قصيدة ( ياطيف عيشه ) قصة حقيقه

[االزعيم الهلالي]

السلام عليكم حبايب ألبي http://www.alhilalclub.com/vb/images/smilies/InLove.gif
حبيت اكتب لكم قصتي مع حبيبتي السابقه عائشه وقصيدتي الشعريه التي تلخص تلك القصه

بدون ما ادخل في مقدمات مطوله http://www.alhilalclub.com/vb/images/smilies/ismile06.gif كنت ايام المراهقه احب بنت اسمها عيشه
بنت تقول للقمر ابعد وتجلس مكانه , سبحان من خلقها

المهم حبيتها من كل قلبي وعشقتها بكل اجزائي واتاخرت في الزواج انتظرها تكبر شوي عشان اتقدم لها , حتى تزوجوا اثنين من اخواني اللي اصغر مني قبلي وانا قاعد انتظرها
لان عمرها كان يوم عشقتها 14 وقالوا اهلها مستحيل نزوجها قبل 18
فخطبتها وقعدت سنه ورى سنه انتظر وانتظر وانتظر يجي اليوم اللي تكبر فيه ونتزوج
ويوم صار عمرها 18 اكتشفت انها ما تبيني وتبي شخص ثاني !!!!!!!! كيف عرفته ومن وين ما ادري
المهم اصرت على فسخ الخطوبه وفسخناها اجبارا , قلبي تقطع من الحزن والالم , ومرضت ايام بعد اللي صار
كيف انسانه اموت فيها واحبها اكثر من نفسي وانتظرها تكبر 4 سنوات عشان اقدر اتزوجها واخرتها تسحب علي !!!!!
المهم فعلا تزوجت هذا الشخص , واهلي من شدة الالم اللي شافوني فيه قالوا لازم ندخله في حب جديد عشان ينساها
وقاموا كل قريباتي يسعوا ويدوروا لي وحده احسن منها
وفعلا حصلوا لي وحده اجمل واحلى منها , وكلموني قلت مستحيل اتزوج الحين , فاصرت علي الوالده والوالد وحلفوا علي , وفعلا تزوجت , والحمد لله كانت نعمه وهديه من ربي لي
جمال واخلاق وحنان وطيبه وكل كل شي بفضل الله
وما شاء الله ودود ولود http://www.alhilalclub.com/vb/images/smilies/amjd.gif
4 سنوات مرت وجابت لي ولدين وبنتين وبعدها قلت ما ينفع كذا ووقفت الحمل http://www.alhilalclub.com/vb/images/smilies/yaaaa.gif

المهم مالكم بالطويله , اتفاجأ قبل ايام الا الجوال يرن , اشوف رقم غريب ! ارد الا عيشه http://www.alhilalclub.com/vb/images/smilies/ismile035.gif
اتفاجات وصنمت مكاني !! عيشه !!! معقوله !!!!
قامت تبكي وتقول زوجي تطلقت منه , طلع انسان معربد اخلاقه زفت وفيه وفيه وفيه وفيه الخ
طيب والمطلوب ؟ قالت ابيك تتزوجني , قلت لها انا تزوجت ومعي 4 عيال قالت مو مشكله اكون زوجه ثانيه
قلت خير , جلست مع نفسي افكر وافكر , طعون عيشه وجروحها كانت قاسيه ما قدرت انساها ابد وولدت في نفسي حزن والم شديد , فكتبت قصيده وارسلتها لها اقول فيها :



يا طيف عيشه ليه قررت الرجوع ؟


القلب ما عادت عـظـامــه ترفعه


أعوام مرت شيبت مني الضلوع


والعمر سافر كيف أقدر أرجـِعه ؟


حتى بعيوني جفت أنهار الدموع


والشوق ماعادت طيوره تـنفـعه


والقهر طفى كل أنوار الشموع


وعجزت والله يا حبـيـبي أمنعه


شوفتك أقدمها على كل موضوع


لو جـيـتـنـي قـبل السنين الأربعه


لو جيتني قبل انك تصير متبوع


للي خـدعـك وكان يـلبس أقـنعه


للي طـعـن حظك بـسكين منقوع


طول الدهر يعجز فؤادي يرقعـه


قررت أشيلك لكن الكتف مخلوع


والـقـلـب مـتـعـلـق بـأم الأربـعـه


اللي غلاها جذع ساكن له افروع


في وسط قلبي تحت ورده يافـعـه


اللي عشقت الخمر والخمر ممنوع


من بعد ضحكتها الجـميله المـمتعه


من بعد ما حـبـيـتـها جـبـت مجـموع


في العشق واللهفه ودخلت الجامعـه


لو عشت عمر الخلق والموت مقطوع


ما أقدر أنساها الحـبـيـبـه الــرائـــعــه


ذكرى هواها بس عندي اللي مسموع


فاترك فـــؤادي لو سـمـحـت وودعـــه




وسلامتكم http://www.alhilalclub.com/vb/images/smilies/ismile023.gif