ياسر وكفى

[االزعيم الهلالي]

بسم الله الرحمن الرحيم


انا ابختصر كثير في كلامي انا صار
لي كثير مااكتب بالمنتدى
والسبب:
انه فيه ناس عقلياتهم صغيره وينرفزون
يعني يجيك واحد من الجمهور الشقيق يرد عليك او شخص متاثر من كلام الجمهور الشقيق او اللي يجيك يقول جمهور اللاعبين الهلال كيان ياخي اقسم بالله اننا ندري ان الهلال كيان بس لاتقول جمهور لاعبين لو هالاعبين مو موجودين كان راح الكيان هاذي منضومه متكامله المهم
ابي ادخل بالموضوع
ياسر سعيد القحطاني
لاعب ايام تغنينا فيه لاعب ايام افرحنا فيها لاعب لايختلف اثنين على مستواه
واللي بيقول ماجاب اسيا اقوله لاعبين كبار ماجابو بطولات قاريه مع انديتهم
واللي يبيني اعدد له مستعد
الهلال اذا مكتوب له يجيب اسيا والله ان تجي واذا مو مكتوبه لو تجيب من ماكان ماراح تجي ارجع للموضوع
انا استفزني كلام الجاسر وكلام ياسر
اولا الجاسر ان العرض اللي جا من العين لايضاهي طموحات الهلال وقيمة اللاعب ياخي مستعدين الجمهور يشرون عقد ياسر ولايروح للعين اذا كانت الادارة تبحث عن الماده فنحن مستعدين انا قلت ثلاث مرات
وكفى الاولى محمد الدعيع وكفى ورحل الاسطوره والثانيه كانت عمر الغامدي وكفى والثالثه عيسى المحياني وكفى
وجميعهم رحلوا باختلاف الاسباب والمبررات ولاكن هالمره ماراح اقول ياسر وكفى لاني والله خايف يروح انا كتبت هالموضوع وانا اتذكر كلمات ابوفيصل يوم قال ياسر سيعود للهلال ولاكن البوادر تشير الي امر اخر في قصة عقد وعرض والهلال قاعد يتفاوض ياخي اذا ياسر يبحث عن الماده نحن لها جمهور الهلال ياسمو الامير ياشبيه الريح
يابو فيصل
تكفى تكفى تكفى لاتجعل نظرتي تتغير
والله اقول هالكلام من حرقه في داخلي
وبالنسبه لكلام ياسر والله والله والله لو تقول مابي الهلال حنا نبيك ياخي من 2005 ونحن نتغنى فيك فلاتخيب الجماهير لاترحل وبالعاميه لاتروح اللي يقولك الماده انت ضحيت بملايين الاتحاد من اجل الهلال وهالمره من اجل جمهور الهلال اتمنى تضحي بالملايين
ياسر ان كنت تريد الرحيل فنحن نرفض
فارجوك لاتعبث بمشاعر الزعماء
اتمنى ان لايحدث ماحدث بسبب وكفى مع اني كتبتها من اجل ان لايرحل .

ادري اني طولت عليكم بس والله شي من القلب واسف على الاطاله
واسف على من القلب
تحياتي
ابوسلمان