شيء واحد فقط لو تحقق طار المؤشر ولعلعت أسعار الأسهم

[الاسهم السعودية]

هذا الشيء هو كنس جميع المتداولين بالسوق الحاليين واستبدالهم بأخرين لأن المتداولين الحاليين أصبح عندهم خبرة بالسوق ومدركين خطورته واستفادو من التجارب السابقة وفهمو اللعبة وصارو حذرين وخوافين على فلوسهم ولا عاد ينفع فيهم لا تطبيل ولا غيره (طعم وتجرعوه كم مره وبالأخير عرفوه وحفظوه) وسوق الاسهم ما يمشيه مثل هالجنس الي تحصلهم إما خارج السوق بفلوسهم ولا يدخلون إلا نص ساعة يضاربون يكسبون لهم شي بسيط ويطلعون على طول قبل الاغلاق أو متجمعين على الاسهم ذات العوائد والارباح وإذا شافوها مرتفعة شوي باعوها واشتروها مره ثانية إذا انزلت أو تحصلهم معبين محافظهم من اسهم القيعان الي معاد فيها حيل تنزل أكثر عشان إذا ماكسبو ما يخسرون, هالجنس ما تسببو فقط بمرض المؤشر ولكن صارو خطر حتى على المضارب المحترف والهامور المسكين يخسرونهم بدل ما يكسبونهم ويشغلون لهم سوقهم.. لذلك خلاص معاد منهم فايدة ولا يصلحون لسوق الأسهم (كرت استخدم والآن احترق وانتهى) ويجب كنسهم من السوق واستبدالهم بمتداولين جدد بكراتينهم سذج بلا عقول فقط لهم عيون تشاهد الشاشة وأذان تسمع التطبيل وعندهم استعداد يبيعون بيوتهم وسياراتهم ويتدينون ويجمعون كل مدخراتهم ويضخونها وقود لسوق الأسهم عشان ينتعش السوق ويشفى المؤشر ويصحصح ويكمل صعوده من جديد وتلعلع الأسعار مثل أول