ياسر العقيل
21-09-2005, 11:25 PM
عندي ولد عمي وكان صديقي الروح بالروح .
والولد مرت عليه ظروف وتحس انه عايش اكبر من سنه.
طبعا اول ماطاح في المراهقه الله لا يوريكم . كان يموت بشي اسمه براقع؟!! تخيلوا كان حاط برقع في غرفته؟ قسم بالله من جد السالفه. لا وعشان يعيش الدور صح طايح في اغنيه محمد عبده(البراقع) ويسمع هالأغنيه ويطالع البرقع وطبعا ماورى البرقع عيون.
واره البويه اللي في الجدار
وبعدها طاح في ام كلثوم وعبدالحليم حافظ. وقال لي مررره تعرف الحب؟
قلت ايه؟
قال لا والله ماتعرف الحب؟!!
قلت اجل وشوله تسأل؟
طنش مارد علي.
وقعد يعطيني كلام المسلسلات المصريه (الحب عذاب) والهجر والفراق ومدري وشو؟! وانا (ياغافل لك الله) المهم قال لي : سمعت اغنيه (سيرة الحب) حقة ام كلثوم قلت لا؟! قال حرررررررررررام عليك فاتك نص عمرك؟! عاد يوم قال لي فاتك نص عمرك !! جتني الغيره ولعبت فيني لعب قلت الا بسمعها؟!
قال لا ماينفع تسمعها وانت مع دحيم بالغرفه؟! تلقاه مشغل بشير شنان ولا بن سعيد؟! وهو بوادي وانت بوادي؟! لازم تقعد في غرفه لحالك والنور مظلم؟!
قلت حشا هذا تحضير جن موب اغنيه(الله يقاصرنا ويقاصرهم بالإحسان)
المهم قال انت اسمعها والله العظيم اتحداك ان ما دمعت عينك؟!
وجا عاد كمل الباقي؟
قال لو مادمعت عينك ترى اعرف ان (ماعندك احساس) عاد يوم جاب طاري الأحساس قلت حدك خلني اسمع بعدين اقول لك.
المهم اقوم ذيك الليله وكن ماوراي مدرسه الله يصلحني واروح المقلط ومعي مسجلي الصغير الأحمر واشغل الشريط(سيرة الحب) ام كلثوم.
لا ومن زين الطبايع جايب علبة مناديل معي.
خفت انهار
الزبده ابي اصيح ابي عيني تدمع مافيه امل؟ وتذكرت كلامه اني اذا مادمعت عيني ماعندي احساس الزبده. وافتح عيوني حوالي دقيقتين او كثر ولا غمضتها(عشان تدمع) والله حسيت نفسي (مخترع الذره)
اختراع مسكت.
وياسر تنسكب عبراته والدمع اربع اربع على قولة نوال
اما ثانيه متوسط وثالثه كنت في قمة (الدشره)
بس لا تخافون تحسبوني راعي حشيش ولا حبوب!الحمدلله
ان هالأمور ماقد طبت فمي
وعلى قولة واحد من الدشير اللي كانوا يدرسون معنا
قال والله انك ياياسر محشش خلقه!!
ولو تحشش ولا تاكل حبوب قسم بالله تبي تقلب معك نكد؟! خلك على هالوزنيه
نرجع لموضوع الدشاره في المدرسه؟
تصدقون اني مااجيب معي الكتب للبيت؟!
وتصدقون بعد ان ماعندي دفاتر للمواد؟! والله العظيم انه كشكول من اول السنه لين آخرها. اذا شفت مدرس قاعد يتفلسف ولا يهاوش. قمت اكتب قدامه.
لا والمدرسين اغلبهم ونومه من الحصه الاولى متفهمين وضعي. طبعا على بالي (عربجي) قاعد آخر واحد بالفصل يقومني الجوع. لين قبل لا تنتهى الحصه الثالثه بعشر دقايق
واتفسح واللي علي بالخير.
وارجع الحصه الرابعه طبعا نشيط موب كله نشاط. بس من الشموس اللي ذبحتنا في الفسحه .
والخامسه نوم والسادسه بعد. بس يقوموني قبل لا تنتهي بعشر دقايق؟! تدرون عشان ايش؟
عشان اطلع افرش سجاجيد للصلاه؟!!
هم ضاحكين علي وانا على بالي اني ضاحك عليهم ههههههههههههههههههههههههه ههههههه وتصدقون ماحسيت اني (اهبل) و(دلخ) الا الحين وانا قاعد اكتب؟
والسابعه طبعا صاحي انتظر (الطلعه).
بس سؤال للبنات والعيال؟ ليش اذا (دق جرس) الطلعه ولا الهده على قولة اهل الشرقيه ولا الصرفه على قولة اهل الحجاز الواحد انووووووووووووووواع الركض؟ّ!كنه ملحوق؟!
تصدقون يبي لها دراسه هـالحاله احس اننا كننا (بقر) حقين زبدة (انكور) ندربي روسنا وركض وبس.
طبعا في ثالثه متوسط (الكفاءه )قسم بالله وقتها الواحد كان حاس انه يحضر (ماجستير) كنا شله انا واخوي دحيم ومعنا ولد عمي راعي ام كثلوم واذا تعرفنا على واحد يصير خوينا كلنا. واذا واحد فينا تزاعل مع واحد زعلنا عليه كلنا. ابد اللي يشوفنا يقول (حزب الليكود) على غفله. طبعا الله يدمهرهم ولا يبقى فيهم باقي؟!موب حنا لا تدعونا علينا؟! اقصد حزب الليكود وكني تحسفت يوم شبهت جمعتنا فيه. بس تعرفون ابي اشخص واسوي مثقف وماعرفت وش اقول.
المهم طبعا كل طلعاتنا وعشياتنا بـ(القطه) و(الباي)اللي مايعرف القطه او الباي لا يكمل هالسالفه لأني ماني فاضي اشرح.
المهم ندخل مطعم وبعد مانطلب يصر حسابنا 30 ريا ل ولا 50 واحد فينا يحاسب وبعدين اذا طلعنا نقسمها علينا الثلاثه؟ طبعا ملحطين ولا لا قطه ولاهم يحزنون وقبل لا ندخل المطعم تلقونا نجمع قروشنا في جيب واحد فينا واللي معنا من الشباب يتوهقون؟ حسابه عشره وما معهم الا هي وصعب يدفع 30ولا50 وصعب انه يقول قطه يستحي؟ واحنا طبعٍ متفاهمين بينا والواحد يدفع فينا الحساب وهو (مشخص) عارف انه الحساب ينقسم بينا الثلاثه.
طبعا مره حاسبت انا ومره دحيم ومره ولد عمي. آخرتها قفلت مع خوينا ابرهيم؟ ووسط المطعم رفع صوته يااخوووووووووووووان مايصير (القسمه حشمه) والله مايصير القسمه حشمه؟ وحنا انوووووووووووووواع الضحك وفطسنا عليه. طبعا بعد مابدت الميانه بينا؟
عاد رديت عليه وقلت ابشرك حنا من زمااااااااااااااااان والقسمه حشمه بينا بس انتي اللي مافتحت مخك.
وبس خلاص.
والولد مرت عليه ظروف وتحس انه عايش اكبر من سنه.
طبعا اول ماطاح في المراهقه الله لا يوريكم . كان يموت بشي اسمه براقع؟!! تخيلوا كان حاط برقع في غرفته؟ قسم بالله من جد السالفه. لا وعشان يعيش الدور صح طايح في اغنيه محمد عبده(البراقع) ويسمع هالأغنيه ويطالع البرقع وطبعا ماورى البرقع عيون.
واره البويه اللي في الجدار
وبعدها طاح في ام كلثوم وعبدالحليم حافظ. وقال لي مررره تعرف الحب؟
قلت ايه؟
قال لا والله ماتعرف الحب؟!!
قلت اجل وشوله تسأل؟
طنش مارد علي.
وقعد يعطيني كلام المسلسلات المصريه (الحب عذاب) والهجر والفراق ومدري وشو؟! وانا (ياغافل لك الله) المهم قال لي : سمعت اغنيه (سيرة الحب) حقة ام كلثوم قلت لا؟! قال حرررررررررررام عليك فاتك نص عمرك؟! عاد يوم قال لي فاتك نص عمرك !! جتني الغيره ولعبت فيني لعب قلت الا بسمعها؟!
قال لا ماينفع تسمعها وانت مع دحيم بالغرفه؟! تلقاه مشغل بشير شنان ولا بن سعيد؟! وهو بوادي وانت بوادي؟! لازم تقعد في غرفه لحالك والنور مظلم؟!
قلت حشا هذا تحضير جن موب اغنيه(الله يقاصرنا ويقاصرهم بالإحسان)
المهم قال انت اسمعها والله العظيم اتحداك ان ما دمعت عينك؟!
وجا عاد كمل الباقي؟
قال لو مادمعت عينك ترى اعرف ان (ماعندك احساس) عاد يوم جاب طاري الأحساس قلت حدك خلني اسمع بعدين اقول لك.
المهم اقوم ذيك الليله وكن ماوراي مدرسه الله يصلحني واروح المقلط ومعي مسجلي الصغير الأحمر واشغل الشريط(سيرة الحب) ام كلثوم.
لا ومن زين الطبايع جايب علبة مناديل معي.
خفت انهار
الزبده ابي اصيح ابي عيني تدمع مافيه امل؟ وتذكرت كلامه اني اذا مادمعت عيني ماعندي احساس الزبده. وافتح عيوني حوالي دقيقتين او كثر ولا غمضتها(عشان تدمع) والله حسيت نفسي (مخترع الذره)
اختراع مسكت.
وياسر تنسكب عبراته والدمع اربع اربع على قولة نوال
اما ثانيه متوسط وثالثه كنت في قمة (الدشره)
بس لا تخافون تحسبوني راعي حشيش ولا حبوب!الحمدلله
ان هالأمور ماقد طبت فمي
وعلى قولة واحد من الدشير اللي كانوا يدرسون معنا
قال والله انك ياياسر محشش خلقه!!
ولو تحشش ولا تاكل حبوب قسم بالله تبي تقلب معك نكد؟! خلك على هالوزنيه
نرجع لموضوع الدشاره في المدرسه؟
تصدقون اني مااجيب معي الكتب للبيت؟!
وتصدقون بعد ان ماعندي دفاتر للمواد؟! والله العظيم انه كشكول من اول السنه لين آخرها. اذا شفت مدرس قاعد يتفلسف ولا يهاوش. قمت اكتب قدامه.
لا والمدرسين اغلبهم ونومه من الحصه الاولى متفهمين وضعي. طبعا على بالي (عربجي) قاعد آخر واحد بالفصل يقومني الجوع. لين قبل لا تنتهى الحصه الثالثه بعشر دقايق
واتفسح واللي علي بالخير.
وارجع الحصه الرابعه طبعا نشيط موب كله نشاط. بس من الشموس اللي ذبحتنا في الفسحه .
والخامسه نوم والسادسه بعد. بس يقوموني قبل لا تنتهي بعشر دقايق؟! تدرون عشان ايش؟
عشان اطلع افرش سجاجيد للصلاه؟!!
هم ضاحكين علي وانا على بالي اني ضاحك عليهم ههههههههههههههههههههههههه ههههههه وتصدقون ماحسيت اني (اهبل) و(دلخ) الا الحين وانا قاعد اكتب؟
والسابعه طبعا صاحي انتظر (الطلعه).
بس سؤال للبنات والعيال؟ ليش اذا (دق جرس) الطلعه ولا الهده على قولة اهل الشرقيه ولا الصرفه على قولة اهل الحجاز الواحد انووووووووووووووواع الركض؟ّ!كنه ملحوق؟!
تصدقون يبي لها دراسه هـالحاله احس اننا كننا (بقر) حقين زبدة (انكور) ندربي روسنا وركض وبس.
طبعا في ثالثه متوسط (الكفاءه )قسم بالله وقتها الواحد كان حاس انه يحضر (ماجستير) كنا شله انا واخوي دحيم ومعنا ولد عمي راعي ام كثلوم واذا تعرفنا على واحد يصير خوينا كلنا. واذا واحد فينا تزاعل مع واحد زعلنا عليه كلنا. ابد اللي يشوفنا يقول (حزب الليكود) على غفله. طبعا الله يدمهرهم ولا يبقى فيهم باقي؟!موب حنا لا تدعونا علينا؟! اقصد حزب الليكود وكني تحسفت يوم شبهت جمعتنا فيه. بس تعرفون ابي اشخص واسوي مثقف وماعرفت وش اقول.
المهم طبعا كل طلعاتنا وعشياتنا بـ(القطه) و(الباي)اللي مايعرف القطه او الباي لا يكمل هالسالفه لأني ماني فاضي اشرح.
المهم ندخل مطعم وبعد مانطلب يصر حسابنا 30 ريا ل ولا 50 واحد فينا يحاسب وبعدين اذا طلعنا نقسمها علينا الثلاثه؟ طبعا ملحطين ولا لا قطه ولاهم يحزنون وقبل لا ندخل المطعم تلقونا نجمع قروشنا في جيب واحد فينا واللي معنا من الشباب يتوهقون؟ حسابه عشره وما معهم الا هي وصعب يدفع 30ولا50 وصعب انه يقول قطه يستحي؟ واحنا طبعٍ متفاهمين بينا والواحد يدفع فينا الحساب وهو (مشخص) عارف انه الحساب ينقسم بينا الثلاثه.
طبعا مره حاسبت انا ومره دحيم ومره ولد عمي. آخرتها قفلت مع خوينا ابرهيم؟ ووسط المطعم رفع صوته يااخوووووووووووووان مايصير (القسمه حشمه) والله مايصير القسمه حشمه؟ وحنا انوووووووووووووواع الضحك وفطسنا عليه. طبعا بعد مابدت الميانه بينا؟
عاد رديت عليه وقلت ابشرك حنا من زمااااااااااااااااان والقسمه حشمه بينا بس انتي اللي مافتحت مخك.
وبس خلاص.