نقــاش مهـــم

[حواء غرابيل]

الســـلام عليـــكم ورحمـــة الله وبرـــكته
شـــلونكم حبايـــبي شخبــــاركم

يســعد مســـاكم / صبـــاحكم

طبـــعا من الــمواضيـــع الي اقــــراها طرى على بـــالي هـــل موضــوع وبصـــراحه حيـــل يهمــني , وجــد جـــد جـــد اضــــايق منـــه حيــــل لان الي ماارضـــاه لنفــــسي مـــأ ارضاه ــ لغيــــري, فحبـــايبي بــدش بالمـــوضوع.

أسمحــــولي انــي باخـــذ راحتي بالحجـــي ’ ومااراح اجامل وبقول رايي بكل صراحه وبليز لحد يزعل مني لان موضوع للنقاش وكلن راح يقول رايـــه ،

حبــــايبـــي حز بخــــاطري عــدم اهتمـــام الكثـــير من البنـــات والحريم المتزوجين بالمنطـــقه الحســــأسه وهذيــ اهم منطـــقه بالجســـم ...

صدقـــوني صــدقوني الاهتمام بهل منطقه مايكــلف ولا ياخذ منــــا وقت, وفي احد من المواضيع في وحده من العضوات الله يعطيها اللف عافيه المدام " راقيه وجذابه " ذكرت طريقة الاهتمام بهل منطقه فلــــيش احنـــه مانســـوي ولو شـــي بســـيط منها ونحافـــظ على هل منطقـــه ياحبايـــبي ترا هل مكــــــان مهم بالنســـبه للزوــج ووالله بســـبته ياالريال يظل مع مرته او يهدها ويشوف غيره ترا كلامي مو عيب بس هذا مكان راحته وان مالقى راحته بهل مكان وعند مرتـــه ويــن بيلاقـــيه؟

بقولكم الاشياء المهمـــه والاســاســـيه للحيـــأة الزوجيـــه حتــى لو فيهــا مشــاكل لان الريـــال من يشوف هــل اشياء بمرته وربي بتكون كبيره بعينه ومهما افترقو بيتحسر ليــش زعلها ويبيها يمــه
ولاتزعلون الريال مثل الطفل واهتمامج بنفسج هذا جزء من اهتمامج فيــــه

الريال اهم شي عنده نظافة مرته ويحبها دوم تلامع وتلق جدامه وريحتها ورد
يبيها دوم نظيفه بكل شي مو بس نظافه شخصيه بس المهم اول شي نظافه الشخصيه داخليه وخارجيه
ريحتج الحلوه جسمج اللين والرطب والملس يبي لا شم ريحة شعرج يشم المسك والعنبر والورد والفل والياسمين
ولا بالامانه ليش يحطون دعايات شامبو شعر يحسون انهم بعالم ثاني لان هذي فيها راحت الانسان


خلو جسمكم دايمــا رطبــ وملســ وليــن ومو اي كريم تستعملون عساس تبون جسمكم رطب ولين
لا حبايبي في كريمات للجسم معطره وريحتها تدوخ من حلاتها
ومو كل شي عند العطار صح ترا ياما حريم اشترو من العطار وطلع لهم اشياء سلبيه بدل ايجابيه

ثاني شي المنطقه الحساسه وااكد على هل الموضوع اساس الموضوع الي انا كاتبته
الريال شيبي اكثر من حلات هل مكان
تبون المنطقه ضيجه تبون طريه انزين مافكرتو بشكلها وريحتها ونظافتها وملمسها
جد جد جد تنرفزت من سالفة ..× الموس ×.. الي شفت اغلبكم يستخدمه وانا ضده لو تقعد وحده تقولي عنه مني لي سنه جدام تمدح فيه
حبايبي اشفيها الشيره الي اهي الحلاوه الي اهي ادلعونها سويت اشفيها
لحد يقولي ترخي المنطقه وتعذرون لي
بالعكس
اول شي شهر كامل مايطلع شعر وان طلع يطلع خفيف وناعم
ثاني شي اساسا من تشيلين بشيره الطبقه من البشره الجلد القديم يطلع مع الشيره وتنتجت خلايا بشره يديده يعني هل شي يخفف السواد الي بالمنطقه
ثاني شي حكه ماتصير ومايطلع الشعر تحت الجلد مستحيل
ولا اتحبب المنطقه مثل الموس

حبايبي الي يستعملون الموس ترا بس الحوامل تستعمله لانهم مساكين مضطرين
ترا الشيره تعور تاذي صح بس مو طول العمر كلها دقايق
ومن نخلص من الشيره ونغسل ونشف ونحط كريمات مرطبه لهل منطقه كل العوار يروح
بالعكس اصلا اتحسين بنتعاش غير طبيعي
عكس الموس الي شوك يطلع لحد يقولي لا امبلا تطلع الشعره خشنه وفوق هذا المنطقه تحبب وغيره تصير حكه والبعض تسوي عندهم اللتهابات وفطريات
فليش كل هذا عشان مالكم خلق؟؟

انزين الريل المسكين شذنبه الي ساكت ومتحمل من يبدي يطلع الشعر بصراحه ماراح استحي لاني متنرفزه من هل ناحيه ولازم تفكرون فيها
قولولي الريال شذنبه لا بدى الشعر يطلع وحط اييده وشاف المنطقه خشنه جنها لحيته
وربي وقتها مالومه ان فكر يشوف غيري وعسى الله لا يقوله ولا بخليه ينصدم بهل شي

والريال لا بغى مرته ماراح تلحق على عمرها ويمديها تسوي شي لان بيي على طول وطبعا انتو فاهمين شقصدي ماله داعي اشرح شلون

وماابي اعيد موضوع اختي" راقيه وجذابه "عن طريقة الاهتمام بهل مكان
وحتى لو شفتو انها كتبت وايد واشيا وايد ماتقدرون تسونها
ترا عادي سوو لو نصها بتم المكان نضيف ومعطر وحلو واملس وطري
مو بس تفكرون بالتضييج والسوالف الي تشربونها
مابعد الولاده

وبالنسبه لي انا اهملت الفتره الي طافت بسبت المرض نفسي لان ماكنت اقدر اهتم كل يوم مستشفى ولا دايخه ومنسدحه ماقدر اتحرك وبسبت الامراض
ونويت باذن الله ارجع اهتمامي من يديد مثل ماكنت اهتم بنفسي قبل والوقت الي زدت فيه اهتمام يوم عرست وحتى لو اني حامل الحمل ماياثر اللا وقت التعب والاهمال مو حلو ابي اتم طول عمري بنظر زوجي عروسه
ان كنت اقدر اسوي كل هل الاشياء واملي عينه ليش اخلي غيري تشوفه عينه لا والله


فياعمري والله اني مقهوره عشانكم وتضايقت حيل من هل السالفه تحتاجون شوي اهتمام لو بسيط


خلو لكم يومين بالاسبوع تسون سنفره لجسمكم ترا مو شرط صالونات تروحون وتسون هل سوالف وانتو فبيتكم قبل لا تسبحون سوهم مو عيب ولا فشله

حطو لجسمكم كريمات للمناطق السوده للمناطق الخشنه او ولكل مناطق جسمكم قبل لا تسبحين ترسي جسمج كريم او زيت للجسم وبعدها دشي تسبحي بتحسين بانتعاش ونظافه للجسم مو طبيعيه

استخدمو غسول معطر للجسم من تسبحون ترى في اشيا روعه تحصلونها بالسوق وتحسسج بانتعاش مو طبيعي من حلاوة الريحه

من تطلعون حطو معطرات الجسم وكريمات الجسم لكل جسمكم وللمناطق الحسساسه عشان الجسم يضل رطب ومعطر وناعم

ونصيحه مهمه وااكد عليها لبسو ملابس داخليه قطن لانها ماتخلي ريحه بالجسم ولا تخليه حساس ومريحه حيل


اسفه طولت عليكم
بس والله الي ماحبه لنفسي ولا ارضاه لي ماارضاه لغيري فديتكم

وسامحوني ان غلطت بشي مو قصدي فيه

والحين ابي نقاشكم بالموضوع ورايكم وابي انتناقش ونشوف احنه شنسوي ونساعد بعضنا.