ساعدوني بصالون متنقل

[حواء غرابيل]

قوة بنات
ابي شوركم وبدعي لكل من بتفيدني باذن الله

انا متعامله مع صالونه تجيني البيت من سنه
العاملة فلبينيه شغلها يهبل
وراقيه ونظيفه يعني صج الي ادورها من زمان وارتحت لها

المهم اخر مرة جات قالت ان عقدها خلص مع الصالون وتبي تطلع منه
وعطتني رقمها الخاص انا طلبته منها

المهم خطر فبالي اعرض عليها نتشارك بصالون متنقل
وقالت اوكي مدام ماعندي مشكله
هي ماتبي تكمل مع كفيلتها لانها نفيسه وكله تهاوشهم

وصج انا لاحظت لما ادق تلفوني نفسها خايسة صاحبة الصالون


المهم بنات

اول شي خطر فبالي ليش ترضا ادش معي وهي عندها زباينها وتعرف كل الشغل
يعني لو تشتغل بروحها مو احسن لها ؟؟!! خاصة انها خبرة ومن زمان هني
جاني شك استغفر الله

واهي قالت ان تبي اكثر من وحده اذا دشينا مع بعض تبي بنات بعد ولما سالتها تعرفين احد
قالت اي في رفيقتي

وحاليا كلهم عندهم اقامات يعني ولا وحده بتكون على اقامتي

اقتنعت واستانست بالفكرة
بس زوجي راااافض
يقول يجيبون لنا مشاكل
ومرة يقول حرام جايبينهم تجار اقامات وهذا مخالف للقانون وحنا جذي نشارك بمخالفة القانون

والله احترت كنت متحمسة وكسر فيني زوجي
ومستغربه بعد من الفلبينيه ليه وافقت تشتغل معي وهي تقدر بروحها

ساعدوني بنات ترا انا عليميه بهالسوالف