آلــحــذر مــن فــوآتــيــر مــحــلآت آلــجــوآلآت ,, ( بـآلـصـور )

[االزعيم الهلالي]

السلام عليكم ورحمة الله وبركاته

اخواني واخواتي اعضاء وعضوات منتدانا الوقور

اسعد الله ايامكم بالخير والمسرات

اليوم جايبلكم موضوع خطير وخطير جدا جدا و اتمنى انكم تركزو بكلامي هذا وتاخذو الحيطة والحذر

الموضوع هذا كان يفترض اني اكتبه لكم من حوالي 10 ايام تقريبا ولكني كنت مشغول بمشكلتي الصحية وهي من اشغلتني عنكم

وسبحان الله الموضوع هذا امس صار له موقف خلاني اجي الحين واكتبه لكم واسرد لكم القصه او الحكايه اللي صارت

ركزو معايا اوكيه !!

قبل 10 ايام بالضبط جانا زبون بيصلح جهازه وهو زعلان وقلبه محروق المسكين

وقتها كان انا عندي وقت البريك حقي وكنت جالس مع الاستقبال

المهم جا الزبون وقال يبي يصلح جهازه , وجيت قلتله سلامات وش فيك زعلان !

قالي : تصدق امس شريت الجهاز هذا وهو مستعمل , واللي شغال بالمحل اعطاني فاتورة وقالي عندك ضمان للجهاز 24 ساعة فقط

وللاسف ماكتب هالشي بالفاتورة يعني اللهم انو كتب التاريخ وكتب اسم الجهاز وكتب المبلغ وشخمط شوية عند مكان التوقيع ( على اساس انو توقيعه ) وعطاني الفاتورة وبس

ولما طلع خلل بالجهاز رجعتله وانكر العامل انو الجهاز هذا تم شراءه من المحل ولما الزبون استدعى الشرطة جا العسكري وانصف المحل وظلم الزبون !!!!!

تدرون ليه انصف المحل وظلم الزبون ؟؟

لانو الفاتورة هي فاتورة نقدية وماعليها اسم المحل !!

ولا حتى عليها ختم المحل !!

يعني فاتورة ( غير رسمية ) !!!!!

لدرجه انو العسكري جا وقال للزبون : وش دراك يمكن شريت الجهاز هذا من محل ثاني وتبي تتبلى على هذا المحل !!

وشوفو معاية يا اخواني بهذه الصورة الخاصة لاحدى الفواتير النقدية ( الغير رسمية ) :



شايفين هالفاتورة ؟ هل مكتوب عليها او مختوم عليها بأسم محل معين ؟

طبعا لا ,مو مكتوب ولا مختوم عليها اسم اي محل وهذه هي تعتبر فاتورة غير رسمية بتاتا !!

يعني بيجيك العامل اللي بالمحل ويكتب التاريخ واسم الجهاز والسعر ( ويشخمط شويه ) عند التوقيع وسلم الله محمد , !!

بكذة العامل اللي بالمحل راح يقول للزبون او للشرطي هذه الفاتورة ماهي مكتوبة ولا مختومه من محلنا , معناتو الزبون هذا بيتبلى علينا !!!!

والحين بوريكم الفاتورة الرسمية والحقيقية كيف بيكون شكلها , زي هذه :



لاحظو بوسط الفاتورة فيه ختم كبير ومكتوب عليه ( المغربي ) بالعربي والانجليزي وهذا يعني انو اسم المحل اللي تم شراء الجهاز منه هو محل المغربي

لو تلاحظو التوقيع قد يكون شخاميط وهذا غير مهم لانو الاهم هو وجود اسم المحل بالختم على الفاتورة وهذه هي مكمن الامان هنا


الـخـلآصـه /

الموضوع هذا بيخص بالشكل الكبير الناس اللي بتشتري اجهزة مستعملة واللي مايكون عليها ضمان الشركة ,

1 - اهم شي انكم تتفقو مع البائع بان يكون الضمان على الجهاز اقل شي 48 ساعه يعني يومين وليس يوم واحد

2 - انو يكتب بالفاتورة انو هالجهاز مرفق مع ضمان من المحل يوم او يومين او ثلاثه او حتى اسبوع

3 - فيه محلات عندها فواتير غير رسميه ولكن لازم تطلبو منهم انو يتم ختم الفاتورة بالختم ( اللي هو علبه الحبر المعروفه )

4 - وانتو خارجين من المحل تشوفو وتركزو على اسم المحل هل هو نفس الاسم الموجود بالفاتورة ام لا , يعني لازم تطابقو هالشي لانو ممكن بيعطوكم فاتورة باسم محل يكون مقارب كثير لاسم محلهم ومثال على ذلك /

ملاك للاتصالات - مالك للاتصالات

جميل للاتصالات - جمال للاتصالات

الرسائل للاتصالات - الرسالة للاتصالات

حنو فون للاتصالات - هنو فون للاتصالات


هذه الاسماء انا جبتها لكم من راسي عشان احاول اقرب لكمالواقع بالتشابه اللي بيكون بالفاتورة هو هو نفسه اللي بيكون مكتوب على لوحة المحل

واتوقع انكم فهمتو مقصدي الحين اخواني واخواتي الاعزاء

واسف جدا للاطاله

وحياكم الله

____________________
شكر خخااص ل : ماايكل ججاكسون :smilie47::wub: