مهم الهلال شال جمهورة ورفع روسنا كثير وجا الوقت الي الجمهور يشيل الهلال

[االزعيم الهلالي]

السلام عليكم



كيفكم يازعماء؟؟



يمكن لي 8 شهور ماكتبت موضوع باي منتدى لكن حال الهلال خلاني اكتب الي بخاطري لعله يوصل لكم

بدخل بالموضوع على طوووووووووول>>>اخلص وبدون فلسفه


اول شي خلونا نتفق ان الهلال ليس نادياُ نشجعه بل وطناُ نعشقة

من شان هيك>>>خف علينا ياالشامي

انا اشوف فيه مندسين كثير بين الجمهور الهلال ويطرحون ارائهم وكانهم يحبون الهلال وهم بالعكس يدسون السم بالعسل

يعني مثلاُ نشوف بعض الجماهير تهاجم سامي او بعض الجماهير تقول لا تحضرون مبارات الغرافة يعني يبون يقنعوني انهم هلالين


المهم الهلال ياما شال جمهورة ورفع روسنا بكل مكان ونحن جمهورة دائماُ مع الفريق مقصرين الي يقول بر و لاحر او حراس الامن مدري وش فيهم او زحمه او اشوفها بمقهى احسن ولااااااااا فيه ناس نقول ليش نروح الهلال فايز يعني ضامنين فعلا هذا الحاصل

انا اقول جاء الوقت الي نرد فيه الجميل للفريق ولسامي ولعبدالرحمن بن مساعد وجمهور الهلال هو الي يشيل الفريق ويخليه يفوز بمباراة الغرافة يعني جمهور الاهلي مو احسن منا العام كان فريقهم يصارع على الهبوط وفي بطوله خادم الحرمين الشرفين شفنا جمهور الاهلي وش سوى خلا فريقه ياخذ البطوله بالقوة او بالاصح غصب عن الاعبين انفسهم والاجمهور النصر احسن من جمهور الهلال الي 18 سنه صابر بلا بطولات ويملا المدرجات والحين تقريبا وصل نهائي الملك جمهور الهلال لازم يقول كلمتة ويوصل الفريق لدور الـ16 بدوري ابطال اسياء


لازم يفوز مو بكيف الفريق ولا لاعبين ولا الدعو( هيسيك) لهيبة الجمهور الهلالي الي يملا المدرجات ويكون تفاعلة طوال المباراة

لازم نوقف مع سامي بعد الحملات الاعلامية الصفراء بدت تمشي عليكم وصرتوا تطالبون برحيله سامي مو نفسه الي مع قرتس وش تغير ماتغير شي بس الحملات الاعلاميه ضدة هي الي تغيرت بعد نجاحه الكبير في ادارة الفريق

يعني الاعلام الاصفر سوى حملة ضد ياسر الين طفشة خلاه يروح العين ومعه رادوي كوزمن تفاريس وغيرهم الكثير انا ماقاهرني الا تفاريس يوم مع الهلال والاعلام الاصفر يقول جزار ويوم انتقل من الهلال راحت عنه الصفة هذي سبحان الله والحين بادين بسامي بيطفشونه وقبله شفنا حمله ضد(حسن الناقور)باختصار هم يحاربون اي شخص ناجح في الهلال


تكفووووون ياجمهور الزعيم نبي همتكم وحضوركم للملعب يوم الثلاثاء للرد على الجميع ودعم الفريق وسامي واعطاء ابن مساعد حافز كبير لين شاف الجمهور معه انه يعمل للموسم المقبل بشكل افضل


لا احد يقول ماعندنا لاعبين ولا شيلوا هيسك والا الكوري ولا مدري مين انا مايهمني اي احد ولا اي لاعب انا ابي اشوف روح الهلال تلعب في الملعب ماتهمني الاسماء


هي مباراة اخيرة في الموسم اما نكون الي نبي ولا عسانا مانكون



وخلووو شعار حملتنا ( مالها الا هلالها)

وانا اول الحاضرين قدمت اجازة يوم الثلاثاء وبحضر من بدري


اسف على الاطالة