أهـآاااااااااااااات مـن المـاضـي

[بـيـبـرس]

قـصـة رائـعـة للـكـاتـب أوكـانـو
عـجـبـتـنـي جـدا ... وحـبـيـت أنـقـلـهـا لـكـم بـدون تـعـديـل أو إضـافـة ...
لـو عـجـبـتـكـم الـبـدايـة بـكـمـل نـقـلـهـا ، أمـا لـومـا عـجـبـتـكـم .. فـسـوف أكـتـفـي بـمـا نـقـلـتـه ...
وأتـركـم مـع أوكـانـو وأهـاااات مـن المـاضـي
=================================== = =
هـي أولـى مـحـاولا تـي لـكـتـابـة الـقـصـة
آمـل أن تـرتـقـي لـفـكـركـم وتـنـال إسـتـحـسـانـكـم
أحـتـاج لـنـقـدكـم وتـوجـيـهـاتـكـم لـعـل وعـسـى
تـحـيـاتـي وتـقـديـري للـجـمـيـع
أخـوكـم أوكـانـو
= = = = = = = = = = ==
ينما كنت اسير بسيارتي المتهالكه بمحاذاة الشاطئ حانت مني التفاتة صوب فتاة جالسة فوق صخرة وسط البحر توجهت نحوها وترجلت من سيارتي صائحا بها إن المياه عميقة جدا خلف تلك الصخرة فقومي سلمك الله وارجعي الى الشاطيء استدارت نحوي مرسلة نظرها قائلة ( إنتا ايش حشرك عميقه ولا مو عميقه يعني انتا اللي يبغى يغرق ولا انا ) ركبت سيارتي وانا أنظر يمنة ويسرة خوفا من أن يكون رآني شـخـص مـا .ضحكت كثيرا على ما حدث ولكني اخذت افكر في امر تلك الفتاة. في اليوم التالي وجهت سيارتي نحو البحر لكي اعطر انفي بنسائمه العليله واروح عن نفسي بعيدا عن هواء المدينة الملوث واجوائها الصاخبه. وبينما كنت كذلك اذا بي ارى تلك الفتاة جالسة فوق الصخرة ذاتها. وقفت انظر نحوها متعجبا وقلت في نفسي إن لتلك الفتاة لشأن. فتحت باب سيارتي وترجلت . سرت نحوها خائضا مياه البحر الضحله وانا اتوجس خيفة ولكن كنت مصمما على معرفة سر تواجدها مهما كلفني الامر .
فزعت عندما وجدتني واقفا ً بقربها ، وقالت مين إنتا وايش تبغى ياواد
لا تخافي سيدتي فأنا والله لا أضمر لكِ شراً ولكن يـا سـيـدتـي ، دفعني الفضول والخوف .
فضول ايه وخوف ايه لا يكون قصدك إنك خايف عليَ ، وبعدين من متى المعرفه وايش الي يخليك تخاف عليَ
صدقيني انا لا أعلم كيف تجرأت واقتحمت خلوتك ، ولكن
ولكن ايش .. ؟
ولكن ولكن
شوف الواد كيف يسوي نفسه خجلان ، انتا جيت جمبي لا احم ولا دستور ولكنك من بقية أهلي .
نعم من أهلك
كيف
أقول نعم كأني من اهلك ، كأني أعرفك من زمان
لا والله ،
أثناء ذلك اختل توازنها وكادت تسقط في البحر ،
أمسكت بها مسرعا ًولكن كان قد سقط غطاء وجهها .
يإلآهي ن ماذا أرى .
أحضرت لها الغطاء ، تفضلي ، وأدرت لها ظهري
أسمع يا ،... الا انتَ اسمك ايه
انا اسمي اسمي

هههههههههههه معقوله

شعرت بحرج .
ولكن عذري ما رأيت
اسمي أحمد
آه أحمد
شوف يا أحمد .. بـصـراحـة انا ما أدري ليه قلبي أرتحلك .. لكن بقولك
قـولـي.. <<<يقولها بلهفة
انا اجلس هِنا من فتره ما احد عمره جا جمبي لكن انتا ، ما ادري ايش اقولك ،لكن
نظرت لساعتها ، وقالت ..روح دحين وبكره إن شاء الله أشوفك
لماذا
أقولك روح دحين بسرعة
قفلت عائداً ،
ركبت سيارتي وأخذت أفكر في أمر تلك الفتاة
ماهذا
مالذي فعلت يا أحمد ، كيف تجرأت واقتحمت خلوتها ، ولكن أنقذتها من السقوط ، ولكن رأيت وجهها
آه وجهها ، ليس ذلك بوجه بشر ..بل وجه ملاك ، أستغفر الله ،
قمت بتشغيل جهاز التسجيل لكي أنسى ما حصل أو لأتناسى ما حدث .
ركنت سيارتي بالقرب المركز الذي اعتدت أن اجلس به لمقابلة أصدقائي .
---
يـخـاطـبـنـي صـديـقـي الـعـزيـز . عـبـالـرحـمـن
..هلا أحمد
هلا يا وجيه
الحقوا يا شباب أخوكم أحمد صار يتكلم زينا
ههههه ليه وانا كنت اتكلم فرنسي
لا بس احنا سميناك أحمد لغة ليه
لا خلاص من اليوم غير ..
غير جده غير هههههههه
بس يا وجيه بلا بهلله
على فكرة يا أحمد بكر ه نبغى نروح المدينه المنورة
بكره
ايوه بكره .. ليش عندك شئ
بكره راح أقبلها ، يعني بكره أعرف قصتها ..
هيه هيه فين سرحت ، يا عمي الي وآخذ عقلك
والله ياوجيه اخوك وقع وقعة الله يستر....آه
ياولد .. ياولد تعال قولي مين هذي الي قدرت تدخل قلبك ، ياشيخ ليها هديه من عندي يوم ماشوفك لا بس البشت .
اسمع يا عبدالرحمن انت تعرف صاحبك كيف ، يعني مالي في البنات ولا غيره ، وانا لوتكلمني بنت والله ماعرف ايش اقول , صح يا وجيه
صح يابو حميد وما يحتاج تقولي الكلام هادا .
اليوم سويت شئ مايخطر على بالك .
تغير لون وجهه ، عسى ما سويتلك مصيبه
لالالا
وسردت لصديقي العزيز جميع الأحداث .
يعني راح تقابلها بكر ه
إن شاء الله

[بـيـبـرس]

تركت أصحابي الأعزاء وقفلت راجعاً للمنزل
ياترى ما سر هذه الفتاة ، وماسر إهتمامي بها ... ؟
أيعقل لالالا
لكن لماذا أشغل فكري
لم أنتبه إلا وصوت مـنـبـه ( بـوري ) يطلقه أحد السائقين . رافـعـا ً عـقـيـرتـه قـائـلا ً
ياراجل إنتبه هذا طريق وأرواح ناس ،و لسى توك شباب لا تفكر ياولدي خليها على الله .
تأسفت منه بشده ، وأكملت الطريق نحو المنزل
طرقت باب المنزل طرقات متتاليه .
ايش فيك مستعجل ،الدنيا ماهي طايره ، << صوت أمي الحنون
كررت الطرق
طيب اصبر اصبر ،
يوه قلنا اصبر يا عمر
أنـا أحمد يـا أمـي
أحمد ..!
غريبه يـا أحـمـد
ايش الغريب يا أمي
أنا قلت هذا عمر هو الي دايم متصربع كده
ايش الي حصل يا ولدي
ما حصل شئ ياأمي ، بس
بس ..
بس ايش ياولدي تراك وقفت قلبي
بس انا جيعان وأبغى أموت من الجوع
وهـ .. وهـ
سلامتك يا ولدي أجلس دحين ، أجيبلك الأكل
إلا ايش طبخالنا اليوم ياست الحبايب
والله ياولدي مسويه سمك مشوي .
سمك
إيه سمك خير ، إيش فيه ، وسمك طازه من البحر ، اليوم أبوك جابوه
ياسلام على البحر ، وريحة البحر .. آه والله يا أمـي صـرت أحب البحر فوق ما تتخيلي
لالالا أكيد انت فيك شئ اليوم
قلتلك يا أمي مافيني شئ ، بس انا فرحان اليوم .
الله يبسطك اليوم وكل يوم ياولدي .
الله يقطع ابليسك نَسيْيتني أحطلك الغذا
آه والله أمك كبرة خلاص
لا تقولي كده ِلسَاعك شباب
ههههههههه شباب ولا أهلي هههههه
0في هذه اللحظة يستيقظ أخي فهد)
بدري صح النوم ياسيد فهد

طيب ايش تبغاني أسوي ،.
وبعدين انا ماحسبت تجي الإجازة يأخي خليني على كيفي
تتدخل الوالدة
عيب يا فهد أحترم أخوك الكبير ياولد ،و لا ترفع صوتك عليه ، وكلمه بأدب
يوه يأمي وأنا قلت شئ غلط
سيبيه ياأمي ، وبعدين يأخي خلي عندك إحساس وروح ساعد ابويه شويه
رحتلو امس وهُوا قالي أرجع لا توسخ حوايجك

مافيك فايده ، روح بس غسل وجهك ، وتعال أتغذى

الله تسلم يدك ياست الحبايب
تضحك
يجعله بالعافيه ، ياريت أبوك يسمعك
أحم أحم نحن هنا
ههههه يضحك الجميع .

كلما اقترب الموعد كلما ازددت توترا ً .
لم أستيقظ إلا على صوت والدتي وهي وتوقظني لصلاة الفجر
كعادتي كل صباح لابد أن أركض قليلا ً .
بدأ الماء يتساقط على جسدي شعرت بعدها بحيوية ونشاط عجيب
أدرت مذياع السيارة ، فإذا بصوت يشدو بكلماتٍ جميلة رائعة ، تراقصت معه مشاعر قلب
في الموعد المحدد
في نفس المكان . رأيـتـهـا
هاهي متوشحة بالسواد تنظر نحو البحر، وكأنها تنتظره ُ أن يرسل لها شيئا ً ما .
ترجلت ، سرت حتى اقتربت
السلام عليكم رحمة الله
وعليكم السلام ، اجلس
لالا خليني كده مرتاح
أقولك اجلس
أطعتها دون شعور
انت ماجيت عشان تعرف انا ليه أجلس هنا كل يوم
نعم
شوف يا أحمد أنا ححكيلك الحكاية من أولها الين آخرها
وأنا لك آذانٌ صاغية

[أمل عبدالعزيز]

,
,
,دانيلو العزيز نقل موفق للغاية

وقصة جذااابة ومشوووقة

سيتم نقلها للمنقولات وسأتابعها بشغف ياعزيزي


دام قلمك بروعة وجمال...

[بـيـبـرس]

مـدري المـنـقـولات زي المـشـغـولا ت ولا غـيـر
المـهـم إنـهـا عـجـبـتـك
أشـكـرك عـلـى كـلا مـك اللـي مـا أعـرف أقـول زيـه
جـعـلـك الله دخـرا للـجـمـيـع
يـا أمـل يـا وردة غـرابـيـل
تـحـيـتـي لـقـلـمـك ودعـائـي لـشـخـصـك الـكـريـم

[بـيـبـرس]

قبل سنة تقريبا طلع ابويا وأخويا الكبير سعد وخطيبي
خطيبك
إيوه خطيبي
ليه انتي مخطوبة
ماقلتلك ايوه ... وبعدين انتا ماتبغا تعرف القصة ولا ، لا
كيف ما أبغـى أعرفها .. أجل انا جاي ليه
خلاص لا تقاطعني
طيب طيب لا تعصبي
ماني معصبة ولا شئ ... وخليني اكملك
تفضلي
وخطيبي هذا اسمه ..فيصل المهم انهم طلعوا البحر، وقالولانا راح يرجعو بعد يومين ،
بدأت أسمع حشرجة في صوتها
وعدت اليومين والثلاثه ودحين ليهم سنة مارجعو
معقولة ..؟!
والله زي ما اقولك
طيب ما بلغتو حرس الحدود
يوه كل شئ سويناه .. لكن مافي فايدة .. وصرت زي مانتا شايف كل يوم أجي مع السواق ومعايا كمان اخويا الصغير اجلس هنا وانتظرهم اقول يمكن يرجعو
بس انا ماني شايف اخوك ولا السواق
لا .. هُمن بِيمشو بالسيارة على طول الشاطئ يمكن يلا قوهم كدا ولا كدا .. اصل نبيل متعلق بابويا شئ مو معقول
نبيل .. اسم اخوك الصغير
ايوة
والله ما اقول الا الله يصبرك ...
حدث نفسي ... والله لأنها مصيبة عظيمة قلما ما يتحملها الرجال .. فكيف بهذه الفتاة المسكينة
أبيها وأخيها وخطيبها .. خطيبها ... أعوذ بالله من الشيطان ارجيم
سرحت في ايه يا أحمد
لالالا .. ولا شئ ... طيب تحتاجي أي مساعده يا ... يا
وسن
وسن ..
ايوه وسن ليش ماهو عاجبك
لا بالعكس إسم حلو وجميل وعذب.. كا ... لم أستطع ان أكمل
شوفي يا وسن انا ابغـى أروح
طيب مع السلامه
تحاتجي شئ يا وسن
لا تسلم
ركبت السيارة
واتجهة نحو مكان صناعة القوارب علني أجد أبي .. واخذت أتسآل
لماذا لم أسمع بفاجعة وسن في أهلها ... وهل هي اختلقت القصة ... هـل هـي تكذب ... أم مجنونه.. لالا فلم أرى عليها أيٌ مـن علامات الجنون

السلام عليكم ورحمة الله
وعليكم السلام ورحمة الله ياولدي

قبلت رأس أبي ويده ..

خير يا أحمد .. ماهي عوايدك
لا مافي شئ .. بس كنت مار من هنا قلت أنزل ادردش معاك شويا
طيب اجلس وصبلك فنجان شاي ... وبالمره صب معاك فنجان لعمك عواد
لالا والله يابو أحمد مبغا
لا صبله وماهو على كيفه
اقولك مبغا إشبك انتا
أبتسمت ... كما هما منذ أن وعيت على الدنيا ... لم يتغير فيهما شئ
أقولك يابويا
خير باولدي
صحيح فيه ناس قبل سنة طلعوا البحر ولحد الأن مارجعوا
نظر للعم عواد قليلا .. آآآآه
ايوه يا ولد ي... بس ليش تسأل
لا مافي شئ .. بس كنت جالس مع أصحابي وسمعتهم يتكلمو عنهم
وبعدين ياأبويا أنا مستغرب ليش ماسمعت عنهم
ياواد ايشبك انتا .. ماكنت مع امك في جده يوم كانت مريضه الله لا يعيد الشر .
ايوه .. إيوه .. أفـتـكـرت .. بس احنا جلسنا شهر بالمستشفى
في نفس الشهرياولدي اللي كنتو مسافرين فيه صار الي صار .. ويمكن ماجات مناسبة عشان تسمع
تعرفهم يابويا .. من بيت مين همن
كيف ماعرفهم .. من بيت أبو سالم
التاجر
ايوه التاجر .. ايشبك انفجعت
لالالا مافي شئ
بعد إذنك يابويا .. بعذ إذنك ياعم عواد
الله معاك ياولدي .. تفضل
ابتعدت قليلا .. ثم أوقفت سيارتي أمام الشاطئ
أين أنا وأين وسن
بيت أبوسالم ... وبعدين هي مخطوبة .. لكن خطيبها مات .. وايش يضمنلك انه مات ..هذا بحر..والبحر اللي يروح فيه ما يرجع ... ياإلآهي .. راسي .. ماهذه الأفكار
قرص الشمس بدأ وكأنه يسقط في وسط البحر في منظر جميل أخآذ ... سبحان الله
ذهبت للمنزل بعد أن صليت الغرب
طرقت الباب
مين ..
أنا أحمد
السلام عليكم

[مــوادع]

؟؟؟؟ وش السالفه خلصت القصة والا ما خلصت
؟؟؟؟؟

اخوي دانيلو فيه تكمله والا وشلون

حرام عليك التعليقه

تهئ تهئ

وش صار

اخوكم/اخــــــلاق

[بـيـبـرس]

يـاهـلا بـالـحـبـيـب أخـلاق
هـي خـلـصـت ومـاخـلـصـت وإنـتـهـت مـا بـدأت..
وطـبـعـا الـتـعـلـيـقـه حـرام والـتـمـيـمـه بـعـد
أخـوي أخـلا ق
يـمـكـن تـكـون قـرأتـهـا مـن قـبـل ويـمـكـن تـكـون أول مـرة تـقـرأهـا
والله وحـده يـعـلـم مـافـي الـقـلـوب
وقـلـبـك الـصـافـي الـنـقـي
جـعـلـنـي أتـجـرأ وأسـالـك عـن مـعـنـى
تهئ تهئ
يـحـفـظـك ربـي ويـسـعـدك

[بـيـبـرس]

وعليكم السلام .. هلا بولدي الكبير
قبلت يدها . . .. ثم توجهت لغرفتي الخاصة...
أطلقت لفكري العنان ..
هل يعقل .. لالالا ... وبعدين كيف تحب وحده هيا فين وانت فين .. هادي أبوها التاجر المعروف .. بس هذا مات .. ولو مات .. أهلها .. وبعدين فيه شئ مهم .. ِهيا
.. هيا تحبني .. مجنون انتا اللي زي هذي ماراح تفكر فيك مجرد تفكير ماهو تحبك ..
لم أفق الا على صوت طرقات خفيفة على باب غرفتي
مين ..
أنا سراب
تفضلي..
والله ياخويا أنا شايفاك بالك مشغول لك كم يوم .. قلت أسويلك براد شاي بالدوش اللي تحبه
الله يسلمك .. بس أكيد ورا البرادي هادا حاجة .. أبتسمت
لا يـا أحلى اخو فالدنيا..
علي أنا يابنت .. أعرفك .. بس قوليلي يالله
أبتسمت .. وأطرقت رأسها خجلا ً
بصراحة ..
ايوه ... قولي اللي عندك
انتا عارف إني خلصت الثانويه ..
يوووه .. جينا للغرور .. وحتقوليلي جبت تقدير اميتاز ماحد جابوه في البيت .. و
قاطعتني..
لالالالالا ... بصراحه انا ابغى اكمل دراستي ..
نعم يختي ..تكملي ايه ..دراستك انتي تجنيتي ... وبعدين كلية ماعندنا .. يعني لازم تقدمي على كلية المدينة المنورة
مو هذا اللي انا جايتلك عشانه .. ابغاك توديني المدينة .. اقدم هناك ..
ياسلام .. المدينة هنا جمب اذني .. ولااا تفتكري الكليه زي الثانويه
اسمعني بس يا خويا يا حبيبي شويه ..
تفضلي ..
انا قصدي توديني اقدم .. ولو قبلوني حسكن في سكن الطالبات ..
اها
وكل شهر تجي تاخذني .. وصدقني الايام تمر بسرعة .. وزي مانت عارف الشهادة في يد البنت سلاح .. وخاصة اليومين دول ..
في هدي صدقتي .. بس خليني اشوف ابويا اول شئ ايش راح يقول ..
لا .ياحبيبي اطمن انا كلمته ..
ها وايش قالك ..
قالي شوفي اخوكي أحمد .. ماهو انت الكل في الكل مين قدك .. تضحك ..
خلاص .. بس اشوف متى التقديم ..
الاسبوع الجاي
مشاء الله عليك .. وايش عرفك ..
قريت الخبر في الجريده الي جبتها معاك اليوم ..
طيب .. يوم الجمعة ان شاء الله بعد الصلاة نسافر ..وبالمرة خلي أمي تكلم خالتي ..تقولها احنا جاينها ، ولا ماتبغينا ننزل عندها .. ابتسمت
أحمر وجهها وهرولت مسرعة خارج الغرفة .... هناك خطيبها
كعادتي .. بعد كل صلاة العشاء أذهب للقاء أصدقائي .. وخاصة عبدالرحمن ( الوجيه )
السلام عليكم ياشباب ..
وعليكم السلام ... الله جابك يا أحمد
خير ان شاء الله
خير ... بس ترى خالد جا هنا ومالقيك ...
خير ايش يبغا
ياخي استنا خلينا نكملك الهرجة .. الرجال جا يبغى يعزمك على ملكته يوم الخميس الجاي ..
والله .. مشاء الله مبروك مبروك
تقلنا احنا مبروك .. ياخي قله هوا مبروك
ياوجيه انتا ما تبطلك البهللة حقتك هادي .. وبعدين خالد اخونا يعني لازم نبارك لبعض ..
أجل على كدا حتى ليلة الدخلة ندخل معاه نباركله .. ههههههه ضحك الجميع
بعد أن انتهينا من ملكة صديقي خالد رجعت للمنزل وأنا في غاية التعب والإرهاق وماإن دلفت داخل المنزل وجلست على الأريكة لأستريح قليلاً .. حتى بادرتني أمي قائلة
أسمع يا أحمد ..
خير يأمي ..
ترى اليوم أرسلتلي أم سالم تقول تبغاك تاخذ بنتهم معاك المدينة تقدم للكلية مع أختك
مين دي أم سالم يأمي
ياواد أم سالم اللي زوجها ولدها راحوا في البحر وللأن مارجعوا
وما إن سمعت هذه الكلمات حتى قفزت من مكاني كأنَ شئٌ ما جذبني لأعلى
أم سالم ماغيرها زوجة التاجر ..
إيوه .. ليش .. ايش فيها
لالالا مافيها شئ .. بس كيف أخذها يأمي لوحدها .. وو
قاطعتني..
لا ياولدي راح يكون معها أخوها نبيل
بس يأمي
لا بس ولا حاجة .. وبعدين دول أيتام يعني تكسب أجر فيهم ياولدي
خلاص يأمي .. أرسليلهم يكونوا جاهزين بعد صلاة الجمعة على طول ..
ولا يهمك .. دحين أرسلهم .. بدأت ملامح السرور والرضى على محياها.. كذلك أنا
انتهيت من صلاة الجمعة وقفلت راجعا ً للمنزل .. يخالطني شعور ٌ بالخوف .. والفرح
مشاء الله .. ايش الشنط هادي .. كان كفاية شنطه وحده بس
لالا يمكن تطولوا هناك شويه
على قولك ياست الحبايب .. ها .. بسم الله .. نقلت الشنط الى السيارة
هيا مع السلامة يأمي ..
مع السلامة يا ولدي .. وما أوصيك ياولدي سوق على مهلك ..
ما يهمك يأمي .. الله الحافظ
الله يحفظكم ياولدي وييسرلكم الطريق وتروحوا وتجوا بالسلامة.. في أمان الله
مع السلامة يأمي .. صرفت نظري عنها بسرعة .. فقد رأيت دمعتها تنسكب من عينيها ..
انتي تعرفي .. وسن ..
ايوه .. كانت زميلتي في ثانيه ثانوي .. وبعدين انتا ايش عرفك بإسمها
بنت .. كيف تكلميني بالطريقة دي ... وبعدين شئ طبيعي بحكم قصة ابوها واخوها
آه .. بس لا تعصب .. والله ماكان قصدي
خلاص ما يهمك .. ولا تزعلي .. تبسمت
ما إن رأى نبيل السيارة حتى أسرع مهرولا ً داخل المنزل لينادي .. وسن
كلما اقتربت من السيارة ... إزدات ضربات قلبي .. حتى فتحت باب السيارة .. وقالت
السلام عليكم ....

[ســـامي]

باقي شي من القصه والا نرد

[دمعة سراب]

بصراحة قصة مشوقة مع إني كنت
أدخل المجلس أطالعها وأطلع >> تتهرب
بس من قرأت البارت الأول صرت أبي
أعرف الباقي وتضايقت لما شفت
إن التكمله مو موجوده
يعني إحناااا بإنتظارك لااطووول علينا
وشكراً للنقلة الجميلة.

دمعة سراب

[بـيـبـرس]

ياهلا وغلا بـسام تو
باقي طال عمرك
بس لو حبيت تشرفني بنقدك بكون شاكر وممنون
وإعلم يقينا بأن ما تسطره هنا
سوف يصل بمشيئة الله لكاتب القصة او الرواية إن صح التعبير
لعل وعسى أن يستفيد من نقدكم البناء
أشكرك
ولك أطيب المنى

[بـيـبـرس]

كل كلامك افتهمته
الا البارت ...
جلست افكر ايش هو البارت ..ايش هو البارت
واخيرا عرفت انك تقصدي البارشوت اللي طبيتي فيه على المجلس
يعني
جزء من القصة سوف يكتمل
دمعة سراب لامست حرفي الباكي
جميل ان يسعد منقولي بتواجدك بين اسطره
اشكرك على مجاملتك وتفاعلك
لك ارق التحايا

[دمعة سراب]

هلا وغلا خوي

حلووو تفسيرك للبارت
خووي البارت يعني ( الجزء )
وهذا مصطلح قرأته وشاهدته في
أغلب المنتديات

أممم ممكن تقبل مني هالنصيحة للكاتب والافي مانع..؟
انا راح أخليها والباقي عليك..

القصة حتى تكون متماسكة وجميلة
يجب أن تشتمل على جوانب تجميلية أيضاً
منها الشكل والألوان وعلامات الترقيم و.....الخ
يمكن أن يضع قبل العبارة رمز مختلف لكل شخص ..
مثلا: لأحمد (*) ،، ولوسن (^) ....الخ ..
وشئ آخر قبل بداية أي جمله لأي شخصية يكتب الأسم
مثلا >> أحمد: هيا مع السلامة يأمي ..
وهذا مالدي وأشكرك مرة أخرى للإستماع..!!

وبالخدمة اذا احتجت أي شئ آخر
أختك دمعة

[بـيـبـرس]

جـمـيـل أن يـعـود قـلـمـك
أخـتـي دمـعـة .. لـو تـراجـعـي ردي
تـلا قـي ( يـعـنـي ... جـزء .. مـن الـقـصـة ) أعـرف مـعـنـى بـارت وجـاوبـتـك بـطـريـقـه غـيـر مـبـاشـرة
عـمـومـا لـيـس هـذا بـيـت الـقـصـيـد ... إن صـح المـثـل وكـان هـنـا مـقـامـه
ونـصـائـحـك المـهـمـة بـإذن الله سـوف تـصـل لمـسـتـر أوكـانـو
وإن شـاء الله يـأخـذهـا بـعـيـن الإ عـتـبـار
أشـكـرك دمـعـة ... سـراب
ولـك جـزيـل الـشـكـر والـعـرفـان
اخـوك ... دنـيـلـو

[بـيـبـرس]

وعليكم السلام ورحمة الله
جلست بقرب سراب بالمقعد الخلفي ورائي مباشرة ....
نظرت لنبيل الذي كان يجلس بقربي
ها .. يانبيل كل حاجه تمام .. مانسيتو شئ
لا مانيسينا شي
بسم الله توكلنا على الله ..
سلكت بداية الطريق السريع ... نظرت للمرآة كعادتي ..لكي أرى مدينتي وهي تختفي عني شيئا ً فشيئا ً
لا أعلم سر حبي الجارف لمدينتي حتى يخيل إلي أنه لا يوجد مثلي من يحبها هذا الحب العظيم .
شغـلنا شريط يا أحمد .. هذا ماقالته أختي سراب ..
مو وقته دحين ...
بس وسن تبغى تسمع أغنية ..
طيب تبغى تسمع لمين ...
تحدثت وسن ... انتا ايش عندك من أشرطه ..
عندي .. طلال وام كلثوم فريد محمد عبده عبدالحليم .. فيروز عبدالكريم عبدالقادر و...
بس بس ايش هوا .. دا .. ستريو متحرك .. مشاء الله عليك
والله صحيح .. ترى أي مطرب قديم ولا جديد تلا قيه عندي ..
مشاالله عليك باين عليك اذنك موسيقيه ..
ما إن قالت هذه الكلمة .. حتى تراقص قلبي فرحا ..
الله يسلمك ..
طيب إنتا اختار شريط لو سمحت ...

نبيل ..

نعم

الله يخليك .. حبيبي ..أفتح الدرج اللي قدامك .. شوف أي شريط وطلعو....
وضعت الشريط .. عندما سمعت صوت المغني ..
يووه .. كيف تسمعلوه هدا ..
لا أنـا ما بسمعلو كثير
بس عجبتني كلمات ألأغنية .. وعلشان كدا أنا اشتريت الشريط

ايش رايك معاي شريط .. تحب تسمعوا

مطرب ..

لا .. مطربة .. ورده..

طيب .. هاتي الشريط.. سراب

وضعت الشريط .. وبدأت أستمع لكلمات الأغنية التي لا أظن جآت من قبيل الصدفة..

وتصدح وردة

=====
شعوري نحيتك شعور كبير كبير ...
شعور بمحبتك مليان أحاسيس كثير
وفكل مافي وجودي من قلبي ومن ضمير ..
بحس إنك عينيه وفرحتي وأماني ..
مخلوق في الدنيا ليا مش لحد تاني
آآآه آآآآآ ه آآآآآآه
شعوري ناحيتك ....
بنظر وياك لبكرة ألقاه جميل جميل
كله أنس ومحبة ولا يعرف مستحيل
والحب اللي في كياني بيعيشلك طول زماني
=====
لم أنتبه إلآَ وانا أقول يااااااريت ..

فقالا وسن وسراب في لحظة واحدة ..

ايش...

ارتبكت ولكني تداركت الأمر .. أقول ياريت تنقبلو في الكلية ..

.....اللهم آمين ..

بس يا أحمد .. ايش رايك في الأغنية ..

صراحة يا أخت وسن جدا روعة ... وأعتقد اللي كتبتها .. بتعز شخص معزة كبيرة بس ماهي قادره تواجه وتقوله ..

صحيح .. وهي أكيد خايفة يكون أحد شاغل باله ..

بعد أن قالت هذه الكلمة خيم الصمت على الجميع .. ولم أشأ أن تسترسل ببوح مشاعرها ولكني كدت أقول لها والله لا يوجد غيرك في قلبي وسن ...

ضحكت .. فسألتها خير ايش يضحكك ..

مانتا سامع صوت سراب ونبيل ..

ليه نامت سراب ..
من بدري ..
اقول صوت الموسيقى من فين جاي ..

أحمد ..

نعم ...

أبغى اعطيك حاجة .. بس توعدني ماتفتحها اليين مانرجع وأنزل عند بيتنا ديك الساعة افتحها ..

ولا يهمك أوعدك .. بس ايش هيا دي

لم أنتبه الا وبريق يدها وقد أزاغ بصري ..

تفضل .. هذا خطاب مني لك .. بس ارجوك لا تنسى وعدك
..
عيب يا وسن .. أنا وعدتك .. وأحمد لا وعد بمشيئة الله لازم يوفي ..

اصحى يانبيل اصحي ياسراب .. شوفوا منارات الحرم ..

ياسلام .. اللهم صلي وسلم عليك يارسول الله ..

تصدقوا والله ماأدري أحب المدينة حب فوق الخيال .. مدري ليه ..

ماهو انتا لوحدك .. كلنا والله

احس نور يشع فيها .. اللهم صلي وسلم وبارك عليك يارسول الله ..
...( وسن ... تخاطب سراب) ..إلآ .. خالتكم فين ساكنة ياسراب ..
في أرض محبة ..

دخلنا المدينة المنور.. ثم انعطفت يسارا ً حتى دخلت حارة أرض محبة .. أوقفت السيارة ..
هيا أنزلوا لحد ما أنزل العفش ...
طرقت الباب ..
مين ..
أنا ياخالتي .. أحمد
فتحت الباب ..
السلام عليكم ...

[دمعة سراب]

ياسلااااااااااااام عليك
قاطع البارت في وقت محرج
يعني مادور الا هني يقطعه..!!

تصدق اني توني منتبهه
ل جزء من القصة سوف يكتمل
على العمووم بإنتظار الجزء الياي
ولاأطووول علينا

وتسلم يمناك مرة ثانية
أختك دمعة

[بـيـبـرس]

وتـسـلـم يـمـيـنـك وهـم يـسـراك
تـصـدقـي يـا دمـعـة
حـتـى أنـا .. تـو مـاانـتـبـهـت لأ سـتـار الـيـاي
مـا أطـول عـلـيـك
وإلـيـك تتـمـة مـا تـبـقـى مـن أهـآآآآآت أوكـانـو
تـحـيـتـي لـصـفـاء قـلـبـك

[بـيـبـرس]

وعليكم السلام ورحمة الله .... هلا بولدي حبيبي .. مشاء الله عليك والله كبرت يا أحمد ... تبتسم ..
ليه ياخالتي تبغيني أفضل زي مَنا ..
هههه ... لا مو القصد يا ولدي .. بس عشان انا ما شفتك من زمان ..
يوووو ه يا أحمد ... نسيتني أسلم على أختك
هلا حبيبتي سراب .. مشاء الله عليك قمر .. قمر بنتي ..

َبس .. َبس .. يا خالتي لا تخليها تنغر .. هِيا فين والجما ل فييين ... ولا علشان عين تكرم مدينة ...

اسكت ياواد ايش فهمك انتا....
أثناء ذلك سمعنا طرقات خفيفة على الباب ..
صرخت سراب .. يوه.. يوه ... نسيت وسن جارتنا وصديقتي ياخالتي

ما إن سمعت اسمها حتى أسرعت نحوى باب المنزل ..فإذا خالتي تصيح بي ..

ارجع ياواد ايش فيك انتا .. ما تستحي ... هَيَا هيا رُوح اد خل المجلس دحين يجي عمك منصور والاولاد..

طرقت رأسي خجلا وتوجهت نحو المجلس وارتميت في أحد أركانه ...
ماهذا الذي فعلته يا أحمد .. ما الذي جرى لك .. لا تجعل الحب يفقدك احترام الآخرين .. الحب ... آآآآآآآه
ولكن هل تأكدت من حبها .. نعم مالدليل .. حوار الطريق والخطاب.. أه الخطاب .. أسرعت بوضع يدي وأخرجت الخطاب وهممت بفتحه .. تذكرت عهدي .. أرجعته على مضض ..

ها.. يا ولدي أحمد أحطلك لقمتين تصبيرة كدا .. لحد مايجي عمك منصور..
ِتلا قيك ..
قاطعتها .. لالالا ياخالتي .. بس ياريت تسويلي .. براد شاي صغير ...
ولا يهمك حبيبي .. وبالدوش اللي انتا تحبه ..

الله .. الله .. تسلم يدك ياخالتي .. براد شاي ما يحتاج ...

بس مو انا اللي سويته ..

أجل مين ..

هادي بنتي .. نجود ..

الله يحفظها لك ياخاتي ...

آمين يارب .. الا ما تبغى تشد حيلك وتتزوج يا أحمد ..
زواج.. إيه يا خالتي .. بلا وجع دماغ .. خليني كدا احسن
وهـ.. وهـ ..يا ولدي دا الزواج نعمة من عند ربي ..

أكيد يا خالتي .. بس مو قصدي .. .....آه

ايش فيك .. انا حاسه انه فيك شئ ...

لا والله .. بس تعرفي الزواج مسئوليه .. ويبغاله فلوس كثيره وتجهيز ودوووشة كبيره .. يوووه يا خالتي خليني كدا مرتاح أحسن ..
والله يا ولدي الفلوس ماهي كل حاجة .. وبعدين كثير بنات يتمنوك مشاء الله عليك .. لا يروح يجيك شئ تقول خالتي حسدتني ..

ضحكت .. ودخلني بعض الغرور ...رغم يقيني بأنها تريدني بأن أقترن بابنتها .. نجود .. التي أعتبرها مثل اختي سراب ..
ايوه ياخالتي الفلوس ماهي كل شئ ... وبعدين الزواج قسمة ونصيب .. ولا مو كدا ..

الا كدا ياولدي .. وانا ما أقول الا الله يقدم اللي فيه الخير ... يالله اسيبك ترتاح شويه ..

كُنْتُ منهكا ً من عناء السفر ...
وضعت رأسي على الوسادة لكي أسترخي قليلا ً .. ولكن غلبني النعاس .. فنمت نوما ً عميقا ً لم أفق منه الا على صوت العم منصور وهو يوقظني لأ داء صلاة الفجر ...
اصحى يا أحمد ..
طيب .. طيب .. دحين أقوم ..
يا واد قوم لا تفوتنا الصلاة ..
خلا ص .. خلاص هداني قمت .. فتحت عيني لأرى العم منصور بقامته الفارعة .. ووجه المضئ الصبوح ولحيته البيضاء التي تتساقط منها قطرات الماء . من اثر الوضوء
اغتسلت وتوضأت .. وآتيت العم منصور فقبلت رأسه .. والذي لا أعلم سر محبتي لهذا الرجل .. صدق من قال .. المحبة من الله ..
بعد أن صلينا الفجر في الحرم النبوي قفلنا راجعين صوب المنزل .. فأخذت اتجاذب بعض الحديث مع العم منصور ..
تصدق ياعم منصور .. مدري ليه يا عم منصور لما أجي المدينه احس اني فرحان .. ولما أكون في الحرم أنسى الدنيا كلها وأحس كدا اني مبغى أطلع من الحرم ...
الله الله شئ طيب هذا الشعور .. والله يقوي ايمانك ..
والله ياعم منصور ابغى أسألك سؤال لكني خجلان منك ..
نظر إلي .. وابتسم ، ابتسامته الحانية المعهودة .. لا إسأل ولا تخجل .. يابو حميد ولا يهمك . واعتبرني واحد من اصحابك ..
الحب .. حرام ..ولا ..ولا عيب ولا ايه ياعم منصور .. والله ماني عارف ايش اقولك..

اسمع يا أحمد .. اول شئ لازم تعرف ان البنت ضعيفة وحنينه وممكن بأي كلمة ممكن الواحد يضحك عليها .
.
بس مو كلهم ياعم منصور ..

انا عارف ..عارف الشئ دا .. وخليني أكمل ..

خجلت لمقاطعتي له .. تفضل ..

يعني لازم الواحد يتقي الله فيهم .. وما يضحك عليهم .. ولازم تعرف انه زي ما انتا عندك عار تخاف عليه الناس كمان همن زيك .. يخافوا على أعراضهم .. يعني الواحد اللي يسوي نفسه .. فِتِك .. ويضحك على البنات ..ربنا يسلط عليه مين يضحك على بنته ولا أخته ولاا حتى مرته . الله يستر على المسلمين .. وأنا أنصحك يا أحمد .. إذا تبغى ربنا يوفقك .. خلي نيتك الزواج .. وإن شاء الله كدا ماهو حرام ..

والله انك صدقت ياعم منصور ..

سيبك من الحب .. وتعال خلينا نآخذ لنا صحنين كبده من عند عمك حسين .. وبعد ين ناخدلهم فطور..

ياسلام ريحة الكبده ياعم منصور تفحفح شئ ياسلام .. <<جوعان احـمـد

قمت بتشغيل سيارتي .. استعدادا ً للتوجه ..للكليه ..
يابنت يالله .. خلينا نلحق التقديم ...
طيب طيب .. ايش فيك مستعجل ..يا أحمد ..
مستعجل ... انا اللي ابغى اقدم ولا انتم ..بكيفكم .. دحين تلقوا الدنيا زحمة.. وبعدين اذا خلصتم بدري نبغى نسافر على طول ..
ان شاء الله بس ادعيلنا ربنا يوفقنا ويقبلونا يا أحمد ... هذا ما قالته ..وسن
والله يا وسن بادعيلكم من كل قلبي ..
وقفت أمام بوابة الكلية بإنتظار خروج وسن وسراب ..

ها .. بشرو .. انقبلتو ..

والله أخذوا الملفات .. وأخذوا أرقامنا وقالوننا راح نتصلبكم ..
ن شاء الله خير .. هادي بشارة طيبه .. يالله خلينا نروح نآخذ حاجاتنا من عند خالتى ..
ليه تبغى تسافر دحين ..

وانا ايش با أقول من الصبح .. ماقلتلك يا أختي اذا خلصتم نبغى نسافر على طول ..
بس لو سمحت يا أحمد .. تعدينا على حلقة الخضار.. أبغى آخذ شوية ورد ونعناع للوالده ..
ما يهمك .. يا وسن هذا شئ أكيد بمشيئة الله .. وكلنا راح نشتري ..

مع السلامة .. يا خالتي ..

والله يا ولدي كنت أتمنى تجلسو عندنا .. لكن ايش باسويلك .. الله يهديك راسك ناشفة زي ابوك ..
ضحكت .. والله ياخالتي نفسي أجلس بس فيه أشياء مهمة .. لا زم أسويها هناك ..
يالله .. الله وياكم حبايبي ..
فمان الله ياخالتي .. فمان الله ياعم منصور
مع السلامة .. مع السلامة وفي حفظ الله ...

[بـيـبـرس]

بعد أن تم شراء مالذ وطاب من حلقة الخضار ... وخاصة الورد والدوش
- - - - -

خلاص ماتبغوا شئ تاني ...
لالالا تسلم ياأحمد ...
وانتي ياسراب مانفسك في شئ أشتريه ليك ...
تسلم يا أخويا يا حبيبي ...
دوما كانت تقولها لي .. لكن لا أعلم لماذا راودني شعور غريب بنطقها يا حبيبي .. شعرت بأنها تشير إلى شئ ما ..
أخذت أنظر في المرآة أشاهد طيبة الطيبة وهي تبتعد رويدا رويدا .....
تصدق يا أحمد ...
خير ياطير .. أصدق ايه ..
ايشبك انتا .. لك يومين مانتا طايقلي كلمة ...
هههههه انا يابنت ..وبعدين كيف تكلميني بالطريقة دي ...
آسفة يا أخويا بس والله ما أدري كيف طلعت الكلمة دي مني ...
عادي لا تاخدي في بالك ...
بس ايش كنتي تبغي تقولي ...
أقول ايش رايك مدام الجوي مغيم وهادي الجبال يعني منظر خيالي ..
قاطعتها ...
أشوف صرتي شاعريه .. لا يكون اللي بيكلمني بدر بن عبدالمحسن ... ههههههه
لو سمحت يا أحمد ..خلينا نسمع ايش تبغى تقول .. هذا ماقالته وسن
تفضلي كملي ..
أقول ايش رايك نوقف ... ونجلس شوية نشرب شاي ..يعني والله المنظر جميل ...
تكمل وسن ..
ياريت يا أحمد .. فعلا المنظر رائع وبديع مَرَرره حلو...
من جدكم تهرجو انتو ...
اي والله ...
صحيح انكم فاضين ...
نبيل حبيبي ..
نعم ...
بالله أعطيني الكيس اللي في الدرج عندك ..
تفضل ..
وضعت الشريط ...
فإذا أبو نورة يصدح بإحدى أغنيته الجميلة.. جعلت الطريق معها يُطوى بكل رقة ونعومة
بدأت أرى .. أنوار مدينتي معشوقتي حبيتي وهي تتلألأ من بعيد ...
فتحت زجاج نافذتي واخذت نفساً عميقاً أشتم رائحة هواء معشوقتي ...
إيش بتسوي انتا ...والله عليك حركات
سبيه يا وسن هذا طبعه كل ما سافرنا وقربنا من مدينتنا وهوا يسوي الحركه اللي شفتيها ..
تضحك وسن ... بصراحة يا أحمد ما أدري ايش أقولك أنا بحس إني بحسد مدينتنا على حبك لها ...
حدث نفسيي .. آه لو تعلمي كم أنا أحبك ولا ينافسك في ذلك أحد ...
والله يا وسن انا بحبها حب فوق الخيال .. ولا تسأليني عن السبب ..
يالله .. الله يعطينا الحظ ...
الحظ من الله يا أختي وسن ...
صدقت .. الحظ من الله . .. وأهو بنستنى الحظ ..
محد يدري يا وسن .. يمكن يكون قريب .. يمكن يكون لسى جاي في الطريق .00
قمت بإنزال وسن ونبيل ورجعت مسرعا ً نحوى المنزل فقد أشتقت لوالدي .. وكذلك أتوق لفتح الخطاب وِقرآت ما فيه ..
هلا بولدي هلا حبيبي .. الحمد لله على السلامه ..
كعادتي قبلت رأسها ويدها .. كذلك فعلت سراب ...
تعال ياواد تعال بشرني ها قبلوا أختك في الكلية ..
والله يا أمي شكلهم كدا ..
كيف ياواد .. قبلوها ولا ما قبلوها ... طمني حبيبي ...
والله يا أمي همن قالولهم .. راح تصلوا عليهم ..
وحتى وسن ...
ايش فيكي ياأمي ما قلنالك قالولهم .. يعني كلهم ... والله شكلي بخلي أبويا يدورله على عروسة ..
عروسه في عينك .. تضحك .. مو لَما نشوف عروستك انتا الأول ..
ان شاء الله يا أم أحمد .. قريب .. قريب إن شاء الله ..
بعد اذنك يا أمي انا رايح أستحمى ..و ياريت تحطيلنا لقمة نا كلها ..
في هذ اللحظة ..تدخل سراب ..
لكن انتا مايهمك غير بطنك ..
أسكتي يا بنت لا تِنُقِ على أخوكي .. يروح يجرالو شئ ...
ول .. ول ..يا أمي كل هذا علشان الكلمتين هدي .. وبعدين اللي يسمعك يقول كأنه هوا الصغير ... مدلعاه على الآخر ...
هيا .. هيا أنكتمي ..وروحي طلعي حوايجي خليني أستحمى ..

شعرت بالنشاط بعد الإستحمام ...

ههههههههههههههه
ماشاء الله .... الله يبسطكم .. ما تقولولنا ايش اللي بيضحكم خلونا نضحك معاكم ....
منتا عارف أختك وخفة دمها .. والله حكايات البنت هدي بتخلي اللي ما يضحك .. يضحك غصبن عنه ..
والله ماني شايف غير خفة عقلها ... الله يعين زوجها عليها ...
يقطع شرك يا أحمد .. ايش الكلام اللي بتقوله .. هيا أجلس كلك لقمتين ...
لالالا .. أبغى اروح غرفتي ... سراب جيبيلي الأكل في غرفتي ...
أغلقت الباب خلفي ... وأخرجت الخطاب وبدأت قرآته .. فإذا فيه ...

عزيزي احمد
ولا اعلم لما قلت عزيزي .. صدقني لا اعلم لما كتبت لك
ولكن الشي الذي أنا متيقنة منة.. هو أنني اشعر بالارتياح نحوك
فمنذ يوم الحادثة المشئومة شعرت بان الجمود يسري في عروقي
فقد كنت اذهب إلى البحر واترقب عودتهم , في كل يوم ارجع بخيبة أمل عظيمة
كنت انتظر ساعات طويلة من بزوغ الفجر حتى سقوط الشمس في وسط البحر
وأظنك تعلم من أعنيهم ...
لم يهتم لامري أحد ولم يسألني أحد
ووجدك أنت الوحيد الذي يقترب مني لتكسر الحواجز وتسألني
في المرات الأولى كنت أظن بأنك تعرف من أنا وأنك تريد أن تتسلى
ولكن حينما قرأت تلك الأسئلة الحائرة في عينيك وأدركت بأنك لم تعلم من أنا .. و أن حادثة غياب أبي وأخي وخطيبي
لم تصل إليك شعرت وقتها بقدر اهتمامك بي ..
بل وبدأت أفكر فيك لا اخفي عليك أنني كنت أحاول جاهدة طرد صورتك وصوتك من خيالي ولكني وجدتك أقوى مما أن أسيطر على نفسي وجدتني .. اسرح بفكري بين كلماتك واشعر برغبة في الحديث معك
ربما لأنني افتقدت الأمان منذ زمن وربما وربما أسئلة كثيرة تدور في مخيلتي ولكن ...
لا اعلم يا احمد حقيقة شعوري .. ومالذي تخفيه لنا الأقدار .. بالفعل بدأت أخاف من أن أوهب أي شي ومن ثم أفتقده
اشعر وبان أطرافي ترتعد خوفا من غدٍ .. وخوفي زاد بعد أن شعرت بأحاسيس مختلفة نحوك فأصبحت أخاف من أن أنام واستيقظ لاجدك قد رحلت أو أن اذهب إلى البحر ولا أجدك هناك
اعذرني لم اكتب هذه السطور حتى احزن قلبك بل على العكس
لقد أمسكت قلمي وبدأت اخط لك بعد أن شعرت بان ساكنا قد تحرك بداخلي
وبأنني بالفعل احتاج لك
لا أريد أن أطيل عليك اكثر
ولكن كل ماارجوة هو أن تبقى هذه الرسالة بيني وبينك
وأرجو أن تفي بوعدك ولا تقرأها إلا عندما نصل لمدينتنا ..
وسأنتظرك على شاطئ البحر مع شروق الشمس .
وسن ....
-----------
طرقات على باب غرفتي ...
مين ...
انا سراب ....
مسويالي نفسك مؤدبه ... ادخلي ...
كيف ادخل .. وانتا مقفل الباب ...
ضحكت .. وقمت بفتح الباب ...
السلام عليكم .....

[أمل عبدالعزيز]

,
,
,لازلتُ متابعة لك ياعزيزي دانيلووو


رائع مانقله قلمك

[دمعة سراب]

ماشااااءالله عليك سريع بتلبية الطلبات

بصراااحة أشتقت أكثر لمعرفة البقية
متى إن شاءالله راح تنزل..؟

أتمنى مانزعجك بإلحاحنا
ودمت بألف خير

دمعة سراب

[بـيـبـرس]

أمـل غـرابـيـل
مـازال قـلـمـي يـتـشـرف بـتـواجـدك ويـطـرب لـتـشـجـيـعـك
عـلـى مـنـقـولـه
حـفـظـك الله

[بـيـبـرس]

دمـعـة سـراب
حـتـى أخـوك دنـيـلـو مـشـتـاق لمـعـرفـة الـنـهـايـة
أشـكـرك عـلـى تـواجـدك الـعـذب
ولـك أرق الـتـحـايـا

[بـيـبـرس]

وعليكم السلام ورحمة الله وبركاته ....
تبتسم ... شايفاتك مبسوط . الله يزيدك ... حتى السلام رديته بالكامل ...
عادي ... صديقي عبدالرحمن . توه ..بشرني ببشاره حلوة .. ..
ممكن اعرف ايش هيا البشارة الحلوه . ديا
ممكن تبطلي لقافه .. وتحطي الصينيه ..
يوه .. والله نسيت ....تبتسم
الله يسعدك يا اختي يا حبيبتي ...
ويسعدك يارب ....
تصدقي سراب ...
اصدق ايش ...
احيانا بتصير أحداث عجيبة في حياة الواحد يستغربها ..
كيف يا خويا ...
يعني بتحصلو امور ما كان متوقعها نهائي .. ولا حتى فكر يوم من الأيام يحلم بيها ... وبتغير مسار حياته بالكامل .. يعني تلخبط اوراقه .. فرح... خوف ..ترقب ...أمل .. شوق ..
يمكن تكون بداية قصة حزينه ...
الله ... الله .. كلام خطير وعجيب .. بس ليش تقول بداية قصة حزينه ....
مدري .. قِيدو كلام طلع مني وخلاص ..
بس هدا ماهو كلام يا اخويا ...
اجل إيه ..
هدا احساس ...
يمكن ... والواحد ما بيده يغير الأ قدار ...
والله صدقت يا اخويا ....
بس منتا شايف انو جلسنا نتكلم كثير... واخاف الاكل يبرد ..
صدقتي .. بصراحه انا جوعاااان ودي اكل طلي يِقِشرُه .. ....ههههههههه
تضحك ... تبغى شئ تاني ياخويا ...
سلامتك .. بس قفلي الباب معاك .....
فتحت نافذتي المطلة على البحر ... رأيت بعض الأنوار المثناتره هنا وهناك ...
كم .. يعانون أولائك الصيادين ... كفاح مضني في سبيل لقمة العيش ... .....
صوت هدير الأمواج وهي تتكسر ... قد تصيب البعض بالخوف ولكنها بالنسبة لي نغم وذكريات طفولة ....
في الموعد المحدد ..
ذهبت للقائها .. في نفس المكان
السلام عليكم ...
وعليكم السلام .... هلا أحمد .. تفضل اجلس .....
الله ... ياسلام ....منظر جميل وبديع ...
تقصد غروب الشمس ....
ايوه ..
بس الشروق أحلى ...بيعطي احساس بالأمل ... الغروب بصراحة بحس فيه بخوف.. بالبعد ...ما ادري انا ما احبو ...
وليش ما يكون الغروب هو ..غروب الأحزان ....
نظرت نحوي ... بعينها الجميلة ....
تعتقد الأحزان بتـتـنسي..... بالنسبة ليا مراح أعتقد انساها
الزمان بخليكي تنسيها .....
وحدة زيي .. تعتقد تنسى بسهوله .. أبوها .. وأخوها .. وح ..
صمتت ولم تكمل ..
لا أعلم لماذا أحسست بغيرة وحنق ... كذلك هي نطقت حرف ح ولم تنطق حرف خ
اذا هي كانت تريد أن تقول حبيبي و لم تكن تريد أن تقول خطيبي .....
وسن ....
نعم ...
ممكن أسألك سؤال .. بس تجاوبيني بصراحة ...
تفضل ...
.خطيبك .. كان فيه علاقة بينكم قبل ما يخطبك .....
صمتت قليلا واخذت نفسا ً عميقا ً
اسمع يا أحمد انا في البداية ما كنت اعرفه ...
بس هوا شافني مرة ....
قاطعتها وقلت بغضب ... فين ...
طيب استني خليني اكملك .. يوه ..
انا مرة رحت عندهم البيت علشان ازاكر مع زميلتي هدى ...
اللي هيا اخته طبعا َ ...
ايوه ... وهناك شافني .. والله من غير قصد ...
كيف يعني من غير قصد ...
كنت انا وهدى بنزاكر في غرفتها ... عِطل المكيف ..فقالتلي تعالي نروح غرفة اخويا .. قلتلها يمكن يجي دحين ..
قالت لا هو ما يجي الا متاخر ... وجلسنا فيها ... بعدين هيا راحت تجيب حاجه من جوة البيت .. وجا ..... ودخل الغرفة .. ولاقاني في وجهو .. حتى انا انفجعت .. صرخت وهو طلع على طول .....
ها ... وبعدين ...
ولا شئ سال اخته .. مين ديا .. وقالتلو هادي صديقتي وسن .. وقالها بصراحة .. عجبتني مرة ... اذا ماهي مخطوبه ..شوفيها توافق اني اتقدملها واخطبها ..
وقالتلي .. هدى .. ووافقت ... وتمت الخطبة ....
على طول ...
كيف ...
اقصد .. يعني حتى انتي عجبك ....
ايه ....
تحبيه ....
ما اقدر اقولك ...
كيف ماتقدري ... فيه وحده ما تعرف شعورها ...غريبة انتي يا وسن ... هي كلمه وحده .. مافي غيرها .. يا تحبيه يا ما تحبيه .. صح كلامي ولا انا غلطان ...
صح بس فيه اشياء الوحده ما تقدر تعرف حقيقة شعورها ...
لا حول ولا قوة الا بالله .... انتي تبغي تجنينيني ... ايوه .. ولا .. لا ..
بصراحه .. ماني عارفه ايش اقولك .. يمكن يكون اعجاب ... يمكن بكون احبه ... ماني قادرة ..... ماني قادرة احدد شعوري .. حاسه اني ملخبطه في كل شئ...
طيب .. طيب .. انا ابغى اصلي المغرب وبعدين نكمل ...
وانا بصلي معاك ...
نظرت نحوها وضحكت ....
ايش بيضحكك .. ممكن اعرف ....
لالالا ولا شئ بس تذكرت شئ جا على بالي .....
بالله قولي ايش بيضحكك ....
خلاص ان شاء الله نصلي وبعدين باقولك ....
الله .. أكبر ...

[بـيـبـرس]

سلام عليكم ورحمة الله ...... السلام عليكم ورحمة الله
استغفر الله أستغفر الله ...

إيوه يا أحمد .. تقولي إيش كان بيضحكك ...

إبتسمت ... لا حول ولا قوة إلا بالله يابنت أصبري شويه
تبغى الصراحه ....الله يغفرلي... صليت وانا أفكرإيش بيضحكك ...
ول ...ول ...ِلهادي الدرجة ... ياستي اللي ضحكني ..الصعيدي اللي مر من هنا قبل شويا ...
اشبو ... أنا ما شفته سوى شئ يضحك ....
لالا ... هوا .. ماسوى شئ .. بس تدكرت نكته ..الصعيدي اللي راح الحج ...
ممكن تقولها ...
وِليه ما أقولها هُوَ أنا كم وسن عندي ..
إبتسمت في خجل ... بس بلا بكش حقك ... يالله خلصنا وقولها ...
لازم ....
يووووووووه .. بالله يا أحمد قولها ... لا تصير رزيل كدا ...
يؤ .يؤ .يؤ .. خلاص خلاص ..لا تعصبي ...
لا .. عصبت ولا حاجة .. بلاش تقولها ...
لا بقولها .. اسمعي يا ستي .. هدا الله يسلمك واحد صعيدي راح الحج .. ولما رجع كانو في المطار بيسوا . مع الحجاج اللي رجعوا من الحج مقابلة تلفزيونيه .. وسالوه إيش رايك في الحج والخدمات اللي بتقدمها السعوديه ... قالهم خدمات فوق الخيال وشئ مو معقول وانا أنصح أي واحد يبغى يحج ما يحج إلا في السعوديه ....
ضحكت .. وبدأت تهتز من الضحك ...
الله يسعدك وسن ...
توقفت عن الضحك وقالت ..
ويسعدك ياحبيبي ....
حبيبك ....
أقصد .. يا أحمد ...
تجاهلت قولها ... وحاولت تغير دفة الحديث ...
على فكرة ...
ايش ...
نسيت ما أسالك ... انتي جيتي هنا مع مين ...
ياسلام عليك يا أحمد مانت عارف .. انو السواق هو اللي بيجيبني ...
ما تخافي تجلسي لوحدك ...
لالا .. الحمد لله الدنيا أمان ...
بس بصراحة .. أنا ما أحب تجي هنا لوحدك ...
تخاف عليَ ...
كيف ما أخاف عليك ... إنتي .. إنتي ..
أنا إيش ...
أنا .. أنا ...
يوه يا أحمد .. مره تقول إنتي ومره تقول أنا .. كانك بتتعلم كيف تهرج ...إيشبك اليوم ...
بصراحه وسن .. أنا احبك ...
ساد صمت مطبق ولم أسمع سوى صوت الأمواج وهي تتكسر على الصخرة ....
عندما طال الصمت ... إستأذنت بالذهاب .. ولم تتكلم أيضا ً ..
إنسحبت بكل هدؤ وإتجهت صوب سيارتي ...
بدأت أسير ولا اعلم إلى أين أتجه ...
لم أنتبه إلا وأنا اقف .أمام منزل صديقي العزيز عبد الرحمن ... صعدت لغرفته فوق السطوح
طرقت باب الغرفة لم يرد علي ... فتحت الباب لعلمي الأكيد بوجوده ..
وجدته نائما ً كعادته ..
يا وجيه ... ياوجيه ...أصحى ..
رفع الغطاء .. أحمد ..
إيه أحمد .. أصحى .. أبغاك في موضوع ...
ياشيخ سيبني دحين .. خليه بعدين ... والله تعباااااان وأبغى أنام ..
ياواد . أصحى ابغاك ضروري ...
رفع جسده ... خير يابو حميد ...
خير ... بس قوم ألبس وخلينا نخرج ...
ياشيخ ما فِيَا حيل .. والله حاسس إني متكسر .. خلينا هنا ..
ياواد با أقولك قوم خلينا نخرج .. ترى أخوك مضايق وحاسس إني مخنوق .. الله يخليك قوم ...
لالالا... أكيد في شئ خطير ... دقايق أغسل وجهي ونطلع ...
ركبنا السيارة ...
خير يا بوحميد ...
خير ياوجيه .. بس خلينا ندور مكان هادي نجلس فيه ..
ايش رايك نروح البحر ...
لالالا .. إلا البحر ما أبغى أروح عنده ...
طيب إيش رايك نروح القهوة ...
لا .. القهوة بنلاقي الشباب هناك ...
والله حيرتني يا أحمد ... طيب أسمع نروح القهوة ونطلع فوق تعرف فوق محد بيجلس ونتكلم هناك إيش رايك ...
طيب خلاص ...
أخذنا نرتشف قهوتنا المفضلة ...وأقص عليه ما حدث ....
إسمحلي يا بو حميد إنت غلطت ..
أنا ..
إيه إنت .. كان المفروض ما تتسرع وتبين لها حبك ... هدا شئ .. والشئ التاني .. يا أخي كان المفروض تنتظر ردها ...
يا وجيه ما ردت علي بكلمة وحدة ... وحسيت إني أهنت نفسي لما صارحتها بحبي ...
لالالا .. يابو حميد .. ماعاش اللي يهينك .... وبعدين صدقني انا أتوقع إنها راح تتصل بيك ..
معقولة ...
إيه معقولة ونص .. بس ...
بس إيه يا شيخ ...
بس في حالة وحدة ...
اللي هيا ...
لو كانت تحبك ...
وهدا اللي نفسي أعرفه .. هيا تحبني ولا مجرد إعجاب ولا ... آآآه .. والله ياوجيه بحس راسي بينفجر من كثر التفكير ...
ياشيخ خليها على الله ..
ونعم بالله ....
عندما رآني مهموما أراد أن يدخل السرور لقلبي ...
سمعت يابو حميد عن المرا .. اللي بتتغزل في زوجها ...
أي مرا ياوجيه وبعدين أنا في إيه وإنتا في إيه ...
ياشيخ روق ... وإسمع ... يقولك فيه مرا بتتغزل في زوجها قامت قالتلوه ...
ياريتني جريده أكون بيدك كل يوم ... قام قالها زوجها ...
ياريتك تقويم أغيرك كل عام ....
هههههههههههههههههههههههه
إيوه ياشيخ إضحك كدا بلا هم ...
الله يبسعدك ياوجيه ...
ويسعدك يابو حميد ... هيا مدام انك إنبسطت هاتلنا نكته من نكاتك الحلوه ...
والله ياوجيه الواحد مو فايق ...
بالله غير تقول...
الله يهديك بس ...
يابويا بيقولك واحد .. قروي سوى عملية الزايده في مستشفى خاص وضخم ... قام زاره واحد من جماعته ..
دخل المستشفى إنبهر وماهو عارف وين خويه منوم ..قام راح للرسبشن وسأل الموظف وقاله قريعط وين متنوم
قاله الموظف ايش معاه هوا ..
قاله معاه هايلكس غمرتين ...
هههههههههههههه ... الله يقطع شرك يا بو حميد .... إيوه كدا خليك أبو حميد اللي نعرفه وسيبك بلا حب بلا كلام فاضي ...
بالله يا وجيه غير السيرة ... ولا أقولك إيش رايك ننزل عند الشباب تحت ...
والله أحسن ما قولت .. هيا ..نزلنا ...
جلسنا مع أصحابنا حتى سمعنا أذآن العشاء فتفرق الجميع ..
بعد أن صليت العشاء
ذهبت للمنزل فلم تكن لدي الرغبة للذهاب لأي مكان .. فقط أريد أن أختلي بنفسي في غرفتي الصغيرة ...
طرقت باب المنزل فتح لي أخي عمر الباب وتوجهت مباشرة نحوى غرفتي إستلقيت على السرير وأرسلت بصري نحوى سقف الغرفة
وبت أسترجع الأحداث .... بينما أنا غارق في تفكيري ... سمعت صوت طرقات على الباب ...
مين ....
أنا أمك يا أحمد ...
قبلت رأسها ويدها ... تفضلي أدخلي يا أمي ... توجهت نحوى الكرسي الوحيد في الغرفة وبعد أن جلست قالت لي
تعال يا ولدي أجلس هنا جنبي ...
جلست على السرير بالقرب منها ...
إسمع يا ولدي بصراحة .. أخوك جا قالي إن شكلك زعلان وعلى طول دخلت غرفتك ... ايش فيك ياولدي .. قولي أنا أمك ...
ما فيني شئ يا أمي بس تعبان ما نمت
لالالا ... فيك شئ ..ياولدي .أنا عاجنتك وخابزتك .... قولي .. قولي .. ايش شاغل بالك ....
صدقيني يا أمي بس ما نمت وتعرفي ولدك لما ما بينام بيحس ان مضايقك ..
والله يا ولدي كلامك ما يُدخل الرّاس .. بس ما أقول غير الله ِينَوِيلك اللي في بالك ...
قلت في سريرتي ... يارب ...
إن شاء الله يا أمي .. رغم مافي بالي شئ ...
علي أنا ياواد ... صدقني احوالك ماهي عاجبتني ... وماني مطمينتلك .. وصدقني أنا متأكده إنو في راسك شئ .. إيش هوا الله أعلم...
ضحكت
والله يا أمي .. مدري ليه مصره إنو في شئ ....
إسمع إنتى راسك ناشفه زي أبوك .. أنا أبغى أقوم اروح أحطلك العشاء ... ولا تستنى أبوك لما يجي ...
أنا مالي نفس في العشاء بس لو جا أبويا وأنا مانمت راح أجلس معاكم ..
على راحتك يا ولدي ....
آآآه .. والله المكيفات هادي جابتلنا البلا ...
المكيفات برضو يا أمي ...
إيش تقصد يا ولد ...
لالالا ولا شئ ياست الحبايب ... بس لا يسمعك أبو احمد بعدين يدور على وحدة تهني وتلعبوه في الليل ... هههههههه
ياواد أستحي ... قال يتزوج ... ياواد أبوك تعب حتى تزوجني ....
يووه يا أمي دايم بتقوليلنا الحكاية دي ..... خلي أبويا يجي وبسألو ...
تضحك .. طيب أسالو ...
الله يحفظك ياولدي .....
أغلقت الباب ... ورميت بجسدي على السرير ...
هـنـا تـوقـف أوكـانـو ....
إن أكـمـل عـدنـا
أنـتـظـر نـقـدكـم الـهـادف

[مــوادع]

في انتظار القفلة

فهي اهم من سرد القصة

ورغم الاخطاء القصصية

ما يمديني اقول غير

:برافو::برافو::برافو::برافو::� �رافو::برافو::برافو::برافو::ب� �افو::برافو::برافو:

اخوكم/اخــــــلاق

[دمعة سراب]

السلام عليكم

هنا توقف أوكانو
وتوقفنا معه
بإنتظار البقية عزيزي

"
"

أمابالنسبة للنقد
<< والله ماعرف غير الأخطاء الإملائية
وحتى أنا في قصصي موجوده..!!
أتمنى بس فعلا يواصل حتى يتمكن من
الكتابة بشكل أفضل
وأن يكتبها بالفصحى بعد لأن الفصحى
مليئة بالمفردات الغنية والمبدعه في
السرد والوصف والحوار أيضاً.
وطالما كانت هذه أولى تجاربة
فبداية موفقة بإذن الله.

وهذا مافي جعبتي بهذه اللحظة
دمت بألف خير

دمعة سراب

[بـيـبـرس]

أهـلا هـلا بـأخـي أخـلا ق
جـمـيـعـنـا ننـتـظر الـنـهـايـة
أخـي أخـلا ق
هـل بـالإ مـكـان مـعـرفـة ( الاخطاء القصصية )
يـا ريـت .. وفـضـلا لا أمـرا .. تـوضـحـهـا
وصـدقـنـي أي نـقـد تـكـتـبـه هـنـا بـأوصـلـه لأ كـانـو
أشـكـرك أخـي الـحـبـيـب
ولـك أطـيـب المـنـى

[بـيـبـرس]

وعليكم السلام ورحمة الله
مـشـاء الله تـبـارك الـرحـمـن ، أي أخـطـاء إمـلائـيـة
عـارف تـقـولـي كـذا تـواضـعـا وتـشـجـيـعـا للـغـيـر
ويـمـكـن تـطـيـر عـيـن
وعـلـى فـكـرة أخـيـنـا أوكـانـو بـيـشـكـرك عـلـى مـلا حـظـتـك الـسـابـقـة
أشـكـرك عـلـى تـواجـدك المـثـمـر
يـا دمـعـة
تـحـيـتـي لـك

[مــوادع]

ساوضحها ولكن انتضر النهاية

اشكر لك نقلك وله ابداعه

اخوكم/اخـــــلاق

[دمعة سراب]

دااااااااااااانيلووو

وين التكملة ترى نفذ الصبرررر

[بـيـبـرس]

نـفـذ الـصِـبـر ولا حـتـى الـحـلـبـة
هـو أنـا اللـي كـاتـب الـقـصـة
لـمـا يـكـمـل أوكـانـو ... بـكـمـلـك يـا سـيـدتـي الـنـقـل
وإذا مـا كـمـل قـصـتـه .. إيـش تـبـغـيـنـي أسـويـلـك
يـعـنـي أأطـع نـفـسـي
مـا يـصـيـر يـادمـعـة
يـعـنـي الـواحـد مـايـعـرف يـنـام شـويـه بـالمـنـتـدى..
يـحـفـظـك ربـي ويـسـعـدك
تـحـيـتـي

[مــوادع]

ههههههههههههههههههههههههه ه

طيب لا تدف

خخخخخخخخخخخخخخخخخخخ

في انتظارك يا باشا

اخوكم/اخــــــلاق

[دمعة سراب]

>>> شصااااير..؟؟!! والله قلتها بهدووووء

وسكينة وبصوووت مبحووح ..!!:11ying::11ying:

ع العمووم خله ياخذ راحته

مومستعجلين...!!

سلااااامي ...!!:بايو:

[بـيـبـرس]

لا تـزعـلـي يـا دمـعـة
مـجـرد دعـابـة ...
واذا هـذا الأ سـلـوب يـزعـلـك
أبـشـري
راح أكـون رسـمـي بـتـعـامـلـي
تـحـيـتـي

[بـيـبـرس]

آسـف
حـدث خـطـأ غـيـر مـقـصـود