عبدالرحمن الدوسري
03-08-2005, 08:29 AM
السلام عليكم ورحمه الله وبركاته
ابأختصار احسن الله عزاكم في فقيدنا الغالي وفقيد الامه العربيه والاسلاميه رغن أن أخر بيت من قصيدتي يشرح حالتي
لن اطيل عليكم فالحدث الكبر من ان اصفه بالنثر او الشعر
الناس تبكي في ضحى يوم الأثنين = قلت الخبر ؟ قالوا فهدنا ترت مات
قلت الخبر كذبة حسودِ وواشين = لاتصدقوهم ياجماعه اشاعات
قالوا الخبر توهم مذيعينه الحين = تبغى تصدق ؟ شوف كل القناوات
صدقتهم يوم رأيت المذيعين = يبكون وأيضاَ يوم شفت المذيعات
فاضت دموعي وأمتلا محجر العين = وسالت على خدي من الحزن عبرات
ياعين وشبك في دموعي تشحين = منتي الوحيد اللي بكى بحزن وآهات
يبكي فهد ناس يتامى ومساكين = اللي غمرهم بالعطا دون منّات
يبكي فهد طفل وعجوز ونساوين = ينصر ضعيف ويستر اجساد عورات
يبكي فهد ناس مراضى وطريحين = كم رد من بسمه على ثغر وشفات
يبكي فهد كعبه وبيت ومصلين = وناس تحج بدون عسر وصعوبات
يبكي فهد شرعِ وقرآن ِ ودين = يحكم بشرع الله رب السماوات
يبكي فهد شعب وحكومه فلسطين = من غيره اللي مدهم بالمعونات
يبكي فهد جارِ غدر به قريبين = لجل الكويتي شن هجمه وغارات
يبكي فهد كل العرب والمسلمين= اللي جمعهم من بعد كانوا اشتات
يبكي فهد كل الدول والسلاطين = يبكيه شعبِ مع حكومه وقادات
يبكي فهد نخوة رجالِ عزيزين = أبو الشهامه والكرم والمروات
يبكي فهد ساحات حرب وميادين = من غيره اللي حاز كل البطولات
يبكي فهد علم وسياسه سياسين = دايم يحوز الاوسمه والشهادات
من يوم عمري عام واحد وشهرين = وهو ملكنا وكلنا بحكمه رضات
له في الحكومه حول اربع وعشرين = ومحدِ شكى منه ولا شاف زلات
الله يرحم فهدنا قولوا اميييييييييييييين = يالله عسى فاله خلودِ وجنات
لكن تبون الجد والله لهلحين = آصدق وما أصدق أن الفهد مات
وسلامتكم
رحمك الله يابا فيصل واسكنك فسيح جناته
اخوكم
عبد الرحمن سعد الدوسري
حزين الحرف
ابأختصار احسن الله عزاكم في فقيدنا الغالي وفقيد الامه العربيه والاسلاميه رغن أن أخر بيت من قصيدتي يشرح حالتي
لن اطيل عليكم فالحدث الكبر من ان اصفه بالنثر او الشعر
الناس تبكي في ضحى يوم الأثنين = قلت الخبر ؟ قالوا فهدنا ترت مات
قلت الخبر كذبة حسودِ وواشين = لاتصدقوهم ياجماعه اشاعات
قالوا الخبر توهم مذيعينه الحين = تبغى تصدق ؟ شوف كل القناوات
صدقتهم يوم رأيت المذيعين = يبكون وأيضاَ يوم شفت المذيعات
فاضت دموعي وأمتلا محجر العين = وسالت على خدي من الحزن عبرات
ياعين وشبك في دموعي تشحين = منتي الوحيد اللي بكى بحزن وآهات
يبكي فهد ناس يتامى ومساكين = اللي غمرهم بالعطا دون منّات
يبكي فهد طفل وعجوز ونساوين = ينصر ضعيف ويستر اجساد عورات
يبكي فهد ناس مراضى وطريحين = كم رد من بسمه على ثغر وشفات
يبكي فهد كعبه وبيت ومصلين = وناس تحج بدون عسر وصعوبات
يبكي فهد شرعِ وقرآن ِ ودين = يحكم بشرع الله رب السماوات
يبكي فهد شعب وحكومه فلسطين = من غيره اللي مدهم بالمعونات
يبكي فهد جارِ غدر به قريبين = لجل الكويتي شن هجمه وغارات
يبكي فهد كل العرب والمسلمين= اللي جمعهم من بعد كانوا اشتات
يبكي فهد كل الدول والسلاطين = يبكيه شعبِ مع حكومه وقادات
يبكي فهد نخوة رجالِ عزيزين = أبو الشهامه والكرم والمروات
يبكي فهد ساحات حرب وميادين = من غيره اللي حاز كل البطولات
يبكي فهد علم وسياسه سياسين = دايم يحوز الاوسمه والشهادات
من يوم عمري عام واحد وشهرين = وهو ملكنا وكلنا بحكمه رضات
له في الحكومه حول اربع وعشرين = ومحدِ شكى منه ولا شاف زلات
الله يرحم فهدنا قولوا اميييييييييييييين = يالله عسى فاله خلودِ وجنات
لكن تبون الجد والله لهلحين = آصدق وما أصدق أن الفهد مات
وسلامتكم
رحمك الله يابا فيصل واسكنك فسيح جناته
اخوكم
عبد الرحمن سعد الدوسري
حزين الحرف