قول حكمه أو مثل. لإدارة النصر ... يوجد قصه

[النصرالعالمي]

أتمنى من الجميع المشاركه بوضع حكمه أو مثل

يمكن يفيد الإداره لترتيباتها الموسم القادم

وأبدأ أنا بمثل بالديره يقول ( من حنبها قادها ولا كانت بمعوادها) حنبها بكسر الحاء والنون وتشديد الباء

حنبها يعني تورط فيها تقريبا

معوادها يعني المكان اللي تنام فيه

وهذا المثل صار لواحد في القريه

كان جاره عنده بقره وهذي البقره مشهوره وتدر الحليب ويشربون منه كل أهالي القريه

ولكن جت فتره وتعبت هالبقره وما تقدر تنزل للوادي ترعى وتاكل الحشيش والزرع

مع باقي البقر وحتى الاكل اللي يجيبونه عندها ما تاكله كله وإنسدت نفسها من الاكل

وضعفت وراح حليبها اللي كل الاطفال والكبار والصغار يشربون منه المهم

قام صاحبنا يوم شافها حسب إنها بتموت وقال أنا لازم أسوي شي

وقال لصاحبها اللي أهملها أنا بنزل لك البقره للمزرعه وأخليها تآكل وترجع زي زمان

(إشتاق للحليب) المهم نصحوه قالوله ترى البقره تعبانه صدق

وتبغى لها بيطري يمكن يفيدها ويعطيها شي يقومها ويرجعها تاكل زي زمان

قال ما عليكم خلوها علي وقام وراح فك الربطه من عنقها وقام يسوقها

وقامت ومشت شوي والناس تفاءلوا وقالوا أكيد بتكمل المهم صاحبنا تحمس

بس المشكله سوت فيه لنص الطريق وطاحت وكان معه ناس وقال لهم أيش

أسوي البقره طايحه وماني قادر أشيلها لوحدي ثقيله قام نقز واحد وقال له هالمثل أعلاه

يعني قد كانت في مربطها ليش تتفلسف وتقول بتنزلها المزرعه كان أولى جبت لها علاج وبعدين هي بتنزل لوحدها



أتمنى الفايده من القصه

ودمتم اخوكم أبوريم المزحاني