علاج لعقم وعدم وجود حيوانات منويه

[حواء غرابيل]

السلام عليكم ورحمة الله وبركاته


بنات انا بكتب لكم ادويه باذن الله سبحانه شافيه من العقم بس يبيلها استمرار مو اقل من 3 شهور والله العظيم وبالله الكريم نفعت مع ناس تحليلهم للحيوانات المنويه صفر يعني مالهم علاج كلش بس سبحانه قادر علي كل شي هو الطبيب المداوي الرزاق بيده كل شي


بكتبلكم الوصفه واتمني طبقونها وتقولون النتائج وان شاءالله انها كلها مبشره باذن الله ومابي منكم الا الدعاء فقط لاغير



1- عسل بو طلال ( عطاره الطبيعه بالاندلس ويوصل بعد) بس الافضل تروحوله وتقولوله الحاله
3-عسل كيلو ونص ( بس اتمني مو من العويد مع احترامي لهم اتمني دورون اصلي )
ربع كيلو من كل نوع مكسرات بس ماتكون محمصه لوز فستق كاجو صنوبر عين الجمل
قفشتين حبه سودا
غذاء ملكات النحل من 10 الي 20 غرام*
قفشتين حبوب اللقاح
جنسنج
طلع النخيل
تطحنين المكسرات وتخلطين كل المقادير *بالعسل
ملعقة الصبح قبل الريوق بساعه وملعقه بالليل قبل العشا بساعه او بعد العشا بثلاث ساعات
3- من عسل العويد تشترون حبوب رويال جل بس حبوب رويال جل
4- من الصيدليه تاخذون حبوب الزنك
والزنك والرويال جل حبه وحده كل يوم
5- القسط البحري وتشربونه وانتي بعد معاه اشربي منه ترا زين
6- اشتري الكرفس الامريكي تحصلينه بمركز سلطان اذا يقدر ياكله بروحه حلو واذا مايقدر حطيله مع السلطه 3 اعواد مو اقل





الاهم من هذا كل ابتعدي عن اي شي يغضب الله من حف حواجب او عبي مخصره او ملونه جنها دراعه والنميمه والحش


وعليج بالاستغفار علي طول وقراءه القران وقيام الليل قبل الفجر بساعه قومي تهجدي والله راحه نفسيه سبحان الله والصدقه لو بطل ماي مو مهم السعر اهم الشي النيه والدعاء الالحاح بالدعاء


واسال الله العظيم ان يفرج هم جميع المسلمين ويرزقهم بالذريه الصالحه يارب