تسجيل الدخول

مشاهدة النسخة كاملة : عريمان السبيعي .. والاستراحه!


برج المملكه
26-09-2005, 10:01 PM
السلام عليكم

اسعد الله جميع اوقاتكم بالخير و المحبه

اخوي عريمان السبيعي .. تفضل لو سمحت :)

استلم .. طال عمرك


عزمني عريمان السبيعي و لبّيت=عزيمة طويل العمر في الاستراحه
لكنّي بعد ما اخذت عنوانه و جيت=لقيته ملبّق موتره في البراحه!
بعيد المراميس
26-09-2005, 10:04 PM
برج المملكه وليد عمي مرحبآ بالطاروق وراعيه

بدايه ماعليها كلااام

عزمني عريمان السبيعي و لبّيت
عزيمة طويل العمر في الاستراحه
لكنّي بعد ما اخذت عنوانه و جيت
لقيته ملبّق موتره في البراحـه!


بأنتظار الرائع

عريمان السبيعي
محمد السليس
26-09-2005, 10:11 PM
عزمني عريمان السبيعي و لبّيت
عزيمة طويل العمر في الاستراحه
لكنّي بعد ما اخذت عنوانه و جيت
لقيته ملبّق موتره في البراحـه
ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه هه

طيب وين تبيه يلبق فوق السطح
برج المملكه
26-09-2005, 10:30 PM
ارحب يابعيد المراميس ..

حي هالحضور وراعيه .. سلمت ودمت يابعد راسي

تقبل شكري وامتناني لحضورك الكريم

محمد السليس .. ارحب يابو علي ..

ولو سمحت فكني من شرك يارامي عيّاش :غمزه:

اجل تقول فوق السطح ههههههههههه

سلامي واحترامي للجميع

برج
عريمان السبيعي
27-09-2005, 01:23 AM
مرحبا يابرج المملكة مرحبا
واعذرني على التأخير ماشفت أنوارك ألا ذلحين ..
استلم لاهنت :

هلا مرحبابك ياالمسير وحييت = ليا جيت تلقى صا حبك في مراحة
أنا موتري مسفوط في فية البيت = ولكن أظن العين فيها لواحة
عريمان السبيعي
27-09-2005, 01:25 AM
بعيد المراميس
حياك الله .. واعلم أن وجودك يزودنا طال عمرك

أبو علي أرحب يارجال
وخلك قريب ترى الدعوى فيها فزعات .. أحم أحم ..

تحاياي
عـويد العطاوي
27-09-2005, 01:31 AM
برج المملكة

والسبيعي

ماشاءالله
برج المملكه
27-09-2005, 09:23 PM
البقا ياعريمان .. وشفني شغّلت النور العالي لعيونك :)

استلم :


يدوم البقا لك يالسبيعي .. و ياليت=تجاوب على قد السؤال ابصراحه
بعد جيت في وسط البلد ويش سويت=مع اعداد سكّانه و حجم المساحه؟
برج المملكه
27-09-2005, 09:24 PM
عويد العطاوي


تبارك الله :)
عايض الفقيعي
27-09-2005, 10:36 PM
بعد جيت في وسط البلد ويش سويت
مع اعداد سكّانه و حجم المساحه؟


رائع يابرج كعادتك ولايهون عريمان
عريمان السبيعي
28-09-2005, 12:56 AM
أرحب يابرج المملكة واستلم :


آنا مع هل الطاروق مامر زليت = صحيح الصراحة فالنهايات راحة
آبيض وجيه سبيع لامن تعزويت = وكلٍ على ماقيل يحمل سلاحه
عريمان السبيعي
28-09-2005, 12:58 AM
عويد العطاوي
الطيار
لاهنتوا على المرور

تحاياي
مروّض
28-09-2005, 02:51 PM
يا سلام...يا سلام

أبيات طيبه...فتل و نقض

رائعين ...برج المملكه + عريمان السبيعي

تحياتي...
أبوعبدالرحمن
28-09-2005, 07:45 PM
ياسلااام


صحت قلوووبكم

ونعم بك يالسبيعي انت والعتيبي

متابع وهالمرة في صف خوالي سبيع


تحيتي لكم
برج المملكه
28-09-2005, 11:19 PM
الطيار ..

لاهنت يالغالي تشرفني في كل حضور لاعدمتك ..

مروض ..

الرائع هو حضورك لاعدمتك ..

ابو عبدالرحمن ..

هلا و غلا .. وماعليك زود .. وصفي وصف عريمان واحد ان شاء الله اخذ راحتك :)

تحيّاتي للجميع
برج المملكه
28-09-2005, 11:22 PM
تبقى ياعريمان واستلم :)


كفو وانت من روس الرجال النعاتيت=ليا نسنس الغربي و هبّت رياحه
وانا من عتيبه منبع المجد و الصيت=ذرا اللي من الايام عطّ بصياحه
عريمان السبيعي
29-09-2005, 04:30 PM
سما نجد تشهد والاهلة مواقيت = علاكم وسام الطيب يزهى وشاحه
ليا جيت اعدل ركنة البيت عييت = تقول الصغير لاتعكّر صباحه
عريمان السبيعي
29-09-2005, 04:37 PM
مروض ..
مرحبا ومسهلا شرفتنا الله يطول حياتك ,,

أبوعبدالرحمن..
ينومسني وجودك لاخلا ولا عدم ..

تحاياي
برج المملكه
30-09-2005, 01:52 AM
من الله مخذناها بكد التواليت=ولا يظهر السبّاح غير السباحه
ولكنّ غثّتنا هروج الثراويت=وفصيح العرب ينقط لسانه فصاحه
محمد السبيعي
30-09-2005, 08:50 AM
يا سلام

محاورة رائعة كروعة برج المملكة ، وعريمان السبيعي





ماشاء الله عليك يا برج سهران حتى الساعة 1:52 صباحاً

<<<<< ماتجي الساعة 10 مساء وهو يشوف :)
عريمان السبيعي
30-09-2005, 09:42 PM
لو انك يميني يا العتيبي على السيت = يتوب اليهودي مايصوب رماحه
تبوش المكينة لالتقى الما مع الزيت = ولا بين يوم اوليل مدة صلاحه
عريمان السبيعي
30-09-2005, 09:44 PM
محمد السبيعي

حياك الله ,, ولا تحرمنا من اطلالتك لاعدمناك

تحاياي
بروق الوسم
30-09-2005, 10:00 PM
من الله مخذناها بكـد التواليـت=ولا يظهر السبّاح غير السباحـه


صح لسانك وعلى شأنك
برج المملكه
01-10-2005, 02:30 AM
تعلمك منهاج الطغاه الطواغيت

وكب السياحه عنك لاهل السياحه


ليا عظّك النامس عطه رشّة فليت

ويلقى مصيره بعد قومه و طاحه!
برج المملكه
01-10-2005, 02:36 AM
محمد السبيعي

مرحبا يابو حميد .. و الفراغ شين و انا اخوك :)

حيّاك يالغالي شرفتنا بمرورك الكريم و تسجيل حضورك الحميم :)

تحيّاتي

بروق الوسم ..

حياك الله .. وصح بدنك ولاهنتي ..

شكراً لحضورك ..

للجميع التحيّه و التقدير ..
عريمان السبيعي
03-10-2005, 10:15 PM
برج المملكة لاهنت على
إتاحة الفرصة لي لألعب معك..
==============

كل عام والجميع في غرابيل بخير
تحاياي
برج المملكه
07-10-2005, 01:24 AM
عريمان السبيعي

لاهنت وتشرفت باللعب معك

وكل عام وانت بخير والجميع بخير

برج المملكه