قصائد قيلت في خادم الحرمين الشريفين(رحمه الله)

[ياسر العقيل]

http://www.kingfahd.ws/images/photos/3.jpg


فجعنا جميعا بوفاة (خادم الحرمين الشريفين) الملك فهد بن عبدالعزيز رحمه الله
نسأله الله ان يتقبله ويغفرله ويتجاوز عنه.

هنا سيكون مكان مخصص لجميع القصائد والكلمات اللي قيلت فيه رحمه الله.

وسوف انشر القصائد والأبيات اللتي قيلت فيه واتمنى ان تتفاعلوا معنا. وهذا اقل مانعمله اضافة للدعاء له.

للجميع تحياتي

[ياسر العقيل]

http://www.kingfahd.ws/images/photos/2.jpg


يهناك نصر الله على كـل خـوّان=يا خـادم البيتيـن سيّـد وطنهـا
يا من وفا للجار يوم الرّدي خـان=ويامن مروّات العروبـه حضنهـا
ويا صاحب الراي المظفر والاحسان=أحسنت للجيـره وغيـرك طعنهـا
ويهناك في مقدم هل الحرب فرسان=لله تبيـع ارواحهـا مـع بدنـهـا
تسابقوا للمجد والمـوت شجعـان=تباشروا من ريـح جنّـة عدنهـا
العاصفه ثارت وبالبحـر طوفـان=ومن السّما ترجـم خبيـثٍ فتنهـا
من كل صوبٍ جيش ورجال وسنان=عليـه لعنـة كـل حـيٍ لعنهـا
ويهناك شعبٍ ما تخاذل ولا هـان=روس المعالـي بالمعـزّه سكنهـا
أصيل ما يحتـاج للطيـب برهـان=من كل ميزه جامعٍ لـك حَسنهـا
والى تباهوا بالمنـازل والاوطـان=لك ديـرةٍ سيـد المخاليـق منهـا
والى تباهوا بالرجاجيـل والشـان=رجالك الّلي حـدّث المجـد عنهـا
وان كان للطغيان بالناس شيطـان=فالّلي مع الرحمن يكسـب رهنهـا
وان كان من عاداك للدم عطشـان=نسقيه مـن دمّـه بقايـا حزنْهـا
لا خير في نـاسٍ تبـدَّل بالالـوان=في كل يـومٍ لونهـا مـن ثمنهـا
ولا خير في ناسٍ تستّـر بالاديـان=مع كل دوله دينهـا مـن زمنهـا
أقلامهم زاعت على الزور بهتـان=تصرع روايح حرفها مـن عفنهـا
حنّا عرفنا وضعنا بيـن الاخـوان=اللّي خمع بالقول واللّـي وزنهـا
الله يا خذ من له لسـان ولسـان=خملـه يعرّبهـا وخملـه رطنهـا
يا خادم البيتيـن شرّفـك رحمـن=بالبيـت والإسـلام والله ضمنهـا
ويهناك نصر الله على كـل خـوّان=يا خـادم البيتيـن سيّـد وطنهـا



قصيدة ياخادم البيتين
للشاعر الأمير خالد الفيصل

[ياسر العقيل]

http://www.kingfahd.ws/images/photos/28a.jpg


يستاهل البيضا حبيـب الملاييـن=شيخٍ حزام العـز جـوّد وثاقـه

ومشكور ياللي دايمٍ تفعل الزيـن=يا منزلٍ صلف براسـه صفاقـه

حاكم زمانه في زمانـه بسيفيـن=سيف الصديق وسيف ضد الحماقه

يفزع لشعبه فزعةٍ تعجب العيـن=فزعه موديّـه وفزعـة صداقـه

فهد ولد عبد العزيز أحمر العيـن=ياسعد من هو فزعته في الرفاقه

فهدٍ ملكنا سقم عيـن المعاديـن=زبن الغريق اللي حياتـه شفاقـه

سلطان نجد ومقـدمٍ للسلاطيـن=خلى الدول معنا تـدوم العلاقـه




قصيدة حبيب الملايين
للشاعر محمد آل ابراهيم

[عبدالله محمد]

أولا عظم الله أجرنا وأجر جميع المسلمين على فقدان والدنا خادم الحرمين الشريفين فالحزن سكن قلوب المسلمين على هذا الخبر الفاجع ( رحمة الله عليك يا أبو فيصل ونسأل الله أن يتغمد روحك الجنه وأن يغفر لك ) كم تألمنا وكم بكينا ولكن القدر أقوى من كل شئ ،
إنا لله وإنا اليه راجعون

[تميراوي]

أولا عظم الله أجرنا وأجر جميع المسلمين على فقدان والدنا خادم الحرمين الشريفين فالحزن سكن قلوب المسلمين على هذا الخبر الفاجع ( رحمة الله عليك يا أبو فيصل ونسأل الله أن يتغمد روحك الجنه وأن يغفر لك ) كم تألمنا وكم بكينا ولكن القدر أقوى من كل شئ ،
إنا لله وإنا اليه راجعون