يابنات

تراه اول موضوع لي هنيا بمنتدى المرأه

لاتكسفنّي عاد

الردوووووود يالربعات الردووووود
راسبه طول عمرها
03-10-2005, 04:02 PM
هلا هلا والللللله بالزين كله .. بنت ابـــوها

نورتي موضوعي يابعدي

لكن حبيت منتس تقولين بعض المواقف اللي صارت معتس

اكيد الانسان لازم يغلط ببعض السوالف لما يسوي نفسه فيلسوف

عاد انا ... اغرفي من مواقفي لييين تشبعين لكن اصبري علي

ابي اشوف ردود البنات وانشاء الله يتفاعلون معي

اشكرتس عيوني
بنت الريف
03-10-2005, 04:57 PM
ماشاء الله عليك يا راسبة
وربي كل كلامك درر
يوزن بالذهب ..من كثر ماني معجبك ودي ياخويتي
اخطبتس لوليدي صحيح انه ماهوب ذاك التكانة لكان شكلتس مرة سنعة وقليل وصفك بين بنات هالوقت ..
وعمره 5 سنوات يعني احجزك له الين يكبر ..
ودي اخطبتس وش رأيك يا راسبة ؟؟
----
من المواقف اللي اذكرهااا قبل اصير سنعة
يعني يوم كنت رفلا. :11azy: .
كنت عازمه صديقاتي وبطبعي خواتي هم اللي يتولون الأمور
يعني يطقون على الغرفة وانا بس اخذ الاغراض وادعي اني مسويتها
واحيانا الشغالة الله يحفظها من كل عين كنت اول المتضررين لما تسافرررر :icon_cry: رخخخخخخخخخخخخخخخخ
المهم قدام صديقاتي ازعط اني اعرف اطبخ . :11ap: .
الين طحت بيدهم وهم يسألوني كيف سويت الفطاير هاذي تجنن هشة
وانا ابتسم والخبط مقادير من عندي حتى بعضها ماتنحط بالعجينة
وصادوني واعرفوا انه ماعندي الا ماعند جدتي :giveup: ...
لكن ابشرك يا رسوبي ترى الحين انا مرأة سنعة ..
تخطيت مرحلة الفطاير وصرت اسوي مفطحااااااااااات اقصد مفطحات دجااااااج :swords:

تسلمين يارسووووووووووووووووووبي
أختكم
بنت الريف
(*)~سدوومة~(*)
03-10-2005, 05:54 PM
هلا والله بالراسبة طول عمرها

هلا بالسنع كلة هلا بالشاطرة وتقول انها راسبة

تحياتي لك وللاتكيت اللي جبتيه لنا عزيزتي

تحياتي لك ولمواضيع الحلوة والمفرحة

واللي تدخل السرور لنفس قارئها

لا عدمناكي يالغالية

ودمتي وننظر كل جديد لك

سدووووومة
سمووره
03-10-2005, 09:02 PM
هلا وغلا بالراسبه

ماشاءالله عليك كل هالافكار عندك وتقولين انك راسبه

ياعيني ياعيني على الحكم بسسسس وربييي انك تحفه ودمك مثل العسل

والله انا عندي مواقف كثييره صارت لي لكن لي عوده بإذن الله

تسلمين يالغلا

وسجليني من متابعينك دووم

الف شكر
وردة التوليب
03-10-2005, 09:05 PM
ههههههههههههههههههههههههه هههههههههههه
ههههههههههههههههههههههههه هههههههههههه

راسبه من أسلوبك نسيت كل المواقف المضحكة أو المحرجة
لكن أن شالله أول ماأذكر آي موقف بتلقيني ناطه للموضوع أقولة لكم

الف شكر عيوني
وياهلا ومرحبا فيك في المرأة
وأن شالله تأخذ رجلك علينا
وتسيرين ولا تقطعين
راسبه طول عمرها
03-10-2005, 10:29 PM
من كثر ماني معجبك ودي ياخويتي
اخطبتس لوليدي صحيح انه ماهوب ذاك التكانة لكان شكلتس مرة سنعة وقليل وصفك بين بنات هالوقت ..
وعمره 5 سنوات يعني احجزك له الين يكبر ..
ودي اخطبتس وش رأيك يا راسبة ؟؟

خخخخخخخخخخخخخخخخخخخخخخخخخ خخخخ

الله يرجتس رج مبرح ماتقومين بعده ابد يالرفلا اقصد يالسنعه ههههههههههههه

الحين بعد ماتفرحينن تقلين بخطبتس لاخوي فالاخير يطلع عمره 5 سنين

حسبي عليتس بس ؟؟ لاااااوتبيني استنااااه لين يكبر

ههههههههههههههه عزالله شاب راسي ياخيتي

وموقفتس بصرااااحه روووووعه واضحكني حيييل

الله لايحرمني تواجدتس حبيبتي
راسبه طول عمرها
03-10-2005, 10:40 PM
هلابتس والله ياســــدووووومــــه

نورتي يابعدي

وراهـ ماتقولين لنا موقف صارلتس ؟؟ مافيه هنيا خجل ودلع ... مافيه الا صلخ وبس

ههههههههههههههههههههههههه ههه


نورتي حبيبتي

لاااااااااااااعدمتس
راسبه طول عمرها
03-10-2005, 10:44 PM
سمووووووره الأموووووووره


هلأ هلأ هليييييييييييي

نورتي يابعدي

انتظر ردتس بفاااارغ الصبر

على فكره

ترى تم تسجيل متابعتك معي ههههههههههههههههه

هلابتس عيوني
راسبه طول عمرها
03-10-2005, 10:47 PM
أميرة الـــــورد

هلا والله عيوني

عسى هالضحه دااااايم يارب

انشاء ماتنقطع رجلي ( الله يرجتس يا اميره الورد ) عن منتدى المرأه ... بس بعد انتن سيرن عندي بالغربله

انتظرتس عيوني
راسبه طول عمرها
03-10-2005, 10:59 PM
بصراحه عندي مواقف صارت لي وانشاء الله تصير بوحدتن منتسن http://www.msa6el.com/vb/images/smilies/biggrin1.gif

آآآآآآمين ههههههه........<< الله من النذاله اللي عندتس

العن شي صارلي 00مره عجوز تقرب لنا جتنا ومسويه اه فيها ذربه وسنعه ابي ارحب فيها قلت لها ولكمو بعد زين ماقلت لها و1<=== مشكله الي متاثرين بالنت بس اشولى انها مافهمت وش قلت http://www.msa6el.com/vb/images/smilies/biggrin1.gif
^

^

^



بالنسبه للقهوه <== انعلن جدفها في العيد بسبب هالقهوه الله يصلحني صبيتها لابوي وعمي ماسكه الدلا باليمنى والفنجال باليسار من العجله كنت بطلع اتعيد عند خوالي وبصب لابوي وعمي اي كلام لا والفنجال مليان يتكبب قا ابوي روحي صبيلنا في غظاره احسن والحقها بك كلمه حلوه من فمه لاعدمناه http://www.msa6el.com/vb/images/smilies/biggrin1.gif
^

^

^

عمي شاري له سياره ومسويه فيها سنعه قلت بدق على عمي ابارك له بالسياره
وليتني ماباركت له قلت يعطيك شرها ويكفيك خيرها لا المشكله تتوقعون اني اعتذرت منه مير مت من الضحك على روحي http://www.msa6el.com/vb/images/smilies/biggrin1.gif


ايه مره وحده اللله يستر عليها <==موب انا اخاف تاخذون عني فكره اني خبله <-- لا لين الحين مقتنعين انتس صاحيه مره عمي مات خويه وجيت اعزيه وكاان صديقه مررررررره وحزين عليه جيت عند عمي وسلمت عليه وقل له اجر الله عظمك <=== واللله من الرجه قلتها http://www.msa6el.com/vb/images/smilies/biggrin1.gif


هذي ترى بعضها وانا مواقفي وربي ماتنعد لتغرفون منها لين تملن

عقب مااتذكر مواقف اخرى انشاء الله اشوفكن تفاعلتن معي


=-==-=-=-=-=-=-=--<< لاتسوين ذربه اسكتي وكفي شرتس ابرك لتس http://http://www.msa6el.com/vb/images/smilies/biggrin1.gif

ههههههههههههههههههههه

انتظر ردودكن
]-[ بـنـ القصـيد ـتــ ]-[
03-10-2005, 11:49 PM
هلااااااااااااااااااااااا اااااااا رسووووووووووبه





وشلونتس وش اخبارتس.؟؟





ههههههههههههههههه والله تقطعت مصاريني من الضحك عليتس


بس عيني عليتس بارده ماشاء الله عليتس سنــعه وذربه الله لايظرتس


المهم


انا بقولتس موقف صايرن لي قبل كمن شهر


واتمنى انكم تاخذونه عظه وعبره من
:rolleyes:


مرتن من المرارير يوم حنا بمكه كنا قاعدين بربعه انا وختي التسبيره هي اللي تقودن وانا الدبشه اللي وراه وتتبعه

طبعــا مستانسين اننا لبسنا النقابات عقب ماخصلنا محرمين

وحنا قاعدين نشوف المره اللي جت هي وعياله ورجله شكلهم مهب من السعوديه
الرجل عليه احرامه وهي لابستن النقاب وعياله طوله

جت اختي تبي تبيزع قالت :11azy: شووووووووووفي يابنت المره لابستن النقاب وتلقينه مابعد خلصت محرمه
روحي قوليله يمكنه ماتعرف
<<<< :biggrin: تحسين اننا دبش تونا متعلمين شروط العمره ونحسب كل الناس دبش مثلنا

المهم

واجي انا بذاك الفـــــــزعه :11ight_li << ام الفزعات


واقوم واتذيرب << يعنني تراي سنعه واعرف

واروح لمه واقوله


(( ياختي انتي خلصتي محرمه يومنتس تلبسين النقاب )) ؟؟؟


<<لا وبعد طابتن عليه طبه شكله قالت بسم الله وش هاللي طبت علي :mf_leia:


قالت بكل بروده (( إيـــه ))



<<همر اجي وارجع لاختي واقوله تقولي اييييييه


<<<<<<انوااااااااع الدبااااشه ياربيييه


قالت اسأليه قوليله قاصتن شعرتس؟؟


وارووح انا مسررعه واقوله ((أنتي قاصتن شعرتس .؟


يااااااربيي ربااااااااه وش انا قلت وشوووله اطيع هاللي ايقالنه اختي التسبيره بالاسم بس :biggrin:

بعــد ردت علي وفوووق راسه عشرين الف اربعطعش استفهام
ايه


قلت انا (( ايه بس كنت ابعلمتس :biggrin: :biggrin:



قالت (( لا أعــرف :swords:



واااااااااااااااااااااااا ااااااااااااااوك



وش هالفشيله ياربيييه


المشكله ان هالمـــره كــبر أمــي عياله اكبر من


وااعيباااه بس








..

..

..

مايستفاد من هذا القرق الفاضي :



1_ عدم التبيزع وادعاء السنع


2_ من تعلم شئ لايذهب ويسرده على اللذين هم اكبره منه سنا واعرف منه

3_ عدم تصديق أي من الاخوات اللذين هم اكبر منا سنا لانهم يهكون علينا وبالاخير حنا اللي نقعد به وهم انواع التطنز بنا :( :(




وبس :biggrin:




ألف شكـر خيتو على الموضوع ...................


دمــتـِ بــود..

أخـ ـتـ ـكـ...

بنـ ـوووتـ ـه
وردة التوليب
04-10-2005, 09:06 AM
ههههههههههههههههههههههههه ههههههههههههه
ههههههههههههههههههههههههه هههههههههه
ههههههههههههههههههههههههه هههههههههههه

يالله موقفك قطع قلبي من الضحك
وأنتي كل ماقالت أختك شيء سويته بدون تردد !!

يالله تعيشين وتأكلين غيرها أن شالله
خخخخخخخخخخخخخخخخخ

_____________________


أنا صارلي موقف طازه
جالسة اسولف مع موحدة من صديقاتي
وهي تسولف لي عن جدتها يوم خلصت
قلت لها: الله يرحمها (اقصد جدتها)

<<<مسوية أعرف السنع :icon_cool

قالت:عايشة جدتي ماماتت

انا طاح وجهي من جد :icon_redf
وجلست اعتذر منها وحالتي حالة


قلت في خاطري بلا هالسناعة
راسبه طول عمرها
04-10-2005, 08:53 PM
بنت القصيـــــد

هلااااابتس والله

ههههههههههههههههههههههههه ههههههههههههه
ههههههههههههههههههههههههه ههههههههههههه

الله يرجتس وربي ضحكتيني 0000موقفتس قطع مصاريني من الضحك

تبين الصدق... لااااتسمعين كلام اختس الكبيره

اسأليني انا.. ياما طحت فمطبات والسبه هن.. لكنهن تزوجن وراااحن

تعيشين وتاكلين غيرها ههههههههههههههههههههههههه ههههههههههههه

تحياتي لتس
راسبه طول عمرها
04-10-2005, 08:59 PM
انا طاح وجهي من جد
وجلست اعتذر منها وحالتي حالة


قلت في خاطري بلا هالسناعة

ههههههههههههههههههههههههه ههههههههههههههههه

أجل .. أيتها السنـــاعة من رآك ؟؟ خخخخخخخخخخخخخ http://www.msa6el.com/vb/images/smilies/biggrin1.gif

يا بنت الحلال انتي علامتس ناويتن على جدة البنت بشر.. ياالله دخلاااك

هههههههههههههههههه

ذكرتيني بسالفه يااميرة الورد

مرة .. في حدا هالأعياد ... جيت أسلم على بنت خالتي .. وعاد الله لا يوريك .. أنواع التباديل والتوافيق

تقول : كيف الحال
أقول : وانت بخير http://www.msa6el.com/vb/images/smilies/biggrin1.gif
تقول : كل عام وانتِ بخير
أقول : الحمد لله وانتوا وش أخباركم http://www.msa6el.com/vb/images/smilies/biggrin1.gif

وانواع الخبصات .. اللي على كيف كيفك http://www.msa6el.com/vb/images/smilies/icon_frown.gif.gif

ههههههههههههههههههههههههه هههه

الف شكر لتس عيوني مرمر على مشاركتس معي ولايحرمني وجودتس
روعــة
04-10-2005, 11:35 PM
ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههه

اميرتي لا عمرك تسينعين على حساب مشاعر الناس

الله ياخذ شيطانك ضحكتيني بقوه
وردة التوليب
04-10-2005, 11:44 PM
شفتي بنوته موقفي

يطيح الوجه بقوووة

لاتضحكين ربي يبلاك
ههههههههههههههههههههههه
راسبه طول عمرها
05-10-2005, 08:30 PM
بنت ابوها

منووووره والله

000000000000000

أميرة الورد

هلابتس
أسرار العيون
05-10-2005, 11:40 PM
ههههههههههههههههههههههههه هههههههههههههههههههه
راسبه الله يرج ابليسك

موضوعك جنااان

بالنسبه لي انا
بقول موقف صارلي قبل فتره

كنت وقتها بالكليه وكان فيه وحده من البنات جالسه تورينا صور زواج اختها
ومن ضمن الصور كان في صوره لها ومعها واحد شكله كذا كبير في السن يعني تقدرين تقولين 50 سنه
وقلت للبنت لا شعوري هذا ابوك؟؟

البنت انقلب وجهها
وقالت لا هذا زوووجي:eek:
وربي انا تمنيت في هاللحظه ان الارض تنشق وتبلعني
فشللللللللله:icon_redf

وبعدها البنت احس انها اخذت مني موووقف
هههههههههههههههههههههههه

وربي ما انسى هالموقف اللي صار لي ابد
وردة التوليب
06-10-2005, 01:13 AM
أسرار

يوووووووووه موقف محرج بقوووة
بعدين تبغين الصراحة
بعذرها حقدت عليك
زوجها وفارس احلامها وتقولين لها أبوك!!
ههههههههههههههههههههههههه ههههههههههه

يالله تعيشين وتاكلين غيرها
خخخخخخخخخخخخخخخخ
روعــة
06-10-2005, 01:50 AM
ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههه

وفيه سالفه مشابهه لك اسرار صارت لاختي

قالت هذا جدك قالت لا ابوي
راسبه طول عمرها
08-10-2005, 08:57 PM
أســــــرار العيون

والله موقف مححرج مرررره

وانتي الله يهديتس على طول نقزتي فالبنت وقلتيلها هذا ابوك؟؟ سلاااامات

ههههههههههههههههه

وربي موقف يضحك ههههههههههههههههههه




شاكره لتس حبيبتي على حضورتس الحلو مثلتس
راسبه طول عمرها
08-10-2005, 08:59 PM
وردة التوليب

مشكوره عيوني على حضورتس
راسبه طول عمرها
08-10-2005, 09:02 PM
بنت ابوهـــا


مشكووووووره عالحضور قلبيييييي