▒▓► مرق عدس بالخضار + عيش مشخول من مطبخي ▒▓►

[حواء غرابيل]

http://up.q8yat.com/uploads/images/Q8yat-71a25829e8.gif (http://www.q8yat.com/)




▒▓► مرق عدس بالخضار + عيش مشخول من مطبخي ▒▓►




http://up3.q8yat.com/uploads/images/q8yat-e7ae000e78.jpg




http://up.q8yat.com/uploads/images/Q8yat-7dc6370b5c.jpg


المقادير حسب النظر
بس هالكمية لعدد 5 اشخاص





المرق :


كوب عدس (برتقالي )
طماطة
2 جزر
1 بطاط وسط
علوب فلفل حار (هندي)
ثوم مدقوق
زنجبيل مفروم ( اختياري)
شوية معجون طماطم ( اختياري )
ماء حسب الحاجة
1 حبة لومي عماني الأسود (يابس) غزيها بالسكين سويلها فتحة
ملعقة صغيرة كمون
رشة فلفل اسود
2 حبة ماجي
2 بصل مفروم
شوية بصل اخضر مفروم ( الكمية حسب الرغبة )
ربع ملعقة صغيرة باربريكا (فلفل احمر حلو بارد)
زيت
ربع ملعقة لومي اسود ناعم
بقدونس او كزبرة مفرومة انا اخذ بقبضة ايدي الكمية حسب ذوقك ( اذا ما عندي احط سلق :eh_s(15):)
نص ملعقة صغيرة كركم
1 بطاطة كبيرة اقطعها مكعبات



الطريقة :


- نغسل العدس عدل لما يصفي لون الماء ونشخله


- نضع العدس المغسول مع مقدار من الماء يغطيه ب 3 سم تقريبا


- نقطع الطماطة نصين والبطاط الوسط 3 قطع تقريبا والجزر بنفس الطريقة


نتركهم علي نار حتي يستوي تقريبا (20) دقيقة لأن العدس بسرعة يستوي ( واثناء الطبخ بتلاحظين يطلع رغوة على السطح كل شوي شيليها بملعقة وتخلصي منها


- بجدر نضع البصل المفروم ( النوعين ) والبقدونس او الكزبرة الخضراء ونحمسه ليما يتشقر وينشف الجدر نرش نتفة ماء عشان ياخذ البصل من لون قاع الجدر ويصير بني


- نضع شوية زيت عليهم والبطاط المكعبات والكركم والماجي وانقلب لما يحمر البصل ( اذا تبين معجون الطماط ضيفي ملعقة انا افضل بدونه )


- نضيف الثوم والزنجبيل واللومية اليابسة وبسرعة نحرك عشان ما يحترق الثوم وضيفي عليه ربع كوب ماء حتي يستوي مكعبات البطاط على النص لمدة 10 دقايق


- الحين استوا العدس نحطه اهو ومايه والخضار اللي فيه ( الجزر والبطاطة ) بالخلاط بس انتبهي تسوينه ناعم انا اطق الخلاط طقة صغيرة واسكرها يعني مطحون على النص :eh_s(15):


لأن اذا صارت المكونات خشنة عندي الذ واحلي ( اذا تبينه ناعم خلطيه عدل او عندك اختيار ثاني تقسمين الخليط نصين واحد ناعم والثاني خشن بعدين تخلطينهم مع بعض )


- صبي الخليط على الجدر السابق اللي فيه حمسنا البصل وباقي المكونات


- ضيفي البابريكا والكمون والفلفل الأسود واللومي الناعم وفلفل العلوب بدون لا تقطعينه عشان ما يصيرالمرق حار


واذا يحتاج ملح زيادة وشوية ماء اذا كان ثخين ( حلات المرقة نص ونص لا ثخينه حيل ولا خفيفة وايد ) وخليه على نار هادية لمدة ربع ساعة


واحرصي انك تحركين المرق كل شوي عشان ما يلزق بقاع الجدر .



ملاحظة : انا هالمرة كنت حاطة فاصوليا خضرا مقطعتها صغار وحامستها مع البصل اطلعت حلوة مع العدس
http://up.q8yat.com/uploads/images/Q8yat-a95be3e6ce.jpg



انا استخدم معجون الثوم والزنجبيل هذا اللي بالصور


http://up.q8yat.com/uploads/images/Q8yat-beb90046f3.jpg



http://up2.q8yat.com/uploads/images/q8yat-9062be85e6.gif (http://www.q8yat.com/)وتمتعي بأحلي مرق عدس بطريقتي http://up2.q8yat.com/uploads/images/q8yat-9062be85e6.gif (http://www.q8yat.com/)






المشخول :


http://up2.q8yat.com/uploads/images/q8yat-71578fc869.jpg






جيلة عيش التموين
غسليه ونقعيه بماء لمدة 10-15 دقيقة بس كافي عليه


- اغلي ماي على النار مع ملح ( لازم تذوقينه عشان تضبطبن ملحه )
بس يغلي شخلي العيش المنقوع وحطيه بالماي


- اتركيه يقلب 4-5 مرات بس واختبري اي حبة اذا مستويه لازم تشخلينه من الماء فورا عشان ما يصير لين ( لا تخلينه يستوي وايد )


- في جدر ضعي شوية بصل مفروم او شرايح ( نص بصلة كافي ) عشان نسوي الفرقاعة + زيت مو وايد ونتفة كركم وقلبيهم شوي


- شيلي نص كمية البصل والزيت بماعون واتركيها على جنب


- ضعي العيش المشخول في الجدر ورشي عليه الزيت والبصل اللي رفعناهم على جنب


- اتركي الجدر على نار هادئة لمدة ربع ساعة ( لا تنسين الحديدة تحت الجدر ) لما ينشف .


- وتمتعي بأحلى حاكوكة بالعالم





اتمني يعجبكم وعلينا وعليكم بالف عافية
اختكم / أحلى همبه :eh_s(7):