استفسار

[حواء غرابيل]

بسم الله الرحمن الرحيم


انا جمانة من الكويت مثل ماقلت من قبل انا من البدون ماخليت مكان الا ودورت فيه علشان اشتغل انا واخوي لكن بدون امل حتى محلات الكمبيوتر مايبون الا مصري او هندي بدون ما يبون وحتى شركات الهواتف المحمولة المدير لبناني طبعا مايبونا
بعدها انا واخوي قلنا لحد اهني وخلاص مانبي نذل نفسنا ابوي قبل ما يتوفى كان يشتغل بالشرطة وبعد كان عنده محل بالاجار كان يشتغل خياط دشاديش المهم انا فكرت ادرس بمعهد ستانفورد دورة تصميم ازياء وفساتين وبعدها اشتغل بمشغل وبعد ما اجمع لي كم فلس افتح لي مشغل اخوي يدور واحد يعلمه شلون يخيط الدشاديش وين في معهد بالجهراء يعلم خياطة الدشاديش علشان يتعلم كيفية خياطة الدشداشة وبعدها يشتغل بمحل بالاجار وعقبها يفتح معرض خام وخياطة
كنا قبل ما يتوفى ابوي بخير ونعمة لكن بعد ما توفى حياتنا تبهدلت
المهم دوروا لي معهد يعلم خياطة الدشاديش بس يكون بالجهراء علشان يكون قريب مثل معهد ستانفورد البريطاني او معهد ابن سينا على شرط يكون بالجهراء