مهم جدا : سآلت أكثر من شخص وشوفوا الجواب ... :(

[عميد اتحادي]

<div>




:(





سألت اكثر من شخص .. اعلاميين واشخاص قريبين من النادي .. قلت ما ابغى اسآل عن اللاعبين الاجانب ولا عن اخبار التعاقدات ولا شئ .. بس ابغى اجابه واضحه وصريحه بنعم او لا .. هل في شئ مبشر بالخير ..؟؟؟ كانت جميع الاجابات بـ ( لا ) ..


ليش ..؟ .. كانت الاجابه بـ ( الكل لا يرغب بوجود بن داخل والكل تخلى عنه ) .. طيب خلينا نشوف اداره بن داخل اش صار فيها 15 استقاله واقاله بموسم واحد .. ( جمال فرحان - حمزه ادريس - حسن خليفه - ديمتري - كيك - احمد جميل - عبدالله فوال - عبدالله غراب- نبيه ساعاتي - صالح باهويني - جميل ابو النجا - عبالرزاق خميس - محمد السليمان - ومدرب الفريق الاولمبي ) .. السؤال .. هل جميعهم على خطأ ..؟؟ .. اعتقد بـ لا ..


تعاقدات بن داخل .. جميعها فشلت .. باستثناء حسني عبده ربه .. والشئ اللي الى الان استغرب منه الصجه والرجه اللي صارت عند التعاقد مع ( اندوما ) وانه في نادي عاصمي كان وراء الكشف الطبي وتزويره .. طبعا الروابه دي برعايه ( أسد أبو فهد ) .. للمعلوميه مع كل موجه غضب جماهيريه بخساره او غيره يقوم ( اسد او فهد ) بتلطيف الجو باخبار كاذبه ..


حسنات بن داخل .. كانيدا فقط ..


الان .. اعتقد بطولتنا هيا استقاله ابن داخل .. والله العظيم .. مفلس ماديا وفكريا .. كلنا سمعنا مقابله السليمان اليوم وحمزه وحسن وباهويني وكل الاعضاء اللي استقالوا واعضاء الشرف .. جميعهم يؤكدون ان ابن داخل في المكان الغير مناسب له .. رجل عسكري لا اعتقد انو مكانه هنا .. كنا معه من اول ما استلم اداره النادي ودعمناه ووقنا معه .. لكن بصراحه ادا ما عندك كااش مو مكانك كره القدم .. شوف لك اي مؤسسه اجتماعيه او دينيه تديرها ..


منصور البلوي كان عنده اخطاء كثيره جدا جدا جدا .. لكن كان عنده قوه ماليه ( كاش ) .. وكان يقدر يصحح اخطاءه ويغطي عليها بالمال .. لكن لمن تكون رئيس بدون الـ كاش وعندك اخطاء صعب جدا انك تصححها وتغطي عليها ..


استقيل يا رئيس .. وفكنا ..