شعر عشقتك جمر وغصون

[الاسهم السعودية]

عشقت فيك الطيب يا طيب الساس
والروح جتك اليوم وش عاد وش عاد ! . . حطيت لك بالقلب ركنٍ من الماس
وبعت البشر لأجلك ولاني بنشاد .
. لا باس يا ليل الفحيحيل لا باس
لاامست عيونك بلا طلة سعاد .
. الغادة اللي ماهي بارض مكناس
ولاهي من أرضي ولا أرض بغداد .
. الغادة اللي من الحلا جات للناس
فتنة ولي وحدي مدارات وبلاد .
. والجوهرة غطت عليهم بلا قياس
اللي غلاها زاد في داخلي زاد .
. يسعد مساي اليوم لاهب نسناس
الوردة اللي غصنها زم الانهاد .
. اعتادت تبعثر حنيني وانا احتاس
داخل حناياها وانا اجمع اعتاد .
. تدفيني بهمساتها حب وانفاس
لالحفتني صوتها بحضن الاعضاد .
. تآمر واقول امرك على العين والراس
يالله عسا مفقد وفا بنت الاجواد .
. هي دنيتي من قدها لوين الراس
يعني أميرة وسيدة بنت أسياد .
. وهي للغلا والشوق والله نبراس
وهي فرحتي وهي بسمتي وكل الاعياد .
. العين تذبح والشعر ليل الارماس
والخد بدرٍ صوره رب العباد .
. ياعماد تاه بنحرها عقد الالماس
وشلون انا ما اتوه بالوصف يا عماد .
. خليطها المترف من الحسن اجناس
جمر – وغصون – وثلج لكنني عاد!! .
. أحيان أحس إنها مثل باقي الناس
وأحيان أحس أنها من الورد والكاد!! .