اللي نوى العرس من برا السعوديّه .

[سندهم]

السلام عليكم :صباح الخير جميعاً .


اللي نوى العرس من برا السعوديّه = لا تعتجل يمكن الصفقات خسراآآنه
يتعبك مشوارها روحات مع جيّه = لازم اجازه اذا بتشوف شيباآآنه
دور وتلقى هنا بنت(ن) سنافيّه = تعجبك في شكلها وإتذوب بأعياآآنه
في داخل البيت مستوره ومخفيّه = البيت محار والمحار به داآآنه
كل الطبايع عسل بالدين مهديّه = اخلاق واذواق وحسن الشكل روياآآنه
بنت الحضر يارفيقي أو قبيليّه = احرص على طيب ابوها وطيب سيساآآنه
ان كان قلبك هواوي خذ شماليه = تنعش هوى القلب وبالمنطوق بطراآآنه
كانك تبي لون يذبح خذ جنوبيه = تقول لبيه لامن قلت يافلاآآنه
ان كان تبغى ثقافه خذ حجازيه = مثل الذهب نشتريه بغالي اثماآآنه
ان كان تبغى الدلع في بنت شرقيه = حلوه ومع نغمة اليامال طرباآآنه
كل المزايا تلاقيها بنجديه = فخمه وفيها مزايا حيل فتاآآنه
طب وتخير اذا تبغى قصيميّه = حلوة معاشر وبالتدليل فناآآنه
لا تتبع اهل السوالف والهواويّه = ولا يغرك مديح فلان لفلاآآنه
شغلات تلمع على شاشه فضائيّه = القِشر يلمع ولب القِشر تعباآآنه
بنت البلد يارفيقي ما يجي زيّه =بس انت دوّر وتلقى الدار ملياآآنه

الشاعر: عبدالله غربي العنزي
‫اللي نوى العرس من برا السعودية‬‎ - YouTube (http://www.youtube.com/watch?v=d6ZOu7UF9lA)
بصوت المنشد / عمر المنسلح

[لذيــــــــــذ]

كل المزايا تلاقيها بنجديه = فخمه وفيها مزايا حيل فتاآآنه
طب وتخير اذا تبغى قصيميّه = حلوة معاشر وبالتدليل فناآآنه




لبا الفخامه كلها يا اهل نجد ...
سندهم ...
كالعاده انتقاء ولا اروع ...
لا هنت ...

تحيتي ...

[أنـ الذكريات ـين]

كل المزايا تلاقيها بنجديه
فخمه وفيها مزايا حيل فتاآآنه


بعدي.. : )
صح لسااانه..


و يعطيكـ العافية سندهم على اختياركـ الجميل..



مثلكـ يُنتظر جديده..



سلمتـ


تحيتيـ