@@(( أررحب أررحب يالسليــس ))@@ [الأرشيف]

عبدالعزيز آل ثاني

16-09-2005, 08:26 PM

أخــواني أعضــاء ومشـرفي منتديات غــرابيل ,, الســلام عليــكم ورحمــة الله وبركــاته ,
يســرني أن ألعـب مع أخي محمــد هـذا الطــاروق إذا سمـح له وقـته ,, وأرجــو أن ترتفع المعـاني لمـلامسـة ذائقـتكــم الـــراقية .

الهبـايب تصطفق من جنوب ومن شمــال=والحيا تبرق بروقه وترعد في الخيال
يالله إنك تـــرحم أحوالنا ياذا الجــــلال=مايعرف شعـاب مكــة سوى سكــانها

ياســلام الله ســلام ٍ على حسب النظـام=يارجـال ٍ جــودها عادي ٍ ماجـودها
يالسليـس محـمد الشــــاعر الفـذ الهمــام=إزهـل صـدور المعـاني ودوك ورودها

عبـــــدالعزيز

عريمان السبيعي

16-09-2005, 08:39 PM

مرحبا يابن ثاني
طاروق طيب.. ومايحتاج سيلامس الطاروق
ذائقة المتصفح مادام هناك ابن ثاني
والسليس شاعر المواقف ..
تحاياي

بعيد المراميس

16-09-2005, 09:24 PM

ياسلام عليك ياعبدالعزيز

مبدا يرد الروح ماعليه كلااام

الله الله

الليل يابو علي الليل

حاط لي مركاز هنا لانها محاوره قمه باذن الله

تحياتي ومتابعتي

بعيد المراميس

محمد السليس

16-09-2005, 10:06 PM

هلا وغلا ياا ابن ثاانى

اتشرف طال عمرك

واستلم لاهنت

العلوم تردها اهل الشمال عن الجنوب = والهجوس ان قاله الله تهب ابها الهبوب
يالله انك تلطف الحال لاجات الكروب = مايعرف شعاب مكه سوى سكانها

مرحبا ترحيبتن كنها بدر التمام = من هجوسن تحكم القاف في مردودها
سرها وان قاله الله تبي ترد الحيام = والعلوم الغانمه خابرين ا عدودها

محمد السليس

16-09-2005, 10:13 PM

ابو مقعد

هلا وغلا والله ياالقرم متاابعتك نومااس

لاخلا ولاعدم

ابو جساار

هلا وغلا والله ياالقرم متاابعتك نومااس

لاخلا ولاعدم

عبدالعزيز آل ثاني

16-09-2005, 11:38 PM

هــلا والله وغلا يالسبيعي وشهادتك وسام طال عمـرك ومتابعتك شرف وحياك الله ,,

عبدالعزيز آل ثاني

16-09-2005, 11:40 PM

مرحبا والله ومسهــلا يابعيــد المراميس وطلــتك هي اللي ترد الــروح يالغـــالي والله لا يهينك

أمل عبدالعزيز

17-09-2005, 12:22 AM

,
,
,

حيالله عبدالعزيز وصح لسااانك

محاوورة راائعة

وصح لسانك يابوعلي

وبنتابع بدقة هالمرة

تحية لكليكما..

عبدالعزيز آل ثاني

17-09-2005, 12:24 AM

ارحب يالسليس والشرف لي طال عمرك وإستلم لاهنت

يالسليس أخباركم جاتنا عبر الجزيـرة=والصحافة سولفت والجماهير الغفيـرة
رحمتك ورضاك يالله وعفوك والستيرة=مايعرف شعاب مكة سوى سكانــها

يامحمد سامع ٍ لي من العالم كـــلام=والله اعلم ويش نقـص العلـــوم وزودها
كيف جفّلت الجوازي ولا صدت النعام=وانت قبل سنين رميك يصيب خـدودها

عبـــــدالعزيز

عبدالعزيز آل ثاني

17-09-2005, 12:29 AM

هـــلا بهالطلة الغـــالية ياأمـــــل وصح بـــدنك والأروع مـــرورك يابنت عبدالعزيز ,, واكييييد متابعتك بتكون شرف كبير ,, والله لايهينك على كل حـــال

أخــــوك عبـــــــدالعزيز

بعيد المراميس

17-09-2005, 12:33 AM

ههههههههههههههههههههههههه هه الله الله يصيب خدودهااااا

كلاااااااااااام كلاااااااام يابن ثاني وكلاااااامك غير الكلااام اللي محمد لازم يجاوب عليه

واصلوا لله دركم من شعراء

ابو علي شد حزامك ياسنايدي وتراني اطامر فالصف ههههه

تحياتي ومتابعتي

بعيد

محمد السليس

17-09-2005, 12:49 AM

الله يشرف مقداارك ولايهينك

استلم لاهنت

اسلم اسلم بالسوالف وكايدةالعلوم = ياعسي من جاب الاخبار حظه مايقوم
كان خالف درب ربعه وخالف للسلوم = مايعرف شعاب مكه سوى سكانها

يابن ثانى مانبي الظرب من تحت الحزام = لاتجى مابين بيض الظنون وسودها
قبل تحليل السوالف وتفسير الحلام = لا تجيب ايات تهمـــــــــــه بدون اشهــــودها

محمد السليس

17-09-2005, 12:56 AM

هـــلا بهالطلة يا استااذتنا الفاضله امل

وصح بـــدنك والأروع والاجمل مـــرورك الكريم

بعيد المراميس

مطاامرك حااجه تزيد المعنوياات

لاخلا ولاعدم

عبدالعزيز آل ثاني

17-09-2005, 04:20 AM

استلم يابو علي لاهنت

إعترفت وتونا مابدينا بأي كلمـة=مابقا للقاضي إلا ينفـّـذ فيك حكمــه
عقب ذا مااظنها ياطويل العمر تهمة=مايعرف شعاب مكة سوى سكانها

دام به عنــدك "أمل" ويش تبغي بالزحام=مايصير تسوق هذي وذيك تقودها
بندقك زمّــت هدفــها وطيـّـرت الحمــام=رميتك ذي يامحمـد لاعاد إ تعودها

محمد السليس

17-09-2005, 05:51 AM

استلم ياعبدالعزيز طال عمرك

انتبه لعلومك اللى قلت و الخيره خفيه =اتهامك زور والذمه من الذمه بريه
اثرى اللى واطى ٍ له راس داب وراس حيه = مايعرف شعاب مكه سوى سكانها

انت رجال ٍ تخلط الحلال مع الحرام = ماتحسب لشرهة الناس مع منقودهـــــا
خاف ربك وانت تأدى الصلاه مع الصيام = ليش تقذف غافل الخلق يامقرودها

غرابيل الزمان

17-09-2005, 12:56 PM

الله الله الله الله
محاوره في غاية الروعه
شاعرين مبدعين الى ابعد الحدود
عبد العزيز ال ثاني # محمد السليس
واااااااااااااااااصلوا وااااااااااااااااصلوا
وحنى متابعين

وتقبلوا تحيتي
اخوكم
غرابيل الزمان

حسين الحارثي

17-09-2005, 09:00 PM

عبدالعزيز ال ثاني

ومحمد السليس

وابداع غير مستغرب

ومعاني غميقه ودقيقه حريقه لها الف طريقه تخلي الحلق يشرق بريقه؟

مير سروها سروها يالنشاما ؟

متابع والله لايهينكم

سهيرالليل

عبدالعزيز آل ثاني

17-09-2005, 09:36 PM

إستلــم طـال عمرك ,,,

بالركادة يامحمـــد تــــــوقع لاتطـــير=المعاني حـــدها كنه السيـــف الشطيـر
والرجال إتـّـابع اللي على الساحة يصيـر=مايعرف شعـاب مكـة سوى سكـانها

الثمينة كايدة والرخيـــصة مـاتســام=وانت تعـرف حـاوي القـوم من مردودها
مانبي نجرح صيامك تحَـت ظل الكمام=سلطتك في بلــدتك لاتـــزل حـــدودها

محمد السليس

17-09-2005, 11:37 PM

استلم طال عمرك

يا ابن ثاني انت راعي قطر والا المويه = اعترف والا كشفنا عن الراس البريه
وانت خابر من بلانا ترانا نبتليــــــه = مايعرف شعاب مكه سوى سكانهـــــــا

لو تحط من الفشق يابن ثاني ماتلام = بندقك بأذن الله تموت من عبرودهـــــــا
جبتها صما وجاتك على قد المقـــام = مالعب فأهل الهدي غير كثر قرودهــــــا

عايض الفقيعي

18-09-2005, 12:00 AM

خاف ربك وانت تأدى الصلاه مع الصيـام
ليش تقـذف غافـل الخلـق يامقرودهـا

صح الله السانك يالسليس وصح الله السان ابن ثاني

عبدالعزيز آل ثاني

18-09-2005, 11:21 AM

إستـلم يابو علي طـال عمرك

لعبــتك هذي تـــرى ماتمشيـــها علي=لو تـــــولول يالعتيبي "ولي ياويللي"
مير عـوّد صوب موضوعنا يابو علي=مايعرف شعاب مكة سوى سكانها

المويه وغيرها كلها تحت الحسـام=وانت خلك حارس ٍ حرتك وحيودها
لاتعدى عن حدودك وتخزم بالخزام=المخايل فوق راسك تحن رعـودها

محمد السليس

18-09-2005, 10:24 PM

استلم يالقرم

يابن ثانى وش تبا فالمطيه والجمل = ابذل المجهود والحلم يحتاج الامل
واعرف ان الناس تجزى على حسب العمل = ومايعرف شعاب مكه سوى سكانها
احمد الله يوم تلقي الخبيزه والايدام = ماحداك الله لكفك وفتل اعضودها
ان زغرتك ضعت مابين زمزم والمقام = ويمكن اجليك يم اليمــــن وزيودهـــا

محمد السليس

18-09-2005, 10:26 PM

غرابيل الزماان

حسين الحاارثي

الطياار

عساانى ماخلا ولاعدم هالحضور يالنشااما

وصحت ابدانكم ودام فضلكم

أبوعبدالرحمن

19-09-2005, 12:16 AM

جبتها صما وجاتك علـى قـد المقـام
مالعب فأهل الهدي غير كثر قرودهـا

هههههههههههههههه

صحت قلوووبكم

ومازلت متابع لكم

عبدالعزيز آل ثاني

19-09-2005, 04:20 PM

اشكــــر جمييييييع من شارك وتــابعنا في هذه المحــاورة وبيض الله وجيهكــم جميع والله لايهينكــم على كل حــال

أخـــوكم ومحبـــكم
عبـــــــــــــــــــدالع زيز

عبدالعزيز آل ثاني

19-09-2005, 04:32 PM

أخي الشـاعر الكبيـــر محـــمد السليــس
بيض الله وجهــك والله لايهينك على هذه الردود الجميــلة والقــوية ,, ولا خاب الظن فيك
واشكرك على إعطــائي من وقتك الثميـن وعلى سعــة صــدرك
واتمنى ألقــاك في محــاورة أخــرى بإذن الــواحــد الأحـــد

تقبــل تحيــات أخـــوك
عبــــــــدالعزيز

فهد آل ثاني

19-09-2005, 08:38 PM

عبدالعزيز&السليس

لا غرابه في وصول المحاوره لاعلى مستوى يلامس اذهان المستمعين ويردلها روح المتعه الشعريه

يعطيكم العافيه وكبار وعساكم على القوة

محمد السليس

20-09-2005, 12:05 AM

اخى عبدالعزيز

عساانى مااخلا ولاعدم هالتواضع والعلم الغااانم

صح لساانك وصح بنااانك واتشرف بمحااورتك واتنومس

ولاخلا ولاعدم