الـــــــــــــبدو ..ومحبي (الضبــــــــــــــان ) فقط يـــــــدخلون .......

[*أهداب*]

بسم الله الرحمن الرحيم
السلام عليكم ورحمة الله وبركاته
...............................
سوف نبدأ حكايتي مع الضبان ..وما أدراك ما الضبان

أهلي ..وعلى رأسهم ابونا يحفظه الله ..من عشاق صيد الضبان ....وهذه تحتل المرتبة الأولى في مهامه القناصية ..

وبالطبع من عنده ..بعد الله ..غير ( أهداب) ..هي التي تعد له العدة ..وتزهب له كل شئ
من لاوازم القناصة ...وعلومها ....
المهم ...
في يوم من الأيام ..تأخر ابونا عن الحضور في الموعد المحدد ..أثرهم ضيعوا الدرب ..
تأخر الوقت ..وقرب الصبح يشرق ...والناس صلت....وهم بعدهم ما جوا.....
ورحت في نومه ..مع أن قلبي عليه قلقان ...
ويوم قمت ضحى ...ومن فرحتي فيه..وأنه طيب ...
تلقفت وفتحت الشنطة التي فيها أغراضه ...ودي أعمل لها صيانة مثل ما عودناه دائماً ..

الاّ ..والقى ذاك الشئ فيها .... :11azy:
من قلبي صحت صيحة ..ماأدري هو حية (ثعبان ) ..او جاني ..المهم رميت شطنة الوالد بكل قوتي
وهو صحى على صياحي ...

وجاء وهو يضحك ..ويقول ..والله كنت متوقع كذا ... :نيني: وعرفت أنك بتفكينها
...وطلع الضب حي منها ....(عادة أبونا ..يجيبها ميته ..)

ثم هالشايب ..ماصدق خبر...:بفكر: صار يتعمد يجيبها حيه..
(والصدق بيني وبينكم ..أنا ما أحبها ..ولا أطيق شوفتها ..)..

وتدرون ليش يجيبها حيه ....حتى أذكيها ..وياقلبي قلباه على هالموقف .. :يمه:
لو بس تشوفون كيف يحط يدينه على رقبته ......

وأترجى ابوي ..يطلق سراحي ..ولاّ ..الضب بكيفه ..

يعود يأخذني ..أنا وهالضب ..في هالخبوت ..ويقول ..يالله صيديه ...والاّ خليتك مكانه
لا ...مايذبحني ..يتركني في الخلاء ...والخلاء أبو مخلي ......ياعيال وبنات العم.....
>>>>هذا هم البدو ..مايعترفون بعلم النفس مرة ...ولايعرفون شئ اسمه عقدة نفسية

هنا ماعلي إرهاب عيني عينك ..(اموت في القنص والرماية بس ألقى درب عليها ...) ...
بس بعدها نأخذ... كم يوم ما نام ..من كرهي له ...أشوفه حتى في أحلامي
ما أقول لكم ..ما أكرهه من شئ هين... :icon_cry:


طبعاً تقولون من يسلخه ويطبخه ..أكيد ..أنا ...
فأبونا ..ما يحلى له الطبخ إلاّ من إيدينا >>>>بدأ ..الفخر ..أكيد هذا أبوي ياعرب من يطبخله صيده...

وله عندنا فريز خاص ..لضبان ..على قولت الشغالة (ضرب ) >>>يعني ضب ...
وتصدقون شغالتنا ..السليق أزرت تسويه ...والضبان صارت أسرع مني في سلخها ...؟؟ :نيني:

ولكن ..هل تصدقون فيه ضبان لونها //إتحادي ..اصفر وأسود ..سبحان الله
شكلها مايشجع ...وبعدين كبيرة بالحيل ...

الزبدة .....نرجع اليوم ونعرض لكم الحين كيفية القناصة والطبخ ..بالخطوات...

http://www.7r6.com/up/img/MOF23_8_2005_03_22_19_AM.jpg
http://www.7r6.com/up/img/MOF23_8_2005_03_24_39_AM.jpg
http://www.7r6.com/up/img/MOF23_8_2005_03_27_11_AM.jpg

هنا يتم جمعها .......

الحين ..أحلى كبسة ...

http://www.7r6.com/up/img/MOF23_8_2005_03_39_35_AM.jpg

http://www.7r6.com/up/img/MOF23_8_2005_03_41_49_AM.jpg

لفك الشفرات ..البدوية ..ظـــللوا تحت ..

القناصة = الصيد

تزهب = ترتب الأغراض ..وتعد الأشياء اللآزمة للصيد

لاوازم = أغراض وأدوات

أثرهم= أغلب الظن
ضيعوا = تاهو ا ..أو ..أحطأوا الطريق
الدرب = الطريق
صياح = صراخ
الشنطة = الحقيبة
الخلاء = الصحراء
هين = بسيط
أزرت= لم تستطيع

[كلي حلا]

وع يارب لك الحمد ههههههههههههههههه:110t: وش ذا والله الموت ارحم من الضبان:bruce_h4h والله ياعمتي اهداب اشوفك اليوم ماسكة غلط معك:11ight: عريس راسه كنه عمارة الفيصلية :11bb:وضبان وذبح وقلي ونفخ:11air: <تكره الطبخ والمطبخ وكل ماله صله به هههههههه بعدين اشوفك ماشاء تذبحين:spider::11ab: والله انك تخوفين:11ld: لايكون انتي عمتي الحقيقية لانها تذبح الخرفان كنها ذبان عندها :vampire:ههههههههههههههههه

[ســـامي]

اهداب
ههههههههههههههههههههههههه
ههههههههههههههههههههههههه
ههههههههههههههههههههههههه
ههههههههههههههههههههههههه
ههههههههههههههههههههههههه

ما يحلى له الطبخ الا من ايدك اجل..
خخخخخخخخخخخخ

والله ما ادري..؟

وحلوه طريقة الصيد ..وانت منسدح على بطنك..
ههههههههههههههههههههههههه

مشكوره على التعليمات ..ولو اني ما اصيدها ولا اجيها ..
بس كبسه معتبره..

دمتي بود وتـــألق...
0
0
0
0
0
0
أخوكــSAM 2ــ...

[مــوادع]

أهلي ..وعلى رأسهم ابونا يحفظه الله ..من عشاق صيد الضبان ....وهذه تحتل المرتبة الأولى في مهامه القناصية ..
8
8
8
8
8
عتبان

اكيد هوايتهم قنص الضبان

اكيد ماراح تكون جمع الطوابع

هههههههههههههههههههههههه

الموضوع فيه للضحك مساحه كبيره

كل كلمك تستفزك للضحك رغم كل ما في الحياة من حزن

لكي الشكر اختي اهداب

دمتي مبدعه

ولي ملحوظه بسيطه ولكني لن اقولها لاني ساضع موضوعا في قسمك كاملاً عنها

اخوكم/اخـــــــلاق

[*أهداب*]

يا بنت ..أخوي (كلى حلا )

ماعمري ذبحتها ..بالسكين ..ولا أقربها ..
تروع ...هذه المهمة نتركها لأبونا ....

بس قناصة // ما عندنا مانع ...

وبعدين تعالي ...
نشرتي الغسيل فوق خلق الله ..وعلناً...

جبت لك عريس مطور 2010 ..حتى ما وصل موديله بعد ..

وأنتي ترفضين النعمة ....
خليك لأبو جاسم ولاعاد أنا قاربتك لامن بعيد ولا من قريب >>>>>>>> مالها خاتمة مثل بقية العائلة

[سليمان]

http://galbk.********************************************/2004-07-13-124432.gif


اشوى أني قريت الموضع على الصبح ===============> ما يحب الضبان راعي كروسان :11istling على غفلة

على فكرة .... اخلاق ناشب جمبي .... وخر شايف اسمك وانا ارد :mf_cupidh
اخخخخخخص يا اخلاق
اجل

كتب اخلاق
الموضوع فيه للضحك مساحه كبيره
كل كلمك تستفزك للضحك رغم كل ما في الحياة من حزن

خخخخخخخخخخخخخخخ يقطع الشعر يا ياخلاق=====> احسبه شعر :11azy:

اقول وش عندك على هالصبح....؟؟؟ رح نام اصرف لك :11mmer3:


طيب سلام عليكم :giveup:

قاعد نص ساعة ارد فموضوع..... والله من الفضاوه :نيني:

ميرسي كتير ... اهداب ... وفرصه اشخص هنا بتوقيعي المفقوود====> جزيرة الكنز مو توقيع ذا :mf_cupidh
اخوك صاحب التوقيع المنقوش
http://www.sfsaleh.com/vb/uploaded/madhlom1.jpg

[*أهداب*]

الأخ /sam 2

مشكور ..على مرورك ...
بس تعال قولي ..وش ذا ...اللي كتبته ..>>>> ودها تهاوش أحد على الصبح ...

ما يحلى له الطبخ الا من ايدك اجل..

وش قصدك ....؟؟
>>>>> بدأت تشك في نفسها >>> أجل من حايطبخ ضب بالله عليك ياسام تو

[*أهداب*]

عتبان

اكيد هوايتهم قنص الضبان

اكيد ماراح تكون جمع الطوابع

حلووة ..يا أخلاق
والله الطوابع أصرف ...وأنا أختك ...

وحياك الله ...
وننتظر موضوعك ...

[*أهداب*]

http://www.sfsaleh.com/vb/attachment.php?attachmentid=6087&stc=1

والله ياسليمان ..صار ينخاف منك ..شغاله كمرتك ...على طول

وياويل واحد يقرب مواضيعك ..>>>> خافت ..سيروا ..ونحن من ورائكم

أقول .
الأخ شغال ..على الخط السريع ..تابع لأمن الطرق ...

مشكور سليمان على المرور ...والصورة

[جلانار]

هههههههههههههههههههههاااا ااااااااااااااااااااي
وعووووووووووووووووك
والله ياشكلووه
مهب يم جاااده
أبد
خخخخخخخخخخخخخخخخخخخخخخخخخ خخخخخ
بس تصدقين عاد أهداب
وش ودي بوه
ودي
أشوف شكلتس
يوم شفتي الضب
خخخخخخخخخخخخخخخخخخخخخخخخخ خخخخ
أتوقع
شكلتس
شيييييييييييييييييييييييي يييي
ههههههههههههههههههههههههه ههههه
لااااوشكلووه وهو مطبوخ بعد
وعععععععععععععععععع
أكرم الله النعمه
ياتسبديه بس
ألا قالولتس وش اسميه انا
أنا أسميه
البعرصي (الضاطور)
خخخخخخخخخخخخخخخخخخخخخخخخخ
تسسسسسسسسسسسسسسسسسسسسسسسل ميين على هيك موضوع يخررررععع
خخخخخخخخخخخخخخخخخخخخخخخخ

[سعود]

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه هه

منتي صاحية

بصراحة موضووووع رررررهيب


كامل متكامل

ايه كذا المواضيع والا فلااااااا

مليناااا من القص واللصق


هذي المواضيع السنعه

يعني موضوع مع الصور والشرح مع معاني الكلمات

اقول بس


كم رقم جوال ابوووك ؟؟؟

<<== ناوي يشبك معه لانه من هواة الصيد :redface: :خجل:


ياويليك ياهداب

من صديقتك المخلصة أمل بنت عبدالعزيز


ولكن ..هل تصدقون فيه ضبان لونها //إتحادي ..اصفر وأسود ..سبحان الله
شكلها مايشجع ...وبعدين كبيرة بالحيل ...

امل اتحادية موووووت

الف الف شكر على هذا الموضوع المميز بحق

كالعادة يأهداب اذا كتبتي ابدعتي

تحية عطرة

[أمل عبدالعزيز]

ههههههههههههههههههه

أفا ياهدووبة

الحين أنا أحبك

تجين تتعدين على ألأتي؟

أفا ثم أفا ثم أفا على هيك جفا

وش جاكِ على الأتي راعي الوفا

ههههههههههههههههههههههههه هههههههههههههه

بس موضوع زين أني ماقريته عقب تغديت ولاتسان علوم ورياضيات وجيوقرفي


ههههههههههههههههههههههههه ههه

هدوبة وش منشبتس مع البنية كلي حلا

والعريس الى يعتبر لقطة

عاد أنصحك ياهدوبة

أنك تحولين العريس لهجورة

لأنه بيناسبها مافيها كلام

ههههههههههههههههههههه

[فيصــل]

اهداااااااااااااااااااااا ااااااااااااااااب


ابااااارك لاخوووي سعووود انضمااااامك للمقلعين والمقلعااااااااااااااااات


ههههههههههههههههههههههههه هههههههه



بس مااااااحددتي اختصاااااصك في القنص ..



كريك



شكماااااااان



ولا مطااااااااااااارد



او كوكتيل



ههههههههههههههههههههههههه ه


تحياااااااااااااااااتي لك ولدميجتك الراااااايقه


فيصـــــل

[*أهداب*]

الأخت / الغالية / جلانار

بس تصدقين عاد أهداب
وش ودي بوه
ودي
أشوف شكلتس
يوم شفتي الضب

عادي ..شكلي شكل أي عتيبية ...تشوف ضب حي من دون أن تدري عنه ...

الله يستر عليك ..اسعدني مرورك على متصفحي ...

[*أهداب*]

هلا ..سعود ..الصـــــعــ.......كمل ..أنت


كم رقم جوال ابوووك ؟؟؟
أبوي ما يتعامل مع هالتكنلوجيا ..ولا يواطنها ...
بس أمتحني على جوالي >>>>> والله يعينه على الفاتورة كاشخ الشايب ..وأهم شئ عنده يعرف ليه مافي سلك له مثل التلفون ..

وتعرف وش يسميه >>>> مصمخ الأذاني

............

<<== ناوي يشبك معه لانه من هواة الصيد
ياسعدك ياسعود ..
بس لو تعرفه ...
ماعاد تلقى (كلى حلا) ..لها أبو هنا ..وتعيش يتيمة الأب ...
ولا تقدر تتزوج أبوجاسم ...
وهنا نقنعها ..بعريس الشجرة ....
واسوي فيها عمه متسلطة ...>>> وأخليها تركد عن المطامر >>>>ترى ما عرفت تربي وأنا أختك

خلاص يكفي ...حاسة أنك ماعاد تقدر تستحمل >>>أخوي وأعرفك >>>قلبه ابيض وصافي ونيدو والعلالي

[*أهداب*]

الغالية والحبيبة والصديقة الرائعة /// أمل عبد العزيز ...
حياك الله وبياك في متصفحي ...ومرحبا عداد قطرات المطر وعداد هلات السحاب ومزونه ...


وش جاكِ على الأتي راعي الوفا

زلت لسان على غلا الغالين ..نقطع هالسان حشمة كلمة (أفا) ...ومنا الاعتذار ومنك السموحة ...اللي أنت أهلها ...


أنك تحولين العريس لهجورة

شورك وهداية الله ..قلنا تم ...
بس أي هجووررة فيهم ...

تعددت الهواجر ..والعريس ..واحد ...

هالعريس لقطة ..وكم مرة قلنا ستايل جديد ..بس بنت أخوي >>>مالها خاتمة ولا فاتحة ..هي وأمها (وه ياسمطي ) >>>>..غيرة أخت زوج من الزوجة ...(حموات) ..

الله يسعدك ياغاليه ..سررت بمرورك ...العذب ....

[*أهداب*]

الكريم بعد الله /الأخ فيصل

حياك الرحمن ..وختم على قلبك نعمة الإيمان ...
سعدت بمرورك على متصفحي ..كثيراً ......

وبعدين ..تعال ..ودي بكلمة رأس بيني وبينك ..

بس مااااااحددتي اختصاااااصك في القنص ..
أطلع فووووووق ..
شفت أحد سألني هالسؤال من قبل ..؟؟؟

أسجل إعجابي..بنباهتك هنا ....وأقول والله ماأنت بهين ...

بس ..وش تتوقع ..
من أبو ..(أهداب) ...بيخليها تقنص بأي نوع منها ..؟؟؟؟


أكيد ..يافيصل

ساكتون نارية المانية الصنع ..ومركب فوقها ..دربيل سايز
هذه لقناصةا لضبان ...

حتى نحط الصليب على رأسه زين ...
وقناصة الضب ..يبيله وضع الهدف على رأسه ....حتى تجيب خبره ...
والاّ راح عليك بصوابه ...
هاه ..
عرفت الحين .... وش اختصاصنا ......

على فكرة ..لك هديه من الوالد ...
حتى تفكنا من سالفة القطة ..في حفلة بنت أخوي سعود ..(كلى حلا)...
7
7
7
7

[فيصــل]

ههههههههههههههههههههههههه ههههه


عرفت الحين .... وش اختصاصنا ......

على فكرة ..لك هديه من الوالد ...


ايييييه عرفنا طااال عمرك اختصاااااصك ..


والله يبطي بسااااعة الشر ..


ههههههههههههههههههههههههه هههه


وهدية الواااااالد مقبوووووله ...


وبناء على اختصااااصك بغيت اجيب لك هديه واخترت هذي :


7






7





7



http://j4u.********************************************/ccccc.jpg


بس قلت لااا نبي شيء يجمل لاهدااااب وجبت هذي :


7





7





7






http://j4u.********************************************/bbbb.jpg

ونفس الشيء .. ترددت يوووم تذكرت الصليب اللي على راااس الهدف وجبت هذي


7






7






7






7






http://j4u.********************************************/hhhh.jpg


كذااا تماااام نفس مواااصفااات تخصصك ..


اما الوااااالد فهذي هديته ..:

7





7







7






7

http://j4u.********************************************/deserteagle357mag5.jpg


ههههههههههههههههههه


الموضوووع آخرته بيصير دباااباات مجنزره


تحياااااتي

[صالح الروقي]

اهداب


ياسلام عليك


لكن صراحه ماسويتي فيني خير


ذكرتيني بالضبان

واشتهيت في كبستها بالذات لكان معها لبن
خخخخخخخخخخخخخخخخخخخخخخخخخ خخخخخخخ

خليتني ابقى على جمر لين الموسم الجاااااااااااااااااااااا ي


<<<<<<<<<<< ناوي ام الخويشاااااااااااااات

منطقة مشهوره بالضباااااااااااااااااااا ااان ياللي ماتعرفوووووووووون


اهداااااااااااااااااااااا اب


تحياتي

لك

الروووووووووووووقي

[نايفة شمر]

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه

علمي هالحضران ياهدب علميهم وانا اختك

[أبوعبدالرحمن]

http://j4u.********************************************/hhhh.jpg

الحين الضب المخلوق البريء بترمونه بكلاشنكوف

اما مجرمين صدق


اهداب


انا متعشي وجعت بعد هالموضوع

[*أهداب*]

يافيصل ...
والله ماعاد لي هرجه معك ....

أثرك ما نت هين ..من صحيح ...

ترى مالنا شغل .. والكل شاهد ..
هالهدايا توصل لبيتنا ..يعني توصل ...

والكل عليك شاهد ...


يافيصل ...وأنا أختك ..المواضيع الجايه

مره لاتقربنا ...

حسبي الله على ابليسك ...

هذه عودت قناصة ..دينصورات ..

ماهي قناصة ضبان ..

[المشاعر]

السلام عليتس والرحمه

اهدااااااااب انا ماذبحني في موضوعتس الا الكبسة :ranting2:

ارسليها لي على صندوق البريد :ranting2:


بعدين يادبه افتحي خاصية الرسائل برسلتس البنر

[مــوادع]

اهداب

ظللي حدر


بعد حدر شوي

تعالي اشك ان سليمان مزور الصورة

واحسا الفوتوشوب لاعب لعبته

ههههههههههههههههههههههههه ههه

اخس يالمهم

http://www.sfsaleh.com/vb/attachment.php?attachmentid=6087&stc=1

اهداب ظللي تحت بعد

والا اقولك نسيت وش ابي

المهم سلمي على الوالد

اخوكم/اخـــــــلاق

[*أهداب*]

الأخ / صالح الروقي

حط ها المحلات عندك ...>>>للقناصة

وادي جرير .. العبلة ..شمال الدوادمي
محامة بن زريبه ....<<<<هذه تحضرني الحين ..

ومشكور على مرورك على متصفحي ...

[*أهداب*]

يالله أنك تحيي الغالية / نايفة شمر
يامرحبا ومليون هلااااااااااااااا بالسنافيه ...


علمي هالحضران ياهداب علميهم وانا اختك

من أجل كذا طرحناه ...
الله يسلمك ..أسعدني مرورك ..لاعدمناك ولا عدمنا حضورك ..
وتوقيعك .....

[*أهداب*]

ولد العم // أبو عبد الرحمن


الحين الضب المخلوق البريء بترمونه بكلاشنكوف

اما مجرمين صدق

وش بس أقول هنا ...بعدين الرد حايكون خص نص لكم وعلى إنفراد ...



انا متعشي وجعت بعد هالموضوع
7
7
7
7
وهذه وزعتك من الصيد
7
7
7
7
7
7
بالحجم الطبيعي

7
7
7
7
http://shleewe7.********************************************/Dhab%20hunt.jpg

[*أهداب*]

يالله أنك تحيي أختي الغالية // المشاعر

ابشري والله بسعدك ..غاليه والطلب رخيص

والرسائل مفتوحة ..بس كنا نسوي رش بويه تعتيق .....
وبعض لوازم الكشخة ....

أختك تحب الذرابة والعلوم الزينة

[*أهداب*]

الأخ / اخـــلاق

بالله ..

هذا سليمان ..اللي كلامه مايخرش الميه >>>> خايفة تصيدها الكميرة يوم من الأيام

[ليالي الشوق]

لاااااااااااااااااا

وش ذا ياااااهدااب

حنا مااعندنا هالسووالف رغم اني بدووويه

يااربي لك الحمد ابي اعررف هااذي وشلوون تأكلوونها....

يسلمووا اهدااب

تحياااتي ....

[هواجيس]

ياسلاااااااااااااااام



وربي من شفت العنوان وأنا قلبي يفز أخيراً أحد قدر الضبان

أختي أهداب عوفيتي على ذا الموضوع

وليت عندي شايب مثل اللي عندك ربي يخليه لك ولايحرمك منه

ذكرتيني فيما مضى يوم كان أبوي الله يرحمه يجيب الضب من عكرته

وأمي الله يحفظها تذبح وتسلخ وتبهر وتطبخ

بس ياهو طباخ وربي ماتشبعين منه مثل طعم السمك

ياااااااااااااااااااااانا س جربوه وراح تدعون لي

وبيني وبينك ( أنا أخاف منه بالحيل ) بس وش اسوي

أذا شفته مطبوح ما أقدر أقاوم وأشارك أخواني

خخخخخخخخخخخخخخخخخخخخخخخخخ خ

أختي تسلم ايدينك على طبخه ويوم شفت الكبسه كني اكلتها

هممممممممم همممممممممم

أختك
هــواجيس

[NEMR]

ككككككككككككككككككككككككك كككك موضوع خفيف دم وحلو

اهداب من شابه اباه ما ظلم

[*أهداب*]

الغالية / ليالي الشوق


حنا مااعندنا هالسووالف رغم اني بدووويه

يااربي لك الحمد ابي اعررف هااذي وشلوون تأكلوونها....

للناس فيما يعشقون مذاهب ...

اسعدني مرورك غاليتي ...ولاعدمناك يارب ..على هالطله الحلوة

[*أهداب*]

الغالية / هواجيس

حياك الله واسعدك ..وعلى الخير ربي زين مدخلك

وأعجبني كثير ..ردك ياغـلا ..
الله يرحم أبوك ويحفظ أمك....

ولاعدمناك غاليتي ..من عابرة ..اسعدني وجود توقيعها ..على متصفحي

,,دمتى بكل خير وصحة

صدقتي ..ريحته مثل ريحة السمك ...

[*أهداب*]

الأخ الكريم /NEMR

اهداب من شابه اباه ما ظلم

صدقت ....
الأب ..هو الأب

أسعدني مرورك ..

وأهم من ذلك أنه نال على إستحسانك ..وهذا شرف لي ..

جزاك الله خير ...

[^][الفـيـصـل][^]

هههههههههههههههههههههااي

اهداب ..

زين لقينا بنت عارفه كل شئ عن سوالف قتل الضبان <<< ياي ياقتل :نيني:

انا بصراحه ..

قعدت افكر ..

كثير كثير كثير من خوياااي يتكلمون عن هالسالفه ..

قلت اكيد .. ماهم متخلفين كلهم ...!!

لازم فيه متعه بالسالفه ..

فعاد أنا ابي اجرب اصيدها ..

وأبيك تعلميني كل شئ ..بما انك جربتي ..

وأول شئ ..

متى موسمها ..:بفكر:

عشان نظبط لنا رحله ..

ونصيد ضربان ..قصدي ضبان

:خجل: