تجهيزاتي من الحين حق طلعتي من نفاسي ( نظافه نعومه بياض ) النونو عليج وطلعتج علي

[حواء غرابيل]

صباح الورد كورشات

شخباركم حبيباتي ان شاءالله كلكم بخير ومرتاحين

طبعاً بنات تعرفون اني ما اسوي شي وينفعني ولا

شي يفيدني من تجهيزات معلومات تصايح اي شي

يفيدني ما اخشه ابداً لأني أحبكم فالله وعسى الله

يعطيني على قد نيتي والي تبي تدعيلي صج تقول

الله يعيطيني على قد نيتي يارب :)

بسم الله

طبعاً مع الحمل والثقل والكريشه يصير مالج خلق ولا شي بس تتطرين متى تولدين بالسلامه

حزتها تفكرين بالتفرك والعنايه ووو الخ ، طيب ماتدرين انج بالنفاس النفسيه اخس واردا

سبحان الله شي من الله طول فترة النفاس تعبانه وجسمج مكسر والبيبي عندج الله يحفظه

ليش ماتبلين خطوه خطوه عشان مايتراكم عليج شي ...

خلني أقولكم بالتفصيل الممل جدولي الأسبوعي

ماشاءالله تبارك الله

1 -
يومياً قبل لا أنام أرطب جسمي واهم شي البطن عشان

التشققات مابعد الولاده

2 -
اذا طلعت او رحت مكان ورديت شقتي أجيب أسكينول

الليمون وأمسح التراب الي على رجولي قطنه مبلله

باللسكينول وانظفها عدل لين يطلع الوصخ بالقطنه

وبعدها أبلش بـ كفوفي و بعدها صدري ورقبتي

(( لاتجين صوب الحلمه )) بس بين صدرج والامكان

الي تعرق

3 -
أدش أخذ شور بارد حلو ومنعش مع شوي تفرك بأي

نوع من شور الاستحمام وأنا أفضل (( دوڤ بالخيار ))

4 -
مخصصه يوم واحد ( فقط ) في الأسبوع للإستحمام

((المميـــز )) الي هو

اول شي غسلي شعرج عادي ولفيه*

المرحلة الاولى
صابونة الغار والليفه الطبيعية الي من الحواج

وبعدين اخذي صابونة الغار تلاقونها بالجمعيات + الليفه الالي لها مساكات تقدرين توصلينها ظهرج الي تفرك يمين يسار*

ونقعيها في طشت صغير وماي حار ورغي الصابونه بالليفه وماي دافي فركي جسمج كله عدل مدل .


المرحلة الثانية
صابونة البابايا( للتبييض والتقشير)
اخذي صابونه البابايا وفركي فيها جسمج كله مع الوجه لحد ماتتكون رغوة ناشفه بيضه تصير مثل الطبقه البيضه
كأنها كريم ناشف وخليها جم دقيقه على بشرتج يعني 3 او 4 دقايق وبعدين غسلي جسمج*

وطبعاً صابونة البابايا ما تخفى عليكم تبييض ملحوووظ للجسم والوجه


المرحلة الثالثة
سنفرة المشمش( نظااافة وتقشير وازالة الجلد الميت)
بعد ما تغلسين جسمج من البابايا وجسمج رطب مسحي جسمج بسرعه باييدج من الماي بس بايدج وبعدين فركي سنفرة المشمش على جسمج كااامل و خليها دقيقه وبعدين حيبي الليفه المغربية السودة وخصصيها للسنفره بس وفركي فيها جسمج وهو عليه السنفره فركيه بالليفه*
وبعدين غسلي جسمج

هالطريقة عجيبه تحسين بنظافه وتحسين الجلد نظيييف*


المرحلة الرابعة
سنفرة العروسة ( تبيــــــض)

والحين بعد ما خلصنا من سنفرة المشمش اخذي الفوطه ونشفي جسمج عالسريع يعني موتنشيف كامل عالخفيف وحطي كريم العروسه على جسمج كااامل وخليه من 4 الى 5 دقايق وبعدين غسليه

وشوفي البيااض*


المرحلة الخامسة
الصابون المغربي (تبييض ونظافه)
والحين اخذي الصابون المغربي ومسحي فيه جسمج كله ودلكيه عالجسم عالخفيف وخليه دقايق وغسليه ( وهالطريقه مو حمام مغربي لا بس صابون مغربي بدون ليفه وتفريك )

طبعا يبيض وينظف عدل


المرحلة السادسه ( مهمه للمتزوجات )
شور جل عالسريع يعني على الصدر والرقبه والايدين لان أبو الشباب ما يحب يشم ريحة أي صابون غير الصابون المعطر وريحة العطور واستخدمي نوع خفيف مثل (( دوڤ بالخيار ))*



والحين نجي لمرحلة التنشيف والنعومه واللبس والتعطير*

نشفي جسمج عدل مدل وحطي مسك العروس في اماكن النبض عندج مثل ورا الاذن على شريان النبض بالإيد وعالرقبه اشويه خفيف لانج توج متفركه وما تحتاجين عطور واجد والجلد نظيييف وخفيف وحطي ديودرنت

وبعدين اخذي كريم زيدة الماماو او جلسرين ودهني فيه ركبج وكوعج والارداف والايدين وبطنج اهم شي ورجولج وابتعدي عن كريمات اللي تكون معطره*

ولبسي هدومج وعطريهم وتبخري ومشطي شعرج وبخريه

أنا شخصياً أستخدمها مره بالسبوع نظاااافه بيااااض نعوووومه صج احس اني خفيفه ونظيفه واحس بنشاط

الله يجزاها خير اختي مزيونه وشقره

هالخلطه أستخدمها كل يوم خميس لمن ارد من الدوام وااااي احس بانتعاش

5 -
أستخدم سنفرة توحيد لون الجسم مره بنص الاسبوع

الي هي

سنفره المشمش الكميه اللي تكفي الجسم*


- ملعقه وحده كركم


- ملعقتين زيت زيتون او حتى اللوز المر


- ملعقتين هرده (طحينه مالت الاكل ) و شويه ملح

*تتفركين فيها عقب الحمام وتخلينها من خمس الى عشر دقايق بعدها بللي الليفه المغربيه بماي وفركي جسمج*

تبييض وتوحد وتنعم مو طبيعيه تجنن

6 -
طبعاً خصصي لج يومين بالأسبوع دهني فيهم شعرج ويفضل اذا كنتي عند اهلج بالويك اند

أهم الخطوات للمحافظه على نضارة البشره

قبل لل تنامين غسلي وجهج عدل بصابونة البابايا ورطبيه ورطبي جسمج ونامي

واذا قعدتي الصبح هم غسلي عدل مدل بالصابونه ورطبيه مهم جداً اذا كنتي بتحطين

مكياج للدوام لان الترطيب يمنع المواد الكيميائيه إقتحام خلايه البشره

رطبي حلمت صدرج بكريم (( زبدة الكاكاو )) صدقيني الترطيب يقلل من انها تكون ناشفه

وزين حق الرضاعه بعدين ماتعورج اثناء الترضيع

وباقي أيام الأسبوع تسبحي السبوح العادي ومع كل سبحه استخدمي غسول الوجه (( نيم ))

استخدمه شحلاته ينظف وينعم حتى زوجي قام يستخدمه ^_^

بس خلصناااااا

هالطريقه بتساعدج وقت نفاسج وطلعتج من الاربيعين والله بتكونين عرووووس بطلعتج

موتهملين تفس يعني حامل النظافه مالها شغل خلج لاطلعتي ينصدمون لاشافوج

وهم الطلبات الي بتستخدمينها الحين بتضل معاج حتى لي نفاسج

واذا ماتقدرين تروحين الحواج هذا رقم حواج انا اتعامل معاه بكل شي حتى بهارات أكلي منه

يوصل حق مناطق العاشره بس

عطار صنعاء (( أبو خالد 94476099 - 97578492 ))

وهذا جدول خفيف وحلو حق الكروشات الي مالهم خلق

(( انتظروا جدول عنايتي بنفاسي قريب برتبه وأحطه ))

واخيراً

حبيباتي مابي منكم شي بس دعوه بظهر الغيب ان الله يهديلي زوجي ويفرحني بشوفة ولدي

ويسهل وييسر ولادتي ان شاءالله وعسى الله يعطيني على قد نيتي يارب

أحبكم فالله

(( راقيــه وجذابــه ))