لا يطلعلي واحد مقطوع سرة على الميسسبي ويقول سبب الهزيمة الغبار

[االزعيم الهلالي]

الفوز والهزيمة مقدرة من رب العالمين ونحمد الله على كل حال

لكن الفوز بعد الله له أسباب وذكرتها اليوم فيما كتبتة صباح اليوم في هذا المنتدى

الغالي وهي التحرك من غير كرة واللعب من لمستين والتركيز امام المرمى وكل

هذة الخطوات لم نشاهدة .

اولا:التحرك من غير كرة مفقود من اللاعبين تجد اللاعب الي في حوزتة الكرة

لا يجد من يساندة من البقية كل واحد منهم واقف محلة كنة يقول (تجيني ولاما اجيك)

ثانيا:اللعب من لمستين مفقود والسبب عدم التحرك الجيد وعاد ماشاءالله على الي معة

الكورة وتصرفة فيها.

ثالثا: التركيز امام المرمى الواحد منهم كنة مايشوف الباب.

هذا بالمختصراسباب ضياع الهلال هذا الموسم .

(لااعلم هل مدرب التعادلات يفقة ذلك ام لا)


رسائل خاصة اتمنا ان تصل


1/من دقائق مضت الاهلي ذبحنا خلف الاظهرة والاسباب واضحة للعيان عدم قدرة

اظهرتنا على افتكاك الكرة ماعدا البيشى في ما يقارب ست مباريات في هذا الموسم

وبعدها اصبح مثل الزوري ونامي ومن تابع ادا اظهرتنا فيما عدا ماذكرتة بخصوص

البيشي سوف يجد ذلك واظيف سماحهم للكرات العكسية بان تمر امامهم بكل سهولة

وهذة من اساسيات الظهيرلأن السماح بالعكسية يعتبر نصف القول وربعنا يقولون

للجناح تفضل ماعندك احد واظف الى ذلك عدم قدرتهم على لعب العكسيات

الصحيحة في حالت الهجمة لنا واطالب من الجمهور اعادة مباريات الهلال السابقة

واتحدا ان تجدو عكسية صحيحة منهم وهي من اساسيات الظهير .

(لا اعلم هل مدرب التعادلات يفقة ذلك ام لا)

2/دورالمحورالحقيقي وهو افتكاك الكرة فقدناة ولم اجدة الا مع الغنام في ملعب ازادي

وهو اهم ادوار المحورتغطيتهم للأظهرة لا اجدها ولا اجدهم امام الصندوق هل في

مخيلتهم ان المحور للركض فقط امام صناع اللعب.عادل الهرماش اذى كانكم متعاقدين

معة علشان يلعب بالطريقة هذي (انا الي ابجيب قول) لانريدة لأنها انتهت من

(الف واربع مية وصفر) دورة التغطية واستخلاص الكرة .

(لا اعلم هل مدرب التعادلات يفقة ذلك ام لا)

3/اربعة من لعيبتنا مايلعب الا برجل وحدة فقط وهم اسامة الكورة تجيني (على اليمين

ولا ما اعرف ) المرشدي والزوري والشلهوب تجيني الكورة

(على اليسار ولا مالي دخل).والله مشكلة يا جماعة بجد مشكلة.

4/لكل لاعب يعتقد بانه لاعب كبير في الهلال ترى الكلمة هذي كبيرة لعيبة الهلال

الكبار كثر وعلى سبيل المثال الذيب سامي كنت من اول عشاقة في بداياتة حتى

نهاياتة كلاعب بحكم اني من جيلة مرة علية اربع مواسم كان فيها اغلب الموسم

مايكون في مستواة المعروف عنة وهذى شي طبيعي يمربة اي لاعب لكن شف

سامي اذى جت مباراة حسم يطلع ويبرد قلبك كنة يقول مال الكبار الا الكبار

هذى اللاعب الكبير واتمنا ان تصل لكل من يعتقد بانة لاعب كبيرفي الهلال

وحنا الأن نمرفي مرحلة حسم اللي يقول انة لاعب كبير يظهرالأن ولا لايظن

انه كبير.


5/جمهورنا العزيز لاتقولون غبار ولا ضروف ولا ارهاق ولا اصابات اذى

كانهم لاعيبة كبار بعد توفيق الله يتجاوزونها ولا لا يقولون حنا كبار.

والله ماكان ودي اقول الكلام هذا لكن صاحبك لازم يكون مرأتك تشوف فيها عيوبك

ومميزاتك ولا مايستحق الصداقة.

التوقيع

سلمولي على ناد الهلال،،،،،،هية يالي تردون السلام

سبحانك اللهم وبحمدك استغفرك واتوب اليك