يارب اني مؤمنة بقضائك وأعلم انها الخيره من عندك **متحطمه مره **

[حواء غرابيل]

السلام عليكم
انا متحططططمه مره منكسره بداخلي لكن الحمدالله صابره واشكر ربي واكيد كان خير لي واثق ان ربي راح يعوضني والحمدلله ع كل حال 

قبل 20 يوم انخطبت اوكي وابوي واخواني سالو عنه والحمدالله رجال كويس ويصلي ويصوم وماعليه كل شي فيه زين..

وبعد التفكير والاقناع وافقت .. طبعا كانت نقطه الوصل بين اهل الرجال واهلي عمي
بتقولون كيف !

عمي ف يوم من الايام جا عنده رجال يصير ولد عم هذا اللي خطبني وقال تعرف فلان بن فلان قال عمي ايه هذا اخوي وش بغيت منه !
قال ولد عمي يبي بنته وكذا قال عمي خلاص اقوله ونرد لكم ..

ف انا بعد هالكلام والتفكير والاستخاره وافقت ..

ابوي كلم الرجال وقال حياك الله وتعال عندي ابي اجلس معك واتعرف عليك .. طبعا جا لحاله مامعه احد وطليت مع الباب اشوفه كان شكله مريح جداً *لكن عاااادي واقل من عادي احس وهو جاي مافي اهتمام مثلا اقولمن سيارته وسخه شوي شماغه عاااادي مافيه ثقه كان خايف ومرتبك المهم سلم ودخل المجلس وجلس ابوي يتكلم عن النظره الشرعيه وكذا وقال الافضل انك تشوف البنت طبعا ما اجبره ابوي ولا شي ..

فقالي ابوي يلا اطلعي ..كنت لابسه لبس عادي وطويل ومرتب وبدون مبالغه يابنات والله اني صايره هذاك اليوم جميييله ماشالله ما تمدح نفسي بس ابي احطكم ف الصوره ولمن دخلت جاني برود ما ارتبكت ولاااا شي ابداكأني داخله ع احد من اخواني ما اهتميت اصلا وكنت اتبسم واطالع ابوي
وعطيته العصير وطلعت ..

بعدها ع طول قام وقال فمان الله وسلم ع ابوي بدون اي كلمه!!وابوي مستغرب منه كان مرررررتبك مره يده تعرق من شده الارتباك ويفرك وجهه كل شوي من الارتباك حتى القهوه والشاي والعصير ماشرب الا شوي بس!
بعدين انا احس شعوري مرتااااحه له بس فيه اشيا ماحبيتها ابدا 

ولمن جا الليل جلست اصيييح وما احس براحه احس بضيق كل شي مجتمع علي احس ما اقتنعت من ناظرته مع الباب احس مو هذا نصيبي ماحسيت بالاقتران احس هالشخص مو مناسب لي

وصرت اقول تسرعت بالشوفه وكذا وندمت اشد الندم جلست ابكي3ساعات متواصله مااعرف احدد شعوري انا مرتاحه له بس ما ابغاه *انا فرحانه بس حزينه انا باختصار احس انه مو نصيبي

جلست ادعي بالليل اذا فيه خير لي تمم ع خير واذا فيه شر لي ابعده عني واصرفه وجالسه ادعي ربييي كثير

وصارت اختي تهديني وكذا ونمت ولا قلت لا ل امي ولا ابوي..

جا الصباح حسيت اني ارتحت شوي بس قلت لامي اني خايفه وكذا وشايله هم وطمنتني امي..وسكتت عادي بس خايفه والرجال لسا مارد هل هوا موافق علي اولا !

جا وقت الظهر نادتني امي وقالت هذي رساله من ابوك اقريها وقريتها والله انكسررررررت ماتةقعت بيصير فيني كذا
كان مرسل ل ابوي وابوي ارسلها ل امي عشان اقراها
[الخيره فيما اختار الله والله لم اجد احسن منكم لادينا ولا خلقا ولا نسبا ولاحسنا ولكن اسال الله ان يرزقها افضل مني وجزاكم الله خير]
كنت اعرف انها اقدار وكنت اعرف انه نصيب وارزاق .. بس حسيت بالقهر ياليتني قلت لامي اني مابيه قبل هو مايقول
*بعدها سويت نفسي عادي وكذا ولابكيت عند امي ورحت فوق عند اختي اشاااااهق من الصياااح مصدومه يابنات ليش رفضني وشصااار وغريبه يرفض ماكنت متوقعه ابداً اهتزت ثقتي ع اني ادري انه ابدا مو ع جمال رفضني بس نفسيا يمكن ما ارتاح او كنسل سالفه الزواج .. بس والله حسيت بالانكسار لكن عند اهلي مسويه نفسي عادي ما اهتميت.. واختي قالت لهم اني اصيح ومابي وكذا بعدها قالت امي ليش ماقلتي عشان نقووول له اول

ب اختصار احيانا احس هالموضوع عادي .

واحيانا انكسر كثير والله انجرحت بس ماوضح علي ابدااا حتى ابوي ارتاح ياحياتي كان يراعيي شعوري 

اخوي جلس يقولي والله انك حلوه وجلس يرفففع فيني وانا الحمدالله عندي ثقه بنفسي ماتتخيلونها بس انكسرت

صرت اخاف من الخطبه الجايه اخاف انكسر ماعاد عندي ثقه

تكفون انصحوني هونوا علي وش اسوي 

اعتبروها فضفضهقد ماهي انكسار