مشاهدة النسخة كاملة : بين الهجر والمواصل
باسل العتيبي
05-06-2003, 09:29 PM
بين الهجر والمواصل
بكتب قصيدة ودمع العين يسبقني=وهجوس قلبي على الطاروق فزاعه
يازين اعشقك وبحر الشعر يعشقني=وأنا اعشق الشعر لجلك واعرف اسناعه
لك صورةٍ في خيالي ماتفارقني=على مدار اربع وعشرين ذا الساعه
نار الغلا في صميم القلب تحرقني= تطفي وتالع ولا تحتاج ولاعه
يازين في بحر حبك ليش تغرقني=رميتني في بحور مالها قاعه
عاقل وكني مراهق وانت ترهقني=تامر وانا اقول ..تم .. السمع والطاعه
لكن ابرجوك حذرا لا توهقني=بابور حبي وحبك .. جود شراعه
بيني وبينك عهد وشلون تسرقني=سرقت قلبي وخله عندك وداعه
صدقني انك ملكت القلب صدقني=ادواه عندك ... وعندك سبّت اوجاعه
بين الهجر والمواصل لا تعلقني=الوقت بيني وبينك طق باصباعه
saud-m
05-06-2003, 10:38 PM
قصيدة تحكي معاناة الحبيب عندما لايستطيع ان يقوى الهجر
على الرغم من تحفظي على بعض الابيات
لكن يالباسل قصيدة تشكر عليها ( أحس انك مسويها بعد صلاة العصر وجالس تشرب شاهي ومروق على الأخر ) .
تحية عطرة
الأميرة الناعمة
06-06-2003, 03:45 AM
http://www.mamarocks.com/hum_line.gif
صدقني انك ملكـت القلـب صدقنـي
ادواه عندك ... وعندك سبّت اوجاعـه
صح لسانك اخوي الباسل
كلمات رائعة خارجة من صميم قلبٍ تألم كثيرا
سلمت اناملك
تحياتي لك
حســــــــاسة
http://www.mamarocks.com/hum_line.gif
باسل العتيبي
06-06-2003, 05:37 AM
الاخ سعود
شكرا على مرورك
صح بدنك
شكلك تعاني من نفس المشكله
شاي العصريه
مع تحيات
اخوك
الباسل
باسل العتيبي
06-06-2003, 05:42 AM
الاخت حساسه شكرا
على مرورك
وعلى كلماتك العذبة والرقيقة
وجودك هنا اسعدني كيرا
مع تحيات
اخيك
الباسل
منيف الشلهوب
06-06-2003, 03:16 PM
بيـن الهجـر والمواصـل لا تعلقنـي
الوقت بينـي وبينـك طـق باصباعـه
الباسل // صححححح لسانك ولا هنت
بين الهجر والمواصل 00000 لا تعلقني
هذا اللي يقطع القلب من جد وذكرتني بهالابيات :
احسّ مره كن شوقك بتـدليـل
___________ ومـره كانـك ودّ قلبـك اعانـي
كني بحبل ٍِ رابطينه هل الشيل
___________ لاني وصلت الارض واموت هاني
ولاني بقربك شارب ٍِ لي فناجيل
___________ حالي كما المرضان ذاق الهواني
ذا حبـكم يـابـنت زايـد بها الجيـل
___________ وانـا اعرف الـحب ماهو انـانـي
اشكي على الرزاق شفت البهاذيـل
___________ هو عـارف الاحـوال علاّم شاني
أبوعبدالرحمن
06-06-2003, 03:26 PM
صح لسانك يالباسل...
قصيدة فيها من الجزاله الكثير ...
وفيها تشيهات جميله وعذبة ...
امتعنا بها بعد طول غيبة ..
ننتظر دوماً منك كل جميل ..
باسل العتيبي
06-06-2003, 03:28 PM
الله لايهينك اخوي منيف
وتسلم على الابيات الرفيعة
ومشكور وماقصرت على
مرورك مع تحيات
اخيك
الباسل
طيف الوله
06-06-2003, 03:42 PM
الباسل
اول مرور لي بالمنتدى..من حظي الزين بدات بقصيدتك التي اجبرتني ان اكون متابعه دائمه لما تكتب
صح قلبك ملااييين
باسل العتيبي
06-06-2003, 03:42 PM
اخوي عشق ليل
مرورك هنا أسعدني
وثنائك فخر لي
وشكرا لك مع تحيات
اخوك / الباسل
شقران
06-06-2003, 04:21 PM
بيني وبينـك عهـد وشلـون تسرقنـي
---------------سرقت قلبـي وخلـه عنـدك وداعـه
صدقني انك ملكـت القلـب صدقنـي
-----------------عندك ... وعندك سبّت اوجاعـه
بيـن الهجـر والمواصـل لا iiتعلقنـي
---------------الوقت بينـي وبينـك طـق باصباعـه
الباسل الغالي
اقول وربي الشعر بالف خير دام انت واشكالك فوارسه
سلمت يالحبيب ولافض فوك
شقران
باسل العتيبي
06-06-2003, 04:31 PM
الشــــــــاعره طيف
مرورك هنا اسعدني وثنائك يجبرني
على تقديم المزيد
شكراً لهذا المرور
وتحياتي لك
باسل العتيبي
06-06-2003, 04:36 PM
الشــــــــــــــــــــــ اعر شقران
الشعر بخير بوجوووووووودك
ووجود شعار أمثالك
وممايسعدني مرورك وأبداء رايك
وتسلم لي يالغالي
مع تحيات اخيك
الباسل
Powered by vBulletin® Version 4.2.6 by vBS Copyright © 2024 vBulletin Solutions, Inc. All rights reserved, TranZ by Almuhajir