حمدان بن سالم
21-08-2005, 03:33 AM
في سجةٍ للبال من كل طاروق = سجَّيت مع تذكار عذب الوصايف
ساعة صفا مابين عاشق ومعشوق = أخير من دنيا الطمع والكسايف
كلٍّ على ليلاه يرحل مع الشوق = والناس في مايعشقونه طوايف
مانام سارق حلمي أنام مسروق = ولاني على الأرزاق بالحيل خايف
قطرة ندى طاحت على الورد برفوق = خلّتني أقْضي الليل حيل امتكايف
أهلا هلا بك ياندى منت مسبوق = دايم تذكِّرني بزين الردايف !
الصاحب اللي مايوازيه مخلوق = اللي على حتى الحلا صار نايف !!
بدرٍ تجلّى في سما الحسن موثوق = من شاهده يصبح لمغليه عايف
العين عين أشقرْ شلع بالسما فوق = متشيِّمٍ عن صيد مابه كلايف !
والرمش جيشٍ انتظم يحرس الموق= صفّت جنوده شامخاتٍ عرايف
والخد لامنَّه لمع كنِّه بروق = لو حسَّه المكفوف يصير شايف !!
والبطن ضامر والخصر عود ممشوق = والصوت نسمات الربيع اللطايف
والشَّعر مثل الليل حالك ومطروق =حرير مجنونٍ يطيع الهفايف
عطاه ربي فوق حلياه منطوق = يبري جروح اللي حياته كسايف
بعض الحلا لاصار خالي من الذوق = مايجلب الاّ الفاجعة والحسايف
جمال الإنثى لاغدا سلعة السوق = ألينه أخطر من سيوفٍ رهايف !!
قلت العفاف وصارت أيامي اشروق = وقال : الجمال وقلت : لاشك ضايف !!
هذا حبيبي كل حسنٍ به اصدوق = والفرق شاسع بين أصلي وزايف !!
لامن ضحك يهمس له الورد :ياشوق = بينه وبين الورد همس الشفايف !
الوجه طاهر ماعبث فيه مسحوق = عقل وثقل وعلوم حلوة طرايف
تضحك له القمرا بترحيب وبشوق = كن القمر وخديد خلّي ولايف
من هو يجادل فيه مسحوق مسحوق = باقسى هزيمة ماعليها حسايف
لو يرتدي ثوبٍ قديمٍ ومشقوق = يصير موضة للبنات العفايف !
جلسة معه لوهي على جال طابوق = ألذ عندي من جميع المصايف !!
أحب قربه حب الأجداد للنوق = لاصَدَّرن متسابقاتٍ خفايف
دامه معي بالحيل أنا اليوم مرزوق = رزقي يجيني لو تركت الوظايف
وفي غيبته كل الأماني بها عوق = دونه يصير الكون هايف بهايف !!
شعر \ حمدان بن سالم العنزي – عرعر-
ساعة صفا مابين عاشق ومعشوق = أخير من دنيا الطمع والكسايف
كلٍّ على ليلاه يرحل مع الشوق = والناس في مايعشقونه طوايف
مانام سارق حلمي أنام مسروق = ولاني على الأرزاق بالحيل خايف
قطرة ندى طاحت على الورد برفوق = خلّتني أقْضي الليل حيل امتكايف
أهلا هلا بك ياندى منت مسبوق = دايم تذكِّرني بزين الردايف !
الصاحب اللي مايوازيه مخلوق = اللي على حتى الحلا صار نايف !!
بدرٍ تجلّى في سما الحسن موثوق = من شاهده يصبح لمغليه عايف
العين عين أشقرْ شلع بالسما فوق = متشيِّمٍ عن صيد مابه كلايف !
والرمش جيشٍ انتظم يحرس الموق= صفّت جنوده شامخاتٍ عرايف
والخد لامنَّه لمع كنِّه بروق = لو حسَّه المكفوف يصير شايف !!
والبطن ضامر والخصر عود ممشوق = والصوت نسمات الربيع اللطايف
والشَّعر مثل الليل حالك ومطروق =حرير مجنونٍ يطيع الهفايف
عطاه ربي فوق حلياه منطوق = يبري جروح اللي حياته كسايف
بعض الحلا لاصار خالي من الذوق = مايجلب الاّ الفاجعة والحسايف
جمال الإنثى لاغدا سلعة السوق = ألينه أخطر من سيوفٍ رهايف !!
قلت العفاف وصارت أيامي اشروق = وقال : الجمال وقلت : لاشك ضايف !!
هذا حبيبي كل حسنٍ به اصدوق = والفرق شاسع بين أصلي وزايف !!
لامن ضحك يهمس له الورد :ياشوق = بينه وبين الورد همس الشفايف !
الوجه طاهر ماعبث فيه مسحوق = عقل وثقل وعلوم حلوة طرايف
تضحك له القمرا بترحيب وبشوق = كن القمر وخديد خلّي ولايف
من هو يجادل فيه مسحوق مسحوق = باقسى هزيمة ماعليها حسايف
لو يرتدي ثوبٍ قديمٍ ومشقوق = يصير موضة للبنات العفايف !
جلسة معه لوهي على جال طابوق = ألذ عندي من جميع المصايف !!
أحب قربه حب الأجداد للنوق = لاصَدَّرن متسابقاتٍ خفايف
دامه معي بالحيل أنا اليوم مرزوق = رزقي يجيني لو تركت الوظايف
وفي غيبته كل الأماني بها عوق = دونه يصير الكون هايف بهايف !!
شعر \ حمدان بن سالم العنزي – عرعر-