مع ليلي الساري سرا خافقي حي

[اللؤلؤة]

السلام عليكم انشالله الجميع بخير****
متواضعه للتواصل علها تروق لكم واعتذر عن قلة التواجد****



ياعين عينتي من النوم لي شي=يوم ان حلوه صار عني حرامه

ارقب سراب الليل وادور الفي=غدا على ماقيل عقلي علامه

مع ليلي الساري سرا خافقي حي=حلو الكرا ياعين ماعاد عامه

عهد الطفوله راح واقفن ليالي=اقفى ربيع العمر واقبل حطامه

لا والله الا من زماني وانا بي=عيت تساوى وإستقلت سهامه

لوتصبرين سنين وشهور وشوي=الحال معروفه ولا انتي ملامه

سود الليالي من عدامابها ضي=وغفواتنا لا ماتعادل منامه

ياكبر حظ اللي شرب صافي المي=عقب السنين العاتيه والعدامه

ومن راعته دنياه يصبر على الغي=يصبر لو ان الصبرعلقم يصامه

مجبور لا مامن بطولة ولاهي=تلفنا الاقدار لف العمامه

ليلً سرا ياعين وانتي معي عي=لاعاد ****ليل فيه ****نبكي ****ندامه





تحات وتقدير اختكم اللؤلؤة
 **** **** **** **** ********
****

[اللؤلؤة]

اتمنى من الاخوة التنسيق

[أنـ الذكريات ـين]

اللؤلؤة

أهلاً بعودتكـ

و صح لسانكـ..


لا هنتي


تحيتيـ

[أبوعبدالرحمن]

مبدعه دوما


لله درك

وصح قلبك وكلك


تحيتي لك

[فهيد بن لافي]

أختي /
هناك قصائد
تجبرني على التوقف عندها ..........
واعادة قرآءتها .........................
وربما التغني بها ......................
وهذه القصيدة الرائعة من تلك القصائد

اشكر لكِ هذا الابداع
صح لسانكِ ولاهنتِ

[سامي العطاوي]

اللؤلؤة

صح لسانك

لاهنتي

[محمد بن ضاوي]

شاعرتنا اللولوه ..

صح لسانك ولاهنتي

[اللؤلؤة]

تخوننا العبارات وتعجز الكلمات ان تفي بالشكر والعرفان ولايبقى الا ان نقول كلمتنا المعهوده فلربما كانت رغم بساطتها ابلغ من الف عبارة ****باقة ورد وامتنان لكل من تشرفت بمرورة واشرق متصفحي بطلته الكريمة وبخاصة الاخت الفاضلة انين اشكرها على تنسيق القصيده لكن عندي توضيح بسيط وهو في البيت الأول حيث اختفت كلمة ( يوم)
في بداية الشطر الثاني من البيت الاول فيكون


****ياعين عينتي من النوم لي شي****
******** **** **** **** **** **** يوم ان حلوه صار عني حرامه


تقدير وتحية ****من اختكم اللؤلؤة

[أنـ الذكريات ـين]

المعذرة ياغالية..

طارت بالخطأ مع التنسيق، و رجعناها ^^



مره ثانيه صح لسانكـ..

و لا حرمنا جديدكـ..



تحيتيـ

[حلم السراب]

ومامن بطوله امام قدرنا المكتوب هي المشيئه


تسيرنا اليها ........وقد يوجعنا ذاك الف اوهو الغطاء

الذي يحجب به الفرح

الشاعره / لؤلؤه

رررائعه واكثر

حس فائق الوصف

لاحرمنا جديدك

[فهده]

اللؤلؤه

صح لساااانك مليون

سلمت يمناك

سلام..

[مطلق الحمدي الجهني]

ياسلام يا اللؤلؤه
في قمة الروعه

ياكبر حظ اللي شرب صافي المي = عقب السنين العاتيه والعدامه

صح لسانك وسلم فكرك
تحياتي