خالد السهلي
15-08-2005, 01:27 PM
السلام عليكم ورحمة الله
هذه للتواصل مع الكرام
ياليت لارصدة الذهب راصدينـا=
ترصد مصادر من يصادر شقانا
تبحث ملفات اسهـم المسهمينـا=
وتصفي الصافي ويصفي سمانا
الاسهم اللي بيـن كـمّ وكمينـا=
تطلع وتنزل ما اختلف مستوانـا
سر ياقلم يفداك مـن بـار فينـا=
واصرف من كنوز الحشا لاتوانا
البخل بالماجـود عيـب علينـا=
والسرف عنه اللي عطانا نهانـا
نسري مساري الذيب لامن سرينا=
ولانمسح دموع الجبو والجبانـا
وعاداتنا نعطي مثـل ماخذينـا=
ولانستغش ولانخـون اخويانـا
وصدورنا وسع الفضا لافضينـا=
مير العيون حراب قدم حربانـا
واللي يكن لنـا مثـل ماكنينـا=
كنا كماهو حيـث كنـا وكانـا
وللسارق المزاح قطـع اليمينـا=
والا عصينا الله فيمـن عصانـا
نشهر سيـوف العـز للمعتدينـا=
ونخفض جناح الذل بين اصدقانا
حنا بطيب اجدادنا مـا اكتفينـا=
ولو عمر بن كلثوم جرب وفانـا
ماقال (هبي بصحَنك واصبحينا)=
مير الله انـه لايضيـع جزانـا
وان كان صار الشك مثل اليقينا=
ماهوب ذا اول ميلها اللي وطانا
تخيـب فينـا هقـوة الخايبينـا=
وتصدق هقاوي القرم فيما هقانا
ومن لادرى عنا عنِـه مادرينـا=
مانقتفيه ليا انتحى عـن نحانـا
واللي فمه مـرٍ طـوال السنينـا=
يذوق شربه مر لـو مـاه مانـا
والله يبيض وجه مـن لامشينـا=
اما ذكرنـا بخيـر والا نسانـا
مكـارم الاخـلاق للمومنيـنـا=
وحثالها لاهل الهـوى والهوانـا
ندرك ونترك وان وعدنا وفينـا=
وعن خصمة الارذاال نكرم لحانا
على النقـا ماننـزوي لادعينـا=
ولانشـرف واحـد مادعـانـا
واهل الحكي من يمنـا مفلسينـا=
مانعطي الناشـد كنايـن خفانـا
والرجل لن ماصار عقله رزينـا=
وطليق يمنى وله وجـه ولسانـا
والا ادع له بمرافـق الراحلينـا=
الموت ستـر للمعـاور وامانـا
هذه للتواصل مع الكرام
ياليت لارصدة الذهب راصدينـا=
ترصد مصادر من يصادر شقانا
تبحث ملفات اسهـم المسهمينـا=
وتصفي الصافي ويصفي سمانا
الاسهم اللي بيـن كـمّ وكمينـا=
تطلع وتنزل ما اختلف مستوانـا
سر ياقلم يفداك مـن بـار فينـا=
واصرف من كنوز الحشا لاتوانا
البخل بالماجـود عيـب علينـا=
والسرف عنه اللي عطانا نهانـا
نسري مساري الذيب لامن سرينا=
ولانمسح دموع الجبو والجبانـا
وعاداتنا نعطي مثـل ماخذينـا=
ولانستغش ولانخـون اخويانـا
وصدورنا وسع الفضا لافضينـا=
مير العيون حراب قدم حربانـا
واللي يكن لنـا مثـل ماكنينـا=
كنا كماهو حيـث كنـا وكانـا
وللسارق المزاح قطـع اليمينـا=
والا عصينا الله فيمـن عصانـا
نشهر سيـوف العـز للمعتدينـا=
ونخفض جناح الذل بين اصدقانا
حنا بطيب اجدادنا مـا اكتفينـا=
ولو عمر بن كلثوم جرب وفانـا
ماقال (هبي بصحَنك واصبحينا)=
مير الله انـه لايضيـع جزانـا
وان كان صار الشك مثل اليقينا=
ماهوب ذا اول ميلها اللي وطانا
تخيـب فينـا هقـوة الخايبينـا=
وتصدق هقاوي القرم فيما هقانا
ومن لادرى عنا عنِـه مادرينـا=
مانقتفيه ليا انتحى عـن نحانـا
واللي فمه مـرٍ طـوال السنينـا=
يذوق شربه مر لـو مـاه مانـا
والله يبيض وجه مـن لامشينـا=
اما ذكرنـا بخيـر والا نسانـا
مكـارم الاخـلاق للمومنيـنـا=
وحثالها لاهل الهـوى والهوانـا
ندرك ونترك وان وعدنا وفينـا=
وعن خصمة الارذاال نكرم لحانا
على النقـا ماننـزوي لادعينـا=
ولانشـرف واحـد مادعـانـا
واهل الحكي من يمنـا مفلسينـا=
مانعطي الناشـد كنايـن خفانـا
والرجل لن ماصار عقله رزينـا=
وطليق يمنى وله وجـه ولسانـا
والا ادع له بمرافـق الراحلينـا=
الموت ستـر للمعـاور وامانـا