يبه .. شلونك؟

[أسواق]

ملل هالكون من دونك
يبه .. شلونك ؟؟
وتمضي رحلة الدنيا بليا طلة عيونك
يبه .. شلونك ؟؟
شلون المرض وياك بعد ماهدك بدنياك
عساها تغمض جفونك!؟
تبي تدري عن أحبابك
عن عيونٍ تغنا بك
عن قلوب دفنها الشوق
وإذا جاها الغفا جابك
يبه .. أمي تخيلك دوم
تغني لك مع القمرا
يبه .. واللي خذاك بيوم
خذا بكيرتك عفرا
خذا .. وياماخذا .. وياما
خذا ناس يحبونك
يبه حنا غدينا كبار
توفقنا وتخرجنا
يبه .. ماعاد فيه صغر
يموج بهالزمن كل شي
وحنا ماتموجنا
على ذاك العهد نسري
نبيع العمر والدنيا
ولا تخلف بنا ظنونك
يبه .. شلونك؟؟
تبي تدري عن أخباري
عن أفكاري وتذكاري
أشيلك داخي جمره
وبعيون الحزن عبره
تغرقني .. وتحرقني
أشوفك نجمه .. تجبر مراعيها يراعيها
أشوفك للرجوله أسم .. إذا شد الزمن تقسى
وأحلم من معاني الحلم
أحسك مقبلٍ بكرى
وعا لايجي بكرى
يبه تذكر زمانٍ مر!؟
لاقالوا عمر
هو أحلى مابهذا العمر
يبه .. تذكر مجالسنا
مقلطنا .. ومجلسنا
وحارتنا ومسجدنا
صلاة العيد؟ وبشت العيد؟
يبه .. تذكر سوالفنا
لاجل هذا
وكل هذا
أقول اليوم يابيي
ملل هالكون من دونك...!
..
ربي اوسع مدخله من الجنه وأرحمه رحمة ملؤها السموات والأرض