فهد الروقي
24-08-2005, 05:13 PM
للشاعر الكبير بركات الشريف
يامرقب ٍ بالصبح عديت راقيك = ماواحدٍ قبلي خبرته تعلاك
ياذا الدهر وليت ماأكثر بلاويك= الله يوقينا السلامه من أتلاك
ياللي على العربان عمت شكاويك=ياول ياوقت الشقا ول ماقواك
اليوم هالكانون غاد ٍ شبابيك = تلعبه الأرياح مع كل شباك
يامالك اسمع جابتي يوم أوصيك= وإفطن وأنا بأمرك يابوك وأنهاك
وصيةٍ من والد ٍ طامع ٍ فيك = يسبق عظم ساقة لسانه لعلياك
إحفظ جناك اللي عن الناس مغنيك= اللي ليا بان الخلل فيك يرفاك
ولا ترا مكه ولاها بناخيك = لو تشحذه خمسة ملاليم ماأعطاك
واجعل دروب المرجله من معانيك = وإخذر تميل عن درجها بمرقاك
لاتنسدح عنها وتبغيني أعطيك = ماجاك مايكفيك لوجاك ماجاك
أدب ولدك إن كان تبغيه يشفيك= واستسعفه من عقب مرباه بألاك
أما سمج ثم سمجك عند شانيك =ويضيق من فعله صديقك وشرواك
وألا عقب سن الجهل لا يواذيك =لو زعلت أمه لا تخليه يالاك
وإحذر تضيع كل منهو ذخر فيك = معروف لاتنساه واوفه بعرفاك
ترى الجمايل بين الأجواد تثريك = وليا طمعت بغرسة ٍ لا تعداك
وإحذر سرور بغبة البحر يرميك = ما عنده أحلى من تشكيك وبكاك
وأوف الرجال حقوقها قبل تاتيك=والفعل قبل القول والحق يقفاك
وهرج النميمة والقفا لايجي فيك =وإياك عرض الغافل إياي وإياك
تبدي حديثٍ للملا فيه تشكيك = والناس تعرف وش هو أقصاك وأدناك
وإليا نويت إحذر تعلم بطاريك = كم واحدٍ تبغاه يهديك وأغواك
وإحذر شماتة صاحبٍ لك مصافيك = اللي ليا جاك البلا قال لولاك
ولا تحسبن الله قطوع ٍ يخليك=ولا تفرح إن الله على الخلق بداك
وللضيف خلك ريف من حين يلفيك=ومما تطوله يافتى الجود يماناك
وإكرم قباله لنها من شواريك =وإبذله المجهود ليا صار يعناك
وإحذر تلق الضيف مقرن علابيك= زين قبالك والخطاطير تنصاك
وإلطف بجارك وإقف من دون عانيك =وإفطن لمايعنيك وإحزم لمعناك
وأوصيك الزلات الخوي لا عثا فيك = لا صار يسترها الشعر فإحتمل ذاك
راعه لو إنه يافتى مايراعيك = عساك تكسر نيته عن معاداك
وإحذر عدوك يافتى لو يصافيك = خلك نبيه وراقبه كل ماجاك
لا تامنه وإطلب من الله ينجيك = ويكفيك ربك شر ذولا وذولاك
عاين وأنا يابوك ناهيك ناهيك= عن التدخل بين الأثنين حذراك
وإليا حضرت طلابة ٍ مع شرابيك = زين لهم فالصلح واللاش يفداك
أبذل لهم بالعدل والعدل ينجيك =لا تجضع الميزان مع ذا ولاذاك
أما الشهاده فأدها وإن دعوا فيك =وإقنع براي الدين لاعميت رياك
وبالك تماشي واحدٍ مايدانيك = عاين بني جنسك وفكر ببمشاك
وإختر عريبٍ فالمساري يساريك = وإن شاف خملاتك عن الناس غطاك
ثم إلعن الشيطان تراه يغويك = وترا إن تبعته في دواهيه دهواك
وأوصيك لا تشكي مخفى بلاويك = وإن طعت لا تعمي عيونك بيمناك
وإعرف ترى اللي واطٍ الفهر واطيك = مأنته بأعز من الجماعه هذولاك
أرفعك ياراسي عن الذل وأعليك = وإحذر لسانك لا يفضح خفاياك
وياذيب وإن جتك الغنم في مفاليك =لإندس لين إن الرعايا تعداك
ومن أول ٍ ياذيب تفرس بأياديك =واليوم قاصرة ٍ عن الفرس يمناك
ياذيب عاهدني وأعاهدك مأرميك= ماأرميك أنا ياذيب لو زان مرماك
والنفس خالف شفها قبل ترميك = ترى لها الشيطان يرمي فالأهلاك
ومن بعد ذا لا تصحب النذل يعديك = وعن رفقة الأنذال حاشاك حاشاك
ترى النذل يابوك يخلف طواريك = وأنا أرجي إنك ماتجي دوني أباك
والهقوة إنك ماتجي دون أخاليك = ولا أظن غصن الورد يثمر بتنباك
والحر مثلك يستحي يصحب الديك = وإن صاحبه عاعا معاعاة الأدياك
من نم لك نم بك مافيه تشكيك= وليا هو مشنن رفيقك وشناك
عندك حكا فينا وعندي حكا فيك = وأمسيت كارهنا وحنا كرهناك
ماأخطاك ماأصابك ولا هوب مخطيك = اللي يصيبك لو تتقيت ماأخطاك
مير إستمع مني عسى الله يهديك = تقواك يامالك لك الله تقواك
عندي مظنه ماتمثلتها فيك = وأطلب لك التوفيق من عند مولاك
يامرقب ٍ بالصبح عديت راقيك = ماواحدٍ قبلي خبرته تعلاك
ياذا الدهر وليت ماأكثر بلاويك= الله يوقينا السلامه من أتلاك
ياللي على العربان عمت شكاويك=ياول ياوقت الشقا ول ماقواك
اليوم هالكانون غاد ٍ شبابيك = تلعبه الأرياح مع كل شباك
يامالك اسمع جابتي يوم أوصيك= وإفطن وأنا بأمرك يابوك وأنهاك
وصيةٍ من والد ٍ طامع ٍ فيك = يسبق عظم ساقة لسانه لعلياك
إحفظ جناك اللي عن الناس مغنيك= اللي ليا بان الخلل فيك يرفاك
ولا ترا مكه ولاها بناخيك = لو تشحذه خمسة ملاليم ماأعطاك
واجعل دروب المرجله من معانيك = وإخذر تميل عن درجها بمرقاك
لاتنسدح عنها وتبغيني أعطيك = ماجاك مايكفيك لوجاك ماجاك
أدب ولدك إن كان تبغيه يشفيك= واستسعفه من عقب مرباه بألاك
أما سمج ثم سمجك عند شانيك =ويضيق من فعله صديقك وشرواك
وألا عقب سن الجهل لا يواذيك =لو زعلت أمه لا تخليه يالاك
وإحذر تضيع كل منهو ذخر فيك = معروف لاتنساه واوفه بعرفاك
ترى الجمايل بين الأجواد تثريك = وليا طمعت بغرسة ٍ لا تعداك
وإحذر سرور بغبة البحر يرميك = ما عنده أحلى من تشكيك وبكاك
وأوف الرجال حقوقها قبل تاتيك=والفعل قبل القول والحق يقفاك
وهرج النميمة والقفا لايجي فيك =وإياك عرض الغافل إياي وإياك
تبدي حديثٍ للملا فيه تشكيك = والناس تعرف وش هو أقصاك وأدناك
وإليا نويت إحذر تعلم بطاريك = كم واحدٍ تبغاه يهديك وأغواك
وإحذر شماتة صاحبٍ لك مصافيك = اللي ليا جاك البلا قال لولاك
ولا تحسبن الله قطوع ٍ يخليك=ولا تفرح إن الله على الخلق بداك
وللضيف خلك ريف من حين يلفيك=ومما تطوله يافتى الجود يماناك
وإكرم قباله لنها من شواريك =وإبذله المجهود ليا صار يعناك
وإحذر تلق الضيف مقرن علابيك= زين قبالك والخطاطير تنصاك
وإلطف بجارك وإقف من دون عانيك =وإفطن لمايعنيك وإحزم لمعناك
وأوصيك الزلات الخوي لا عثا فيك = لا صار يسترها الشعر فإحتمل ذاك
راعه لو إنه يافتى مايراعيك = عساك تكسر نيته عن معاداك
وإحذر عدوك يافتى لو يصافيك = خلك نبيه وراقبه كل ماجاك
لا تامنه وإطلب من الله ينجيك = ويكفيك ربك شر ذولا وذولاك
عاين وأنا يابوك ناهيك ناهيك= عن التدخل بين الأثنين حذراك
وإليا حضرت طلابة ٍ مع شرابيك = زين لهم فالصلح واللاش يفداك
أبذل لهم بالعدل والعدل ينجيك =لا تجضع الميزان مع ذا ولاذاك
أما الشهاده فأدها وإن دعوا فيك =وإقنع براي الدين لاعميت رياك
وبالك تماشي واحدٍ مايدانيك = عاين بني جنسك وفكر ببمشاك
وإختر عريبٍ فالمساري يساريك = وإن شاف خملاتك عن الناس غطاك
ثم إلعن الشيطان تراه يغويك = وترا إن تبعته في دواهيه دهواك
وأوصيك لا تشكي مخفى بلاويك = وإن طعت لا تعمي عيونك بيمناك
وإعرف ترى اللي واطٍ الفهر واطيك = مأنته بأعز من الجماعه هذولاك
أرفعك ياراسي عن الذل وأعليك = وإحذر لسانك لا يفضح خفاياك
وياذيب وإن جتك الغنم في مفاليك =لإندس لين إن الرعايا تعداك
ومن أول ٍ ياذيب تفرس بأياديك =واليوم قاصرة ٍ عن الفرس يمناك
ياذيب عاهدني وأعاهدك مأرميك= ماأرميك أنا ياذيب لو زان مرماك
والنفس خالف شفها قبل ترميك = ترى لها الشيطان يرمي فالأهلاك
ومن بعد ذا لا تصحب النذل يعديك = وعن رفقة الأنذال حاشاك حاشاك
ترى النذل يابوك يخلف طواريك = وأنا أرجي إنك ماتجي دوني أباك
والهقوة إنك ماتجي دون أخاليك = ولا أظن غصن الورد يثمر بتنباك
والحر مثلك يستحي يصحب الديك = وإن صاحبه عاعا معاعاة الأدياك
من نم لك نم بك مافيه تشكيك= وليا هو مشنن رفيقك وشناك
عندك حكا فينا وعندي حكا فيك = وأمسيت كارهنا وحنا كرهناك
ماأخطاك ماأصابك ولا هوب مخطيك = اللي يصيبك لو تتقيت ماأخطاك
مير إستمع مني عسى الله يهديك = تقواك يامالك لك الله تقواك
عندي مظنه ماتمثلتها فيك = وأطلب لك التوفيق من عند مولاك