بس خلاص !.،~

[حواء غرابيل]

مرحبا بنات ،.~

شلونكم ،.؟


يمكن اول مره انزل موضوع هني ،.~


بس من القهر اللي فيني عووع من الزواج صج و المشكله ما اقدر افضفض لاي احد و مشيه جدام العالم ان حياتي perfect ! وهي وين و المثاليه وين !!


انا صار لي 9 اشهر متزوجه ،.~ و اول جم شهر شحلاته وياي ولا يردني عن شي ابد و كل ما ابي شي او طلعه او روحه مايردني عن شي ،.~



بعد ثلاث اشهر جذي اخذ جهازي و انا شريت جهاز جديد ،.~ و بعد فتره خذيت جهازي القديم اللي هو حاطه ك ستاند باي جهاز احتياط و شبكت فيه تخيلوا ! داشه على نياتي بسوي سيرج عن استراليا و بفاجاة بسفره على حسابي و هذا وانا طالبه ! انصدم القى صور بنت فس جهااااازي !!! ناقلهم من جهازه لي جهازي ! المهم دقيت عليه و سفلت فيه و جد انهرت و بجيت ،.~ و حلف انه. هذي خرابيط قبل الزواج و انه بطل هالسوالف ،.~


قبل شهرين علق جهازي رحت خذيت جهاز كان شريت من فتره بي بي و ماعجبه قلت بحط خطي فيه اخاف يدق علي و ذاك معلق و لا انصدم برسايل من بنت و راد عليه كلام حب و غزل تخيلو !!!!!!!


و هو من شهرين متغير علي !!!!! ادز له قصايد ادز له كلام حلو تدرون شيسوي !'و يحقرني بكل برود بس يقراهم و رايح يرد على بنت الشارع ذيك !!!! متخيلين !!! و صااد عني بشكل خيالي من يدخل الشقه و عيونه بالفون و باله كلش مو وياي و كل كلمه انتي دلوعه و اهلج مدلعينج ! الاخ يبيني تصير جونقر و اشيل اثقال الظاهر !! المهم نطرته يرد من الدوام و تغدى و خلص و رد على فونه ،، قلت له عسى الشاغغل خير ؟ قال بنات :) بكل وقاحه ز سذاجه !

الحين جيت و حذفت التلفون عليه و طلعت كل الكلام اللي بقلبي و قلت له انت ماتستاهلني المهم كنت بروح بيت اهلي و خليت خدامتي تجيب جنطه و حطيت اغراضي المهم قعد يحلف انه مو هو يقول رفيجه مادري شايف على شعري دهن ولا بجبهتي نقطه حمرا ! ماخلاني اروح و و قلب السالفه علي و نفس علي حقرته يومين و بعدها صرت اكلمه لاني مضطره كنت ابي فلوس ،.~ عقبها صار مو صاحي !!:// زاد صار مايهتم فيني تخيلو يوم ميلاده قبل جم يوم رحت خبيت روحي و كيكه و حاله حسبالي مثل الرياجيل ! دقرني وراح يقول ابوي يبيني عقب دريت انه جذاب ابوه كان مسافر الخبر !!!!! و كل ماروح بيت اهلي انام يومين يخليني 3 4 ايام هناك اتفشل جدامهم كل يومين جايتهم ،.~ الحين انا في بيت اهلي تخيلو كنت ناطرته يمرني امس ! قالي عذره القبيح >> مابيج ! هاليومين نفسيتي تعبانه من الدوام خلج عند اهلج قلت له قد كلمتك ؟ قال اي يالله يالله انا مشغول باي !!!


بذمتكم هذا شنو الحل وياه !! للعم الحمدلله انا مو مقصره بهتمامي بنفسي ولا شي و حتى مصروف مثل الحريم ما اخذ منه !! يعطيني بالقطاره وربي عيشه تبجي وانا في بيت اهلي حمدلله ماكنت محتاجه شي و الفلوس تزود علي ماتنقص هذا حتى معاش الخدامه مخلينس انا ادفعه من اعانتي تخيلو !! :) و مرات يدفعني فواتير خطه بعد :) ولا فوق هذا مايبي يولدني بخاص لانه يدري بجذي حدي انا ادفع من حسابي !!



سوري اذا في بدليات بس لاني حدي حدي معصبه ،.~