قفلت بـــــــــــــابــــــــك ...

[تاجر مواشي]

اغنام - ابل - دواجن - طيور

يوم الليالي خيّبت كل رجواي
وانهت ملامح ضحكتي وابتهاجي
طوّلت مع ليل المواجع بمسراي
وكفيّت عنّك لوعتي واحتجاجي
أقبلت كلك ترتجي مد يمناي
ما كنك اللي ردني باحتياجي
ما كنك اللي سكّر اذنه لشكواي
يومٍ اردد تهت ماعرف خراجي
يا هيه وينك جرّح الدمع عيناي
يا هيه وينك ضايقت بي الملاجي
صديت ما همك تفاصيل بلواي
صديت يوم الحزن طفّا سراجي
ألحين ودك بالهوى نجمع الراي؟
ألحين قلبك للمواليف راجي؟
ألحين تشكي جور بعدي وفرقاي؟
ألحين تبكي من الهوى يا مزاجي؟
كنت احسبك لا مالِ بِالوقت مركاي
اسند عليك بميلتي وانعواجي
كنت الوطن والناس والزاد والماي
دمجت حبك وسط دمي اندماجي
اليوم خابت من سواياك هقواي
اليوم بعد الضيق جاني انفراجي
قفّلت بابك وانتهت كل ذكراي
ارحل غدا جوي غبار وعجاجي .