دنا احوليت يارقاااله ولا ايه

[الاسهم السعودية]

السلام عليكم ورحمة الله وبركاته
صباح / مساء الخير عليكم جميعا يااسهميين ياالفلوس انتم < اشوى ان كلكم خسرانين الله يعوضكم خير

المهم المقوله هذي ( دنا احوليت يارقاله ولا ايه )
ماكنت استوعبها ابد بس اليوم بالذات استوعبتها مره
اليوم طال عمركم صار لي شي غريب خل ادخل بالسالفه
اليوم دخلت السوق قبل الإفتتاح وانا بقمة المغامره
اول مادخلت فيه حطيت عيني على سهم جازادكو وشريته بـ 15.05 وطااار حتى 16 بس انا بعته على مااظن بـ 15.80

المهم جاء حبيبنا واخونا اللي اسميه انا ( الهجمه المرتده ) خالد للعقارات
هذا الشخص اللي اثق فيه ثقة عمياء بكل توصيه يقولها ماشاء الله عليه
وقالنا عن سهم نما ووصى اننا نشتريه بـ 15.05 انا ماشريته معه لأني كنت مشغول بشركة جازادكو
شريته على 15.40 هلله والحمدلله بعته بـ 15.70 هلله
.،
المهم في آواخر السوق كنت متابع جازادكو واشوفها ثابته تصلح للمضارب شريتها مرتين من 15.60 وبعتها بـ 15.70
.،
.،
الصصصصصصصصصصصصصصصصصصصصصصص صصصدمه القوية
اني بأواخر السوق بشتري مره اخرى شركة جازادكو عشان تزود عشر هلالات ابيع
جيت بالغلط وشريت نما بس بدون ماادري
.،
تخيلو كنت اتابع جازادكو ابيها توصل لـ 15.60 لأني شاريها بـ 15.50 عشان ابيعها يوم وصلت
ببيع
ببيع
ببيع
مايبيع
واناظر عيا يبيع
ياولد ليش مسوي طلب بيع وجاء السهم على 15.60 ماباع

اكتشششششششششششششششششششفت اني شاري نما بالغلط بـ 15.50
واناظر واثر نما بـ 14.95 وش سويت بعتها بالقيمه هذي لأني خفت انه ينسب تحت وتضيع فلوسي
خبركم مضارب نما ماعنده حل وسط يافوق ياتحت
.،
المهم خلاصة الموضوع
الحمدلله على كل حال الله اذا اراد لك الرزق اراده لك
وحتى لو حققت الرزق وهو مو مكتوب لك بيطير وهذا اكبر دليل
.،
اسأل الله ان يعوضني غدا ماخسرته لأني فعلا خسرت اللي كسبت وزياده :(

صح كلكم تقولون وش يحس فيه هذا بس قسم ياجماعة مدري ليش صار كذا فا مكتوب لي الشكوى لله :think: