أم كريـشه شنو بتفصـلين حق (( القرقيعـان و العيـد )) حياااااااكم يالحوامل

[حواء غرابيل]

مساء الخير جميعاً

شخباركم بنات ان شاءالله كلكم بخير ومرتاحات

**

موضوعي هذا بنتشارك الافكار حق لبس القرقيعان والعيد حق الحوامل ، الله يهون علي وعليكم يارب ....

المهم خل أقولكم سالفة القرقيعان

أخر مره لبسة فيها ثوب قرقيعان كان عمري 9 سنين من بعدها مالبسته كلللللش يعني كبيره هههههههه

الي صار قبل جم يوم يسولفون حمواتي وحريم حمواني يقولون احنا خلصنا حق رمضان والقرقيعان

انا استغربت لان ماسمعت احد من رفيجاتي او بنات خالتي يقولون فصلنا للقرقيعان ، المهم الي عرفته كل سنه يفصلون للقرقيعان حقهم هم وبناتهم نفس الشي وبصراحه لبسهم يهبل لاني شفت صورهم العام وقبل العام

اليوم كنت بروح افتر ع المشاغل وافصل دراريع للعيد واشوف يمكن القا شي للقرقيعان هههههههه

اتخيل شكلي دراعه وبخنق ههههههههه

باجر ان شاءالله بروح العربيد الصبح ، والعصر بروح للمشاغل مع الماما


**

اما نفنوف العيد هذا سالفته سالفه

بتجهيزي فصلت نفنوف

الموديل

الصدر كللله كسرات وتحت الصدر دانتيل اسود دار مدار من ورا وجدام وبعدين نازل وسيع شيفون وذيله طويل ، مالبسته كلش لان صدري كان صغير وصدر النفنوف كان وسيع وهم الخصر الي هو الدانتيل كان وسيع شوي

قبل امس قلت مالبسته كلش خل اقيسه

لبسته ولا طالع وااااااااااااااااو

الصدر مظبوووووط والدانتيل مخصر تحت الصدر والكريشه بااارزه وصاير شحلاته طايح وذيله طويل شيفونه روووعه

تقريباً هذي صوره مشابهه

http://i.imgur.com/1zI3j.jpg

نفس الصوره بالظبط بس النفنوف فوشي والدانتيل الي تحت الصدر اسود وبدون علاق
عاد قلت بخليه للعيد*


**


وانتوا كل وحده تقول شنو حاطه في بالها تفصل يعني دراعه لـ رمضان او بدله للقرقيعان او نفنوف العيد

في انتظاركم حبيباتي