قــدآم تـــلبـس عبـآيـه.~,~..!>~

[حواء غرابيل]

<div><font color="MediumTurquoise">عهدي بها قدّام تلبس عبايه
وأنا بعد قبل البس شماغ وعقال
طفلين نتهجّى حروف البدايه
الله ياماأجمل سواليف الاطفال
كانت لنا في كل شارع حكايه
وكنّا نقول علوم ماهيب تنقال
وكنت اتقاسم مامعاها معايه
من (عسكريم) التوت,للعلك ابوريال
وكانت بعكسي شاطره في القرايه
تقرأ جزء عمّ وطه والانفال
وكانت لابويه تشتكي من شقايه
وتعلّمه كيف اربط الباب بحبال
ياما على ظهري كسر من عصايا
يقول لي:خلّك وأنا ابوك رجّال
وامي تقول:ادع لولدك الهدايه
خوفي تصيبه كثرة الضرب بهبال
لاشفتها مع اول الدرب جايه
مدري أنا اللي ملت ولاّ الوطا مال
احسّ قلبي يرتجف في حشايا
ماكنّه الاّ الضيف لاهزّ فنجال
تقول:خلّك يا (صآآآيع ) معايا :oops:
واسّتأنس العب عندها دور الابطال
وآغار حتّى من عيون اصدقايه
لاطالعوها قلت:تكفون ياعيال!





نـآلت أعجـآبي,~,,!؟.ْ~