ضياع الاهلي وأنانية فيكتور سيموس

[الاهلي الراقي]

اولا الحمد لله على التأهل اللي جا بعد طلوع الروح
و متعودين دائما ما يفوز الاهلي الا لما يرفعلنا الضغط

استهتار غريب من لاعبي الاهلي بالاخص وليد باخشوين و محمد مسعد و الجيزاوي
باخشوين اللي دخل دخله متهوره بعد ما انقطعت الكوره من تيسير و تسببت بهدف
مسعد ما ادري ايش كان يسوي في الملعب و كاننا ناقصين
الجيزاوي صار اناني
المعيوف اتمنى انه ما يلعب في النهائي واللي شاف الهدف الاول يعرف كيف فلتت الكوره
من يده و جات لويلهامسون على طبق من ذهب و كاني اشوف نفس الغلطه اللي صارت في نهائي كأس ولي العهد امام الهلال قبل سنتين و نفس الهدف و نفس الغلطه

اما المهم في الموضوع هو أنانية فيكتور عندما جاته انفراده وكان معاه الحوسني
و فضل انه يسددها في المرمى و ما ناول للحوسني و ضيع هدف محقق لنا كان راح يريح
اعصابنا اتمنى من الاداره تنبهه لهذه النقطه الهامه
لانه ممكن تسبب حزازيه بين اللاعبين يعني ممكن تجي فرصه لعماد وما يناول لفيكتور
و يضيعوا اهداف علينا
لانه اتكررت اكثر من مره خصوصا في نهائي
الدوري امام الشباب كانت في فرصه محققه و ما ناول للراهب و فضل انه يشوت للمرمى برعونه
وضيع هدف محقق كان راح يجيبلنا الدوري و هذا السبب اللي خلا الراهب يتنرفز و ينطرد من المباراه و ضاع علينا الدوري

اتمنى انه ما تتكرر في نهائي كأس الملك لانه محتاجين نترجم اي هجمه لهدف و عفوا على الاطاله