...((.لـــــــغز ))..... بس الرد يكون بنظم أبيااااااااات ..

[*أهداب*]

بما أننا في منتدى المحاورة ..حبينا طرح هذا ..اللغز ...

بس نتمنى الرد يكون بنظم أبيات ..حتى ولو ما يعرف الحل مع أنه واضح ..

كنوع من التجديد ...وحتى ولو حل من قبل ..يكمل ..من أراد وضع أبيات ...

وجزاكم الله خير .....على المشاركة



أبنشدك عن رجال يحمل برجال
والأبن وقت الشدائد عزومي
دائم عبوس وفي المهمات زعال
والعود لايزعل ولاهو خشومي


،
،
،
الهـــــــــدباء

[رشيد الكسر]

انشاء الله يكون الحل

ياللي طرحت اللغز للغز حلال = اعطيك رمعه علمها للعمومي
هذا هو اللي بالمعارك له افعال =السيف وقتٍ فات جاله علومي

[*أهداب*]

السيف في بعض المواقيف حلال =
لاصار ماهو بيدين الغشم الهزومي
في موقف لافيه جاه ولا مال=
هو اللي ينغعك عند اللزومي


أحسنت ..الإ جابة ..ومن يكمل ..على وزن الأبيات..
مع نفس الحل ...

[محمد الجبريني]

:11ap: :11ap: :11ap: :11ap: حل الغز



اسمع لحل الغز ياطيب الفال = السيف بس أبشرط مع القرومي
ولاتضهر إفعوله مع كل رجال = لسار من هو يحمله من الرخومي

[سناء الفجر]

للمشاركة فقط

]

السيف صح ولكن الدهر ميال= ذا الوقت صار السيف بيد الرخومي
يمكن غمد السيف في شوفه اهوال=ويمكن حد السيف يصبح ثلومي

[*أهداب*]

قوي الشكيمة

سلمت ....ولا هنت
وصح لسانك

[*أهداب*]

سناء الفجر

صدقتي ...
وصح لسانك


السيف كم له عندنا من مقر ومدهال
كم من الوقت رافق هدات وردات قومي

يوم راياتهم تعلت فوق المرقب العال
خلت العرب غصب ترد عنهم العلومي

[المحارب]

اليوم أبي الــدَله ونفسي بفنجـــال
وعَدِل أفكـاري وبنسى همومــــي

وفي حكم أبو متعب امريح البـَـــال
الــــدار امـان وزايـدات عـزومـــــي

شعارنا التوحيد والسيف منهـــــال
يقصف شوارب من نوى بالهجومي

ّ
ّ
ّ
المحارب

[سناء الفجر]

تسلمين ( أهداب )



حلقت طرفي شرق وجنوب وشمال=ولقيت في القمة صقور تحومي
ناس تسير على حصاصيب ورمال= وناس تحلق فوق بيض النجومي
صحيح ما قالوا للاقدام خلخال= والمتن تزهى به جميل الهدومي
لا صار سيف التبر ينباع بريال =وش عاد نرجي من الزمان الظلومي

[*أهداب*]

وصح لسانك

يــــا المحارب

ولا هنت ....

********
سناء الفجر

صحك لسانك



ياتل قلبي تلتين من أقصى الحبال
تل الوارد اللي حيامه ياربعي تحومي

ورد الصوت حمالة السيف حماية الجال
حزام الظهر للقريب ولاطامة الخشومي

حيامه = الأبل التي تحوم المورد من شدة العطش

[الأقشر]

رشيد وأهداب وسنا الفجر يارجال
ويا المحارب والشكيمه قرومي
ماضن بعدهم للغز فيه حلاال
والأقشر أيدورله لغز ويحومي











الأقشر