*معكرونية الفيتوتشيني بحمسة الخضار الشهيه مع الدجاجه المشوية ..والطعم عجييب*

[حواء غرابيل]

السلام عليكم ورحمة الله وبركاته



*الحمدلله الذي اطعمني هذا الطعام ورزقنيه من غير حول مني ولا قوة*



اشلونكم خواتي الغاليات.. عسا الله يديم عليكم ثوب الصحه والستر والعافيه.




جربوا هالفيتوتشيني .. مع الدجاجه المشويه بالفرن الناطعه سويتهم غدا لحبايب قلبي


وحبيت انزلهم لكم..تسوونهم وتستمتعون فيهم ان شاء الله..انتم ومن يعز عليكم..


نبتدي بسم الله الرحمن الرحيم


دجاجه تغسلونها وعقب تنعقونها بعصير ليمون وملعقة اكل طحين وشوية خل لمدة ربع ساعه تسحب اي زفره فيها وعقب نغسلها ثاني مره.


ونضيف عليها عصير ليمونتين + حوالي خمس فصوص ثوم مدقوق+ بصله مبشوره+ ملعقة اكل بهارات مشكله+ربع ملعقة كركم + نص ملعقة كزبره مطحونه+ ربع ملعقة فلفل اسود+ ملعقة اكل ملح+ ملعقتين اكل زيت زيتون.


نفرك الدجاجه بهالخليط ونخليها فيه لمدة نصف ساعه تتشربه


http://im29.********************************************/2012-06-14/1339672601701.jpg (http://www.********************************************/show/X290pekxli6hww)


وعقب ندخلها بالفرن عقب ما نشغله على نار عاليه من فوق وتحت..نحط الدجاجه بصينيه الفرن ونسكرها بالقصدير


http://im23.********************************************/2012-06-14/1339673259431.jpg (http://www.********************************************/show/X6s13avjhpfd2)



وعقب ساعه نكشف وجه الصينيه ونخلي الدجاجه تتحمش وتتحمر من شعلة الغاز الي فوق.


http://im23.********************************************/2012-06-14/1339673259952.jpg (http://www.********************************************/show/X29cd59dlv7dw0)



نراقب الدجاجه ليما توصل للاحمرار المطلوب..واذا قدرتي تفتحين الفرن وتحركين الصينيه بين فتره والثانيه علشان الحرارة تلامس كل اجزائها.


ملاحظه هامه: ( الي مايعرفون للفرن و توهم صغار لايحاولون يسون هالشغله الا مع شخص كبير وياهم)



وأثناءماتكون دجاجتنا بالفرن..نجهز هالحمسه للمعكرونيه


نحتاج بصل شريح حوالي بصلتين+ علبة فطر شرايح+ نص كيس ذره مثلج+ فليفله بارده حبتين مقصصين شرايح


http://im18.********************************************/2012-06-14/1339673785621.jpg (http://www.********************************************/show/X29g0htutlmtc4)


وعلى نار متوسطه نحط بالمقله زيت زيتون كميه زينه..علشان لا تنشف معاج الحمسه..


ونضيف شرايح البصل ونحرك.. ولا ذبل البصل نضيف شوية ثوم مدقوق ونحرك بسرعه..



لايحترق الثوم..ونضيف شرايح الفلفل البارد ..والفطر..ونحمس..



http://im18.********************************************/2012-06-14/133967378542.jpg (http://www.********************************************/show/X6sc3g7jjltcj)



ونضيف نص ملعقة اكل بهارات مشكله ونص ملعقة اكل فلفل اسود وربع ملعقة اكل كركم ونص ملعقة اكل كزبره مطحونه وربع ملعقة كمون ومكعب ماجي ونص ملعقة اكل اوريجانو..يعطي طعم لذيييذ ونكهة حلوة..ونضبط الملح ونحمس ليما تتمازج كل الخضار وتذبل وتتحمش من المقلاة..


http://im18.********************************************/2012-06-14/1339673785253.jpg (http://www.********************************************/show/X29g25svd6x8go)



http://im18.********************************************/2012-06-14/1339673785754.jpg (http://www.********************************************/show/X6sc8ahopolmj)


واخر شي قبل لا نسكر على الحمسه بخمس دقايق نضيف الذره على الحمسه..



http://im18.********************************************/2012-06-14/1339673785795.jpg (http://www.********************************************/show/X6sc9zy999uys)



http://im18.********************************************/2012-06-14/1339673785266.jpg (http://www.********************************************/show/Xkd0zsljygkc)


ونحرك شوي..ونسكر على حمسة الخضار ..ونشيلها على صوب..لحين الحاجه لها.


الحين نجي للمعكرونيه..نحتاج كيس معكرونيه فيتوتشيني


( الي مو متوفر عندها هالنوع من المعكرونيه تقدر تستخدم اي نوع ثاني ..مو مشكله..).


http://im17.********************************************/2012-06-14/1339675071541.jpg (http://www.********************************************/show/X6ovsalpgiu20)


نسقطها بالماي المغلي بعد اضافة الملح وملعقة زيت زيتون


نراقبها ونجيك عليها اذا قاربت على الاستواء..ديري بالج لا تطبخين المعكرونيه حيل وتتعجن معاج..


http://im17.********************************************/2012-06-14/1339675071202.jpg (http://www.********************************************/show/X6ovxhdgbsgx9)


نطلعها ونشخلها بمشخال


http://im17.********************************************/2012-06-14/1339675071103.jpg (http://www.********************************************/show/X28anux4gayqsw)


الحين نجي..للمرحله الاخيره وهي..تطبيق المعكرونيه مع الحمسه


بجدر نحط زيت زيتون ..ونضيف حوالي ثلاث حبات طماط مقصصين صغار..ونحرك شوي..ونسكر غطا الجدر علشان يذوب الطماط من الحراره..ونرجع نحركه ونهرسه بملعقة الطبخ الكبيره ..


http://im13.********************************************/2012-06-14/1339676106741.jpg (http://www.********************************************/show/X28r93flxj6kgk)


واذا شفنا الطماط صار مثل الصوص..نضيف له نص ملعقة اكل بهارات مشكله..وربع ملعقة اكل كركم وربع ملعقة اكل فلفل اسود وربع ملعقة اكل كمون ونص ملعقة اكل كزبره مطحونه وعلبة معجون طماط وملعقة اكل كاتشاب ونحمس ( انا ضفت جم ورقة غار تعطي نكهة مميزة).


http://im13.********************************************/2012-06-14/1339676106762.jpg (http://www.********************************************/show/X28r9x0m9k3foc)



http://im13.********************************************/2012-06-14/1339676106513.jpg (http://www.********************************************/show/X28raqdpl53pcg)


نضيف قلاص ونص ماي على حمسة الطماط..ونخليها تتسبك على نار هاديه لمدة خمس دقايق


http://im13.********************************************/2012-06-14/1339676106524.jpg (http://www.********************************************/show/X1okcs36169x)


نضيف شرايط المعكرونيه..نحاول نفتحهم بالايد لا يكونون متشابكين حيل..ونسقطهم بالصوص اللذيذ..ونحرك نخلي الفوتوتشيني يتشرب الصوص ..وعلى طول نضيف حمسة الخضار بالجدر..ونحرك بخفه ..علشان يتمازج الصوص..والمعكرونيه والخضار.


http://im13.********************************************/2012-06-14/1339676106546.jpg (http://www.********************************************/show/X1okeraj0ya6)



http://im13.********************************************/2012-06-14/1339676106527.jpg (http://www.********************************************/show/X51p8w45iqf)



http://im15.********************************************/2012-06-14/1339676553411.jpg (http://www.********************************************/show/Xk8qgyfkhwlh)



http://im15.********************************************/2012-06-14/1339676554252.jpg (http://www.********************************************/show/X28yz6gxnbqkgw)



حبيباتي الغاليات رجاءن لاتردون بكمل الموضوع وتنزيل الصور...