لحن الجفا

[عدنان جوهرجي]

قلبي خلاص ملّ الصبر ملّ إنتظارك تعطفي
ياعازفه بلحن الجفا ليت الجفا بس ينفعك


إن كان ماعندك خبر فاليوم لازم تعرفي
إنك غديتي ذكريات في قلب حاول يجمعك


حاول ولكن للأسف كنت ِ بجحود تتصرفي
لين أنتهى ينزف جروح من كثر ما عانى معك


كم قلت ياقطر الندى مره بصفي أوقفي
كم قلت ولكن يا أسف من يافؤادي يسمعك


الحين أنا ماهمني لو تظلمي أو تنصفي
سيان عندي كل شي ماعاد قلبي يتبعك


ماعاد لك فيني أمل لاترجعي وتتأسفي
فات الأوان ياقاسيه ما رح تفيدك أدمعك


كم كنت في بحرك اموت وإنت ِ برياحك تعصفي
ماهان على قلبك غريق ولا كان خوفه يوجعك


كم كنت أعطيكِ الأمان وإنت ِ بسلاحك تعصفي
دمرّتي كل موقع حنان في قلب بالحب دلعك


كم كنت أرجوكِ بغلا وإنتِ بجفا تتأففي
واليوم ما جيت أرتجي أنا جيت وقصدي أودعك

[مهدي بن مسفر الحبابي]

صح لسانك وبيض الله وجهـك


ســلـمــت ودمـــت ولا هنـت


قصيده رايعه بــروعــة شاعر هـا


يشرفن ان اكون اول من يرد


تقبل خالص تحياتي وتقديري

[عبدالله محمد]

أخوي الغالي والعزيز / عدنان جوهرجي
صـــح لســــانــــك
ولا هنـــــــت
وبيض الله وجهك على هالقصيده الأكثر من رائعه
أخذتنا معك في رحله شعريه أكثر من ممتازه
والله يعطيك الف عافيه أيها الشاعر المبدع
وننتظر إبداعك القادم
وتقبل خالص تحياتي ،،،،،،،،،،،،
أخوك : عبدالله محمد

[سعيد العمودي]

صح لسانك اخوي
ولاهنت

[أبوعبدالرحمن]

عدنان

عتبي عليك كبير يالغالي

وهذا الغياب عنا وعن مصافحة جديدك

ولكن عودتك قد تشفع لك كثيرا


فقد عدت بروعة احاسيسك وجمال صياغتك

صح قلبك وكلك يالجزل

وسلمت اناملك

تحيتي لك

[مانع الخالد]

تحياتي لبوحك العذب

رائع

[ديمة الشوق]

السلام عليكم


اخى العزيز عدنان جوهرجي


صح لساانك ولا هنت


اختك ديمة الشوق

[صالح الروقي]

اخوي عدناااااااااااااااان


صح قلبك وداااااااااااااام بوحك

وصح لسااااااااااانك وسلم بنااااااااااانك

ولك تقديري

الرووووووووووقي

[اسعد الروابة]

كلمات جميلة وصادقة



تقبل اشواقي

[عدنان جوهرجي]

أحبتي :

مهدي بن عليان
عبدالله محمد
سعيد الشمري
ابو عبدالرحمن
مانع الخالد
ديمة الشوق
صالح الروقي
اسعد الروابه

أشكركم من أعماق قلبي على كلماتكم الرقيقه ومشاعركم الدافئه
كان بودي أن أرد على كل واحد منكم برد خاص وعندما قرأت عتاب
الغالي ابو عبدالرحمن خطر ببالي فكره فأحببت أن اشارككم فيها معاً
عسى أن تفي بشيء من حقوقكم علي.....

وتقبلوا تحياتي :

:


ما للعتب أسباب في حبكم يا زين
مين إللي ما يعشق غصن الهوى الريان

معذور من أبدى إحساسه بشكلين
دام الحلا فيكم متعدد الالوان

درب المحبه صعب في وصلكم والبين
وش لي سوى أصبر واتحمل الأحزان

قلنا خلاص بكره تتلاحم القلبين
وينه زمان بكره ! عدت عليه أزمان

اليوم أنا دمعه تجري على الخدين
كل الآسى فيها والحزن والأشجان

كان الأمل بسمه أنغامها حرفين
والحين صار عبره متناثره بديوان

أستنبط الأشعار بيتين ورى بيتين
وأجيب إحساسي من منبع الوجدان

لو للمشاعر فم أو للعواطف عين
ما كنت اتعذب في وصفها بأوزان

من قال أبياتي مضبوطه في الشطرين
تثبت له الأيام إنه كثير فهمان

ما كنت أكتب حرف إلا بدمع العين
ومشاعر ٍ حيه تنبض بقلب إنسان

إنسان كل همه يعطي الهوى باللين
ويحب من قلبه إللي انفطر عشقان

تدرون يا ربعي ما للهوي سببين
هو بس سبب واحد في عالم الولهان

لو قلتوا ما تدرون بشرحه انا ألحين
وأقول أنتم بس كل الغلا لعدنان

[نايفة شمر]

لو قلتوا ما تدرون بشرحه انا ألحيـن
وأقول أنتم بـس كـل الغـلا لعدنـان


صح لسااانك مليوون ولا يكفون ياعدنان واكيد الكل بيقبل عذرك وغيابك


اختك


النايفة

[سالم محمد اليامي]

عدنان

هلا وغلا


وصح الساانك

ولاهنت يالغالي

تشرف اخوك بالمرور من امام رائعتك




اخوك

الراوي

[أبوعبدالرحمن]

صح لسانك ياعدنان على الاولة والتالية

ومعذور يالغالي

ننتظرك مجددا معنا

تحيتي لك