;كويتيّة في الغربـــة/ بقلمي/شعر شعبي

[حواء غرابيل]

ياكويتْ ياديرتـي إسمج بقلبي بَرِدْ

مهما بعَدنـي الزَّمـن عنِّجْ أَحِنّ وأرِدْ

لو كالوا أحْلى بَلَدْ إسمج أقول وأرِدْ

مِنْ عشكَهْ هذا الوَطَنْ خليه يقول ويردْ


ياكويتْ إسمجْ عُطُرْ

وذكرجْ ريـــــاحينــــــي




ياكويتْ مهما ابتعِدْ لي لشوفِتِجْ عُوْدهْ

إنتِ الشِّجر والثُمِرْ وآنه بعِضْ عُودَهْ

وانتِ العُطرْ والنَّشِرْ وبْخورِنا وعودهْ

وانت الزمان المُضى مانِنْسى ونعودهْ



قلبي بكى فُرْكَتــــــجْ

وذكرجْ يواســـــــــيني




ياكويتْ دمعي جرى عاخدّي مثل انهارْ

والصُبحْ مرْ والصُبُحْ ونهار جر انهارْ

خوفي يطول البُعُدْ والصَّبُرْ فيني انهارْ



وارْحَلْ ولا اودِّعــــــجْ

ولا تكحّلجْ عينـــــــــي




هاذي رسالةْ وصـــل لاتِنقطعْ لاوتارْ

عودي بحُبِّجْ لَحَنْ وانتِ عَلِيهْ لاوْتارْ

ياكويتْ شوكَجْ سرى بكَلبي على لاوتارْ



روحي تِحِسِّ البــَـــــرِدْ

وشوفجْ يدَفيـــــــنـــي