حمدان بن سالم
04-08-2005, 05:19 AM
خيَّم الصمت والدنيا كساها الذهول = وانثنى الليل يوم(ن ) طاح وجه النهار
صاحت الناس ياويل الزهر والحقول = ياشقا العشب مات الغيم جزل العمار
ويلنا ويل وابكانا يهيل العقول = غيّب الموت (قايدنا ) سليل الحرار
فهد الأمجاد لاضاقت علينا الحلول = يفتح الخير ليدينا بجود الكبار
أبو فيصل كان للشعب كاالغيث الهطول = كم فقير(ن ) عقب ماجاع ذوّقه الثمار
كم ديارٍ عقب ماهي على حد الأفول = عادت بفضله تضاهي حسينات الديار
ياخسارتنا يابو فيصل ولكن وش نقول = كل حيٍّ له نهايه ولاينفع فرار !!
كل ماشفت ذاك اليوم هو حزن(ن) يهول= ثورة الدمع مايطري عليها انحسار
يافهد ياشمعة الدار لو نقدرنحول = بينك وبين المنية ترى صرنا ستار
ليلنا ياهو بموتك يبي يزداد طول= صبحنا ياهو بفقدك يبي يصبح دمار
خيلنا يوم اسمعت بك غدت ماهي خيول= انزوت من عقب ماهي مثل ريح العصار
يافهد من عقبك العمر ماعاد إمحمول= الأماني صابها الشيب من عقب البكار
الطفل من غَيْبِتَكْ صار زهقان(ن) ملول= والنسا بقلوبهن خوف والعين انكسار
شاحب(ن) وجه الشوارع مثل كهل(ن) كسول= ينطرح بالدرب كنّه على حد انهيار
يوم دمعة أبو متعب على خده تجول = انفجر بركان حزني وضيّعت المسار
آه ياحزن المسافات ياطول المثول = لاذكرنا فهد الإنجاز مفتاح القرار
الله الله كل هاجس بدا يقرع طبول = حاصرتنا ضيقة البال والدمعة سوار
فهد ماهو حزن ينسى ولادمع(ن) يزول= خادم البيتين يبقى مثل وشم الفخار
فهد ماهو فصل تطويه رحلات الفصول= فهد تاريخ السياسة وفزعات الكبار
كل مانخفي المدامع يراودها نزول = والدموع تريِّح النفس لازاد المرار!
مؤمنين بقدرة الله لها منّا القبول = الله اللي يرسل الموت حكمة واعتبار
كلنا للموت نمشي ولافينا جفول= موقنين إن الليالي لها حد وقرار !!
هب ! يالانسان ياهو بهاالدنياجهول= آخره روح(ن) تصارع جيوش الاحتضار
شعر\ حمدان بن سالم العنزي – عرعر-
صاحت الناس ياويل الزهر والحقول = ياشقا العشب مات الغيم جزل العمار
ويلنا ويل وابكانا يهيل العقول = غيّب الموت (قايدنا ) سليل الحرار
فهد الأمجاد لاضاقت علينا الحلول = يفتح الخير ليدينا بجود الكبار
أبو فيصل كان للشعب كاالغيث الهطول = كم فقير(ن ) عقب ماجاع ذوّقه الثمار
كم ديارٍ عقب ماهي على حد الأفول = عادت بفضله تضاهي حسينات الديار
ياخسارتنا يابو فيصل ولكن وش نقول = كل حيٍّ له نهايه ولاينفع فرار !!
كل ماشفت ذاك اليوم هو حزن(ن) يهول= ثورة الدمع مايطري عليها انحسار
يافهد ياشمعة الدار لو نقدرنحول = بينك وبين المنية ترى صرنا ستار
ليلنا ياهو بموتك يبي يزداد طول= صبحنا ياهو بفقدك يبي يصبح دمار
خيلنا يوم اسمعت بك غدت ماهي خيول= انزوت من عقب ماهي مثل ريح العصار
يافهد من عقبك العمر ماعاد إمحمول= الأماني صابها الشيب من عقب البكار
الطفل من غَيْبِتَكْ صار زهقان(ن) ملول= والنسا بقلوبهن خوف والعين انكسار
شاحب(ن) وجه الشوارع مثل كهل(ن) كسول= ينطرح بالدرب كنّه على حد انهيار
يوم دمعة أبو متعب على خده تجول = انفجر بركان حزني وضيّعت المسار
آه ياحزن المسافات ياطول المثول = لاذكرنا فهد الإنجاز مفتاح القرار
الله الله كل هاجس بدا يقرع طبول = حاصرتنا ضيقة البال والدمعة سوار
فهد ماهو حزن ينسى ولادمع(ن) يزول= خادم البيتين يبقى مثل وشم الفخار
فهد ماهو فصل تطويه رحلات الفصول= فهد تاريخ السياسة وفزعات الكبار
كل مانخفي المدامع يراودها نزول = والدموع تريِّح النفس لازاد المرار!
مؤمنين بقدرة الله لها منّا القبول = الله اللي يرسل الموت حكمة واعتبار
كلنا للموت نمشي ولافينا جفول= موقنين إن الليالي لها حد وقرار !!
هب ! يالانسان ياهو بهاالدنياجهول= آخره روح(ن) تصارع جيوش الاحتضار
شعر\ حمدان بن سالم العنزي – عرعر-