بـشـــارتي لكل المساهمين وجمـيع المستثمرين بالسـوق السعوديه باذن الله

[الاسهم السعودية]

السلام عليكم ورحمه الله وبركاته

قبل نزول السوق لمحت للناس ,, وخفت من زعلهم ,, , وارسلت لاحبابي عبر الرسايل الخاصه عن النزول وحركه السـوق


آنـا شخص لا أؤمن بالمؤشرات ولا بالتحليل لأ أؤمن الى بالله ثم بالكاش


لكل شخص متعلق وزعلان وحزين وهديه لكل محلل يريد تجهيز مواضيع مده شهر عن حركه الموشر وعشان مايتورط مع الناس وكل شوئ يقول الموشر بيكسر واذا كسر اعطاه التويجري بلنتي

والله العظيم ثم والله العظيم ان لا تاسي ولا مؤشر الفراشه ولا موشر توم جيري عمري قريته انا ما ادخل السوق الى اذا شفت المحافظ الى متروسه من كنوز الارض بالسوق

آلســـــــــــــوق مــــــــــــن آقـــــــــفـــــــال يوم آمــس الاثنين ,,,

باقي له حوالي 150 الى 200 وحواليها ماعاد به زووود


ومن بعدها اربطو الاحزمه استعداداً للاقلاع بمشيئه الله تعالى إلى 8000 الاف بكل عزم وقوة


باذن الله باذن الله هذا هو العلم ولا غيره لا من تحليل ولا من وقف خساره ولا من خرطي


ولا تكلمت عن هذي الاخبار إلى بيني وبين اشخاص ولا تطلع لاكن ضاق بي صدري وانا اشوف اخواني الى خسران خمسين بالميه والى عشرين وكل يوم نحزن اكثر وتضيق صدورنا على حلال المسلمين


وصيتي لكم كل واحد يمسك سهمه كفاكم لعب في فلوسكم مده 4 شهور مضاربه امسكوها هالفتره وابعدو عن الشاشه والى يبي يسافر ويريح له اسبوعين من شقاها يجي يلاقي الى يسعده

ياخوان والله العظيم الى يقول لكم السوق مضاربه يكذب الفتره هذا قبل 3 شهور صحيح لاكن الحين غير

انا باعطيكم مثال بسيط , انا اول ماجيت المنتدى ماتابعت وتعرفون داخل عشان النقل الجماعي وعارف علومه ومن 9.70 اول دخول لي الى 11 مضاربه ومن بعدها ولا طلعت منه الى 17 طلع ونزل طلع ونزل الى ماوصل 17


أذا عندك هــدف لازم تؤمن بالله وماتطلع من السهم الى لما تحقق اهدافك اهداف الانسان يبي لها كفاح وكدح وعمل ,, السهم يبي له شئ واحد ( الصـبر ) أقفل عليه وضيع المفتاح

+++
اسال الله العلي القدير لكم الكسب الحلال يا اخوان والله العظيم ماني مطوع مشدد لاكن انا شخص أشهد ان لا اله الى الله واشهد ان محمد رسول الله وعلى سنه رسولي محمد صلى الله عليه وسلم

انا انسان افهم واستوعب ياخوان ابعدو عن التآمين والله فيه ناس خسرانه 50 بالميه من راس مالها ويوصل الى نص مليون كله بسبب يوم من الايام كسب من شركه تامين الف ريال

لاتحسبن ان الله غافل عما تعملون,,, ان الله شديد العقاب ,,,, عارف الموضوع يضيق صدور كثير والله الرزق والسعاده في الدين وفي البحث عن الحلال والله ماتلاقي وراء المال الحرام والمشبوه الى المصايب والامراض والابتلاءات والعقوبات ,,,

ياخوان 15 سنه من كنت ورع وانا متربى وسط السوق شفت قدامي نماذج كثيره من هالاشكال والله نهايتهم ماساؤيه

انا ماراح اكتب مواضيع اكثر من كذا لاكن ابيكم تحفظون الموضوع مفضله ولا تنسوني

وفيه سالفه حصلت لي وهي اخر سالفه واحد موظف بنك مره رحت افتح حساب ثاني ونشب لي يبي توصيه وهو محترم وساعدني قلت له ابشر اشتر الجماعي ب 10 قبل ثلاث شهور تقريبا وصك عليه مرره ماتبيع الى دبل وحط السهم بجيبك ,, قال طيب ابي سهم مثل بروج هههههه قلت والله روح هرب احسن لك لاتطمع صدقني الف حلال ولا مليون محرمه ومشكوك فيها شرعاً ,,,

قلت له عندي سهم والله العظيم فيه تدبيلتين وزود وجلس فوق راسي الى تعلمني وماراح اشتري فيه بس ابي اعرفه ومع الاصرار قلت له هو سعره في العشرين حول الثلاثين وبس

وخلص الحديث ومشيت بعد شهر اتصل عليه ابي اطلع فيزا قال لي ههههه عرفت السهم اليانز وطبيت فيه 48 والحين 90 شاري 300 سهم اتوقع قلت لحول ولا قوة الله بالله الله يهديك بعه احسن لك وتصدق بفلوسه والله مايلزمك منها ريال وباعه ب 87 ومبسوط ههههههههه قلت بتشوف الفرق بعدين

والله ياخوان اني ماكذب بعدها الرجال كل ماكلمته قال خساير يابو فهد والجماعي وصل 18 والله قهر والله والله ويتحسف وراحت مكاسبه مسكين ويقول والله ماعاد عرفت الربح يالتيني سمعت كلامك

قسم بالله ياخوان هذا الى سار قلت له لاتعليق والله يامحمد الله يستر عليك بس حاول انك تطهر مالك وتتوب وتمشى بالسليم ,,,


انا اسف طولت عليكم بس والله نفسي الناس تراجع نفسها وتحس بحلاوة الحلال وطعمه وبركته

وأكرر ,,, استعدو لربط الاحزمه ,,, باذن الله تعالى وان شاء الله يكون الاستقرار السياسي والاقتصادي ويدعم الخطط الحاليه للسوق

قفلو على فلوسكم قفلو والى ربي رازقه ومعه سيولة كبيره يسثمر ويضارب والى سيولته قليله يستثمر مؤقتا الى مايرفع راس ماله باذن الله


تحياتي لكم والى يبي شور على محفظته وانواع الاسهم الى يقتنيها يراسلني وياليت الى متعلق ومتورط وانا باساعده باذن الله

وبخصوص التوصيات للاسهم ياخوان صدقوني كل سهم يوصى عليه يتدمر انتم لازم تعرفون المضارب الكبير والهوامير مايحبون احد يلعب معهم في اسهمهم مثال سريع قبل الانتهاء

سهم نادك والله العظيم السهم محفز للانطلاق من زمان وسهم مظلوم أشد الظلم وكان راح ينطلق لاكن كلكم تعرفون الى سار قبل شهرين لما احد الاشخاص وصى عليه بـ 30 وسار انفجار للسهم نسبه وعقبها السهم ليومك هذا ماتحرك
وعشان تعرفون ايش الى سار بالسهم انا اعرف مضارب سهم معين شخصياُ سهمه في العشرينات وماراح اقرب ولا المح للسهم مع الاعتذار لكم والله انه ناويه 50 تدبيله لاكن الشايب يقول ماراح ارفعه الى لما اطلع كل الناس منه وانا لي شهر اتفرج فيه ذبحهم من الوريد للوريد لانه يقول اذا كل العالم دخلت معي الحين اذا رفعته فوق 40 مين الى بيشتري مني ؟ اي والله هذا تفكيره وتفكيرهم




تحياتي لكم وفمأأأأن الكريم وبالتوفيق