فضفضة سهران

[النصرالعالمي]

بسم الله الرحمن الرحيم

اخواني تعالوا ابي افضفض لكم بتالي هالليل اشوف الجمهور زعلان ومقهور يمكن نلقا حل لهالفريق

ماراح اكون مثالي واقول اهم شي السلام على الملك ولا راح اكون انفعالي واشتم اللاعبين

اولا الادارة للاسف من استلموا الفريق ماشفنا اجنبي يعبي العين كلهم من العاطلين بديرتهم

ماشفنا ولا اجنبي وجهه فوق والسبب والله العالم انهم مفلسين والنصر يبي رئيس ونائب رئيس

كاااااااااش نبي لاعبين زي راس الحربه اللي مع العين نبي صانع لعب زي نيفيز نبي قلب دفاع زي

تفاريس نبي لاعبين نجوووووم مو لاعبين الثنين بريال تبي بطولات ادفع تبي ترزز بس شفلك

مكان غير النصر كثير المجالات اللي تشتهر فيها بدون دفع قروووش

النقطة الثانية المدرب ماتورانا كلنا نعرف ان كل مباراة لها ظروفها وكل فريق له نقاط قوه
ونقاط ضعف ومدربنا كل المباريات نظام واحد ( ريتشي مكان سعود حمود ) معقول هالتغيير

يناسب كل المباريات حشى هذا مو تغيير هذا شراب العائلة شي مهو معقول ياخي اذا هذي فلسفتك

نلغي عقدك وهالتغيير هذا بسيط اي واحد يجريه مافيه داعي ادفع فلوس مدرب

النقطة الاخيرة المحليين

انا عن نفسي ما انتظر بطولة من سهلاوي وزيلعي واللي مثلهم لايجيني واحد مطفي النور يقول

السهلاوي ماعنده صانع لعب لااااا ياحبيبي هذا مو عذر المهاجم القناص يسجل من انصاف الفرص

مو ينتظر صانع لعب افرض ان النادي ماعنده صانع لعب زي فريقنا يعني خلاص تتمشى بالملعب

ولا تقاتل على الكرة وتترك مدافعين الخصم يبنون هجمه بارتياح ؟؟؟

اجل على كذا اجلس عند اهلك لحد ما الله يكتب لنا صانع لعب مميز وبنتصل عليك نقول تعال ياهداف

جبنالك صانع لعب ههههه والله مصخرة افتكرنا هالموال راح مع الحارثي لقينا

هالموال ورانا ورانا

اما الزيلعي بذمتكم تطمحون ببطولة وهاللاعب يلعب ؟؟؟؟

يا اخوان هذا لاعب سلبي يلعب مباراة جيد وعشرين مباراة دااااج ماحنا بحاجة هالنوعيات

سعود حمود ابي اسكت عنه الحين واقول راجع من اصابة ولو اني غير متفائل لأن فكر اللاعب مهم

وسعود لايملك الفكر المحترف زي ايبرا والثاني اللي مسمي نفسه اي كيو هذولا اهتمامهم على قدهم

يشوفون اسامة المولد مسمي نفسه اوس خخخخخخخخخخخ ويقلدونه امحق لاعبين

على العموم مابي اطول عليكم فريقنا يبيله غربله شاملة كاملة مايبي نفخ لاشباه اللاعبين

وتصبحون على خير



ابوحنين