سجل حضورك ببيتين شعر.. [الأرشيف] - الصفحة 2

ظنا الوهم

19-11-2005, 03:06 PM

صح لسانكم..

وأشكركم على مشاركاتكم الرائعة..

وتسلمين عزيزتي..أمل

وأبياتي..

الوقت غربة وآخر الدرب عنوان،،
والعمر رحلة والتجارب رحايل

وأنا كثر مالي من الناس خلان،،
اللي صفولي بالشدايد قلايل

مرات ربك يرزقك خزة انسان،،
واحد ويسوى في عيونك قبايل

للشاعر..حامد زيد

تحيتي..
نبضة أمل

خالد الشليخي

20-11-2005, 10:35 AM

عليّ الحــق بشهــود و ثـباتي
.................. لكن شـهــودهــا منـها و فيها

ولولا الخوف وأدرى العاجباتي
.................. وأخاف الناس يكثر بي حكيها

لأطـبّـعـها بعـاصــوف الشـراتي
.................. وأخـلي موجهـا يطـمي عـليها

" عبدالله بن ذيبان "

رمــــــاد

20-11-2005, 11:34 AM

وأهلا فيك ياخالد.. نور الله صباحك ياخوي..

عساك على القوه..

نبضة أمل.. صح بدنك.وصحت ملافيك يا الغاليه..

.
.
.
.
.

بيني وبين اللي أعزه ملالالالالالاين...
ملالالالالالين من المشاعر والأشجان...

قـــدره ينمي في الغلا بساااااااتين...
بسااااااااااااااتين من الفرح والألوان...

.
.
.
.

أختكم..

رمـــــــــاد..

خالد الشليخي

20-11-2005, 12:42 PM

شكرا اخت رماد والله يقويك والحضور ..

ألتفت وابتسم بين الغوى والغناجه
.................. واتِّقت من ورى بابٍ كمينٍ سترها

قلت قلبه عليكم مثل وصف الزجاجه
................... طقـَّها واحدٍ عجلٍ برجله كسرها

نايف الأسلمي

20-11-2005, 01:54 PM

هب النسيم وقلت لليل الهوا راح

وانا اتحرى صاحبي في بلادي

قلت الهوا فرصه وقال الهواطاح

وقلت الغلا محفوظ رغم ابتعادي

نايف الاسلمي

رمــــــاد

21-11-2005, 07:47 AM

صباح الورد والكادي..

.
.
.
,

الصبح صبحي يومك أقبلت...
والمســــا لك منــــي هديه...

والهنا حولي يومك اسفرت...
وكــــــــل يومي لك عطيه...

.
.
.
.تحياتي للجميع..

اختكم..

رمــــــــــاد..

خالد الشليخي

21-11-2005, 08:35 AM

يا سادتي قـلبي بكم متعلقٌ
............ أبـداً وعـنكم ساعـةً لا أصـبرُ

لا فرق ما بيني وبين خيالكم
........... إن غاب غبت وإن حضرتم أحضرُ

فيصــل

21-11-2005, 12:53 PM

صح لســـــان الجميــــع ..

ومشرفّه يااانبضة أمل موضوعـــك ..

بعيني تغيب الشمـس وتشرق بعيني = في ناظري للشمس موت ٍ وميلاد
ولليل في عيني سنا نجمتيني = وللفجر في جفني شفق هم وسهاد
كن السهــر درب ٍ عليه بتجيني = ولاودي أقطع درب لاماك برقاد

لاااايحضرني الشاااعر .. :rolleyes:

وللجميع تحيااااتي

خالد الشليخي

22-11-2005, 08:38 AM

أهلا أخي فيصل وتحية للجميع ..

يا هل المجمول للحق ميزانه = والكلام اللي وصـلـني يكـفـيـني

عذركم مقبول شرحه وبرهانه= والكــرامه فـوق كل البـراهـيني

كل رجلٍ قيمته وسط بلدانه=وإن تغرّب واجه الزين والشيني

ظنا الوهم

22-11-2005, 02:51 PM

يا هلا بالجميع..

وصح لسانكم..

لا النوم نافع ولا التفكير نافعني،،
أنام وأصحى على الباقي من طيوفك

بالله قلي شعوري هذا وش يعني،،
طمني الله يطمن همك وخوفك

بيني وبينك ترى اللي صدق ضيعني،،
ان انت في آخر لقا شارح لي ظروفك

مدري وش أقول لكن تدري اسمعني،،
خابرك وافي وأبيك تتم معروفك

ان كنت ناوي تسافر لا تودعني،،
بس انتبه لا تسافر قبل ما أشوفك

للشاعر..فهد المساعد

تحيتي..
نبضة أمل

فيصــل

22-11-2005, 06:01 PM

صح لسااااان الجميع ..

يااااكم تمنيتك .. وكنتي بقربي=والله لابقى لآخر العمر ممنون
يبطون ماوصلوا موااااصيل قلبي=وإللي خلق هالكون يا (( وَعد )) يبطون

ولكم تحياااااااتي

دمعة غريب

22-11-2005, 06:07 PM

عقب اندمال الجرح جيتي تزورين.زورة ندم والا الحنين لعذاااااابي

فيصــل

22-11-2005, 06:18 PM

الله عليك ياااادمعة غريب ذكرتني هااااليت ومن زماااان احاااول اتذكره لانه مصااااحب لبيت آخر .. هو

ماقد خبرت الورد يقســى على الطين . . . . ولاينكر الطل الشفيف السحااااابي

والظاهر انها لعبدالله السيّار ..

تسلم وحيااااك الله في غراااابيل !!

محمد السليس

22-11-2005, 09:05 PM

شابت زغاريد الصباح ومات موال المساء =حتى صغار الحب شرّد ..مابقى غير العتاب
خذلت عقرب ساعتي ..يوم ان قلبي مانسى =وشلون بأنسى والقصور الاوله ..صارت خراب
ياصاحبي بعدك عيوني همها عل وعسى =ترجع ملامح صورتي بعد انكسارات الغياب

خالد الشليخي

23-11-2005, 11:05 AM

أرسلت أنا هجنٍ تجيني بالاخبار=ما احصي عددها دوّجت كل ديره
حِيلٍ ولا منها الذي جات بحوار=ومتخيّرينٍ كل حمرا ظهيره

* محمد بن جروان العلياني

أمل عبدالعزيز

23-11-2005, 04:38 PM

.
.
.
.
.

تقول هاتي الحب واقول لك جاك
وتقول أخذي الشوق واخذي ودادي
الله عطاني حبك اليوم وأعطاك
وخلا وجودك في خريطة بلادي
أنساك !! هذا حكي ,, وشلون بنساك؟
ختمت لك ختم الغلا واعتمادي

محمد السليس

23-11-2005, 05:23 PM

يالله حسن الخاتمه هههههههههههههههههه

الشعر ماهو قاف محشي وموزون = اشطب عليه اما ,,سحر ..قلب ..واعيان
اما حوى فكره ومعنى ومضمون = او يعتبر أثم .و.خساره ...ونقصــــان

رمــــــاد

23-11-2005, 07:35 PM

هلا بالجميع..

.
.
.
.

ياشين طبعه كأنه غراب البين...
مايفرح لغيره وهو في نكاده...

الود وده في خــــــراب الزين...
وقلبه ينتشي في عنــــــاده...

.
.
.

تحياتي..

أختكم..

رمـــــــــاد..

مي العقيلي

23-11-2005, 09:22 PM

صحت قلوبكم ولافيه أحلى من توقيعي:

انتي وجودك له وضوح القمر فوق
يامـي يامـال الفـرح والسعـاده

ظنا الوهم

24-11-2005, 07:29 AM

صح لسانكم جميعاً..

أبيات رائعة سطرتموها..

وسعيدة بتواجدكم

وهذي أبياتي لليوم..

عليه عيني نثّرت كل ماها،،
وروحي وروحه بالمودة تناجت

ابعد وحالي جور حبه براها،،
واوجست أنا دنياي يا عمير ماجت

تغطلست ماعاد أميّز سماها،،
وكثر الهموم لخافق القلب فاجت

للشاعر..محمد أحمد السديري

تحيتي..
نبضة أمل

محمدالذيابي

24-11-2005, 07:36 AM

اه من ليل المواجع والعرب ساليني
كن صدري بيت حزن مايعيش الاابه

من غروب الشمس لين اشراقها يطويني
ظيقة فالليل تذبح والنهار احيابه
مابقى صوت انادي صاحبي يوحيني
لانهار قربه والليل سود اهدابه

محمدالذيابي

عبدالرحمن بن صباح الفاضل

24-11-2005, 05:24 PM

ماقلتلي ليه المناديل والدمع
والا على طاري الفراق وبكينا

وشلون اجل لاقالها الله بالشمع
تطفيه لحظات الوداع بيدينا

الاستاذ ـ/ فلاح الفاضل

عبدالرحمن بن صباح الفاضل

24-11-2005, 05:26 PM

الخبث في بعض الرجاجيل له ساااااااااااااس
لاجيت يلقاك بهلا وداخله غي

مثل الحيايا سمها يذبح الناس
ويعيش فيها ما يأثر بها شي

لــ عبدالرحمن بن صباح

رمــــــاد

25-11-2005, 12:18 PM

اسعد الله أوقاتكم بكل خير..

.
.
.
.

ياحسافه باللي أنكرنا وباع...
والحسافه وقتنا ضــاع بهدر...

ما كان له عندنا غدر وخداع ...
الله أكبر كيف جــازانا بغدر ...

.
.

للي مايستاهلون الا العدم..

<<<< منقهره..

تحياتي..

أختكم..

رمــــــــاد..

أمل عبدالعزيز

25-11-2005, 09:35 PM

,
,
,
فديت روحك يارماد وش جايك!!!

ماعاش من يقهرك يالغلاااا

وصح قلبك وروحك

باب الخفوق لنظرتك صار مفتوح
وعروق قلبي كلها اليوم ترعاك
لا تنتظر من خافقي بأنه يبوح
باسمك ,, لأني كل ليلة وأنا أقراك
دوك المشاعر فايضة من غلا الروح
وعطني عهد أبقى على الحب وياك

خالد الشليخي

26-11-2005, 12:42 PM

عمرك سنه منتب شبابٍ ولا انت بشيبه=تبني بيوتٍ كذب ما ينبني بها
من يبتدي في عيب غيره وينسى عيبه=يفتق ذرى روحه ولا شاف عيبها

(هميِّـل بن شرف)

رمــــــاد

26-11-2005, 12:50 PM

.
.
.
.

الله يحفظك يا أمل قلبي..
أبد سلامتك..يا الغلا..

فديتك وفديت روحك العذبه..

وأبد... الله يسلمك..
موجود وعايش..

.
.
.

لا تســــاليني عن الزيف واهله..
أهـــل البهرجه والجوف خاوي..

ما ينفع المعروف في غير أهله..
الكل مخدوع به والكل طـــاوي..

.
.
.

تحياتي لك يا الرهيبه..
وتحياتي للحاضرين..

أختكم..

رمـــــــــاد..

أمل عبدالعزيز

26-11-2005, 06:53 PM

,
,
,
ياهلا وغلا بك يابعد كل الملا

حضور مشرق وقلب بالروعة ينبض يارمااد الجمال وصح كلك وروحك/

أنتي الفرج دايم الي صابني ضيق
وأنتي السند لاكشرت سود الايام
أجيك وهمومي مثل هضبة طويق
واروح منك وكل الامال قدام

,
,
,

سعود بن بندر

محمد السليس

26-11-2005, 07:28 PM

مانيب فالشعـر مستـرزق ولا سـارق=طروق شعري عليها بصمـة ابهامـي
والقاف صدره وعجـزه حامـي ٍ وارق=وانا على القـاف فتلـي وارق ٍ حامـي
بيني وبين القصيـد حلـوف ومـزارق=بالطيب لا دق صدري مصـدر الهامـي
يشيـل كفـي تعـب جبينـه الـعـارق=وتروي بحوره ضما عينـي وصمامـي
كم شاعر ٍ فالشعـور وملتـه مـارق=منتّج معلب ولايقطـع ضمـا الضامـي
وكم شاعر ٍ فالطروق وبدعهـا فـارق=علم .. ولاعلّبـه فالشعـر الاعلامـي

صح لسانكم جميعاً..

أبيات رائعة سطرتموها..

عــطــره

27-11-2005, 10:31 AM

إن شكيت من الهوى قالوا فضيحه
......................وإن سكت إستنقضوا جرحي عليه
كيف أبخفي الحب وجروحي صريحه
....................كيف احجب الشمس ياخلي بيديه..؟!!
كيف أداوي علة الروح الجريحـــــه
.....................وين أودي دمعة العين الشقيه ..؟!!
من عذلني في الهوى الله يبيحه
......................ومن عذرني ماحصل مني خطيــه

ولمسامعكم أعذب الألحان
http://songs.6arab.com/3abdo..3oshag-enase7a.ram

عـــــطـــــره

محمد الروقي

27-11-2005, 11:29 AM

ياشيب عيني ياغرابيل شيباه

...................... الراس من كثر الغرابيل شايب

القلب وده ون بغاء قلت عيباه

........................ ون قلت وراني جميع العجايب

حبه ومصلوحه وخوفه وريباه

.......................... اثر الضعيف طايح ٍ في مصايب

فيصــل

27-11-2005, 04:38 PM

صح لسااااان الجميع

ياااكم تمنيتك .. وكنتي بقربي=والله لابقى لآخر العمر ممنون
يبطون ماوصلوا موااااصيل قلبي=واللي خلق هالكون يا (( وعد )) يبطون

وللجميع تحيااااااتي

حسن القحطاني

27-11-2005, 11:49 PM

....

.....

والفكر متحير .. وزادت طواريه ،
والعين مْعْ قلبي .. تغالط حسابها ،

......

حالي من الفرقاء .. على الله مشاكيه ،
كني سجين ٍ مدته ما بدابها ،

حسن بن سعيد القحطاني ،

خالد الشليخي

28-11-2005, 08:49 AM

ما تضيع المودَّه بيننا يا منال=والمعرفه قديمه كيف تنسونها
ما تزول المحبه لو تزول الجبال=ياهوى النفس دانتها ومكنونها

(خالد الشليخي)

عــطــره

28-11-2005, 01:41 PM

ما يعـرف الحـب من سـوى سواتـك
..................يجهـل الاخـلاص مـن ضيـّع ضميـره
حبـك اللـي تدعّـي هـو حـب ذاتـك
.................ومـن يحـب الـذات ما يخلـص لغيــره

سعود بن بندر*

محمد السليس

28-11-2005, 03:40 PM

حسن القحطاني

28-11-2005, 04:19 PM

واستوَّت قيعان خفاقي .. وسَــرَّت بك .. وهَمَّت .. واظلمَّت ،
................ تنلحق بعض السنين بناظري مِنـْك .. وبعض ، وبعض .. ما فات وخفى ،
واستعاذت مِن معانيها العروق .. وغاوي ٍ في نصف .. ونصف ٍ بي عَمت ،
................. واستهل الها الكلام .. وردت اتصفق لكلي .. وما خفى عني .. لفي ،
غير .. ذاك اللي يطيب لمن جرح نفسه .. من أجله .. وشافها توَّه نمت ،
................. وغير .. من شاف الهشيم اللي يموت .. وحاول ايلفه .. بوقت ٍٍ .. ما صفى ،

حسن بن سعيد القحطاني ،

خالد الشليخي

29-11-2005, 11:12 AM

غير النبي مااحدٍ من الزلات منهي و معصوم=والناس من يامن خطاها ما يعرف مصيبها
لا تضرب الأبحار يابحَّار كود إنك تعوم=والورد لولا شوكها كلٍ قطف من طيبها

( فهد بن محيشير )

رمــــــاد

29-11-2005, 05:14 PM

مساكم الله بالخير..

.
.
.
.

عندي لك من الغدر قصه..
وعندك من العذر تحـويل..

هرجك تراه الكـــذب نصه..
وان ما كان حبكه بتمثيل..

.
.
.
وسلامتكم من الشر..

.
.
.

أختكم...

رمـــــــاد..

محمد السليس

29-11-2005, 05:47 PM

مسيك بالعاافيه والرضا ياارمااد

ولاهاان كل من شاارك

الحبيب اللي على كيفـه كسـر خاطـر حبيبـه =الحبيب اللـي ذلولـه عينـي وقلبـي زهابـه
طاح من عيني وقلبي ما لقى مـن يهتنـي بـه =جوده في قبضـة جروحـه وقضبنـي غيابـه
والتوى ضلعي على ضلعي وشق القلب جيبـه =واستـوى لليـل ميقافـي ولبسـنـي ثيـابـه
و استوى للرجم مشرافي وجـر عـواه ذيبـه =حسبي الله ربـي وربـه علـى قـوة مصابـه

حسن القحطاني

29-11-2005, 08:57 PM

السلام عليكم ورحمة الله ،

ليا مني فتشت الدفتر الغامض وجيت اقراه ،
...................عرفت إني مثل منهو غطس وسط البحر يجري ،

حسن بن سعيد القحطاني ،

رمــــــاد

30-11-2005, 01:03 PM

عساك على القوه اخوي السليس..
صح لسانك وصح الحروف اللي ترتبها..

.
.
.

عيونك تفضح المـكتوم...
وخبثك واضحن فينــي...

وامرك انفضح من يوم...
بدى غدرك ينـــاديني...

.
.
.
.

وتحياتي لكل الحاضرين....

أختكم..

رمـــــــــاد..

خالد الشليخي

30-11-2005, 01:56 PM

يا صاحبي ما احسبك دخلك مع اهل الدخل محدود=وإثرك كما عود الثمامه قصيراتٍ عروقه
مير التباهي والتفاخر يسبب كسرة العود=وانته ليا بقت العهد صاحبك لازم يبوقه

(محمد بن جرشان)

أمل عبدالعزيز

30-11-2005, 07:11 PM

.
.
.
.
.

بـدري عـلـيـك الـهـوى يـا صـاحـبـي بـدري
مـا انـتـه بـقـدي تـضـم الـعـشـق وتـشـنـه
واللـه ما اشـكـي عـلـى اللي مـا عـرف قـدري
مـغـنـيـني اللـه عـن الـمـنّـان والـمـــنـه
مـانـي بـمـلـزوم بــك يــا نــاويٍ غــدري
اشــره عـلـى الـلـي نــشــد والاّ درى عـنـه

للشاعر/ الوافي..

محمد السليس

30-11-2005, 07:21 PM

بداياتـي معـك لـو يبعدونـي=وترى أصدق حب هو حب البدايه
نسوني الناس وألا ما نسونـي=مـا دام أنتـه تذكرنـي كفايـه

للشاعره امل عبدالعزيز

فواز الغنامي

30-11-2005, 11:23 PM

موضوع جيد اشكرك امل

انتي لقيتك غامضه جيتي منين = ياللي عروق القلب يمك تتلي
تبغيني في مابغيتي على الدين = واوقات فيها لعبةٍ للتسلي
كله عشاني صرت ضمن المحبين = وحطيت لي في عالم الحب خلي

فواااااااااز

حسن القحطاني

01-12-2005, 02:26 AM

\
/
\

ليته يحاكيني حبيبي ، واحاكيه ،
........................ يمكن يحس بحسرتي في كلامي ،
ويمكن يحس إني من الروح مغليه ،
........................ وكُثر الجفاء .. ايبدله با هتمامي ،

\
/
\

حسن بن سعيد القحطاني ،

خالد الشليخي

03-12-2005, 09:21 AM

حسبي الله عليهم عزّموا بالشديدي=يوم وايقت للمرحان قد همّلوها
مرّني اليوم طرقي هقوتي إنه رشيدي=قال يابعد عنكم ديرةٍ ربّعوها

رمــــــاد

03-12-2005, 04:03 PM

مساكم الله بالخير جميعا..

.
.
.
.

حيتك مع انـــي مانويت السلام
وردتيت ولا ني ســـــامعه ردك

ألفيت حولي وأمرك ماهو هام
صدقني بقلبي انتهى ســــدك

.
.
.

تحياتي..

أختكم..

رمـــــــــاد..

الراســـي

03-12-2005, 09:01 PM

لاتعتذر في غلطتي ليش حبيتك = الله ولا حبً على الذل يحداني
خيبت ضني فيك ياما ترجيتك = حطمت قلبي حسبك الله يالجاني
احسبك لامن جيت تفرش لنا بيتك = واليوم اشوفك صار همك تحداني
كم غالين ضحيت برضاه وارضيتك =سهرت لجل ترتاح في نومك الهاني
ياما احتملت الوم دونك وداريتك= حتى خطاك ارفاه واسترك برداني
رفعت عند الناس لجل الهواء صيتك =خلت يالمغمور ذكرك باالحاني
ومنين مالقيت وجهي تمنيك= أحسبك مثلي في غيابي تمناني
انا احمد الله بان عيبك وخليتك =وطيت حبك بالقدم قبل ياطاني

الامير المرحوم
سعود بن بندر

فيصــل

04-12-2005, 02:16 AM

صح لسااااان الجميع .. وصحّت قلوبهــــم ..

أبيااااات لاااااايحضرني شاااااعرها

اللي يقول الوجع واحد ماهوب زييّ=له غاليٍ لاتوجـع منه يوجـع له
اليا زهمــني ونادى يابعد حييّ=نسيت حييّ وميتي واركض ارجع له
واللي ذبحني هدبـه اطلبه ويعييّ=اقول هبّلت بي ويقـــول ياجعله

:biggrin:

وللجميع تحيــــــاتي

عــطــره

04-12-2005, 11:37 AM

قالوا عســى ماشــر يا ابن الحلاله ؟!!
...................قلت آه قلبي كـــل طاري ورد له
لي علـــةٍ ماتشتكـــى للجـــهــاله
...................وعند الأطباء عــلاج ماينوجد لــه

؟؟؟ *

خالد الشليخي

04-12-2005, 12:48 PM

الصداقه كم لها معكم ومعنا كم ؟=أبعد الشرهه ولا تحتضن لها
أنذر المخطي إذا أخطا الهدف وأخطاكم=وأول الفتنه شرارٍ تشلَّها

( هميّل بن شرف )

رمــــــاد

04-12-2005, 02:23 PM

مساكم بالخير أحبائي..
.
.
.

للذوق في غاية العشاق حـــــاجه...
ياهي نفاهه والا معاني وأسلوب...

وان كنت ناوي بالغــــلا حـــــاجه...
أبعد ترا بينك وبين الغلا ادروووب...

.
.

دوروب دروووب..

تحياتي..للجميع..

أختكم..

رمــــــــاد..

خالد الشليخي

04-12-2005, 03:32 PM

تدربي لك علوم كبار يا حاسد ويا محسود=وألا يا الاجودي في رحلتك عذبت الاجوادي
ولي عامين أقصّ الدرب وأسري في الليالي السود=وأشوفك عن طريق الناس يا ابن العم متحادي

( جارالله السواط )

محمد السليس

04-12-2005, 03:32 PM

العرب قالت : لو انك تستحي من شـي بـده=وانت كنت تقول لي خايف وانا اقول ايه خايف
مثل حضن البحر الاحمر مايشيل هموم جـده=ماذخرت الا العروق الخضر لهمومك مضايف
المشاعر مستريحـه والجـوارح مستعـده=ناقلك من غيض فيض وطارقك في كل نايف
وان نشدت الريح والايام عن حجـم المـوده=مثل ماتذكر غلاك ومثل ما انت اليوم شايـف
غيب ولا لاتغيب وهات ظـن .. وظـن وده=والله انك حي في صدر المحاديـب النحايـف
مير سلم لي على نفسك وعلم الشـوق رده=للعيـون وللجديـل وللقـوام وللشفـايـف

خالد الشليخي

05-12-2005, 03:13 PM

يا جماعه شفت أنا شوف الهوايل=شفت شيٍ يجبر القاسي يليني
شفت ورعٍ ناقضٍ شقر الجدايل=يربش العاشق ولو عقله رزيني
يا مناير فيك يزهنَّ المثايل=صارحيني بالمحبه صارحيني

محمد السليس

05-12-2005, 03:34 PM

ما عاد فيني للسهر... سامحينـي=مضطر انام .. وطبعاً الشك زايـل
حاولت اقاوم وانتظر ... صدقيني=وما اظنّ في درب السهر أي طايل
كنت انتظر منك اتصـال يجينـي=ولا جا اتصال ولا وصلني رسايل
الشوق وسط القلب .. ماهو بعيني=والحب ما يحتـاج منـي دلايـل
لولاك ما زانـت بعينـي سنينـي=ولا اعتدل حظٍ من سنيـن مايـل
وان صاروا العذال بينـك وبينـي=بادعي عليهم بس مانيب قايل !!
اخاف لا اجرح قلبك اللي يبينـي=واذا جرحته عاد.. فيها قبايـل

فيصــل

05-12-2005, 04:16 PM

مسااااكم الله بالخيــــــر ..

وصح لساااان الجميع

معقـول .. اغيّـر عقـول الخلـق .. واقنعهـا=ماهوب معقـول .. ياللـي قـال .. معقولـه
يـاخـي .. انــا يالله بنـفـسـي اطـوّعـهـا=مالـي علـى الخلـق لا حكـم ٍ .. ولا طولـه
يالأجـودي لــو بنفـسـك شــيّ موجعـهـا=هالوقـت غيّـر كثيـر نفـوس .. بسهـولـه
اثبـت لـك إنّـا مـع انفسنـا .. نخادعـهـا=وانّـا نعيـش الهزيمـه .. كنّهـا .. بطـولـه
نقـول دنـيـاك لــو ماطاعـتـك .. طعـهـا=وهـي عمرهـا ماتطيـع الحـيّ .. بميـولـه
والنـيّـه الطيّـبـه مــن طـيـب منبـعـهـا=وكلّـن علـى قـدر طيبـه .. يسـرج خيولـه

للشااااعر الراااائع " محمد الدحيمي "

تحيااااتي للجميع

مهاجرة بإحساس

05-12-2005, 05:01 PM

قولوا له يااهلي ماعاد يهمني .. اقولها برضاي وانا كلي قناعه .
انا بعده شتات و من يلمني .. انا من الصدمات صار عندي مناعه .

رمــــــاد

05-12-2005, 07:52 PM

ياهلا بكل الحضور..

.
.
.
.

عندي من العمر للمحبين وصــفه
يرتاح منها بالغــــــلا كل أثنين

الوفا والصدق مايفيد الهنا نصفه
والغدر والكذب سيفن من الحدين

.

.
.
وش ريكم بوصفتي..
.
.
.

تحياتي لكم جميعا..

.
.
أختكم ..

رمـــــــــاد..

ليــن القســا

05-12-2005, 10:33 PM

ودي أعيشك ...لآخر العمر ...صدفة
~~~~~~~~كل شي ...ولاتامر على الروح ...بفراق

ليــــن

خالد الشليخي

06-12-2005, 11:31 AM

سلامي للجميع مع اصدق الامنيات بيوم سعيد ..

وصفتك اخت رماااد وصفة إستشاري بس مدري عليها ضمان وإلا لا ؟؟

ما عاد يجذبني شفق طلعة الشمس=لو كنت يا سيد المزايين شمسي
سبحانه اللي بدَّل اليوم عن أمس=اللي فرق مابين حسِّك وحسي

صتمان

07-12-2005, 12:04 AM

انا بنات اليوم مالي بهن شف = عن طردهن مقفي ولا ني بتباع

لو وقفن قدمي صفوف ٍ ورى صف = لاني بلاشاري ولانيب بياع

ولاني كما اللي لالمحهن تراجف = قربن منه هقواتهن بارد الناع

عفت المحبة عقب هاتف ومصرف = ولاعاش راسٍ للمزايين ينصاع

كلمات ولد ابوه ( صتمان) .

فيصــل

07-12-2005, 01:56 AM

مرااااحب للجميــــع

وش ريكم بوصفتي..

رماااد وصفتك آخر كلااام .. صح لسااااانك

من ورقــــه قديمـــه ..

انتي جبينك سما وعيونك القمره=خليني اسري على قمراك اباريها
خلي عيونك بعيني والوله نظره=تسري من الروح حتى روح غاليها
واللهفه اللي تداااعب سمعي بنبره=أذوب معها وأذوّب لهفتي فيها
ايه احرقيني غلاااا وبلاهب الزفره=شبي الحنايا دخيل الشوق شبيها
الحب يامر وانا وانتي على أمره=شدي كفوفك على قلبي وضميها
وان ذاب قلبي بيدك اشربي خمره=من حبة القلب ذوقي عذب صافيها

تحياااااتي للجميع

رمــــــاد

07-12-2005, 09:18 AM

ههههههههههههههههه..

ياهلا فيك أخوي خالد..

ابد الضمان موجود.. ويبقى معك دب الدهر..
بس ها..عليك بالوصفه لا تغيرها..

.
.
.

يمسيك بالخير يافيصل الأبداع..ويافيصل الحرف الأصيل..
لاعدمناك يالطيب.. وصح بدنك وانا اختك..

.
.
.
.

أنا لين أنشرح صدري بشوفك...
وزاح نورك الهم عن بـــــــــالي...

دموع الفرح تنهمر في كـــفوفك...
وأظن أني ملكت الكون بالحالي...

.
.
.
تحياتي للجميع.. وصح لسانكم ملايييين..

أختكم..

رمـــــــــاد..

فيض المشاعر

07-12-2005, 10:22 AM

] قالو تحبه قلت ماعيش لولاة قالو يحبك ماعرفت الجوابي

احبه وحبه بينن ماخفيناه الاعن الي يستغل الغيابي]

خالد الشليخي

07-12-2005, 01:10 PM

هلا اخت رماد .. ضمان أبد الدهر ؟!! والله خوش ضمان هذا ولا ضمان ثلاجه LG
ههههههههههههه

تسلمين اختنا الغاليه ..

عقد الهوى ماعاد ميزت نظمه=والضامن الله مابقى شي مضمون

صافحت من رحبت بـ اسمه ورسمه=وولعت له من كايف الحب غليون

له عندنا في عالي الشوق قمه=حبه علق باقصى المعاليق مكنون

همي وغمي لو مانيب همه=خصمي وغبني راضي ٍ به وممنون

أتلى العهد به يوم ناديت باسمه=تكفون لا تفنى المواثيق تكفون

أمل عبدالعزيز

08-12-2005, 11:12 PM

.
.
.
.

أغليك يا عذب الكلام =ولا احتمل صد وملام
خذيت شوقي والغرام=والناس من بعدك عدم
*
*
*
*
ترتاح روحي في لقاك=والشوق يبحر في هواك
والحرف غرّد في شفاك=ما أظن حبي لك وهم

فيصــل

08-12-2005, 11:27 PM

صح لساااان الجميع

داري هوانا في خفوقك وخبّي=في محجر عيونك مواعيد وجنون
دربك تلاقى في المحبه ودربي=وش عاد لو بعض العواذل يضيقون
وش ذنب قلبك ياغناااتي وذنبي=لاصار بعض الناس نظراتهم دون
وش عاد لو عادوا وزادوا .. وربي=ماغيروا في خافق ٍ فيك مفتون
قولي " أحبــك " ياحياااتي وشبّي=داخل عروقي دم عاشق ومجنون

وللجميع تحيااااااتي

خالد الشليخي

10-12-2005, 09:01 AM

أنا عقب ليل البارحه ما ضويت بخير=تعكر مزاجي واختلف نهج قانونه
بغيت الوناسه وإثر وضعي تحوّل غير=ومالت موازين ٍ على الحق موزونه

( خالد الشليخي )

حسن القحطاني

10-12-2005, 09:49 PM

\
/
\

مسااااء الخير ،،
الله يعطيكم العافية ،

يوم روح لي نظر عينه بهون ،
--------------- فز له قلبي وصفق وارتعد ،
لفني مثل السحايب والمزون ،
--------------- في عيوني برق وابقلبي رعد ،

دايم السيف ،

همسة الطـيف

10-12-2005, 10:00 PM

يعطيكم الله العافية..

أبيات رائعه تسلمون جميعاً ...
*
*
*
بعض الغلا يأخذ له أيام ويـروحو***بعض الغلا يقعد له سنين ما راح..

وبعض الغلا متمكن بداخل الروح***ما ينمحي لو جاه نـزاع الأرواح..

أمل عبدالعزيز

10-12-2005, 10:10 PM

,
,,

تــذكرتك وهــــل الشــوق وجدّد لي معانـاتي
ســرى بــعروق خفاقٍ نوى يظما ويظمابــــك
لــو طيوف الامــل لاحـــت ابنخى عز خطواتي
بعـنّـيهـا وامـنّيها عســــاها تلحـــق ركابك
حبيـبي يا سبــب فرحي وســر اصدق روايــاتي
رجـــاك اللــي بيــومٍ كان مــن اعز احبـابك
حبيــبــــي ملّت الشــكوى وملت مني آهاتـي
تطيــح الدمعــة الزرقا إلى مـــّرت بمحــرابك
احبـــك والغلا بـــــيّن ولـو طـوّلت بسكاتي
انــين الآه يفضــحني إذا طــرّوك بغـــــيابك

للوافي.......

فواز الغنامي

10-12-2005, 11:08 PM

حبيبتي ماودي ابيّنها = والله مابيها تنحرج منشاني
بنتٍ عفيفه طيبٍ معدنها = خوالها واعمامها الهم شاني
اطباعها ووصافها محسنها =ماسيرت مع يام والسبعاني
عرفتها قدام لانشد عنها = نجديةٍ بنت اخي العتباني
صيد القلوب العاشقه تتقنها= لامات الاول تبدتي بالثاني

انا
ولكتملت توها طازجه

محمد الجبريني

11-12-2005, 12:14 AM

لو بغية الشمس أيمديني تعديتها = ولو بغية القمر يمديني تصورت جنبه
بس يابعدي عن اللي صدق حبيتها = رايح اعيش طول عمري وانا احلمبه
ليتني بس اقل شي اعرف بيتها = والله اني لحفر قبري اقريبه
كيف ماحبها اموت فى صوتها = حبها مسيطر على قلبي ولاعبه

انا وماني معلمكم باللي بقى من القصيده لانها
قديمه اخاف بعض الناس يقول للي وانا مافي شده مطالب ومصا مخ للعربان

خالد الشليخي

11-12-2005, 10:17 AM

نفهم كلام الفرس والترك والروم=وبعض العرب ما عاد نفهم كلامه
الشك بان وكل ما صار معلوم=وأنا اعرف الشكاك عجل إنهزامه
ترى الغلا ما يقبل البيع والسوم=وإلا حلاله يختلط في حرامه

أمل عبدالعزيز

11-12-2005, 08:01 PM

,
,

,

خذيتني بكلماتك المرهفة فوق=ما أنته رديّ وماني في وصلك رديّه
وإن كان ثوب الصدق والطيب مشقوق=ثوبك مفصّل للمعاني الوفيّه
قلبي حمامة وأنت يا سيدي طوق=أسرتني من دون كل البريّه
والنسمة اللي جت لك اليوم برفوق=أرسلت معها يا حبيبي تحيّه
فيها معاني الحب مع فايق الشوق=وما همني لو يزعلون البقيّه

محمد الشمري

11-12-2005, 09:08 PM

.
.

لو أنت سبب جرحــي عساني ماأطيب..

ولو أني سبب همــك عساني من الدنيـا أغيب..!!

.
.

تحياتي

محمد الجبريني

12-12-2005, 06:48 AM

انت فيه ريشٍ على راسك يحوم = تري الحرامي فوق راسه علامه
احنا صقور ولا نتخوف من البوم = ولاهمني وقت الرخوم وعسامه
ممشاك عشر اسنين ابمشيه فى يوم = وشرواي متوقي لطعنة حسامه
الله يبارك فيك ريح ومخدوم = العافيه طيبه يازينها والسلامه
الاش لاش ولايسد النوب فى يوم الزوم = والذرب يفرض على الجميع احترامه
ويكرم الضيفان أ بفطح الكوم = ولا الهلامه والله انه يموت وهو هلامه
واللي مهو قدها ليش يومنه يقوم =احسله يدس راسه مثل راس النعامه

انا القائل

اناااااااااااا عى بعض البشر سم قاتل = وعلى الرجال الطيبه راحة للبال
احب شي اسمه هواش ومقاتل = = وبعض الرياجيل عندي يوزن اجبال
امضحي امضحي يامقتول ياقاتل = واعتزي فى المبارز والمعاند والنزال
والحرب فالميدان فر وكر وسجال

كذالك انا

احب اشارك بش من قولي ولكم جزيل شكري واحتر امي

حسن القحطاني

13-12-2005, 12:04 PM

\
/
\

إن كان ذبحي في عيونك نصيبي ،
---------------------- أموت بعيونك ولا حَسبَّ احساب ،

دايم السيف ،

رمــــــاد

14-12-2005, 08:49 AM

أسعد الله أوقات الجميع..
.
.
.
.

أدري أني في ظلامك ضي واضح
وادري أنك تخفي بقلبك كثيييير

أفهمه حكيك وهرجك نبض فاضح
وان طلبتك صوت اسمع لك أثييير

.
.
.
مني انا ..

وتحياتي للكل..

أختكم..

رمــــــــــاد..

نايف الأسلمي

14-12-2005, 09:18 AM

انا ذبحني بالغلا خل مربوع=اللي كلامه ذوب القلب تذويب

اشتاق له لكنه ابعد من الكوع=علي بعيد ولالغربه تسابيب

خالد الشليخي

14-12-2005, 11:07 AM

الفوت موت وكل ما صار مقسوم=والله يجنبنا دروب الندامه
هبّت هبوب القاف بالفكر منظوم=عاصوفها يلوي المعم والعمامه
واللي نشب في الحلق ماهوب مرحوم=ينصاه منقود العرب والملامه
ماني على طرد المهبّل بملزوم=لا واحليلك يا لحون الحمامه
سدِّك قريب وبحت ما كان مكتوم=وأبحرت لك في بحر سبعين قامه
طاولت لك ضلعٍ على الشوف مزموم=وسريت ليلٍ مدلجٍ في ظلامه
وشريم لو ينفخ وبرطمْه مشروم=راحت حياته كلبوها غرامه
إعرف ترى للناس منقود و سلوم=وإلا شنتـْـك أهل الشرف والكرامه

( خالد الشليخي )

فيصــل

15-12-2005, 04:19 AM

صح لسااااان الجميع ..

تهرب من الناس كل الناس وتجيني=تنثـر هواها ولهفتهـا على جالي
مـدري .. من ألله كـذا لاجااات تعميني=وأضيع مدري وش يميني من شمالي
وأصبر على الشوق لين الشوق يطويني=وإن قلت أبثقـل سبقنـي يمـّها ظلالي
من وين مــالد نظرتهــا تباريني=مرسااالها الشوق والنظره ومرســالي
أذوب مع همسها وتذوب في يديني=وأمـوت في وصلها وتموت في وصالي
وبصوتهـا العـذب تطربني وتشجيني=(( كل التفااااصيل يافيصل على بالي ))

تحياااااااتي

رمــــــاد

15-12-2005, 09:42 AM

صبحكم ربي بكل خير أعزائي..

.
.
.

صبحــــي اللي ذاب فيني رذاذه...
يا أنه أجمل صبح في قلب عيني...

يا اللي تصبح بين شينن تعـــاذه...
هذا ربي حـــارمك من نور عيني ...

.
.
.
.
.
مني أنا..

.
.
.
تحياتي للجميع..

أختكم..

رمـــــــاد..

منصور بن علي بن حيان القحطاني

16-12-2005, 11:53 PM

يابنت يللي بين ذيك المغاتير = تكفين لاسلمت ردي سلامي
حنا وصلنا الدار مبه معاذير = يالعنبو رجل(ن) يخاف الحمامي
بن حيان

خالد الشليخي

17-12-2005, 08:28 AM

لا عاد الله يومٍ طحت وسط القليب=والسبايب هنوفٍ طار مقرونها
صوّبتني وأنا من قبلها مستصيب=وأخلفتني عن السكَّان بعيونها

( مفرح الضمني )

فراولــــة

17-12-2005, 08:44 AM

إن حظي كدقيق فوق شوك نثروه
ثم قالوا لحفاتٍ يوم ريح اجمعوه

خالد الشليخي

17-12-2005, 03:37 PM

وعـذلت أهـل العشـق حـتى ذقتهُ=فعجـبتُ كـيف يمـوتُ مـن لا يَعْشَقُ

وعــذرتُهم وعــرفتُ ذَنبـي أننـي=عَــيّرتُهُم فلقيــتُ منــهُ مـا لَقُـوا

(المتنبي)

رمــــــاد

17-12-2005, 03:48 PM

مساء الخير عليكم جميعا..

.
.
.

نور المساء يكتمل في محياك..
وبغير المســـــــا حنا طالبينك..

حيلي بالغلا من الوجد ناداك..
اقرب تــــرا بان زيني وزينك..

.
.
.

تحياتي مع أطيب سلام..

أختكم..

رمـــــــــاد..

فيض المشاعر

17-12-2005, 07:09 PM

ياونتي ياما ب صدري من الجور= ونة وحيد ظاهدينه رفاقه

من هم يضربني على مشت الزور = ضربت حديد مبهمات حلاقه

ليــن القســا

17-12-2005, 07:28 PM

إذا جئتُها وسْـطَ النساءِ منحتُها ... صدودا ، كأنّ النفسَ ليس تريدُها

و لي نظرةٌ بعدَ الصدودِ مِـنَ الجَوى ... كـــنظرةِ ثَـكـلَـى قد أُصيبَ وحيدُها

خالد الشليخي

18-12-2005, 08:25 AM

أنا بتعذر كود يقبل لي الاعذار=لو إن العرب ما عاد تقبل معاذيري
سمعنا الكلام اللي على نشرة الاخبار=وجا في نفوس الناس حفّه وتغييري
ترى كفّة الميزان يبدي لها معيار=وصدق المحبه له تراجم وتفسيري

(خالد الشليخي)

رمــــــاد

18-12-2005, 09:36 AM

صح لسان الجميع..
.
.
.
.

لبيه يا بهجت العين والقلب لبيه...
كل الأمور اللــــي تبيها تسمي...

واليا بغيت الروح تفداك ولبيه ...
نــــــادت وردت روحي ودمي...

.
.
.

أختكم..

رمـــــــاد..

°·.·•√شـيـهـآن •·.·°®

18-12-2005, 11:30 AM

قـل هـو الله احـد الله الفـرد الصمـد
والعن الشيطان والي بعد ينسـى الجميـل

الليالـي علمتنـي علـى صبـر وجلـد
لين فاح الصبر فوح الدلال الـي تشيـل

الله لا يبقي على الارض من الرديان احد
والله لا يرحـم مثاويـك يالنـذل البخيـل

اعملا ذا اليوم غطواعلـى نطونـي لحـد
عندهم عشريـن وجـه تقيـل وتستقيـل

جعل بنت الاش ماتفـرح بشـوف الولـد
مانبي كثر العدد همنـا شـوف الحصيـل

خالد الشليخي

18-12-2005, 01:29 PM

المجامل سماجه والتصنـع مـرض=والمعافى من حقوق الاوادم حضيض
نعمة الدين غايه والمصالح غرض=وقيمة العافيه يعرف ثمنها المريض

( الرويحي )

رمــــــاد

19-12-2005, 10:22 AM

سعد الله ايامكم بكل خير..
.
.
.
.

لك بقلبي من الغــــــلا أنواع..
ولك حيــــــــاتي والعمر كله..

وش بـــــدونك الا وقتن ضاع..
وبك ابنسى همـــــــي وحله..

.
.
.
تحياتي للجميع..

اختكم..

رمـــــــاد..

حسن القحطاني

19-12-2005, 11:19 AM

\
/
\

كبير ٍ منزلك بالقلب ،

ويا ويلي عامر ٍ بالحب ،

زروعة كلها أزهاااار ،

وشوقي للزهر أمطاااااااار ،

أنا ما ظنتي تذبل ،

أموت أموت واحييها ،

حسن القحطاني ،

خالد الشليخي

20-12-2005, 08:17 AM

كل ما شفت زولك ودّي إني أضمك=مير خايف تحط الناس فينا التهايم
وأعطي الهرج غيرك كن ماني بيمّك=والله أعلم بغايات القلوب الهوايم

( طلق الرجعان )

رمــــــاد

20-12-2005, 08:50 AM

صح لسانكم جميع..

.
.
.
.

لي من بعد فرقاك يالغلا حال..
بين الشقا حالي وبين الأذيه..

نشدتك الرحمن بعدك ترا طال..
أرجع وخل افــرح بك هديه..

.
.
.

ولكم مني احلى تحيه..

اختكم..

رمــــــــاد..

toota2005

20-12-2005, 02:58 PM

أول تجيني يوم قلبي يبيني
لو بآخر الدنيا بشوقك تجيني ..

واليوم حطيت المسافة معاذير
والمسألة قلبك وشوقك نسيني ..

خالد الشليخي

21-12-2005, 09:22 AM

أنتم غناة الروح وأنتم لها ضيّ=وأنتم سبايب جرحها مع دواها
وأنتم لواهيب الغلا وأنتم الفيّ=وأنتم هوى نفسي وغاية رضاها

( خالد الشليخي )

رمــــــاد

21-12-2005, 10:45 AM

.
.
.

الله الله الله.. صح لسانك يالشليخي..
وصح لسان الجميع..

.
.
.
.
ياهنا روحي وعيني والنوايـا بك رويه..
يا عساني مافقدك والي ماضي نهدره..

ياظنوني أرحلي باليالــــــي السرمديه..
مابقى لي شك زايف والا شين باخسره..

.
.
.
.
مني ولكم تحياتي الخالصه..

اختكم..

رمـــــــــاد..

خالد الشليخي

21-12-2005, 03:08 PM

أهلا رماد تسلمين وصح لسانك والجميع ..

وأنا أحمد الله صحيح القلب متعافي=لو كان رجلي على الشطّات مشقيها
أزحف مع أهل الهوى زحف وتزحلافي=ومرّه نصيب الهدف وأمرار نخطيها

رمــــــاد

24-12-2005, 09:22 AM

هلا بك أخوي خالد.. صبحك الله بالخير..

.
.
.

وين تــــاركني ورايح غربتك....
والا تحسبني ابأنتظرك سنين...

صبــري يصون الود وعشرتك ...
لكن أهمالك بنسيني الحنين...

.
.
.
برررررد.. تحياتي..

رمــــــــــــاد..

محمد السليس

24-12-2005, 11:21 AM

الاماكن والجوارح والورق واقلامي =في غيابك ياحبيبي كلها مشتاقه
اسألك بالله تقدر فالغياب تنـامي = وانت تاركنى بليلي للسهر وأرهـاقه
كم رسمتك في خيالي يافتاة احلامى = شمس لايمكن تغيب وغيمة ٍ براقــه
كل مارسم حلم وردى في محيط ايامى = ينتحر قدام عينى فالضحــا وأشراقه
بس خالقنى ألهــى فالزمان عصــامى = لو ظلم حالى حبيبي ماكشفت اوارقــه
كان ترضيه الجروح وضيقتى وآلامي=فدوته قلبي حبيب ٍ مسكنـــــه فأعماقه
حالف ٍ نهــار اشوفـــه جالس ٍ قدامى = لا أدمح اللى صار لعيونه ولا اذبح ناقه

خالد الشليخي

24-12-2005, 12:56 PM

مرحبا اخت رماد وصبحك الله بالنور وتحية عطرة للاستاذ محمد السليس ..

ارحم وفوقك والي العرش رحمن=ارحم تراني نبض واحساس وعروق
ترى المحبه شرع في كل الاديان=دنياك لولا الحب ما جى لها ذووق

( خالد الشليخي )

رمــــــاد

25-12-2005, 10:40 AM

هلا بكم جميع.. صح لسانكم..
وحياك ربي ياخالد..

.
.
.

أشتـــــــاق لك وانبض ابيك..
وأتحرى جيتك لأجل اشوفك..

وان جيت حولك أشهق عليك..
وارجع واري من غير شوفك ..

وشلون أحبك وأرفض اجيك ..
وشلون بي اللهفه تعــــوفك ..

لا والحشــــا مو حقرتن فيك ..
والا الهنـــــــا يومن نشوفك..

للصدق عني أجهـل معانيك..
ولين أعرفك ماودي عسوفك ..

.
.

مني للغالي..

.
.
.

تحياتي لكم..

أختكم ..

رمــــــــــاد..

مــيــزو

25-12-2005, 10:48 AM

الحب مثل الشقى مايلزمه خبره
..................................ولايلعب.. إلا ذكي بالغلا داري
وأناغبي أحب الكل بالفطره
..............................كلن لبس من غلاي وأنا وحدي العاري

محمد السليس

25-12-2005, 01:48 PM

ترى الاصيله في هواها اصيلـه=تحب.. وتضحى.. وتستاهل الحب
فيها المعانى الساميه والنبيلـه=فيها الوفا والصدق والطهرفالقلب

ليونه

25-12-2005, 02:24 PM

قالوا تحبينه قلت ماهو بالحيل
بس انه اغلا شوي من نور عيني

خالد الشليخي

25-12-2005, 02:45 PM

حيّ المنازل إذ لا نبتغي بدلاً=بالدار داراً وبالجيران جيرانا
يا أم عمروٍ جزاك الله مغفرةً=ردّي علي فؤادي كالذي كانا
ألستِ أحسنَ من يمشي على قدمٍ=يا أملح الناسِ كل الناسِ إنسانا

(جرير)

حسن القحطاني

25-12-2005, 07:21 PM

\
/
\

هلا باللي له الخافق يهلي ،
من الفرحة وروحي به تهلي ،

دايم السيف ،

خالد الشليخي

26-12-2005, 09:04 AM

يا من لعينٍ دمعها في هميله=تذرف ذريف غروب جمٍّ رسيني
ياعين لا رمدا ولا مستذله=ولا جيب علم أحبابها ميتيني
تبكي على راعي الجعود الطويله=اللي عوى سرحان بينه وبيني

(...)

رمــــــاد

26-12-2005, 11:18 AM

صبحكم ربي بكل خير جميعا..
.
.
.
.

الهــــــوى لا نسنس بصبحي ولاح
اذكــــــــــــرك واذكر ايامي معك

وأنتشي لطاريك يوم عطر وفاح
وأهدر دموعي وقلبي يســـمعك

هذا خيالك ان طرا بجوي ونـــاح
أقضبك ذكرى وأحـاول أجمعك

وأن تبدد بالفضـــــا زولك وزاح
أرجع لطـــــاريك وانشد مطلعك

.
.

للغالي الغايب عني..

تحياتي لكم..

اختكم..

رمـــــــــاد..

فيصــل

28-12-2005, 11:20 AM

صبااااح الخير وصح لسااان الجميــــع

الحـــرف من قصيـــــدة " لفتـــه " راااائعة سمو الأميـــــر :

" محمد العبدالله الفيصــــل "

***

لفتـــه ..

وطيف ابتـســـامه

مثـــل ..

فجـــر ٍ خجـــول

يخشـــى

على ..

الحب الرضيــــع

كلمة عذول

لا لاتخافي ..

قلبــي ..

سمــــع صمتـــك

وصوتـــي ..

دفا همســـــك

وإنتـــي ..

ربيع العمـــــر

فــي ..

كــــل الفصــــول !!

***

تحيااااتي للجميع

خالد الشليخي

28-12-2005, 03:26 PM

حسبي على الاشواق ما اكثر غثاها=تظهر خفى اللي غاير السدّ مخفيه
يا قلب يكفي ما سلف من عناها=يكفي مناقيد العرب والمشاريه

( خالد الشليخي )

فيصــل

29-12-2005, 01:12 PM

صح لسااااانك يالشليخـــي

انتظرني اليوم .. أنا كلي غــرااام=جاااي أنا ولهااان من شوقـي بطيــر
خلناااا نهدااا ونتهااادى الســـلام=طف شوقــي وماااعلينا وش يصيــر

لااااا اعرف شاااعرها للأسف !!

تحياااااتي للجميع

الـراسـيـه

31-12-2005, 05:13 AM

نـكـتـم ونـشـكـي .. من الاحزان في خـلـوه = واليوم في صمت .. لا نـكـتـم ولا نـشـكـي
لـو ان دنيا الـشـقـا ؟ ياصاحبي .. حـلـوه = ماكان شفت الـطـفـل يولد وهو يـبـكـي !!

خالد الشليخي

31-12-2005, 09:29 AM

تسلم اخوي فيصل وتحية الصباح للجميع ..

معي نفس طير ولي على الجور كبد بعير= ومعي سبحة المفتي على الذكر مقرونه

تلاعب بي الاشواق لعب الهوى بالطير=وقـلبي صبابـة وَجْـــد يا اللي تعـرفـونه

( خالد الشليخي )

فيصــل

02-01-2006, 10:37 AM

صبّحكم الله بالخير ..

وش يعني البعد عنك بين هالعالم=مادام أنا كل ليل أغفا على همسـك
وان كان هرج العواذل جاير وظالم=يكفيني أنثر مواويلي تحت شمسـك
يمكن أكون بهواك العاشق الحالم=ياليتني كنت سيـّد يومك وأمسـك
يفداك باقي حياتي .. وراسك السالم=ماضاع قلب ٍ حضنتيه بدفـا خمسـك

وللجميع تحيااااااااتي

محمد السليس

02-01-2006, 05:51 PM

بـرهــان حـبــك عـلــى مـاقـيــل=شــعــوري الــلـــي مـعـذبـنــي
شـــوق وتـوجّــد وهـــم و ويـــل=عـمــدان بـيــت الـغــلا الـمـبـنـي
يــا صاحـبـي لـيـه أحـبــك حـيــل=واصــيــح وانــتــه مـكـذبـنــي ؟

سود العيون

02-01-2006, 06:06 PM

لامن تذكرتك تزين الــــقصيدة ..................وأقوم أرتبها على شان ترضيك

أتخيلك وأرسم معاني فريدة .................. فيها مشاعر قلب هايم ومـغليـك

ما بيك تقراها رسالة جــديدة ....... ......... أبيك تقرى ايش قلبي قصد فيك

خالد الشليخي

03-01-2006, 01:02 PM

كـواني هـواكم مثل كـوي الجمر للعود= و عودٍ غدا جسمي عسى الله يجازيكم

أنا ما بغيت الفضل يا اهل الفضل والجود= أبي حقي المسلوب وإن كان يرضيكم

(خالد الشليخي)

حسن القحطاني

04-01-2006, 03:55 PM

\

/

\

قولي لليـل ٍ مضى / ما كنـت ِ نادمتـي ،
ما أنـتَ ليلٌ / فكن / ما شئـت َ ياليـلا !

ماأحزنَ الآآآآآآن لو تدرينَ عن وجعي ،
لاقـوَّةً تكتـمُ الآهـاتَ أو حَــوْلا ،

أُحبـك ِ الآآآآآن لا أمسـا ً فـأذكـرهُ ،
ولا غـدا ً يُرتجى / ياويلتـي ويـلا !!!،

للشاعر الصديق ظــ تيه ــل :smile:

ظــ تيه ــل

04-01-2006, 06:05 PM

.

.

.

ولي فيك ِ .. لغاتٌ .. هـل قـرأت ِ ؟
غداة البوح ِ ما حَمَلَتْ .. لُغاتي ؟!

أأبدو شاعرا ً .. أم .. لستُ .. قُوْلي ؟!
لأُفرغ وهمَ حبري من دواتي !،

.

.

.

شكراً لك أستاذ حسن القحطاني

وبمصاحبتك يكون للأدب معني

تحياتي ودمت بود

أخوك / ظل :smile:

أمل عبدالعزيز

05-01-2006, 09:23 AM

,
,
,
,
,

وصيّتني بالحب والقلـب وصـاك
وأنا بعد مثلـه حبيبـي بوصيـك
احذر تناساني وأنا مـا تناسـاك
واحفظ غلاي بداخلك دوم وأغليك
وأنا علي إنـي أقـدرك وأهـواك
وأدري بأن الحب ويّـاي يحييـك

محمد سالم الهاجري

06-01-2006, 09:44 AM

الله الله

المدح مايرفع ردين معيثر ***** والسب مايهفي كريم السبالي

ارفا خويك لو حصل منه تقصير *** والشمس ماتظفي عليك الضلالي

سعـوط المجـانين

06-01-2006, 11:23 AM

ياجارح المجروح ربي يجـــــازيك ـــــــــــــــــــــــــ ـــــ يامستفز جروح قلبٍ صفالك
وقتٍ مضى عشته واناهمي ارضيك ـــــــــــــــــــــــــ ــــ واللي بقا بقضيه كله وفالك
كل الغــــــــلا لك واتحمــــل تغـيلك ـــــــــــــــــــــــــ ـــ ياللي تغلا وانت كل الغلا لك .

شكسبير

06-01-2006, 06:12 PM

[line] شكرا على هذه الفكرة

ياالله في نو رعوده صباح وعشوي=لي سيوله داقله والروادي تذيعها
كلما جمعت لي ضان بصير ابدوي=أحتداني الدين لين أنجبر وأبيعها
[line] ابن ماضي

عبدالرحمن الجبابرة

06-01-2006, 11:07 PM

وصلتني هذه الرسالة من عزيز على قلبي بواسطة الهاتف الجوال

أنتم أحاديث المودة في السحر
ولكم أهازيج المحبة والسمر

أحببتكم في الله أبغي جنة
ووقاية من هول نار في سقر

سيظل في نبض القلوب ودادكم
حيا يرفرف كالنسيم إذا عبر

وكان ردي بهذه الأبيات :

حبا كهذا الحب منكم قد ظهر
لهو النقاء لعمري ( الطهر النهر)

غسلا لأدران الخطايا ربما
ولربما يمحوالذنوب فتغتفر

شكرا من الأعماق للقلب الذي
قد شع نورا وضياء كالقمر

مودتي للجميع

ظــ تيه ــل

11-01-2006, 04:16 AM

.

.

.

غادريني..والمسافاااات..انتظ اااااااااار
واضحكي..بينك و بينك.. وش يبي؟!

شاعرٍ؟..مجنون؟..يهوى الإنتحـاااار
في عيوني..ياااااااااه..كم هذا غبـي!!

وانتشي..والله..حقّك..لِنْـتـ صـااااار
أو..ولاحاجة..طفل ..تَـوْهِ ايحبـي!!

في يدك..غصبٍ علـى القلب..القـرار
بين حرف وحرف..يغـرب كوكبـي!

من يكون "الأخ"/"أنا"..مـن أُف..طـار
موجـةٍ وحـدة.. ويرحـم مركبـي!!

ياااااااااا..وربي..أبجدياتـ ي تَـحـااار
لا كتبتك..تهت..بالحـرف أجنـبـي!!

لـو علـى عمري..تسلّقـت الجـدار
بس أشوفك..ساخـرة..ربّ النبـي!..

ويش جابه؟فـي مساحـات النهـاااار
يرتكبنـي.. مشرقـه فـي مغربـي!!

ايه انا رغـم ازدحامـك بالكبـااااااار
جيـت واصرخ..يالمشاعـر قرّبـي!

اسخري منـي وقولـي باختصـاااااار
مو غبي هذا.. تـراه أكبـر غبـي!!!

.

.

.

ظِل

محمد الجبريني

11-01-2006, 10:54 PM

تعبني المشوار مع كثر الأفكار = معكم وأناأسبح فى بحور ظليمه
معكم وكن القلب يصلي على النار = ويلومني ذا مادرى ويش ظيمه
يلومني خبل ضعيف وغدار = ايضاْ غبي والرس مافيه شيمه
يقول وينك مادرى ويش ذا صار = مغير كنه وحدة من حريمه
مغير في وسط الغنادير ثرثار = معاد له وسط المطاليق قيمه
يلي خدودك بيض ونهودك صغار = لاتعشقن اللي سوات البهيمه
سلم على اللي ميزته شبت النار = فى وادين من بعد سيل وديمه
بأرض خلاء ونبوتها كلها أزهار = واللي عطى محيى العظام الهشيمه
اول قراه أهلين يا أعز من سار = ون جيت تمشي قال بعد العزيمه
وثاني قراه اعطاك من بن وابهار = وصوت لمن حوله يجييء للوليمه
وثالث قراه أعطاك من شقح الأبكار = حليب يشفي به قلوب سقيمه

محمد ابن على الواسي

حسن القحطاني

15-01-2006, 01:44 AM

\

/

\

خلي بعيد ٍ ما يجيلي ولا اجيه ،
مريح في الدنيا وانا في عذابها ،

\

/

حسن بن سعيد القحطاني ،

رمــــــاد

15-01-2006, 08:31 AM

صح لسان الجميع وكل عام والجميع بألف صحه وسلامه..

.
.
.
.

لاهل عيدي دون حسك ونورك...
كأني عن الفرحه فاقده حالي...

بالعيد أفرح وانا في حضورك ...
وغيرك حشى لا مــــا صفا لي ...

.
.

للي فقدته..

.
.
.

أختكم..

رمـــــــــاد..

محمد سالم الهاجري

17-01-2006, 06:48 AM

الشعر ماهو على كيفك تفرنكبه ****** امرار فا الغزل وامرار فا السبي

شعري مع اهل النبط محدن مشككبه ***** العب على القاف قبل القاف يلعبي

رمــــــاد

17-01-2006, 10:05 AM

صبحكم الله بكل خير..

.
.
.
.

ياغيبن عني من ايـــام وسنين
وش هي اعلومك وسط الزحـام

منساك ولا قرت بدونك الــعين
احب شلون وغيابك من أعوام؟؟؟

.
.
.

للي فقدته

.
.

أختكم..

رمـــــــــاد..

فيصــل

17-01-2006, 11:33 AM

صباحك خير يارماد ..

وكل عام وانتي والجميع بخيــــر أختي

من عيون الناس .. وقلوب الحســد=يحفظك ربي " بعد عمري " ويصــون
مسكنــك بالروح .. ياوجــه السعــد=وإن رحلتــي .. بين قلبي والعيــون

تحياااتي

محمد سالم الهاجري

17-01-2006, 02:44 PM

اما يشكي الرجال ظرفه على رجال ***** ولا يسكت الرجال لايشرح اظروفه

ونا كني طويق المسمى ترى ما مال **** والعربان با العربان ماهيب مكلوفه

رمــــــاد

18-01-2006, 10:18 AM

ِ
ياهلا بك أخوي فيصل..
صبحك ربي بالنور والسرور.. وش الدنيا بك ..
كل عام وأنت بخير وصحه وسلامه يارب..

.
.
.
.
.

أثري على حبكم للحين مفتونه
وأثري من الشوق فايتن بالي

لا مرني طاري الـــزين ومزونه
اشهق بطاريه وينــــقلب حالي

.
.
.
.

للي فقدته..

أختكم..

رمـــــــــاد..

خالد الشليخي

18-01-2006, 10:41 AM

تحية عطره للجميع وكل سنه وانتوا طيبين ان شاء الله ..

الله لا يجزا تواقيت الاسباب=هبَّت صَلَف لا عادها الله تواقيت
البارحه كنَّا مواليف واحباب=والليله أمسينا على كفّ عفريت

(خالد الشليخي)

محمد سالم الهاجري

18-01-2006, 12:11 PM

الاجواد درعن تتقيبه من العداى *****والانذال معدن ماتوقي حدايده

الاجواد بيتن يطرد الجوع والضمى **** والانذال هم بيت النمل لاتشاهده

والاجواد ون عانو رفيقن تنامسو ***** والانذال حتى جارهااا ماتساعده

الاجواد واحدهم يساوي عدايده ******* والانذال ماتنفع ولوكان واجده

فهـد الشمري

20-01-2006, 09:46 PM

يا طير ياللي بالجناحين لفاح=مدن جناحينك وامدك يميني
خذني معك مادمت بالجو سباح=ثرني على الله ثم فيك استعيني
حل الهيام بخاطري مابه مزاح=والدمع يجري من محاجير عيني
على عشيرٍ صار للقلب ذباح=اظهر خفا روحي وبيح كنيني
ياناس به مخلوق يذبح بلا سلاح=انا ذبحني ناعم الوجنتيني
ودي اتصبر واثري الحب فضاح=عزي لكم يااهل الهوا الصابريني

وسلامتكم

اخوكم

رمــــــاد

21-01-2006, 10:52 AM

حياكم الله..وصح لسانكم جميع..

.
.
.

حياك يالشليخي.. صح صح لسانك على هالرائعه..

.
.
.

ياعون من نشن ولا صاب
لين انخدع بــزول عفريت

اقفى مكـــانه والظن خاب
ضاحي زمانه بغير توقيت

.
.

أختكم..

رمـــــــــــاد..

خالد الشليخي

21-01-2006, 11:55 AM

هلا بك رماد صح بدنك وتسلمين اختنا الفاضله ..

وين ذاك الوقت واسراره؟=والسعاده اللي نحن فيها
بو حمد الايام غداره=فرقتنا عقب ماضيها

(علي الشامسي)

فيصــل

24-01-2006, 05:13 AM

صباح الخير للجميع

وصحت قلوبكم ياغاليـــــن

يا حبيبي.. يا حبيبي .. يا حبيبي=من يغـني للتـعب ويــفارقه
إنت ما تــدري عن احلامي وغيبي=كلمتينٍ بــس ماهي فـارقه
ضحكتك تشـبه لها الشمس وتـغيبي=طـخـمتـك بين المحاني غارقه
إن رضينــا وإن زعلنا يا نـصيبي=ســـــارقٍ هالقلب مني سارقه
ودي اشــــرب جغـمتينٍ منك آطـــيبي=ودي البس كل شـمسٍ شـارقه
ابتـد يك وانـتهيـك وتـبـتد يـبي=بس انـا والشوق فيك مزارقـه

:biggrin: :biggrin:

الحرف للشاعر / بندر الشدادي

تحياتي للجميع

خالد الشليخي

24-01-2006, 10:07 AM

صباح النور اخوي فيصل ويسلم قلبك يالغالي

كم عنيت وجيت متولّه=مقصدي ياشيخ رؤياكم
ما حصلي حد في الحلّه=يخبرني وين سكناكم

رمــــــاد

24-01-2006, 11:55 AM

ياهلا بكم جميع.. نور السجل كله..

.
.

لا لي من الفرقا زعل وهموم
الا الوله لـــــه من الفكـر كله

وان جيت للصدق بي من اللوم
هذا غيـــابك والشـــــره خله

.
.
.
.

للي ف ق د ت ه
اهديه اهديه..

أختكم...

رمـــــــــاد..

أبن فريج البلوي

24-01-2006, 12:16 PM

[move=down] يامرحبا ترحيبه من الجدي لسهيل رديه من أقصى الجنوب لأقصى الشما لي [/move نشارك معكم بالكثير والقليل ثم أنا أصرفها مثل صرف الريالي

محمد الجبريني

24-01-2006, 01:02 PM

سلام من الجبرتي لاتقولون الجبرتي غاب = حضر واللي عقد روس ألحبال أيحلها حلي
تري ثلث العرب صادق وثلث من العرب كذاب = وثلث الليله اشوفه ميازن نص مرطلي

(مرطلي) وزن من الموازين القديمه فى الجاهليه بمعنا( كيلو ) واو مايشابه ذالك

المرحــــــــــــــوم

محمد ابن شريف الجبرتي السلمي

محمد السليس

24-01-2006, 01:19 PM

للعز دايم والرخا ياغرابيل = ملفي هل الابداع من كل فنى
احبها حب المناعير للخيل = واحسها فالقلب فينى ومنى
واحبها حب الكريمين للهيل = لاحط في نجر ٍ يقع ويدنى
شربت لرضاها جميع الفناجيل = وخلتنى اهوجس وألحن واغنى

همسة غلا

24-01-2006, 01:30 PM

صححح المشاعر كلها وانت راقد= ماابيك تصحى والمشاعر بك رقود

كان المحبة ماتشب المواقد =تبقى كذا******* جزء من النص مفقود

صعبة تجدني وانت للحب فاااااااقد = والأصعب اني فاقدك وانت موجود

سعد شبيب

24-01-2006, 02:51 PM

طابت أيامكم بالمسرات

سولف مدام الله هياك سولف= منك المسامع ما تمل السواليف

يجوز يمكن ياترى ما تسولف =لكن عيونك سولفت لي سواليف

عجزت انا غير من العالم أولف = عجزت لا للقى غيرك أيت مواليف

سعد شبيب

000000000000000000000000000000000

رمــــــاد

25-01-2006, 10:12 PM

الله الله صح لسان كل الحاضرين..

.
.
.
.

ياليلتن فيـــها من البـــرد ألوان..
بردن في قلبي وبردن سمـاوي..

واللي خلقني كامل الزين غلطان..
وشلون يدفى بدوني و طــاوي..

لأجله بقى قلبي من سنين بردان ..
لا حيل يسلى ولا حيل قــــــاوي ..

وهو ابدن دهر غايب و دفيـــان..
لاهمه اللي تحتريه بـــــــرجاوي..

هذي علومي وبردي وعنــــوان..
وهذي دروبي مع شوق حــاوي..

.
.
.
برررررررررد..

اهديه للي ف ق د ت ه ......

أختكم..

رمــــــــــاد..

أمل عبدالعزيز

26-01-2006, 06:11 AM

,
,
,
صحت قلوب الجميع

قبل أعرفك كانت أحلامي سراب
وبعد حبك صارت أحلامي حقيقة

تحيتي لكم

فيصــل

27-01-2006, 04:40 AM

صح لسان الجميع

للشاعـــر محمد الدحيمي

يمّه .. ترى لو كلّ رجـلٍ جاء مثل جدّه وابيه=لكان .. صـاروا كلّ خـلق الله نبيين ورســل
كم كنت ألقح نخـل جـدّي رحمة المولى عليه=وان قلت برد .. يقول (عمر البرد مالقّح نخل )

تحياتي للجميع

سعد شبيب

28-01-2006, 01:02 AM

صح لسان الجميع

هلابك أخوي فيصل

اماني العمر تبغى بس كلمة تعال = لو أنها من لسانك للسمع مستحيل

احلم سوات العقيم اللي يريد العيال = اللي أمانيه بالدنيا لطفله يشيل

لو تعرف الدمع وش معناه لامن سال = ما تترك البعد يطعن من غدالك دخيل

صحيح بعض الغلا لبعض الاوادم هبال = لكن ويش العمل لا صار قلبك هبيل

سعد شبيب

0000000

خالد الشليخي

28-01-2006, 08:26 AM

تهت بغرامك وشلّك بحرك الطامي=والنفس لمن طغت ربي يجازيها
علّيت نفسك علينا ياابن الاكرامي!!=وحنا بعد بانعلّي من معاليها

(ثاني بن عبود)

رمــــــاد

28-01-2006, 11:13 AM

صبحكم ربي بكل خير وطيبه..

صح لسانكم جميع..
.
.
.
.

عندي من الشوق للغايب دهر
وعندي من عتاب العمر سنين

عندي من دموعي للعـالم نهر
وغير اللي حبسته داخل العين

لوعه وضيقه وهموم وقــــهر
وصبري تعدى كل المــوازين

صمتي كلام وكلامي ســـهر
وحسي نثرته بين الدواويين

الي مابان بين والقلب أنصهر
واللي طافي ولعه هم اثنيــن

الأول أنت والثــــــاني دهر
همن تــربع من هجرك سنين

.
.
.
.

اختكم..

رمــــــــــــــاد..

رمــــــاد

30-01-2006, 02:50 PM

.
.
.
.

طاعني كل الزمن الا الزمن ويـــــــاك..
كأن القهر وضيم الدهر وقف وجاني ..

كل الدروب اللي مضت حارت بلقيــاك..
وكل المشاعر هاجرت من هم اوطاني..

كأن السفر مني خذك وضمك وحيــاك..
وكأن الهجر نساك من وين عنوانـــي..

غيرك ماأقبل خطوته والذي احيـــــاك..
وقلبي مـا رخصته عنك بعالماً فانــي..

اسمع لقلبك معك وأرجع وهو ويــــاك..
مايفيدني قلبك وهو بسالفاً ثـــــــاني..
.
.
.

أختكم..

رمــــــــــــــاد..

محمدابوشهاب

31-01-2006, 12:52 AM

حنا عرب نعرف سلوم الرياجيل = الله خلقنا سلطة للمعادي
في مامضا وايامنا اللي مقابيل = نارد حياض الموت عند المنادي

خيال مآتا

31-01-2006, 01:34 AM

سئمت تكاليف الحياة ومن يعش = ثمانين حولاً لا ابا لك يسأمِ

زاعلم ملفي اليوم والامس قبله = ولكنني عن علم مافي غدٍ عمِ

طبعا زهير بن أبي سلمى

خالد الشليخي

31-01-2006, 01:43 PM

خليليّ غطّى ساعةً وتهجّرا=ولوما على ما حدّث الدهر أو ذرا
تذكرت والذكرى تهيج على الفتى=ومن عادة المحزون أن يتذكرا

*أكيد النابغة الجعدي

رمــــــاد

01-02-2006, 01:47 PM

مساكم ربي بكل خير..
.
.
.
.

ما تْملْك دمعتي يـــامقلةالعين
ملْي ياعين منها وأنهي الغمه

أتعبتني نبضتن بيـن الشرايين
ضني السبب كــان همي وهمه

.
.
.
.

أختكم..

رمـــــــــــاد..

محمدابوشهاب

01-02-2006, 08:09 PM

ياعين دمع العين يثر على العين = وانا ابتليت بدمع عيني وعيني
والزين لنه زين يحسد على الزين = وانت الحلا والزين عندك يزيني

محمد جزاء الحربي

01-02-2006, 11:29 PM

ان كان الى جيتك تجــي جيت يمـك

وان كان اجيك ولا تجي تبت ماجيك

ماني اخوك اصغر ضنا ابوك وامـك

رجل على ماطالني منك اجازيـــك

تحياتي

خالد الشليخي

04-02-2006, 03:50 PM

أنا قلت لك يا عين كفّي من العبرات=على جرّة المقفين منتي بمكلوفه
ذرفتي هماليل ٍ على عصرك اللي فات=ومن ينصف الجحدان مجحود معروفه

(خالد الشليخي)

محمد السليس

04-02-2006, 04:02 PM

ان كان الى جيتك تجــي جيت يمـك

وان كان اجيك ولا تجي تبت ماجيك

ماني اخوك اصغر ضنا ابوك وامـك

رجل على ماطالني منك اجازيـــك

لله درك ياعبدالرحمن السليس

فيصــل

06-02-2006, 10:12 PM

صح لسان الجميع .. وقلوبهم

من جديدنا القريـــب

يسعد مسا الشوق في صوتك ونبراته=يسعد مسا الحب يا أغلى من عيوني
شوفي غرامك على خلّك وش سواته=شوفي غلاك وحنانك كيف خلوني

تحيااااتي للجميع

محمدابوشهاب

07-02-2006, 03:43 AM

اللي عذابه من احبابه وخلانه = يسكت ولايشتكي تعذيبه وهمه
واللي مزوحه كثير ويدلع لسانه = ودك مايطلع شبر واحد بدون امه

بدر سهران

07-02-2006, 03:51 AM

رميت بالمسبحه وقربت نجري = خلاص ياصاحبي ماعادبه رغبة
الصوت من دون والموحي بنظري = وصويحبي ولى ولاعادبه صحبة

خالد الشليخي

07-02-2006, 12:35 PM

يا عسيم أنا سامحٍ لك وأنت دلباجه=وأبلشك ربي في دعوى عاجزٍ فيها
يا ما تغاضيت له وأبغي تفرَّاجه=مير الخبل له دروبٍ ما يخليها

(سعيد بن جحيش الهاجري)

محمد السليس

07-02-2006, 02:20 PM

للشعر في قلبي معزه وتقدير = حب وفا وعهود عشق ٍ قديمه
ولولاك ياشيخ البنات الغنادير = ماشفت براقه ولاشفت ديمــه

علي عبدالرحمن الأسمري

07-02-2006, 02:37 PM

صحت قلوبكم كلكم
واقدم لكم مني هذين البيتين

بأحبّ أنا من حبّ..واللي وفاني
بأوْفي معه..والوقت لابدّ يوْفيه
وأسعد زمن من زارني وألتقاني
وألاّ المقفّي..صكّة الباب تكْفيه

محمد سالم الهاجري

07-02-2006, 08:49 PM

ماغير اسلي خاطري با الحكايات ......... اصبر وقلبي فيه سبعين عله

غديت كني متهم فا الجنـــيــــات .......... ويبروزون اسمي على اكبر مجله

أمل عبدالعزيز

08-02-2006, 11:24 AM

,
,
,
,
صباحكم نور/

قالوا أن قلبي عن هوى الناس مسروق
وأقول من فيكـم يجـي اليـوم زيّـه
أقصد جنابك يا أطهر إحساس مخلوق
يا اللي معك شفـت الحيـاة الهنيّـه
حبك حبيبي ذوق يـا كامـل الـذوق
ما هو بحـب أهـل العقـول الغبيّـه
أنـام مـع طيفـك ولا ودي أفــوق
مـا دام حبـك يشعـل الشـوق فيّـه
.
.
.
.
تحيتي للكل

الـراسـيـه

08-02-2006, 05:13 PM

الحظ أشوفه بعد ركضه...قآم يمشي..ثم حبــآ=واليوم أشوفه طآح..جيت أرفعه...واللّه مآقويت
الوقت أشوفه قآم يمي بالمآسي يقربــآ=وإن جيت ابحكي للقصايد عن همومي استحيت
وانته وش اللي تطلبه مني؟! ومني وش تبـــآ؟=يآميت الإحسآس فآت الوقت قلي وش بغيت؟

سعد الحويماني

09-02-2006, 03:38 AM

ودي اسالكم ولكن الله الله الله
فالجواب ابغى صراحه ياهل القيفاني

وشبها هذي علي جواهر العبدالله
دايم ٍ على مشاركتي كما البركاني

الله الله في الصدق

سعد الحويماني

09-02-2006, 03:39 AM

ياناقل الموضوع وشبك عليه
فالشعر احطه تنقلونه للابداع

خطيه ياكبرها من خطيه
وين الاداره صرت في حرب وصراع

محمد الجبريني

09-02-2006, 03:57 AM

ياهالي وان غاب زين المزايا والطبوع = لاتعدون الحياة إن لها عندي مذاق
والله ان دنياي من غيبته عني سبوع =اضيق من مثقاب لبره على الخيط الدقاق
لو طرى طاريه بالي وخلق الله هجوع = فز قلبي وارتعد من المعاليق الوثاق
هز ذكره خافقي من تحت حدب الظلوع = هز قوات التحالف مطارات العراق
فتركوني في حياتٍ غرايبها تروع = أحسن مافيها القا واشين مافيها الفراق

منقووووووووووول
من شعر الشاعر / عبدالله بن عايض الواسي

محمد الجبريني

09-02-2006, 04:24 AM

ياناقل الموضوع وشبك عليه
فالشعر احطه تنقلونه للابداع

خطيه ياكبرها من خطيه
وين الاداره صرت في حرب وصراع

استلم نيابه عن الشاعره جواهر العبدالله

ا ل م ت ح د ث بأسم / غرابيل
والله اللقافه هههههههههههه

ياالشاعر اسمع كان تسمع وحيه = تراك باقي مالك اسم ايذاع
الشاعر اسمه مايخفاء هنيه = لاتستعير اسماء لها اشكال وانواع

مركد الجن

09-02-2006, 06:35 AM

يا الأنيقه ودي اعرف شي واحد يا الأنيقه

اللقب عندك انيقه من هي المجروحه

هل هي انتي نعم انتي لا صديقه

جيت اشارك فاقتراحك بأسائله مطروحه

رمــــــاد

10-02-2006, 04:16 PM

.
.
.

فقدت اللي ملى عيني دموع..
الله وأكبر كيف بغيابه بدى ..

لا عــلومه ولا تباشير الرجوع..
لي من الفرقا مثل ليل ومدى ..

.
.
.

أختكم..

رمــــــــاد..

خالد الشليخي

12-02-2006, 08:48 AM

طيفك في بالي تطمن لا توصيني=والنفس وش عذرها في ترك واجبها
أزعل لزعلك وما يرضيك يرضيني=يا بسمةٍ كل حين الروح ترغبها

(جمعه بن مانع)

فيصــل

12-02-2006, 08:52 PM

مساكم الله بالخير ..

وصح لسان الجميع ..

من أجمل ماقرأت .. ابيات من قصيدة (( كحيلان )) لحامد زيد

الوقت غربه وآخر الدرب عنوان=والعمر لحظه والتجارب رحايل
تغرق شهيد أرحم من الموت عطشان=طيحة شموخ ولا وقوف متمايل
لا صرت تحلم احلم تكون سلطان=وإن جيت تقنع اقنع بحلم زايل
وأنا كثر مالي من الناس خلان=اللي صفوا لي بالشدايد قلايل
مرات ربك يرزقك خوة انسان =واحد ويسوى في عيونك قبايل

تحياااتي للجميع

رمــــــاد

13-02-2006, 08:03 AM

.
.
.

فعلا من اجمل ابيات المبدع حامد زيد..
اخوي فيصل..
صبحك الله بالخير..

.
.
.

كانت دقايق لفهـــا صمت وعتب
وكانت دموعي تشتكي له همها

النفس فيني أسرع بي وألتـهب
والحكي عقده في لساني ذمها

.
.
.

أختكم ..

رمــــــــاد..

فيصــل

13-02-2006, 08:12 AM

صباح النور يارماد

وصباح الشعر .. وصح لسانك

وهذي قصيدة حامد كامله دام أعجبتـــك

يـا شعـر تبقـى فـي نظرهـم كحيـلان=وبنظرتـي تسـوى عـيـال الحمـايـل
حنّا اثنيـن اخـوان واكثـر مـن اخـوان=لـو مـا تجمعنـا عــروق وسـلايـل
لـو نختلـف بأسمـاء وعـروق واوطـان=يبقـى التشـابـه بينـنـا بالخصـايـل
وانا ليـا منّـي بغيـت أكسـب انسـان=اسعـى لـه بكـل السبـل والوسـايـل
أعـرف كيـف أرد الاحسـان باحسـان=كيف أحصد بـذور الفضايـل .. فضايـل
عايش زمن عاصـرت بـه كـل الازمـان=مـا أعيـل بـس أكسـر ثلاثيـن عايـل
أكسب عدو واحرق بـه قلـوب عـدوان=أشعـل فتيلـه بـس أطـفـي فتـايـل
وان خفت ضعف أخاف من ضعف الايمان=وان عفت حمل أعـاف حمـل الجمايـل
ما أظما على الساحل ولـو مـت غرقـان=لـو مركبـي تابـوت والمـوج هـايـل
تغرق شهيد أرحم مـن تمـوت عطشـان=طيحـة شمـوخ ولا وقـوف امتمـايـل
ودّك ليا مـن جيـت فـي كـل ميـدان=لو ما انـت الاول .. بالصفـوف الاوايـل
خلّك ليا عـوّدت خسـران .. خسـران=ينقـال عنّـك عامـلٍ لــك عمـايـل
لا صرت تحلـم احلـم تكـون سلطـان=وان جيـت تقنـع .. اقنـع بحلـم زايـل
الوقـت غربـه وآخـر الـدرب عنـوان=والعمـر رحلـه والتـجـارب رحـايـل
وأنـا كثـر مالـي مـن النـاس خـلاّن=اللي صفـوا لـي بالشدايـد قـلايـل
شايف حسد .. ؟! قل شايف أشكال والوان=قابلـت ظلـم ؟ إلاّ لقـيـت الهـوايـل
إن عشّش بصـدري مـن الغبـن شيطـان=وتسـدّدت دونـي جمـيـع الوسـايـل
با القى من عيـال الحمايـل " كحيـلان "=اللـي يكفّـي عـن عـيـال الحمـايـل
مـرّات ربّـك يرزقـك خـوّة انـسـان=واحـد ويسـوى فـي عيونـك قبـايـل

تحياتي

سعد الحويماني

13-02-2006, 03:54 PM

تبي الصراحه كلبوها تساهيل
ان جيت عادي وان توكلت عادي
مانته لك الله من قرووووووم الرياجيل
اللي اليا فقدوا ضربنا الايادي

الينوفي

رمــــــاد

14-02-2006, 09:01 AM

عساكم بألف خير جميعا..

والله يعطيك العافيه أخوي فيصل..
ماقصرت يالطيب..

.
.
.
.

وشلون مــا كان لي بك معنى وقول
وانـــــا اللي كل احساسي لك بذلته

شهادتي قلبي وروحي واللي تقول
وقدرك العــــــالي بعمري لك نثرته

.
.
.

أختكم..

رمــــــــــاد..

جارح الكسر

14-02-2006, 11:34 PM

الأخت الأنيقة
السلام عليــــــــــــــــــــــ ـــكم ورحمة الله وبركاته:-

لاشك أنها فكرة رائعة وأنا عضو جديد في هذا المنتدى العملاق
وأرغب في المشاركة إذا أمكـــــــــــــــــــــن

واللـــــــــــــــــــــ ــــه أحبه حب مــــــــــــــــاهو طبيعي
حب تجرد من تعابـــــــــــــــــــــ ـــــــير الإنســــــــــان
حب الوفـــــــــــــــــــــ ــاء حب الخيــــــــــــال الشنيعي
حب الوضــــــــــــوح ومابقى شيء مــــــــــــــــــابان

جـــــــــــــــــ الكسر ـــــــــــــــــــــــار ح

جارح الكسر

14-02-2006, 11:35 PM

الأخت الأنيقة
السلام عليــــــــــــــــــــــ ـــكم ورحمة الله وبركاته:-

لاشك أنها فكرة رائعة وأنا عضو جديد في هذا المنتدى العملاق
وأرغب في المشاركة إذا أمكـــــــــــــــــــــن

واللـــــــــــــــــــــ ــــه أحبه حب مــــــــــــــــاهو طبيعي
حب تجرد من تعابـــــــــــــــــــــ ـــــــير الإنســــــــــان
حب الوفـــــــــــــــــــــ ــاء حب الخيــــــــــــال الشنيعي
حبه غمــــــــــــــوض ومابقى شيء مــــــــــــــــــابان

جـــــــــــــــــ الكسر ـــــــــــــــــــــــار ح

خالد الشليخي

15-02-2006, 03:08 PM

يا لبيب العود لك مني الأمان=لو أنا والله مالي منك أماني
ما تشوف إني صويبك من زمان؟!=صبتني بأهداب شهلات العياني

( مانع العتيبه )

رمــــــاد

19-02-2006, 09:04 AM

.
.
.

يا ريــــاح الهجر ردي له دعاوي
عســــاه في غربته يرجع لنفسه

ماهو هجر هذا الا هـم البـــلاوي
دبــر وراح عــــــن قلبه وهمسه

.
.
.
.

أختكم..

رمــــــــــاد..

طيب الراس

20-02-2006, 02:26 PM

السلام عليكم ورحمة الله وبركاته........أخوكم طيب الراس أرجوا ان تقبلوني صديق ومشارك معكم
وتقبلوا فائق تحياتي وأحترامي.....

سلام مني نبعثه يا غرا بيل لأهل الوفى والطيب ذربين الايمان
للمنتدىاللي منشهربالحلاحيل اللي لهم بالشعر خبره و عرفان

:11rob: :11rob: :11rob: :11rob: <<<<< الاهـــــــــداء للجميــــــــــع>>>>>

sahaba

21-02-2006, 12:33 AM

يقـــولن العرب دارن بلا مغـــليك ماتــــغريك ......
وانا اقول لإنك بليا(( حـــــــب )) كنك عايش لحالك؟
ولاتــــزعل من اللي لازعل مــــنك رجع يرضيك........
ولاتطــــري كـــلام البعد فــال الله ولافــالك
تعــيش وتســـلم ((لقلب)) على كــف الغــلا شــالك....

محمدابوشهاب

22-02-2006, 01:39 PM

يقولون العرب لاصرت متعافي تراك بخير = وانا ماني معين خير لكن صدق متعافي
كثير الناس الى منه تكلم خانه التعبير = وانا ماوقف الا تعرف تعرف العربان ميقافي

محمد السليس

22-02-2006, 07:04 PM

دعي عنك شكي وارتيابي وغيرتي=وكثرة تفكيري وصمتي وحيرتي
دعي كـل هـذا جانبـا وتأملـي=ستلقين ما بين السطـور حقيقتـي
أطلتي وقوفا عند بعض مسـاؤي=وما تلك الا بعض مـن بشريتـي
فلست ملا كا في السمـاء منزهـا=وليست هي الاخطاء دوما سجيتي
انا ان اكن اخطأت يومـا فاننـي=اصبت كثيرا رغم قبح خطيئتـي
خذيني كما يحلو لك الامر واعلمي=بـان جمالـي كلـه عفويـتـي

سعد الحويماني

23-02-2006, 02:28 AM

يقولون العرب لاصرت متعافي تراك بخير = وانا ماني معين خير لكن صدق متعافي
كثير الناس الى منه تكلم خانه التعبير = وانا ماوقف الا تعرف تعرف العربان ميقافي

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟

وانا ماوقف الا تعرف تعرف العربان ميقافي

همسة غلا

23-02-2006, 01:47 PM

مسيت يااعز المخاليق بالخير = كل الأمل تبقى حياتك سعيده

أحلم بشوفك حلم عطشان للبير = واحسب مسافات الليالي البعيده
بس المهم تكون مرتاح وبخير = والا اللقاء ملحوق ربك يجيبه

تحيااااااتي

سعد الحويماني

24-02-2006, 05:23 PM

http://up3.w6w.net/upload/05-02-2006/w6w_20060205101207a9ab29b1.jpg

رمــــــاد

25-02-2006, 11:27 AM

عساكم بخير وصحه..
وصح الله لسانكم حاضرين وغايبين..

.
.
.
.

العــمر عمري والقصه طويله
والهنا ارجيه بروحي وحالي

الغدر حولي ولا عندي وسيله
والوسيله هم والنووووح بالي

.
.
.

أختكم..

رمــــــــــــــاد..

خالد الشليخي

04-03-2006, 12:44 PM

ياسلامي عليكم بعد طول الغياب=رحّبوا بالمسلّم جعلكم سالمين
خيَّلت وأرعدت وأمطر غزير السحاب=وانت طيّب وانا أدوّر على الطيبين

(جار الله السواط)

حقيقة ولست سراب

04-03-2006, 10:30 PM

تعال نودع الأحزان ونزرع ورود الشوق

تعال نمتع الإحساس ما معنا غير اليوم

قم أنفض الهجران واشعل رعد وابروق

خل الزمن يشهد عشق بحلال مجنـــون

محمد السليس

05-03-2006, 03:56 AM

الطيب يجزونه هل الطيب بالطيب = هذى سلوم الناس من ماض الازمان
ويمكن نمن الطيب لو نعلم الغيب = لو ندرى انه مايجازى بالاحسان
ليت الخطا جانا من اقصي الاجانيب = حتى نعدل ميلها فوق ميزان
ومادامها بين اللحا والاشانيب = نعمى بها عين ٍ و نكحل بها أعيان
ونقول ياجساس لا تذبح كليب = تلقاه بكره كان وجه القدر شان
تراك محسوب ٍ على الذيب يالذيب = وافطن ترى مايبلغ الزود نقصان

رمــــــاد

05-03-2006, 11:06 AM

ياهلا بكل الحاضرين..

حياكم من بعد غياااااب..

.
.
.

يا ما زهت فيكم كل الميـــادين...
والظاهر أني بحضوركم ازهى...

أحلى سطوري وزين الدواوين ...
فيكم تهلي وبوجودكم تبهى ...

.
.
.

أهداء مني
للحاضرين بعد الغايب..
وهم بعد لكل الحاضرين..

اختكم..

رمـــــــــاد..

حسن القحطاني

05-03-2006, 04:11 PM

\

/

\

تنـثـريـن الـدمــع مِـنَّــي صـــرت غـايــب ،
كـيــف اصـــدق دام أنـتــي تكـذبـيـن ،

حيل انـا تَـوَّي وتَـوَّي صـرت " شايـب " ،
صـرت " آهـابـه " أيَّ حــرف ٍ تنطقـيـن ،

\

/

\

حسن بن سعيد القحطاني ،

محمد السليس

05-03-2006, 04:45 PM

ادمنت صوتك ساعة الفجريه = لاجا تسابق بحته تغريده
انتى بنيه غير كل بنيـــه = اجمل جميلات الجمال وغيده

محمد السليس

05-03-2006, 04:47 PM

ياهاجس أشعارى وش اسباب غيبتك = لك مدة ٍ غايب عن البال ماجيت
ولهــان لحضورك ونفحات طيبتــــك = ومولم ٍ دلتــك في مجلس البيت
تعال بعلومك وجودك وهيبتــــك =ياطيب المجنــا وياشامخ الصيت

خالد الشليخي

06-03-2006, 09:04 AM

حي الكتاب و حي قوله و طاريه= أغلا من المرجان في وسط غـبـّـه

أغليه والله من غلا وحب راعيه= اللي بـنى في جـوهـر القـلب قـبـّـه

لولا الحيا وأخاف زود المشاريه= لا اصيح بإسم اللي سباني بـ حـبـّه

أحلا حلا والله بـ دلـِّـه محـلّـيه=هو مسكن ٍ للقـلب جـرحـه و طـبـّه

أدرى عليه من الملقّف و أداريه= أخـاف يلحـقـه الحـكـي والمـسـبـّـه

(خالد الشليخي)

رمــــــاد

06-03-2006, 02:06 PM

.
.
.

سلامي على من طرا في البال مرااااات
ياخذ احــــــــــاسيس الغلا والروح حيه

الله عليه ليــــا وصل في قمة الذاااااات
كأنه النبض فيني والضـــــــــــي ضيه

أرقي شعوري منه بأذكـار وايااااااات
خوفي من الحســـــــاد ومن شر نّيــه

.
.
.
.

أختكم..

رمــــــــــاد..

خالد الشليخي

08-03-2006, 10:24 AM

على الموعد المذكور بالله يالطرف الكحيل=تلطّف ترى نفسي على الشوق مرخي عنانها
معك مهجتي والوصل بيدك ولك قلبٍ دليل=وكفّتك عندي بالمودّه رجح ميزانها

سعد الحويماني

09-03-2006, 12:00 AM

الشـعـر خـلـوه يالـلـى ماتعرفـونـه
كسرتو الـوزن والمعنـى علـى الفاضـى
تكفون لا 00لا 00لا 00لا00 لا00لا تقولونه
حتـى ولـو منتداكـم صفـق وراضــى
واللـى مفتـح يشـوف الــدرب بعيـونـه
وان ماتعـدل تـرى للمحكـمـه قـاضـى

محمد السليس

09-03-2006, 01:46 AM

نامى وخلينى كذا فانتظارك = اسامر النجمه الى طلعة النور
تدرين بقبل فالصباح اعتذارك=واسامحك واقول خلى ومعذور
اللى يبي حلوك .. بيرضي مرارك = ويقول فدوة سيدي سيد الحور
ادفع ثمن حبك ..وذنب اختيارك = ومن يعشق الغالى على الصبر مجبور
وآقول بكره كيف رد اعتبارك = وبويش ترضي خاطر ٍ منك مكسور
الخاطر اللى صارروضك ودارك = وينزف على شانك احاسيس وشعور

حسن القحطاني

09-03-2006, 04:05 AM

/

\

/

إزهم الوقت الاول يا صبي وْقلْ لْه تعال ،
واخطم اللي ضاع من عمرك وفااااااتي ،

وثُرَّهاااا يا خوك فيْ عْيونك : سؤااااال ،
لجل تزكِن بالليااااالي المقبلااااااااتي ؟ ،

\

/

\

حسن بن سعيد القحطاني ،

\

،

00العنود00

10-03-2006, 06:23 AM

شـــــــوف أنـــــــا ما اطيق لحظـــــــــات الوداع ولا احــــــــــــــــــــب انــــــــــــــــك من يدينــــــــــــــي تضيـــــــع
دام هالدنيــــــــــــا ضيــــــــــاعن في ضيـــــــاع راح اطربقــــــــــها علـــــــــــــــى راس الجميــــــــــــــــــــ ـــــــــــع

تحياتي00
العنــــــــــــــــــود

خالد الشليخي

12-03-2006, 01:04 PM

يا مرحبا ترحيب له موس و مقص=يقطع عروق الشك تعزير وقصاص
منصور إبن عباس قدرك ما نقص=يا وافي الاشبار يا ذرب الخواص
يفداك من يمشي وفي عينه غمص=له في دروب النقص خبره وإختصاص

(خالد الشليخي)

00العنود00

13-03-2006, 03:49 PM

غايبه عن عيوني واللقا مستحيل والسعاده بدونك هم سميتها
اااه مشتاقلك شوق التعب للمقيل ليت حكم الليالي بيدي يا ليتها
دمع عيني الحزينه لاطريتي يسيل لا تخيلت زولك فيه سليتها
والله اني احبك حب ماله مثيل يابعد كل ناسي حيها وميتها
حالفه الله مدام ان اللقا مستحيل ما اتناسى طبوعن فيك حبيتها

تحياتي00
العنـــــــــــــــــــــ ــــود

محمد السليس

13-03-2006, 05:09 PM

مهما تغيبنا من ظروف وظروف= تبقي غرابيل الولا مابقا حيل
ان غاب واحد قام في دوره ألوف =دام الهدف سامى تهون العراقيل
دار لها خير ٍ علينا ومعروف = فالماضيات وفـالليال المقابيل
ومن بيننا الايام ونعيش ونشوف = والله ليقهر نجمها الجدى وسهيل
فيها الوفا عادة معازيب وضيوف =وأهل الوفا ماتبخس المد والكيل
فيها أعذب اللى قيل من نزف وحروف = وفيه النجوم اللامعه في سما الجيل
وأمست مزار ابداع والعالم تطوف = كل يدور للمدد من غرابيل

محمد السليس

13-03-2006, 05:55 PM

الجروح تزيدنى فالوقت قــوه = كل جرح يزيدنى عز ومهابه
كم حفظنا عهد عشق وعهد خــــوه = وانجرحنا والمواقف ماتشابه
والليالي مابها طيب ومروه = خص فاللي لا انجرح يجحد صوابه

د/ مرعي الحمراني

13-03-2006, 11:32 PM

اخذ حياتـي واشهـد القلـب تلّـه
تلّـة مقفـي مايجيـب المـنـادي

محروم انا شوفه و محـروم ظلـه
لجله وباسبابـه مخـاوي سهـادي

اساهر النجمـات وسهيـل اطلّـه
واخيّـل البـراق والصبـر زادي

مرعي الحمراني

00العنود00

14-03-2006, 07:06 AM

ما هقيتك تنشغل بالنت دونــــــــــي00وان طلبتك شي تقول شوي ولحظه
وانت غالي واعتبر شخصك عيوني00 لي متى يا صاحبي حظك وحظـــــه

العنــــــــــــــود

خالد الشليخي

14-03-2006, 01:57 PM

نبغى الهوى يبقى كذا يا محبين=مافيه لا هاجر ولا فيه مهجور
وإستبدلوا القسوات بالعطف واللين=يا مترف الابدان يا سيد الحور

محمد السليس

14-03-2006, 02:40 PM

قصيده لى قديمه احب احطها هنا لحين ما انزلها في القسم الشعبي

الجروح تزيدنى فالوقـت قـوه =كل جرح يزيدنى عـز ومهابـه
كم حفظنا عهد عشق وعهد خوه= وانخذلنا يوم كل ٍ حد نابه
ان بذلناالطيب من باب المروه = وماسلمنا والجزى باح العزى به
مير ياذا الوقت ماتقواه سوه = ماعلى من عز سيفه من نصابه
ابدوي ٍ دون وجهه شب ضوه = والوفا والصدق ثوب من ثيابه
ماش حب ولاش صدق ولا أخوه = العباد سباع والايام غابه
مير يامن سم قلبي من سموه = لاتحاسب واحد ٍ ضيع حسابه
من رضي الهوه رضي مليون هوه = معجبك والا غرامك صك بابه
كيف اصدق حبنا واعيش جوه = والسؤال يموت مايلقي اجابه
كيف يوم تقول تو الوضع توه = والمشاعر عزفها مغرم صبابه
لاتعلقنى على ليته ولـــوه = البدو ماغرها اللال وسرابه
مانخيل البارق اللى شع نوه = غار لاشفنا الحيا زاهن ترابه
ابك دام الوضع والواقع مشوه =نعنبو لحن المشاعروالربابه
ياتعال بصدق والا رشاك طوه = ما انتها بالصدق شي ٍ مابدابه

محمد السليس

14-03-2006, 05:35 PM

العنود اللى سكن حى العنود = له من الظلع القصير وماورى

محمد السليس

14-03-2006, 11:53 PM

هبت على قلبي هبوب الغربي = وانساق مع ريح الحيا موالى
شمعة حنان نورت فالدربي = وغنت لى انغام الحبيب الغالي

العشق الأسمى

15-03-2006, 12:32 AM

البارحة شفت بمنامي أمرٍ خطير = اللي أبكت العشق بالامس تهلّي وترحب
تقول تعال اسكن بقلبي سكنى أمير =جيت أنا وكلي شموخ وعزّة بالي أحب

00العنود00

15-03-2006, 06:32 AM

أغلى الابيات بالنسبه لي

والله اني فقدت اشيا ترى مستحيله00اقرب الناس لي واغلى من يكون حولي
لكن انتي عن اللي فات يا اغلى حصيله00غصن مايل بظله مايزود خمولي

العنـــــــــــود

رمــــــاد

15-03-2006, 10:36 AM

صح لسانكم جميعا.. في هذه الصفحه المتلئلئه جمالا وروعه..

اسعد الله ايامكم بكل خير..
.
.
.
.
.

لولا الكلام اللي طلع منك بألوان..
كــــانت حياتي لونها بالرمادي ..

انا الرماد اللي نثره احساس خوان...
وانت الربيع اللــــــي تملك فؤادي ...

.
.
.

مني لكم..
.
.
.

ولكم مني احلى تحيه..

أختكم..

رمــــــــــاد..

العشق الأسمى

15-03-2006, 02:45 PM

يومها همّت حياتي بالرحيل = هلّت الدمعة ودم قلبي نزف
جيت أوادعها بس ماقدرت حيل = طاح كلي وانكسر ذاك الخزف

مشعل السيف

15-03-2006, 03:42 PM

ضمي على قلب يودك ويغليك
قدام لاا يدفن عليه الترابي

يابنت ماينفعك كثرة تغليك
ولااينفعك يابنت كثرة عذابي

الله جعلني دايم مغرم فيك
واشتاقلك شوق البدو لسحابي؟
مشعل المطيري

محمد السليس

15-03-2006, 05:47 PM

لا تتصلبي ولاتزهم على خطى = اقطع حبال الوصال وفضها سيره
مانى بويا التعب والشيل والحطى = اتعبتنى بالقلق والهم والغيره
الحب مافيه احد ياخذ ولايعطى = ولايلتقي مع ظنون الشك والحيره
ان قلت معى انظبط شككت في ظبطى =وكلن بدا يبلش الثانى بتقصيره
وامسيت اسايرك يوم تحط وتوطى =وعودت انا وانت من جرف ٍ لدحديره
لكن مافات مات و واالــلــه لتبطــــى = ماجاك صافي الغرام وبـــرك بعيره
من كثر مانى باسامح كل ماتخطى =قلبي سمح من غلاك وجعلها خيره

00العنود00

16-03-2006, 03:54 AM

من كلمات الي كتبتها وقريبه من نفسي000
ما عاد تفرق لا زان الوقت او شاني00000000000كله مثل بعضها والعمر ما يوقـــف
لا لاتعذر دخيلك ملت آذانــــــــــــــي00000000000� �لعذر واهي وحدد سخف هالموقف

تحياتي00
العنـــــــــود

محمد السليس

17-03-2006, 02:45 AM

كنت ارسمك وقت المسا = اجمل من اشراق الصباح
وأنـــدي من عيون الحسا =وأعذب من العد القراح
يامزعلة كل النسا = وياسيدة كـــل الملاح
لين انكشف وجه القسا =ومليت من كثر الجراح
واجبرت حمال الاســا = يطلبك تحرير السراح

نار وجنه

17-03-2006, 04:41 PM

بعض الخطاوي على رجلي صعيبه=وبعض الاحيان دروبي سهاله
مجبور ياابن ادم على القسمه والنصيبه== مافي شي يستاهل تعناله
محاول بسيطه من اخوكم للمشاركه

ربح السبيعي

17-03-2006, 07:38 PM

هاذي بيتين من قصيده لي عساء أن تنال أعجابكم

أنا حي شبراء إللي جلب لي سهوم الموت=وابه شارعاً مخصوص لاجيت عزربي

مطرف شمال الحي حده جنوب أبيوت=على زاوية تسين بوابته غربي

اميرالمشاعر

17-03-2006, 08:05 PM

يــاواقفــه باخـــر حلـــم,,,,
ياحــالمــه بــاخــر وقــوف,,,,
أذ وصلتـــي بســالك,,,
أذ الهــوى حيـــره وخـــوف.....
وشـــوق واحــزان ونــدم .....
وشلـــون تصبـــح لــذة الحـــب الالـــم؟؟

التــوقيـــع
طيــور تنشـــر الالحــان فــي ارجــاء غــابــاتي
سحــابــات تســافر فــي دنيـــــا عــــذابــاتي
علــى شفتـــي المحهــــا.......
واسمعهـــا بدقـــاتي..........

رمــــــاد

18-03-2006, 08:54 AM

.
.
.

هلت هموم الشرق والوجهه شمال...
لافاد كل الـهروب وهمومي وطن...

ضيقاً يطوقني بعد فوق احتمـال ...
واللي مشى وياي لهمومي فطن...

.
.
.
.

أختكم..

رمـــــــــاد..

أمل عبدالعزيز

18-03-2006, 04:33 PM

,
,
,

وصلتني وغيرك عن الوصل معلول=يموت ما يوصل مـداك ومجالـك
دوّرت عنك أيام وشهور وسنيـن .=ولقيت فالي يـوم صاحبـت فالـك
وشلون بعـد اللـي نثرتـه وقلتـه=تظـن فـي لحظـة أدوّر بدالـك
تعجز حروفي في غلاك ومحبتـك=أنا وشعـري يـا حبيبـي حلالـك

نار وجنه

18-03-2006, 05:08 PM

ياكثر النوع الي من الرخم معتاش=يظن درب المهانه حيله العيش
ويسلم راس منهو من الناس فراش=حاشمن نفسه وبيته من عشيش

محمد السليس

18-03-2006, 10:28 PM

محمد السليس

18-03-2006, 10:30 PM

لي صاحب ٍ غنـى لـي ..آخـر زيـاره=وغنيت له ..آشوف وجهك علـى خيـر
كـان الـوداع ..برغبتـي واختـيـاره=اقسى .. وأرق .. من التعب والغلا ..مير
بيّنـت لـه وشلـون ..ارد اعتـبـاره=واثبت لي .. ان اخلاقنا في الهوى غيـر

00العنود00

19-03-2006, 01:12 AM

القصيده لها وقع عظيم في قلبي000

وشلــــــــــون بنســــــــــــى من لــــــــه القلـــــــــــــب مفتـــــــــــــــــوح
والعيـــــــــــــــن قــــــــبله عايشــــــــــــه فـــــــــــــي ظلامــــــــــــــــي
لاوالـــــــــــــــذي ارســــــــــــــل محمــــــــــــد مــــــــــع نـــــــــــــــــوح
ما انســــــــــــــــاه لودقــــــــــــــــوافتـ ـــــــــــــــات العظامــــــــــــــــي

تحياتي00
عــــــــــــــــــــــــ ـــــــــــــــزاه

رمــــــاد

19-03-2006, 09:57 AM

.
.
.
.
.

تاه الخطى عنك اميــــــال واميال..
ولو رافقتني منك آثــــارً هــــديه ..

بمزاجي تهت عن وهم الخيـــــال..
وشلي بـــأفكارك ونفسي عذيه..

.
.
.
.

أختكم..

رمـــــــــاد..

00العنود00

20-03-2006, 03:18 AM

هو صحيح انه وناسه لاغدى كفك بكفي0000000000000بس لامني حضنتك لعنبو جد الوناااااااااسه

تحيااتي00
العنـــــــــود

محمد الجبريني

20-03-2006, 10:54 AM

العنود

بيت وربي ولا اررررررروع منه صح السانك
اعجبني كثيرررررررر هذى البيت

وحبيت اجااااااااااااااااااري بيتك بشي من موهبتي
ولاهنتي ياااااااااااااااالعنووووو وود

والله اني ضفر لكن لاجفتني بان ضعفي = والسبب من مسقيتني حبها في وسط كاسه
الفشل ماهو ليامني رسبت اوعت صفي =لارسبت فحبها يالعنبو جد الدراسه
والسعاده يوم كانت مغنيتلي كل شفي = ماهو اليومه يحض الشين ياحض التعاسه

تحياتي

رمــــــاد

20-03-2006, 02:39 PM

صح لسانكم جميع أعزائي..
.
.
.
.
.

كل ضيمً في حياتي أشهده..
اشكيه لك يالغــــالي واجيك..

وان كنت لــي كل همً أشهده..
وشلون اشكيه لنفسك واجيك..

.
.
.
.
.
مره مضايقه..
وهمي وصل حده..

اختكم..

رمــــــــــاد..

محمد الجبريني

20-03-2006, 11:23 PM

صحت السنتكم جميع

وهذي بعظ من خربشتي بكلمات بسيطه ومتواظعه

ليت ذيك البنت ماكان حبيتها =ذقت من حبها الموت الحمر يوم اعلمبه
طيفها مايفارقني وياكم تمنيتها = كل يوم ايزورني واتحلمبه
حسبي الله على الايام ياليتها = جابت احبيبي لاين ارقد ابجنبه
ذنبي انا وشنهو يوم حبيتها = وحبيبي يوم تولع بحبي بعد وش ذنبه
يوم وادعتها بكيت وابكيتها = واسمها من بعد ذاك اليوم مغير اهمهمبه
والله اني عليها دموع العين هليتها = من بعدها حالي الله يعلمبه
ماغليتني حيل وانا بعد اغليتها = ومن وفايه لها غيراسمها ماتكلمبه

وسلامتكم جميع