بـــــــــوادر الـــــــمــــــطـــــرسـ ــــــــة !!

[االزعيم الهلالي]

السلام عليكم ورحمة الله وبركاته ،،،

ألف مبروك لكم التأهل لدور الثمانية ((الله يالدنيا صرنا نبارك بتأهل!! )) ..

قدمت الإدارة الموسم الماضي أسوأ عمل ممكن يتقدم لأي نادي .. فلا المحترفين مقنعين ولا المدربين أصحاب منهج ولا المحليين مرضين ..

البعض وجد لهم العذر في ذلك .. فالإدارة ستركز على آسيا والأهم ليس البطولات بقدر ماهو التأهل بحد ذاته .. كما أن الإدارة تبني الفريق !! ولا أدري كيف تبني فريق يحقق بطولة دوري بدون خسارة!! (( صورة ابن مساعد يشيل بلك وسامي يليص ))

الأكيد، أنه موسم سئ بكل المقاييس الهلالية .. والآن الإدارة تعيد الكرّة وتمشي في طريق فشلها الموسم السابق .. كيف ؟؟؟

الموسم الماضي اعتمدت الإدارة على قناعات غير فنيّة بالنسبة للأجانب .. فشكلت لجنة سداسية مدري خماسية لاختيار الاجانب .. فنتج عن هذا فشل ذريع لثلاثة أجانب من أصل أربعة ..
الموسم هذا برضه تعتمد الإدارة على قناعات غير فنيّة في اختيار اللعيبة ..

فمثلاً .. يونغ سو لاعب أثبت فشله الذريع على مدار موسم كامل .. لكن الرئيس طال عمره يراه متميز جداً (( اللهم اني لا أسألك رد القضاء ولكن أسألك اللطف فيه )) .. لذلك سوف يبقي أمره للمدرب -كما يقول : ) - .. أما ويلي والعربي فباي باي بالتأكيد .. قد يقول قائل بأن الرئيس صرح بأن أمر الأجانب كلهم لدى المدرب .. أقول بأن الرئيس وأخوه (( الأخوان دي بور )) .. لمحوا ببقاء الكوري أكثر من مرة ولم يتطرقوا لويلي والعربي ..

المثال الآخر .. اللاعب .. آسف .. ربع اللاعب: سعد الحارثي ..
الرئيس الله يطول عمره بنظرته الفنية الثاقبة يبي يجدّد عقده .. ليش ؟؟ لأنه يرى سعد مثابر ومجتهد و جدّي .. في التمارين !!!!! ياسلام على العذر الرائع والمقنع .. يعني ماعلينا من بربسته ومطرسته في المباريات لا .. أهم شي أن اللاعب ونعم !!

المثال الثالث ياسر القحطاني .. طبعاً ياسر واضح أن الإدارة زحلقته للعين .. ولا فيه أمل يرجع رغم سلسلة الاستغفال اللي قام بها الريس على مدى موسم كامل .. ياسر موب راجع لأن عبدالله بن مساعد صاحب النظرة الفنية ما جاز له مستواه .. يا سلام .. مزحلقين ياسر وجايبين سعد .. خوش .. خوش ..
_______________________

وش تاريخكم الكروي عشان تحكمون على لاعب أنه يبقى ولا يروح ..

عبدالرحمن بن مساعد يرى أن الكوري متميز جداً ..
وسعد لاعب جدّي و مثابر ..

المهزلة وشّي ؟؟

ياسر القحطاني .. اللاعب اللي رفع ضغطنا كلنا الموسم الماضي ..
أنهى الموسم بـ18 هدف ..

نشوف القناعات غير الفنية وش وصلتنا له ..
العربي سجل 17 هدف على مدار موسم كامل ..
الكوري سجل 14 هدف على مدار موسم كامل ..
سعد الحارثي سجل هدفين مدري ثلاثة واحد منهم ألغي

الآن الإدارة تعيد نفس الأخطاء لكن مغلفة بكلام منمق مثل: سنترك الحكم للمدرب ..

المشكلة الآن أن مهاجمين الفريق الحاليين 3 فقط .. الكوري والعربي والحارثي .. باستبعاد العربي .. يبقى الكوري والحارثي .. الله يعين الفرق الآسيوية على ابراهيموفيتش وكاسانو !!

خلاصة الكلام .. الإدارة تواصل بربستها وللأسف بعض الجمهور انغر بسباعية بني ياس ونسى مسببات بلاوي الموسم الماضي اللي تتكرر أمامنا الآن ..
:ba1::ba::smilie47:
تحياتي للجميع ،،،

الموضوع منقول من شبكة الاقلاع
العضو طاير مع العج