هنا المطالبة بعدم التوقيع مع المفلس ( مانويل جوزيه ) .. ( خورخي ) هو مطلبنا يا بو فيصل ..

[االزعيم الهلالي]

كلنا سمعنا من مصادر موثوقة عن العرض المقدم للمدرب المفلس فنيا ( مانويل جوزيه ) ..

هذا المدرب اللي البعض ( و هم قلة ) يقول بطولاته و تاريخه قوي .. أحب أقولهم إنه فشل في أغلب محطاته التدريبية .. و لم ينجح سوى مع الأهلي المصري اللي كان يعتبر في فترة تدريبه منتخب مصر لأن كل الدوليين فيه ..

بالإضافة إلى سنه .. المدرب ما عنده شيء يقدمه حاليا بحكم تشبعه من التدريب و كبر سنه ..

مشاكل جوزيه الكل يعرفها و يتحدث عنها .. إذا جاء يدرب أي فريق في البداية لازم يتمشكل مع أحد اللاعبين المميزين فيه ليظهر في الإعلام على أساس إنه قوي و شخصيته قوية ..

الإعلامي بتال القوس جالس يمدحه و يلمعه .. عشان يضحك على الإدارة و يتعاقدون معه .. و هذا اللي يبيه بتال .. ليكون حال الهلال من سيء إلى أسوأ ..



أتمنى تطالبون معي بالداهية خورخي سمباولي مهما كلف الأمر .. وش المشكلة لو انتظرناه إلى ما ينتهي من البطولة اللي هو فيها .. لو وصل للنهائي بيجي المعسكر بعد بدايته تقريبا بـ 10 أيام ..

أنا أشوف ما فيها أي مشكلة ..


بعدين حنا نبي مدرب يجلس معنا لفترة طويلة و يصنع فريق قوي حتى لو لم يحقق الآسيوية .. أهم شي يكون فريقنا يقدم مستوى مميز ثابت و يهابه الخصم ..


آسف على الإطالة .. و لكني أتكلم من حرقتي عليك يا زعيم ..