نفسيتي في الحضيض ساعدوني

[حواء غرابيل]

السلام عليكم
شلونكم ؟

مو عارفه من وين ابدأ
بس ضايقه فيني الدنيا وحاسه رووحي ضاااااااااايعه
بقولكم مشكلتي واتمنى منكم تساعدوني ولو بدعوة منكم في ظهر الغيب
والله يرضى عليكم اللي بتجرحني قبل لا تكتبت حرف واحد تطلع برا الموضوع لأني مو ناقصه احد :lkmnkl:


انا امي كويتيه وابوي بحريني بس عايشين من زماااان في السعوديه > هذا مو مهم
طيب صارلي مخطوبه سنتين من سعوودي .. متفاهميين كثيير ونحب بعض ومعاملته معاي حلووه الحمدلله
المشكله انا طول فترة الخطوبه معاملته معاي عسسسل و مو مقصر معاي في شئ
وتصير بعض المشاكل الصغيره بس انها ملح الخطوبه ونحل هالمشاكل ونرجع مثل قبل واحسن :eh_s(17):


احنا 4 مرات نحدد زواجنا ويكون كل شئ جاهز الحجوزات وتجهيزات الزواج
بس ولازم تكون مشكله ونأجله وكل شئ يرووووح :eh_s(2)::denya:
اول بدايه لمن حددناه توفت امه الله يرحمها و اجلناه
وثاني مره حددناه بس انا مرضت وانه لازم عمليه وبعد اجلناه وسويت العمليه وعلى مااتشافى منها يبغالها وقت
وثالث مرره حددنا الزواج بس جات له فتره صار يكررررهني وانا كرهته
على اي غلط بسيط يهددني بالأنفصال وتعامله معاي انقلب 90% كلش مو نفس اللي اعرفه
كان يجرحني ومعاملته قاسيه معاي ويقولي انه يكرهني بس مايدري ليش
وصارت مشكله تااااااافهه وطلقني .. بس الناس ما كانو يدرو بس اهلي واهله لأن كان عندهم امل انه نرجع للبعض
تعذبنا وعذبنا اهلنا معانا
نفسيتي كانت حييييل تعبانه وغير الأحلام اللي اشوفها والأمراض اللي تجيني
حتى هو كان يمرض وتغير بعد حتى على خواته


اخذونا للشيوخ واحد يقول انه سحر والثاني يقول حسد
طيب احنا داومنا على الرقيه الشرعيه واملنا بالله كبير انه كل شئ راح يتصلح
والحمدلله هو من نفسه طلب من خواته انه يتقدم لي مره ثانيه ورجعنا للبعض وسوولي شبكه من جديد

طول هالفتره معاملته وياي بعد حلوووه ويحبني بس احس مو نفس قبل :(
وعلى طول اقوله انه يداوم على الرقيه الشرعيه ومايتركها اوقات يسمع الكلام و اوقات لا :eh_s(16):
وصارت له فتره يقول ماقراها اقوله طيب شغل القران ع طول يقول ينعس ويطفيه استغفرالله
المهم حددنا الزواج وياليتنا ما حددناه انا مدري ليش كل هالأشياء تصير وربي تعبت وكرهت نفسي ونفسيتي XXXX احس مهما اتكلم ماحد راح يفهمني :confused:


حددنا زواجنا تاريخ 17 /7
بس الله ماكتب :eh_s(2):
صارت مشاكل بس قد مانقدر انه مانكبرها عشان الزواج يمر على خيييير
اول مشكله
احنا لنا شقه في بيتهم بس باقي الصبغ والأثاث قلنا بنكملها بعد الزواج
يعني بس هالفتره ناخذ غرفه في بيتهم وبعدين نكمل الشقه
زوجة ابوه سوت مشكله انه هالشقه راح تككون لولدها واحنا لنا الثانيه اللي مابعد يبدأو فيها شئ :rgewrg:
هو سكت لها بس عشان مايسوي وياها مشاكل
وانه خلاص بس لي غرفه وحمام تكرمون في بيتهم :( وبعدين يكملوها
مع انه عندنا شقه في بيتنا وقلت له نسكن فيها على مانخلص شقتنا اللي في بيتهم
بس مو رااااااضي

المشكله الثانيه
خطيبي حالته الماديه سيئه بس الحمدلله
هو مخلص دراسته الجامعيه وعنده شهادات وماشاءالله عليه مثقف وذكي
بس الشغل في السعوديه حيييل حيييل حييييل صعب ="(
احس اللي بيلاقي شغل تناسب دراسته راح تكون معجززززززززه
المهم هو خلص دراسته ويشتغل في محل نظااااارات في الصبح وراتبه 800 ريال
وفي الليل هم بعد يشتغل في محل ثاني للفساتين في مجمع وراتبه 1000 ريال
يعني راتبه كله 1800 ريال
انا راضيه بكل شئ والفقر مو عيب الحمدلله
وحالتنا الماديه الحمدلله حلوه واهلي مو مقصرين عليي في شئ
بس اذا طلبت من اهلي فلوس يعصب يعني لازم اطلبه بس هو وانا طلباتي كثييره واحتياجتي كثيره قد مااقدر اني مااطلبه كثيير و اراعي ظرووفه
هو يعطيني مصروف شهري واجمعه بس اني اخذ مصروف ثاني من ماما واخواني من غير مايدري :eh_s(15):

طيب ادخل في زبدة المشكله الثانيه
هو مو قادره يدفع ثمن القاعه وباقي تجهيزات ليلة الزواج
طيب اخواني قالو انه بيساعدوه ورفض هو عزيز نفس يعني مستحيل ياخذ من غيره شئ
بعد تفكييير وبلغصب هالفكره عجبته واقتنع فيه
تسلف من عند ابوه مبلغ انه راح يكون تكاليف الزواج
يقول حس انه انذل =(
والحفله راح تكون بس حفله صغيييره وانا رضيت مع انها بس ليله في العمر وكل بنت تتمنى انه تكون ليلتها فخمممه بس الحمدلله وربي احبه ومابي اخسسره واحاول اتنازل على اي شئ

انزين حلينا هالمشكله

وكل شئ تمام وتوقعنا انه خلاص راح نتزوج
جلسنا نخطط حق بعد الزواج وكان بعد عمري فرحااااااااااان
قبل العرس بـ 3 ايام فجأه مرض
واتصل عليه ماكان يرد واتصلت على اخته قالت لي انه تعبان
وبس على طول معصب على خواته وتقول انه يقول عني كلام مو زين :o
خفت عليه وتأكدت انه فعلاً مسحور 100 %

راحو له اخواني عشان يطمنو عليه
وقاله اخوي ناخذك للشيخ عشان يقرأ عليك وتتحسن
بس رفض
انزين اخوي شغله قران في الجوال يقول اخوي عصصصصب واخذ الجوال من عنده عشان يطفيه
وبدأ يسب فيني قدام اخواني واخوانه وانه يبي يطلقني
بنات انا وربي اتعذب حاسه خلاص ابي ارتاح مو عارفه شسوي
اختي تقولي خلاص بيطلقج ونفس قبل بيرجع لج لا تخافي
انا خايفه انه يطلقني ومايرجعني والله خااايفه وخايفه عليه لأن اكيد اللحين يعاني ويتعذب وانا مو عارفه شسوي والله ودي اروح له واكلمه واخفف عنه لو شووووووي
احبه ومابي اخسره مره ثانيه
قلبي يعوورني واحسه يتقطع ومهما اتكلم ماراح يشفى الوجع اللي دااااخلي


بنات انا ابي منكم دعوه في ظهر الغيب
وحسبي الله على اللي يبو لنا الشر
للحين ماندري من السبب
قبل لمن رحنا حق شيخ .. الشيخ سأل اخو خطيبي انه اذا فيه احد يبغاه
يقول اخوه انه قبل خالته كانت تبيه حق بنتها وكله يقولو فلان للفلانه
بس هو ماكان يبيها وخطبوني
واللحين شاكين فيها وبيكلموها يتأكدو

ادعو انه مايطلقني وربي يتمم لنا على خير والله تععععععععععععععععبت وضاقت فيني الدنيا
احس اعيش في كئابه وحزن وانطوائيه وكرهت كل شئ والناس زهقوني والله زهقوني
بس يشوفوني يسألوني ليش ماتزوجتي وليش تأخرتو لا يكون فيه شئ بينكم اه كرهتهم