][ * ][ آهـ . . . يا وطني ][ * ][

[^][الفـيـصـل][^]

المُرسَل إليه : وطني

المرسل : ابنك



نص الرسالة :



آهـ . . . يا وطني


+++++++++++++++++++++++


كل عام وأنت بخير يا وطني ..


كيف حالك يا وطني


تصدق أني أحبك رغم اللي تسويه فيني يا وطني


آه يا وطني يمكن إنك ما تصدق بس الله العالم إني أحبك ..



صحيح إن عليك حركات بس ما عليه تمون يا وطني ..



صحيح إنك قهرتني أكثر من مره لكن أبمشيها لك ..



تذكر يا وطني يوم تتبرع للدولة الفلانيه



وحنا يالله لاقين شي ناكله يا وطني .



وغيرنا مليون بعد ما يلقون شي يأكلونه ..



أكيد تذكر تصدق إني ساعتها جتني ضيقة صدر ..



ما توقعتك تسويها ..



طيب ليه ..



ما يقولون الأقربون أولى بالمعروف ..



وإلا إنت جايك شي مني وتبي تقهرني ..



طيب ما تذكر يوم إني أتخرج من الثانويه ..



وأقدم لك أبي وظيفه و تطنشني ..



وتعين اللي أقل مني عشانه من آل فلان وعنده واسطه ..



ليه يا وطني مو إحنا كلنا عيالك وإلا أنا ولد الجيران يا وطني ..



أكيد بعد تذكر يا وطني يوم ابوي يطيح مريض



ويقولون علاجه في احد المستشفيات الكبار ..



وأجيك أبي فزعتك وتقول آسف ماأقدر عندنا زحمه



وبعد يومين أقرى في الجريده وأشوفك



جايبن سوداني تعالجه على حسابك ..



وفي نفس المستشفى صدقني في ذاك اليوم



ماجاني النوم من القهر آه يا وطني ..



أفا عليك بس يا وطني ..



لهالدرجه حنا رخيصين عندك



لاتقولي ماتذكر ..



أو أخاف إنك تقول إنك تمزح معي



الله يرجك يا وطني مزحك ثقيل ..



إلا على فكره تصدق إني مادريت



بعيدك اللي قبل كم يوم إلا اليوم ..



ليه يا وطني ياخي على الأقل خل هالمناسبه



مميزه مثلا عطونا إجازات في هاليوم



ولا وزعوا حلاو علينا أهم شي



ندري إن اليوم يومنا الوطني وإلا مستحي منا



طيب بهالمناسبه يابعد قلبي يا وطني



شرايك نفتح صفحه جديده وننسى اللي فات ..



هاه وش رايك ..



بس على شرط حركاتك ومزحك الثقيل خلها عنك ..



وياليت بعد تسوي فينا خير



وتدبر لنا وظايف قسم بالله ذبحتنا



العطاله والتبطح في المقاهي



ترى حنا شبابك نعجبك بس عطنا فرصه



وياليت تكمل معروفك يا وطني وترحم ابناءك



وشعبك وتخفض من أسعارالبنزين والغاز ..



تكفى يا وطني والله ذبحتنا ويكون بعلمك


ترى شعبك مو كلهم تجار وعيال نعمه ..



يمكن إنت ماشفتهم معذور يا وطني



ولكن والله موجودين وبكثره لاتنساهم الله يرحم والديك يا وطني..



وبعدين سالفة الواسطات والعنصريات



هاذي ياليت تتركها بعد كلنا عيالك وكلنا عيال تسعه ..



ترى الواسطات والله ماوراها إلا



الظلم والقهر للمساكين خلك عادل يابعد قلبي ..



انا داري إنك بتقول صعبه وإن المخرج عاوز كده ..



صدقني داري يا وطني بس ياليت



تحاول تفكنا منها على قد ماتقدر والله يعينك..



وحط في بالك يا وطني إننا ابناءك



واللي يمسك يمسنا وحنا نفديك



باأرواحنا واموالنا وكل مانملك



تامر شي يا وطني أنا إنتهيت من رسالتي ..


وابيك تعرف إني



أحبك وأموووووووت فيك يا وطني ..

+++++++++++++++++++++++

المرسل : ابنك


( `•.¸
`•.¸ )
( `•.
¸.• )
( .•`
×`¨) تـحـيـتـي (¨`×
¸.•`¸.•`¨) (¨`•.¸`•.¸
(¸.•` ( *الفـيـhttp://www.aldroob.com/images/smilies/redface.gifـصـل* ) `•.¸)

[أمل عبدالعزيز]

,
,
,

كلمات للوطن

أو لنقل

لمن يهمه أمر الوطن

لعلها تجد أُذُنٍ صاغية

وقلوب ٌ واعية

فتمنحها الدفء الذي تبحث عنه...


كل التقدير لك ولقلمك...

[^][الفـيـصـل][^]

أمل عبد العزيز . .
0
0
0
الرهيبه فعلاَ . .

كنت أتوقع مرورك بموضوعي . .

ويكفي للموضوع ولصاحبه شرفا . .

من بين الزيارات الثمان . .

رد أمل عبد العزيز . .

دمتي لنا . . ولا عدمناك . .

00تحيتي00

[أخت القمر]

الفيصل



كلمات في الصميم..............




قمة الابداع في التخاطب مع ((الوطن)) بكل هذا النقاء.....




صورن الوطن بالاب وهو فعلا كذلك .............



هذا مانحتاجه ولنقل بعض مما نحتاجه.............





لك كل التحياي مغلفة بور وكادي وفل طيبة الطيبة...............




اخت القمر

[الجوهرهـ]

على كثر الصدق الي بين حروفك وعلى كثر مااصبت (نلتمس العذر للغالي) :11oud9:

فيصل:مويقولون لكل جواد كبوه..؟
نتطلع الى الافضل وعشمنا كبير..


ماحنا ناكرين فضلك ولاجمايلك ياوطن ..

مشكووور ياوطن وكثر خيرك

باالاخير:
كلماتك جدا جميله ،، صادقه ،،معبره ،،وقاسيه بعد؟

تحياتي لكم

[^][الفـيـصـل][^]

أخت القمر ..
0
0
0
مرور راقي ..

وكلمات أرقى ..

كما عودتنا عزيزتي ..

ردك بحد ذاته ..

موضوع مستقل..

شاكر ومقدر لك مرورك الكريم ..

00تحيتي00

[^][الفـيـصـل][^]

الجوهرهـ ..
0
0
0
عزيزتي من المأكد..

أنا نلتمس للغالي عذره ..

وهذا دليل حبنا الخالص ..

ولكن لولا الحب ما كان العتاب ..

شاكر لك مرورك العطر ..

....ـهـمسهـ ....

أنا الفيصل ..مو فيصل ..

وإسمي ماهو فيصل..

00تحيتي00

[السُّلمي]

الاخ الفاضل الفيصل


مهما حصل من الوطن الحبيب إلا أننا مديونون له


تركنا نسانا مانظر فينا ماسأل عنا كله يهون...


عندما نشعر حبه عندما نشاهد مساعداته للاخرين يكفينا فخر إننا ننتمي لهذا الوطن المعطاء الحنون لأخوانه
في شتى بقاع الارض ..


ولكن تطمن اخي الفاضل سينظر إليك محبوبك في يوماً ما وسترفع يداك إلى الله تشكرة على ماأنت فيه.




لك مني فائق التحايا والاحترام


اخوك .. السُّلمي

[بنت نجد]

وطني هل في الوجود وطن سواك

أشكرك أخي وأضم صوتي إلى صوتك

[^][الفـيـصـل][^]

السلمي ..
0
0
0
كلمات رائعه ..

ومثلجه للصدر ..

من الماكد عزيزي ..

نحن فخورون بكوننا من ابناء هذا الوطن ..

إنما هو عتاب المحب ..

دمت ولا عدمناك ..

00تحيتي00

[^][الفـيـصـل][^]

الأميره الناعسه ..
0
0
0
شاكر لك مرورك العطر ..

وصوتك الصادق ..

دمتي بود .. ولا عدمناك ..

00تحيتي00